Morgunblaðið - 06.01.2003, Qupperneq 1
B L A Ð A L L R A L A N D S M A N N A
VALSMENN FÁ LIÐSAUKA Í KÖRFUKNATTLEIK / B12
ALBERT Sævarsson, markvörður Grindvík-
inga, er að íhuga hvort hann eigi að fara til
Færeyja og leika þar með B68 í Tóftum, en lið
staðarins varð í sjötta sæti deildarinnar í fyrra.
Forráðamenn B68 höfðu samband við Albert
og hafa áhuga á að fá hann til liðsins. „Það er
rétt, þeir eru búnir að tala við mig en ég á alveg
eftir að ákveða hvað ég geri,“ sagði Albert í
samtali við Morgunblaðið í gær.
Fyrir nokkrum árum stóð til að Albert færi til
Færeyja og gengi til liðs við þarlent félag, en af
því varð ekki. Albert sagðist þekkja nokkuð til í
Færeyjum enda væri eiginkona hans færeysk.
Þegar deildakeppnin hófst í fyrra hafði Al-
bert ekki misst af leik með Grindvíkingum í
efstu deild. Hann hafði þá leikið 121 leik í röð í
deildinni en missti af fyrstu leikjunum í sumar
vegna meiðsla.
Albert á leið
til Færeyja?
DONTE Mathis, bandarískur körfu-
knattleiksmaður, kom til liðs við úr-
valsdeildarlið Skallagríms á laugar-
daginn og lék með því gegn ÍR í
deildinni í gærkvöld. Hann kemur í
staðinn fyrir Isaac Hawkins sem lék
með Borgnesingum fyrir áramótin
en var sagt upp fyrir jólafríið.
Mathis er 27 ára gamall bakvörður
1.90 metrar á hæð og lék síðast í
Þýskalandi með 1. deildarliðinu
Mitteldeutscher BC. Þar skoraði
hann oft á fjórða tug stiga, í einni af
sterkustu deildum Evrópu. Í Banda-
ríkjunum lék hann með háskólaliði
Southwest Texas.
Ólafur Helgason, formaður körfu-
knattleiksdeildar Skallagríms, sagði
við Morgunblaðið í gær að atvinnu-
leyfi fyrir júgóslavnesku bræðurna
Darko og Milos Ristic væru loksins
að komast í höfn. Þeir voru komnir
með leikheimild með Skallagrími í
desember en gátu ekki komið til
landsins þar sem bið var á að at-
vinnuleyfin lægju fyrir. „Bræðurnir
eru væntanlegir hingað næsta laug-
ardag og verða þá með þegar við
mætum Snæfelli í Stykkishólmi
þann 17. janúar,“ sagði Ólafur
Helgason.
Mathis til
Skallagríms
og bræð-
urnir vænt-
anlegir
Tímamótamark Ólafs var annaðmark Íslendinga í leiknum og
með því jafnaði hann metin, 2:2.
Markið skoraði Ólafur með því að
stökkva upp jafnfætis og skjóta
firnafast efst í markhornið hægra
megin við Mustafa Torlo, markvörð
Slóveníumanna. „Mér gæti ekki
verið meira sama,“ sagði Ólafur
þegar honum var greint frá áfang-
anum í leikslok. „Tölfræði er góð
fyrir ykkur blaðamenn, fyrir mig
skiptir þetta harla litlu máli.“
Ólafur skoraði alls fimm mörk í
leiknum, tvö með langskoti, tvö úr
vítakasti og eitt af línu.
Ólafur hefur skorað 704 mörk í
160 landsleikjum, sem er að með-
altali 4,4 mörk í leik. Hann hefur
átta sinnum náð að skora tíu mörk
eða meira í landsleik.
Kristján Arason skoraði 1.089
mörk í 238 landsleikjum, eða að
meðaltali 4,6 mörk í leik. Hann hef-
ur náð því að skora oftast tíu mörk
eða fleiri í landsleik, eða níu sinnum.
Flest mörk skoraði hann í landsleik
gegn Ungverjalandi 1985, eða 15.
Valdimar Grímsson skoraði 932
mörk í 158 landsleikjum, eða að
meðaltali 3,6 mörk í leik. Hann
skoraði sjö sinnum yfir tíu mörk í
leik, flest 13 í leik gegn Portúgal
1998.
Sigurður Valur Sveinsson skoraði
730 mörk í 236 landsleikjum, eða að
meðaltali 3 mörk í leik. Hann skor-
aði fimm sinnum tíu mörk eða fleiri í
leik.
Morgunblaðið/Sverrir
Ólafur Stefánsson með sendingu á línu í leiknum í gærkvöldi í Laugardalshöll.
Ólafur rauf 700
marka múrinn
ÓLAFUR Stefánsson rauf 700 marka múrinn með íslenska lands-
liðinu í handknattleik, þegar hann skoraði fyrsta mark sitt í leikn-
um gegn Slóveníu í Laugardalshöllinni í gærkvöldi í jafnteflisleik,
26:26. Ólafur er fjórði leikmaðurinn sem nær því afreki, en áður
höfðu þeir Kristján Arason, Valdimar Grímsson og Sigurður Valur
Sveinsson náð þeim áfanga – allir vinstrihandarleikmenn.
Ekkert
náðst í
Duran-
ona
á Kúbu
ENN er óvíst hvort Ró-
bert Julian Duranona
komi til móts við ís-
lenska landsliðið í
handknattleik fyrir
heimsmeistarakeppn-
ina í Portúgal. Duran-
ona er í fríi á Kúbu og
forráðamenn landsliðs-
ins hafa enn ekki náð
sambandi við hann,
samkvæmt heimildum
Morgunblaðsins.
Duranona lék mjög vel
í tveimur leikjum með
Wetzlar í þýsku 1.
deildinni í kringum jól-
in og gæti því reynst
landsliðinu góður liðs-
auki. ■ Landsliðsþjálfarinn/B2
■ Leikirnir/B6
2003 MÁNUDAGUR 6. JANÚAR BLAÐ B