Morgunblaðið - 09.04.2003, Blaðsíða 4
4 B MIÐVIKUDAGUR 9. APRÍL 2003 MORGUNBLAÐIÐ
bílar
Smíðum margar gerðir af
stjórnbörkum fyrir vinnuvélar,
báta og ýmis önnur tæki
Smíðum samkvæmt máli
Bygggarðar 12 · 170 Seltjarnanes · Sími 561 8030
Bílasala Suðurlands - Fossnesi 14 - 800 Selfossi
www.toyotaselfossi.is • toyotaselfossi@toyotaselfossi.is
480 8000 480 8000
SELFOSSI
Toyota Land Cruiser GX diesel
turbo. 1993, ek. 202 þ., 35" dekk,
innluttur nýr, mjög gott eintak.
Verð 2.350.000
Chevrolet 2500 Silverado 6.5
turbo dielsel. 1992, ek. 140 þ. 38"
breyttur, loftlæsingar, lækkuð
hlutföll o.fl. Verð 1.750.000
Toyota Land Cruiser VX diesel
turbo. 1995, ek. 193 þ., 38" breyttur,
24 ventla vél o.fl. Verð 2.950.000
MMC Pajero GLS DID. 05/00, ek.
71 þ. 33" breyting, leður, topplúga
o.fl. Verð 4.040.000
„FYRSTU Bjölluna sá ég árið 1956
hjá vinnufélaga mínum. Ég vann þá
sem eftirlitsmaður hjá Rafmagns-
veitu Reykjavíkur, en það gerði ég síð-
an í um 40 ár. Faðir þessa vinnufélaga
míns var skipstjóri og hann keypti
VW Bjöllu úti í Þýskalandi og flutti
hana hingað til lands. Það var ein
fyrsta Bjallan sem kom hingað til
lands. Mér þótti hún nú frekar ljót í
fyrstu, en féll samt fyrir henni. Ég fór
því niður í Heklu, sem var þá niðri á
Hverfisgötu 103, og keypti mér bíl.
Þótt mér hafi þótt Bjallan ljót við
fyrstu sýn breyttist það fljótt og
núna finnst mér Bjallan alveg ein-
stakur bíll,“ segir Sveinn Lýðsson, fv.
eftirlitsmaður hjá Rafmagnsveitu
Reykjavíkur.
Hvað hefurðu átt margar Bjöllur?
„Ég átti fimm Bjöllur, hverja á eftir
annarri. Ég endurnýjaði þær yfirleitt á
u.þ.b. 4–5 ára fresti, allt til ársins
1974, en þá held ég að síðasta Bjallan
hafi runnið af færibandinu og hætt
var að framleiða þær.“
Hvað tók þá við?
„Þá fór ég að kaupa VW Golf og
þetta er minn sjötti Golf sem ég er á
núna.“
Sveinn hefur haft þann sið að láta
aðra sjá um viðhaldið á bílunum. Þeg-
ar hann hefur keyrt þá í fjögur til
fimm ár skiptir hann um bíl. „Þetta
fyrirkomulag hefur hentað mér mjög
vel,“ segir Sveinn. „Þótt viðhalds-
þjónustan hjá Heklu sé einstaklega
góð hef ég ekki nýtt mér hana. Ég
man hins vegar sérstaklega vel eftir
því að þegar ég fór til að vera við opn-
un nýja húsnæðisins þegar Hekla
flutti af Hverfisgötu 103 og í gamla
Hekluhúsið uppi á Laugavegi. Því var
slegið upp í öllum blöðum að nú væri
búið að opna stórt og fallegt hús uppi
á Laugavegi og það ætti að opna með
viðhöfn og sýna nýja bíla. Ég fór nátt-
úrulega inneftir til að vera við opn-
unina og skoða nýju bílana. Einhverjir
Þjóðverjar komu einnig í heimsókn í
tilefni opnunarinnar. Þeir voru alveg
gáttaðir á því hvað sýningarplássið
fyrir bílana var lítið, en hins vegar var
feiknarstórt rými í húsinu fyrir vara-
hluti. Einhver þeirra spurði Sigfús
Bjarnason forstjóra hvernig stæði á
þessu. „Ég ber engan kvíðboga fyrir
því að hafa ekki nógu stóran sýning-
arsal,“ svaraði þá Sigfús, „því bílarnir
selja sig sjálfir. Það sem ég legg meiri
áherslu á er að eiga alltaf varahluti ef
eitthvað kemur fyrir.“ Þá kallaði ein-
hver blaðamaðurinn til Sigfúsar: „Og
hvað hafið þér hugsað yður, Sigfús, að
hafa marga sölumenn í þessu ágæta
fyrirtæki.“ Þá þagnaði Sigfús augna-
blik en sló svo út hendinni og sagði:
„Sölumenn? Ég hef nákvæmlega
jafnmarga sölumenn og Volks-
wagen-bíleigendurnir eru, því hver
einasti maður, sem á Volkswagen,
hann er sölumaður hjá mér!“ Þá
glumdi við hlátur um allan salinn. En
þetta er alveg rétt hjá Sigfúsi, allir
sem áttu Volkswagen báru bílunum
svo vel söguna að það hefði mátt
halda að þeir hefðu verið í vinnu hjá
honum.“
Það hefur nokkrum sinnum hvarfl-
að að Sveini að kaupa aðra bíltegund,
en einhvern veginn hefur aldrei orðið
neitt úr því. „Ég hef góða reynslu af
þessum bílum. Í starfi mínu sem raf-
magnseftirlitsmaður þurfti ég að
keyra mikið um landið og þessir bílar
hafa reynst mér afskaplega vel. Ég er
mjög ánægður með viðskipti mín við
Heklu. Þar hef ég alltaf fengið besta
verðið og bestu þjónustuna,“ segir
Sveinn Lýðsson sem nú ekur á VW
Golf, ellefta bílnum sem hann kaupir
af Heklu.
