Morgunblaðið - 09.04.2003, Blaðsíða 2

2 B MIÐVIKUDAGUR 9. APRÍL 2003 MORGUNBLAÐIÐ
bílar
Isuzu Trooper 3000 cc, Tdi, 01/99, ek. 81 þ. km.,
beinskiptur, díselmælir, varadekkshlíf, dráttarkúla. Verð kr. 2.150.000
BRESKA bílatímaritið Autocar efndi í annað
sinn til skoðanakönnunar meðal breskra bíla-
eigenda um kosti og galla sinna bíla. Niður-
stöðurnar eru birtar í 32 blaðsíðna aukablaði
og að þessu sinni er byggt á svörum 25.000
bíleigenda. Tekið var tillit til tíu þátta við
mat á bílum, þ.e. smíði, afl, aksturseigin-
leikar, þægindi, hemlun, gírkassi, hagkvæmni,
stýri og bilanatíðni ásamt þjónustu. Könn-
unin nær til 100 bílgerða. Það sem gerir
hana síður fallna til þess að vera marktæk
hér á landi er síðasti þátturinn, þ.e.a.s. þjón-
ustan, sem er vitaskuld ekki sú sama hér á
landi og í Bretlandi.
Eins og nærri má geta eru þeir fimm bílar
sem versta útreið fá einnig með elstu bíl-
unum. Í neðsta sæti er Peugeot 106, sem
sagður er með lélegasta gírkassann og
versta stýrið. Stigagjöfin er 69,56%. Citroën
Saxo í 99. sæti er sagður með minnstu þæg-
indin og lélegustu bremsurnar. Stigagjöfin er
70,80%. Ford Fiesta í 98. sæti er sögð lat-
astur allra bílanna og með 72,26% stiga en
Fiat Punto fær þann vafasama heiður að
vera talinn með verstu fjöðrunina og síst á
hann að stóla og þjónustuna. Stiga-
gjöfin er 72,39%. Í 96. sæti er
síðan Rover 200 með stigagjöf-
ina 73,01%.
Bestu fimm bílarnir
En það er alltaf skemmti-
legra að skoða hverjir tróna á
toppnum. 5. besti bíllinn, að
mati breskra bíleigenda, sam-
kvæmt könnun Autocar, er Lexus
IS200. Einkunnagjöfin er
89,15%. Hann þótti standa sig
framarlega í smíðagæðum (3),
lágri bilanatíðni og góðri þjónustu
(3) og hemlum (4), en síður í afli
(40) og hagkvæmni (63).
4. besti bíllinn var Mercedes-
Benz E með 89,20% í einkunn.
Smíðagæðin (4), fjöðrun (5),
þægindi (7), hemlar (7)
og gírkassi (8) voru
sterku hliðar bílsins.
3. besti bíllinn var
BMW 5-línan með
89,53% í einkunn.
Fjöðrun (3), hemlar
(6), smíðagæði (7) og
þægindi (9) voru
sterku hliðar bílsins.
2. besti bíllinn var
Porsche Boxster sem
þótti hafa bestu aksturseig-
inleikana og bestu stýr-
inguna. Aðrir sterkir
þættir í bílnum, sem
fékk 90,29% í einkunn, voru
hemlar (2), gírkassi (4), afl (5) og
smíðagæði (8).
Besti bíllinn í könnun Autocar
var Mazda 6 með 93,66% í ein-
kunn. Hann þótti best smíðaði bíll-
inn og með bestu hemlana. Aðrir
þættir sem lögðu grunn að sigri
Mazda 6 voru lág bilanatíðni og
góð þjónusta (2), þægindi (2),
fjöðrun (4), stýring (5) og aksturs-
eiginleikar (5).
Forvitnilegt er að sjá hvar þeir
fólksbílar sem einna best seljast
hér á landi raða sér í könnuninni.
VW Golf hafnaði í 65. sæti með
80,47% í einkunn, VW Passat í
58. sæti með 81,44% í einkunn,
Toyota Avensis í 56. sæti með
81,68% í einkunn, Nissan Almera í
53. sæti með 81,95% í einkunn,
Ford Mondeo í 47. sæti með
82,66% í einkunn, Toyota Corolla í
38. sæti með 83,96% í einkunn,
Ford Focus í 27. sæti með
84,82% í einkunn, Toyota Yaris í
23. sæti með 86,04% í einkunn,
Subaru Impreza í 10. sæti með
87,19% í einkunn, Toyota RAV4 í
9. sæti með 97,64% í einkunn og
Honda Jazz hafnaði í 7. sæti með
hæstu einkunn í hagkvæmni og
lágri bilanatíðni og góðri þjónustu.
Morgunblaðið/Halldór Kolbeins
Porsche Boxster fékk góða útkomu í 2. sæti.
Morgunblaðið/Árni Sæberg
Lexus IS200 í 5. sæti.
Mazda 6
bestur að
mati
breskra
Morgunblaðið/RAX
Mercedes-Benz E hreppti fjórða sætið.
Sigurvegarinn, Mazda 6, besti bíllinn samkvæmt könnun Autocar.