Morgunblaðið - 07.11.2002, Blaðsíða 23

LANDIÐ
MORGUNBLAÐIÐ FIMMTUDAGUR 7. NÓVEMBER 2002 23
...frá Gólfefnum - Teppalandi
Kókós- og sísalteppi
Fákafeni 9 • Sími 515 9800 • netfang golfefni@golfefni.is • Opið virka daga kl. 8-18 og laugard. kl. 11-14
Reykjanesbær • Hafnargötu 90 • Sími 420 9800 • Opið virka daga kl. 9 - 18 og laugardaga kl. 10-13
GÓLFEFNI
T E P P A L A N D
Eigum fyrirliggjandi fjölbreytt úrval vélofinna teppa úr kókos-
og sísaltrefjum. Stórar sem smáar mottur eða teppi horn
í horn. Gólfefnið sem slegið hefur í gegn!
Sendum bækling og sýnishorn
hvert á land sem er ef óskað er. Verð frá kr.
3.290 m2stgr.
SÉRLEGUR sendiherra Herðu-
breiðar, Jón Ármann Héðinsson,
kom færandi hendi í Mývatnssveit
á dögunum og hafði með sér heið-
ursskjal til staðfestingar yfir-
burðakosningu Herðubreiðar sem
þjóðarfjalls Íslendinga og þótti
engum mikið í Mývatnssveit. Skjal-
ið afhenti Jón Guðrúnu Maríu Val-
geirsdóttur oddvita, að viðstaddri
sveitarstjórn og sveitarstjóra.
Sigurður Jónsson skáld á Arn-
arvatni kom fyrst í Herðubreið-
arlindar í vetrarbyrjun árið 1900 í
eftirleitaleiðangri með Benedikt
Sigurjónssyni frá Grímsstöðum,
sem kunnastur var sem Fjalla-
Bensi. Hrepptu þeir veður hörð og
létu meðal annars fyrirberast á
berangri eina skammdegisnótt
undir fjallinu, svo sem Sigurður
hefur skrifað frásögn um. Fáum
árum seinna eða 1904 orti hann
mikið kvæði, Herðibreið. Kvæðið
er 30 erindi og hefst þannig:
Upp af hraungeims hrikabreiðum
hamrafjallið tigna rís,
glæstan ber á glóðaleiðum
gullin-hadd við rætur skýs.
Þúsund alda þjalir surfu
þvitann harða ár og dag;
aldir fæddust, aldir hurfu,
enn ert þú með sama brag.
Stundum verður mönnum það að
nota hendingu úr öðru miklu
þekktara kvæði Sigurðar og
herma upp á Herðubreið: „Fjalla-
drottning móðir mín“, og vissu-
lega er það ekki undarlegt svo
mjög sem þetta fjall ber af öðrum
fjöllum. Því má þó ekki gleyma að
þarna er skáldið að ávarpa Mý-
vatnssveit, ekki Herðubreið.
Fjalla-Bensi var leiðsögumaður
með hópferð Húsvíkinga og Ak-
ureyringa inn í Lindar 1943.
Hugðust ferðalangar meðal ann-
ars ganga á fjallið. Var þá Bensi
spurður hvort hann hefði ekki
gengið á Herðubreið. Því neitaði
hann og sagði: „Það eru engar
kindur þar“ og undraðist hann svo
fávíslega spurningu. En svarið lýs-
ir vel viðhorfi fyrri tíðar fólks sem
sleit ekki skóm við þvílíkt fánýti,
sem tilgangslausar fjallgöngur.
Herðibreið nefndi Sigurður á
Arnarvatni fjallið ætíð í skrifum
sínum. Fyrir margt löngu hefur
yngri nafnmynd tekið við og sýnist
saklaus málþróun.Vísast er nafnið
dregið af breiðum herðum fjallsins
og er hverjum manni auðskilið.
Sérstakt er það að svo víða sem
fjallið blasir við af öræfum Íslands
og svo sterk sem mynd þess er í
hugum Mývetninga, þá sést það þó
ekki frá nokkrum bæ í Mývatns-
sveit.
Það eru
engar
kindur þar
Morgunblaðið/BFH
Guðrún M. Valgeirsdóttir og Jón
Ármann Héðinsson með skjalið á
milli sín.
Mývatnssveit
ÁRSÞING Samtaka fámennra
skóla fór fram á Hallormsstað ný-
lega og sóttu það um 90 gestir víðs
vegar að af landinu. Samtökunum
er ætlað að vinna að og verja hags-
muni fámennra skóla, sem eru um
helmingur allra skóla landsins. Fá-
mennasti grunnskóli landsins mun
vera í Mjóafirði, en þar eru fjórir
nemendur við nám.
Fámennur leikskóli telst sá skóli
sem starfar í einni deild, með 40
börn eða færri, í fámennum grunn-
skóla fer fram samkennsla árganga
og fámennur framhaldsskóli telst
sá sem hefur 300 nemendur eða
færri.
Sif Vígþórsdóttir hefur verið for-
maður samtakanna undanfarið ár,
en hún er jafnframt skólastjóri
Hallormsstaðaskóla. Hún sagði í
samtali við Morgunblaðið að Sam-
tök fámennra skóla væru grasrót-
arsamtök sem voru formlega stofn-
uð árið 1989 á Flúðum, að undan-
gengnu þriggja ára starfi í nám-
skeiðaformi og öðru slíku.