„Allir VW-eigendur
sölumenn hjá Sigfúsi“
Finnbogi Eyjólfsson, blaðafulltrúi Heklu, afhendir Sveini Lýðssyni nýjan VW Golf síðastliðið haust.
Sveinn Lýðsson, fv. eftirlitsmaður hjá Rafmagnsveitu Reykjavík-
ur, hefur átt Volkswagen í rúm 40 ár. Hann var inntur eftir því
hví hann héldi alltaf tryggð við þessa bifreiðategund.
gudlaug@mbl.is
Teppi á stigaganga
Ármúla 23, sími 533 5060
SCANIA-fyrirtækið sænska hefur
haslað sér æ meiri völl á strætis-
vagnamarkaði í Frakklandi. Þannig
voru nýlega seldir 65 vagnar til stræt-
isvagnafyrirtækja í París og Amiens
sem er norður af París og segir í frétt
frá Scania að fyrirtækið hafi þannig
náð inn á markað sem franskir bíla-
framleiðendur hafi ráðið til þessa.
Vagnarnir eru lággólfsvagnar af
gerðinni OmniCity og voru fimmtíu
þeirra seldir til Amiens. Er það í
fyrsta sinn sem Scania vagnar verða
á götunum þar. Hina 15 vagnana
kaupir strætisvagnafyrirtækið
RATP í París sem hefur um fjögur
þúsund vagna í flota sínum. Scania-
vagnarnir þjóna á leiðinni milli mið-
borgar Parísar og alþjóðaflugvallar-
ins Orly.
Scania er einn stærsti strætis-
vagna- og rútuframleiðandi heimsins
og eru verksmiðjur þess í Svíþjóð,
Póllandi, Rússlandi, Brasilíu og
Mexíkó. Um 95% framleiðslunnar
fara á markað í um 100 löndum utan
Svíþjóðar. Starfsmenn fyrirtækisins
voru á síðasta ári rúmlega 28 þúsund.
Scania sækir inn á franskan strætisvagnamarkað.
Scania hefur innreið
sína í Frakkland
MAZDA hefur þróað sérstaka
gerð vélarhlífar sem dregur úr
meiðslum sem gangandi vegfar-
endur verða fyrir ef ekið er á þá.
Vélarhlífin, sem kallast höggkeilu-
hlíf úr áli, dregur verulega úr lík-
um á höfuðmeiðslum í samanburði
við hefðbundnar gerðir vélarhlífa
úr áli. Þessi nýja gerð vélarhlífar
verður á Mazda RX-8, sem vænt-
anlegur er á markað í sumar í
Evrópu, og síðan fá aðrir Mazda-
bílar sams konar vélarhlíf þegar
fram líða stundir.
Í stað vélarhlífar, sem fest er á
ramma eins og tíðkast, er inn-
anverð vélarhlífin á Mazda RX-8
alsett keilum. Þær kallast högg-
keilur og gegna því hlutverki að
draga í sig högg hvar sem það
verður á vélarhlífinni. Prófanir
sem Mazda gerði undir eftirliti
Euro NCAP, leiddu í ljós að þessi
nýja gerð vélarhlífar dregur úr
höfuðmeiðslum á gangandi vegfar-
endum um allt að 50% í saman-
burði við venjulegar vélarhlífar.
Vélarhlífin er alsett keilum að innanverðu sem gleypa í sig högg.
Vélarhlíf með höggkeilum