Morgunblaðið - 05.01.2003, Blaðsíða 4
4 B SUNNUDAGUR 5. JANÚAR 2003 MORGUNBLAÐIÐ
Sælkerar á sunnudegi
Steingrímur Sigurgeirsson Hanna Friðriksdóttir Áslaug Snorradóttir
matur@mbl.is
Lesendur eru hvattir til að senda sælkerum
hugmyndir, athugasemdir eða ábendingar.
Um getur verið að ræða ábendingar um
áhugavert efni, atburði eða uppákomur,
stuttar sögur tengdar efninu eða þá óskir
um að eitthvað sérstakt verði tekið fyrir. Ef
efni er sent með ósk um birtingu áskilur
Morgunblaðið sér rétt til að velja og hafna,
stytta og breyta. Netfang sælkerasíðunnar
er matur@mbl.is.
N
ÝJA árið gekk í garð sem
fyrr undir hinni árvissu
flugeldasýningu lands-
manna, sem ku vera ein sú
mikilfenglegasta sem sögur
fara af. Á nýársdag vökn-
uðu menn svo til geislandi
nýárssólar sem með sinni ómótstæðilegu út-
geislun hefur vafalaust lokkað fleiri en einn og
fleiri en tvo upp úr bólinu og út í hið ljómandi
nýár.
Mikið er talað um að árstíðirnar séu að rugl-
ast í heiminum og vel getur eitthvað verið til í
því. Við skulum hins vegar gæta þess að láta
ekki árstíðirnar rugla okkur eða skilyrða.
Mörgum finnst janúar frekar leiðinlegur og
óspennandi mánuður og fá e.t.v. dálítið „eft-
irjólasjokk“ þegar hversdagsleikinn, sem oft er
kenndur við gráma, tekur aftur við.
Janúar er hins vegar frábær mánuður
(a.m.k. fyrir þá sem hafa ekki eytt um efni fram
um jólin og bíða með ugg í brjósti eftir febrúar
Visa-reikningnum!). Sólin fer hækkandi með
degi hverjum og það er líka enginn sem segir
að veislan þurfi að taka enda. Ef maður hins
vegar hugsar þannig, er afskaplega eðlilegt að
þunglyndið sé á næsta leiti. Njótum mánaðar-
ins með því að fara í vetrarlautarferðir með
vinum og fjölskyldu og skála áfram fyrir árinu
2002 og lífinu í kampa- og freyðivíni (áfengu
eða óáfengu). Kampavín og gott freyðivín kem-
ur manni í svo gott skap og nægir það eitt að
heyra tappann skjótast af miklum æsingi upp
úr flöskunni til að erta hláturtaugarnar og kalla
fram bros og létta jafnvel alþyngstu brúnir.
Kampavínsveislur úti sem inni í ársbyrjun
eru vel við hæfi og skemmtileg tilbreyting. Er-
ik Olaf-Hansen mælir jafnvel með kampavíns-
meðferð gegn vorþreytu í hinni frábæru bók
sinni Drekktu vín – lifðu betur, lifðu lengur, og
segir t.a.m. í því sambandi: „Komi vinir í heim-
sókn, sem eru undir áhrifum þunglyndis (og að
mínu viti einnig eftirjólaþunglyndis) og fara að
nöldra um heimsins eymd, ofbeldi, stríð, skatta,
atvinnuleysi, volæði o.s.frv., er það valið tilefni
fyrir gestgjafann til að segja: „Tja, eiginlega á
ég tvær kampavínsflöskur sem þarf að
drekka.“ Og sjáið hvað gerist.“ Áfram með
veisluna semsagt, en færum okkur úr þunga
kjötinu og rauðvíninu yfir í hvítt kjöt (kjúkling,
kalkún, kanínu), fiskmeti og skelfisk, grænmeti
og ávöxti og drekkum kampavín eða freyðivín
með.
Matur
H a n n a Fr i ð r i k s d ó t t i r
Geislandi veislusól
Morgunblaðið/Áslaug
Bakið einn klassískan hvítan
marengs eða marga litla toppa,
setjið á bakka og stráið fersk-
um granateplafræjum yfir.
