Morgunblaðið - 24.04.2003, Blaðsíða 5

MORGUNBLAÐIÐ FIMMTUDAGUR 24. APRÍL 2003 B 5














































































































NFRÉTTIR PEOCON ehf. skrifaði nýlega
undir samning við Baug Ísland hf. og
NEXT í Kringlunni um mælingar á
fólksflæði í verslunum þeirra. Að
sögn framkvæmdastjóra Peocon,
Einars Sigvaldasonar, telur Peocon
fólk með meiri nákvæmni en hingað
til hefur þekkst og býr til verðmætar
stjórnendaupplýsingar úr gögnunum
með því að keyra þau saman við upp-
lýsingar um veltu verslana, fer-
metrafjölda og fjölda starfsmanna.
Einar segir að nákvæm talning á við-
skiptavinum með búnaði Peocon geti
skilað sér í söluaukningu eða sparn-
aði upp á tugi milljóna króna árlega.
Peocon hefur þegar samið við 15
íslensk fyrirtæki um gestatalningar,
en að mati Einars eru möguleikar
fyrirtækisins á alþjóðlegum markaði
einnig mjög miklir. Hann segir félag-
ið framarlega, ef ekki fremst í sínum
flokki í heiminum í dag.
Byrjaði í Smáralind
Vörur fyrirtækisins, Peocounter,
Peomanager, Peoflow og Peoanalyst,
byggjast á hugbúnaði sem þróaður
hefur verið af Vaka DNG hf. en Vaki
hefur sl. 20 ár unnið að þróun og sölu
á hugbúnaði sem telur fiska með 98–
99% nákvæmni. Einar segir að fyrst
hægt sé að telja 500.000 fiska á
klukkustund með þetta mikilli ná-
kvæmni, gefi það ákveðnar vísbend-
ingar um hvað hægt sé að gera í
fólkstalningum þar sem aðstæður
eru mun viðráðanlegri.
„Talningin okkar sýnir verslunar-
eigendum að gestirnir eru fjársjóður
sem hægt er að nýta enn betur en
gert er,“ segir Einar.
„Þettta byrjaði allt í október árið
2001 þegar Smáralind bað Vaka
DNG að taka að sér talningu á gest-
um inn í verslunarmiðstöðina. Fyrir
um það bil ári fórum við svo að selja
þetta meira og markvissar og við er-
um í því ferli ennþá. Við viljum koma
teljurum okkar inn í sem flestar
verslanir hér á landi. Þar á ég sér-
staklega við búðir sem eru með þjón-
ustu á gólfinu; eins og t.d. fataversl-
anir. Þarna eru mikil tækifæri fyrir
viðkomandi fyrirtæki þar sem þau
geta mælt hver salan er miðað við
fjölda gesta.“ Einar segir að þetta
hlutfall, fjöldi færslna á móti gestum,
sé að jafnaði um 15–20% í verslunum,
en þá er átt við hefðbundnar versl-
anir aðrar en matvöruverslanir. Í
matvöruverslunum er hlutfallið 40–
50% enda fer fólk frekar gagngert
inn í matvöruverslanir til að versla en
eingöngu til þess að skoða.
Einar segir að það þýði ekki að
matvöruverslanir geti ekki hagnýtt
sér mælingarnar enda sé hægt að
gera sértækar mælingar inni í mat
vöruverslununum og stjórna þannig
hvaða uppstillingar í hillum ganga
best. Jafnframt er hægt að vinna að
því að lágmarka raðir við kassa og
ákveða opnunartíma.
