Morgunblaðið - 23.03.2003, Blaðsíða 5
FABRIZIO Lusenti, mat-reiðslumaður og eigandiveitingastaðarins RistoranteSahara Dehor í bænum
Dezensano við Garda-vatnið á Norð-
ur-Ítalíu eldaði á Hótel Holti í
nokkra daga fyrr í mánuðinum. Kom
hann hingað til lands í tilefni af aðal-
fundi Ítalsk-íslenska verslunarráðs-
ins en jafnframt gafst Holtsgestum
kostur á að njóta rétta hans í nokkra
daga. Fabrizio Lusenti féllst á að
láta eftirfarandi uppskriftir af hendi,
báðar í norður-ítölskum dúr, til les-
enda Morgunblaðsins, en tveir þess-
ara rétta voru á seðli hans á ítölsku
dögunum á Holti. Um er að ræða
pastarétt, risotto og tvo gómsæta
eftirrétti.
SPAGHETTI MEÐ RUCOLA-PESTÓI OG
RISTUÐUM RÆKJUM
PESTÓ
Maukið saman í matvinnsluvél um
150 g af rucola-salati, 1 hvítlauksrif,
50 g möndlur, 50 g af parmesanosti
og hálfan bolla extra virgin ólífuolíu.
Bætið við salti og pipar.
Rækjur (magn eftir smekk) eru
ristaðar á pönnu í olíu og gott er að
flambera í lokin með skvettu af góðu
brandí eða koníaki.
Á meðan er spaghettíið soðið í
saltvatni skv. leiðbeiningum á
pakka. Síið vatnið frá og hrærið loks
pestói og rækjum saman við
spaghettíið og berið fram.
Gott er að hafa snittubrauð sem
meðlæti.
ANDA-RISOTTO MEÐ VIN SANTO
2 dl Arborio-grjón
4 dl kjúklingasoð
2 skallottulaukar
30 gr smjör
1 dl fínrifinn parmesanostur
Skvetta af þurru hvítvíni
2 andabringur
Steikið andabringurnar á pönnu.
Best er að skera nokkrar rákir á
skinnhliðina, salta vel í sárin og setja
bringurnar með skinnið niður á sjóð-
andi heita pönnu og leyfa bringunum
að steikjast í eigin fitu sem lekur úr.
Steikið þar til skinnið er orðið stökkt
og snúið bringunum þá við. Klárið að
elda bringurnar í ofni á 140 gráðum
þar til kjarnhiti er orðinn um 67
gráður.
RISOTTO
Hitið ólífuolíu á pönnu og veltið
grjónunum upp úr olíunni. Ausið
soði, t.d. kjúklinga eða andasoði, út á
smám saman þar til grjónin eru
tilbúin. Bætið rifna parmesanostin-
um saman við. Skerið andarbringur í
bita og blandið saman við risottoið í
lokin.
VIN SANTO-KJARNI
1/2 líter Vin Santo
3 skallottulaukar
timjan, meiran og mynta.
Allt sett í pott og soðið niður þar
til einn desilítri er eftir.
Risotto sett á disk og Vin Santo
kjarnanum hellt yfir. Gott er að út-
búa Vin Santo-kjarnann fyrirfram
og bera hann fram kaldan.
CASSATINA
20 g hunang
50 g sykur
50 g eggjarauður, stífþeyttar
400 g Ricottaostur
150 g möndlur, pistasíu-kjarnar og
appelsínubörkur
1,5 dl léttþeyttur rjómi
Sjóðið hunang og sykur upp að 110
gráðum, hrærið saman saman við
stífþeyttar eggjarauðurnar. Blandið
saman við Ricotta og rjómann og
hrærið að lokum möndlur, pistasíur
og appelsínubörk saman við.
Sett í form og fryst.
BOUDINA A CAFÉ
300 g rjómi
4 dl mjólk
70 g brætt smjör
50 g nescafé
2 egg
2 eggjarauður
80 g sykur
Sjóðið saman rjóma, mjólk og kaffi
í 2-3 mínútur. Pískið egg og sykur
saman við smjörið. Setjið kaffiblönd-
una út í eggin. Setjið í mokkabolla,
og bakið í vatnsbaði við 150 gráður í
12-15 mínútur.
Norður-ítölsk máltíð
Morgunblaðið/Jim Smart
Fabrizio bragðar á afrakstri eldamennskunnar í eldhúsinu á Holti.
MORGUNBLAÐIÐ SUNNUDAGUR 23. MARS 2003 B 5
matur@mbl.is
Lesendur eru hvattir til að
senda sælkerum hugmyndir, at-
hugasemdir eða ábendingar.
Um getur verið að ræða ábend-
ingar um áhugavert efni, at-
burði eða uppákomur, stuttar
sögur tengdar efninu eða þá
óskir um að eitthvað sérstakt
verði tekið fyrir. Ef efni er sent
með ósk um birtingu áskilur
Morgunblaðið sér rétt til að
velja og hafna, stytta og
breyta. Netfang sælkera-
síðunnar er matur@mbl.is.
Perlunni. Opið alla daga kl. 10 -18