Drekkið sætt eða þurrt kampa-
eða freyðivín með.
MARENGS MEÐ
GRANATEPLAFRÆJUM
Tilvalið í nýársútiveisluna:
fyrir 4
350 g skinnlausar kjúklingabringur
1 stór grænn papayaávöxtur
1 búnt fersk mynta
1 búnt ferskur kóríander
2 stk. rauður pipar, fræ fjarlægð og fínt
saxað
2 msk. fiskisósa
1 msk. hrísgrjónaedik
1 msk. límónusafi
2 tsk. sykur
2 msk. fíntsaxaðar salthnetur
Komið kjúklingabringum fyrir í stórum
potti og hellið vatni yfir þannig að rétt
flæði yfir. Bætið hrísgrjónaediki saman
við og látið malla í 10 mín. Fjarlægið kjúk-
linginn upp úr vatninu og látið kólna al-
veg. Tætið hann niður í ræmur. Afhýðið
papaya og skerið kjötið í langar ræmur og
leggið á stóran disk. Blandið saman
myntulaufum, söxuðum kóríander, rauð-
um pipar, fiskisósu, límónusafa og sykri.
Hellið blöndunni yfir papayaræmurnar og
kjúkling þar ofan á. Stráið söxuðum hnet-
unum yfir. Borðið með snittubrauði og
drekkið þurrt kampa- eða freyðivín með.
KALT KJÚKLINGASALAT MEÐ PAPAYA
Mat er ekki bara hægt að borða, heldur er bein-
línis hægt að velta sér upp úr honum sér til heilsu-
bótar og yndisauka. Er ekki upplagt eftir að hafa
innbyrt heilu matarfjöllin yfir hátíðarnar að láta
matinn vinna fyrir sig utan frá? Prófið eftirfarandi
útvortis "matarkúra" sem hluta af nýjársdekrinu.
Þurr húð
Ef þið eruð með þurra húð, prófið þá eftirfarandi
maska: Stappið vel þroskaðan banana og blandið
saman við hann 1 tsk. af rjóma og tveimur af sætri
möndluolíu. Blandið öllu vel saman og bætið saman
við 1 tsk. af kartöflumjöli. Hrærið á ný og smyrjið
blöndunni á andlitið og látið virka í 30 mín. Skolið
maskann af með volgu vatni.
Hárkúr
Hvort sem hár er stutt eða sítt þarf því að líða
vel og vera vel nært. Berið eftirfarandi blöndu í hár-
ið vikulega og hárið smjattar af vellíðan: Setjið sam-
an í skál: 2 msk. af laxerolíu, 1 msk. af hlutlausu
henna og eina stífþeytta eggjahvítu. Blandið vel
saman og berið í hársvörðinn og nuddið létt inn í
hann. Skolið vel.
Rauðvínsnudd
Í heilsulindinni Centro salute erba vita í Monte-
grimano Terme á Ítalíu er boðið upp á rauðvíns-
nudd. Forstöðumaður staðarins, Carlo Berlini, segir
að afi sinn hafi stundað vínþerapíuna og nuddað
bændur héraðsins með svo góðum árangri að hann
hafi ákveðið að bjóða viðskiptavinum sínum upp á
meðferðina. Hann hefur gert rannsóknir og tilraunir
með nuddið og fundið út að það hefur ekki ein-
göngu góð áhrif á gigt og verki í liðum, heldur stuðl-
ar einnig að yngingu húðarinnar. Nuddið fer fram í
heitum potti og er 20 mínútna vatnsnudd í 20 lítr-
um af rauðvíni þynntu með jarðhitavatni sem í er
bætt ferskum jurtum (tegundir breytilegar eftir
þörfum hvers einstaklings), t.d. melissa, birki og ka-
milla.
Það myndi kosta sitt að fara í slíkt bað á Íslandi
(yrði í það minnsta að brugga, nema e.t.v. verjandi
að splæsa einni góðri Chianti í fótabaðið!).
Matur útvortis
í ársbyrjun
Rauðvínsnuddáhugafólki er bent á vefsíð-
una www.montegrimanoterme.it varðandi
frekari upplýsingar.