„Samtökin vinna að hagsmuna-
málum fámennra skóla, því þar eru
oft aðrar áherslur, önnur vanda-
mál, aðrir kostir og gallar heldur
en í stóru skólunum,“ segir Sif. „Í
fámennum grunnskólum einkenn-
ast kennsluhættir af samkennslu
árganga, þar sem starfið byggist
allt á því að það eru fleiri en einn
árgangur saman og kennarar þurfa
þá að vera færir um að kenna í
slíku kerfi. Kennslufræði sam-
kennslunnar er allt öðruvísi en að
kenna miðlægt einum árgangi í
stórum bekk.
Fámennir skólar eru oft í nánari
samskiptum við leikskóla og fram-
haldsskóla,“ segir Sif.
Öll skólastig á sömu þúfunni
„Við hér á Hallormsstað erum til
dæmis svo heppin að á þúfunni hjá
okkur erum við með öll skólastig;
það er fámennur leikskóli, grunn-
skóli og framhaldsskóli, en þar á ég
við Hússtjórnarskólann á Hall-
ormsstað. Það eru náin tengsl milli
þessara stofnana. Elstu krakkarnir
í leikskólanum koma til dæmis ári
áður en vant er, þau byrja upp úr
áramótum hjá okkur og koma einu
sinni í viku inn í grunnskólann og
þannig myndast önnur tengsl.“
Viðfangsefni þingsins á Hall-
ormsstað voru m.a. samskipti,
kennsluhættir og viðmót kennara í
fámennum skólum, menntun í
dreifbýli og heimspeki með börn-
um. Þá voru fluttir fyrirlestrar um
lífsleikni í leikskóla og sam-
tvinnaða mennta- og menningar-
starfsemi í dreifbýli. Sérstaklega
var fjallað um kennsluhætti í fjar-
kennslu, því margir fámennir skól-
ar byggjast töluvert orðið á henni.
Sif segir að samtökin hafi í gegn-
um tíðina beitt sér fyrir fjölmörg-
um hagsmunamálum. „Núna erum
við t.d. styrkt af endurmenntunar-
sjóði grunnskólanna vegna vinnu
að vefnámskeiði um kennsluhætti
samkennslunnar. Við gefum út
fréttabréf og kennslufræðileg rit,
höldum úti heimasíðu og látum
okkur varða þau mál sem lúta að
skólastarfi í dreifbýli. Þá höfum við
verið í miklu og góðu samstarfi við
menntamálaráðuneyti og Samband
íslenskra sveitarfélaga. Samtökin
hafa verið umsagnaraðilar, t.d.
þegar flutningur grunnskólans yfir
á sveitarfélögin var ákveðinn, sátu
fulltrúar samtakanna í undirbún-
ingsnefnd.“
Á aðalfundi SFS sem haldinn var
eftir þingið var kosin ný stjórn
samtakanna. Koma stjórnarmenn
að þessu sinni af Suðurlandi og eru
Einar S. Árnason, Kolbrún Hjör-
leifsdóttir, Páll M. Skúlason, Val-
gerður Guðjónsdóttir og Þórunn
Júlíusdóttir.
Vefslóð Samtaka fámennra skóla
er www.ismennt.is/vefir/sfs/
Ársþing Samtaka fámennra skóla á Hallormsstað
Aðrar áherslur en
í stórum skólum
Morgunblaðið/Steinunn Ásmundsdóttir
Frá ársþingi Samtaka fámennra skóla, sem haldið var á Hallormsstað um
helgina. Um 90 manns víðs vegar að af landinu sóttu þingið.
Egilsstaðir
HAFNARSJÓÐUR Fjarðabyggðar
tók nýlega formlega í notkun
mannvirki sem unnið hefur verið
að í sumar og haust á hans vegum.
Stærsti hluti þessara fram-
kvæmda var í Neskaupstaðarhöfn.
Steypt var þekja ofan nýs stálþils
og annaðist Nestak ehf. þann
hluta. Á vegum Klæðningar hf.
var hlaðinn 380 metra nýr skjól-
garður og sá gamli fjarlægður. Al-
menn ánægja er með garðinn
enda er hann afburðavel hlaðinn.
Eins er nú verið að ljúka dýpkun
hafnarinnar, sunnan Fiskiðjuvers
SVN, og annast Gáma- og tækja-
leiga Austurlands það verk. Sam-
hliða þessum framkvæmdum var
einnig verið að vinna að stækkun
hafnarinnar í Mjóafirði á vegum
hafnarsjóðs Fjarðabyggðar, en sú
höfn varð ein af höfnum Fjarða-
byggðar nú á haustmánuðum.
Hefur Vélaleiga Sigga Þórs á Eg-
ilsstöðum séð um það verk og er
því að ljúka. Fór vígslan fram í
Tryggvasafni í Neskaupstað og
bauð hafnarnefnd Fjarðabyggðar
verktökum þeim sem að þessu
hafa unnið til veislu ásamt bæj-
arstjórn Fjarðabyggðar, segir í
fréttatilkynningu.
Vígsla hafnarmann-
virkja í Fjarðabyggð
Fjarðabyggð
Guðmundur Bjarnason bæjarstjóri býður gesti velkomna til vígslunnar.