„Mælingar okkar sýna fólki svart á
hvítu hvernig salan í búðinni er í
samhengi við gestafjölda og hjálpar
þannig til við áætlanagerð. Þarna er
líka komið tæki sem hvetur fólk
áfram því það er miklu erfiðara að
bæta sig í sölu ef þú veist ekki hvað á
að bæta eða hvort söluaukning er af
völdum auglýsinga eða bættrar þjón-
ustu á gólfinu.“
Sem dæmi segir Einar að einnig sé
hægt að mæla hve margir gestir
koma inn í búðina í hlutfalli við fjölda
starfsmanna sem segi þá til um annir
starfsmanns. „Oft er miðað við að
hver starfsmaður sinni um 15 manns
á klukkustund. Ef gestafjöldi fer upp
í 30 á hvern starfsmann þá er versl-
unin að missa af mikilvægum sölu-
tækifærum. Ef hlutfallið fer niður í 5
þá er starfsfólk of margt og hægt að
fækka á vakt og hagræða.“
Einar segir að vörum fyrirtækis-
ins hafi verið mjög vel tekið á mark-
aðnum. „Við erum með 15 viðskipta-
vini í dag, þ.á m. Smáralind, verslanir
BT, Íslandspóst, Glæsibæ, Next,
NoaNoa, Benetton, Tal, Samkaup,
Nettó og nú síðast Baugsverslanirn-
ar.“
Aðspurður segir Einar að menn
liggi mismikið yfir gögnunum sem
talningarnar gefa, en sumir geri
mjög mikið af því eins og stjórnendur
Smáralindar, sem nota gestatölurnar
á hverjum degi.
„Þeir fylgjast stöðugt með hverjir
koma inn um hvaða innganga og af
hvaða bílastæðum, og keyra það t.d.
saman við gögn úr markaðsherferð-
um og sjá þannig hvaða markaðsað-
gerðir virka best til að fá fólk inn í
verslunarmiðstöðina.“
Einar segir að verðlagningu sé
háttað þannig að rukkað er fyrir
mælingu á hvern inngang þar sem
talið er. Hann segir að verslanir geti
sparað tugi milljóna með notkun
kerfisins og þannig komi fjárfesting-
in margfalt til baka.
Einar segir að áætlanir Peocon
geri ráð fyrir yfir 100 milljóna króna
veltu á ársgrundvelli strax á næsta
ári.
Um framtíðina segir Einar að hún
sé að mestu erlendis. „Það eru gríð-
arleg tækifæri fyrir okkur erlendis,
ekki síst vegna þess að við erum með
samkeppnisforskot sem er þessi ná-
kvæmni í talningunni sem keppinaut-
ar okkar geta ekki boðið upp á með
sama hætti. Að auki höfum við þenn-
an skilning á að miðla gögnum á mið-
lægan stað sem okkar keppniautar
hafa ekki verið að leggja áherslu á.“
Einar segir að nú þegar hafi er-
lendir aðilar sýnt þeim athygli og
sem dæmi eigi þeir nú í viðræðum við
Diesel-verslanakeðjuna. „Diesel
komu hingað um daginn í heimsókn
og eru áhugasamir. Þeir reka 300
verslanir um allan heim og eru fram-
arlega í upplýsingatæknimálum, sem
styður enn betur við innleiðingu okk-
ar búnaðar.“
50.000 verslanamiðstöðvar
Sem dæmi um markaðinn erlendis
segir Einar að í Bandaríkjunum ein-
um séu 50.000 verslunarmiðstöðvar
auk aragrúa af verslunum og versl-
anakeðjum. „Tækifærin eru óendan-
leg. Það er bara að halda rétt á spöð-
unum í útrásinni,“ segir Einar en
hann þekkir vel til markaðarins í
Bandaríkjunum eftir að hafa nýlega
stund að MBA-nám í Berkeley-há-
skóla í Kaliforníu.
Peocon hefur ekki látið staðar
numið í þróun á vörum sínum. Einar
segir að verið sé að skoða ýmsa
möguleika eins og að greina kyn þess
fólks sem talið sé auk þess sem verið
sé að þróa hugbúnað sem skynjar að-
skotahluti á opinberum stöðum, eins
og t.d. í flugstöðvum. Ennfremur er í
gangi þróunarverkefni sem á að gera
yfirvöldum kleift að sjá hvort t.d.
smyglarar hegði sér öðruvísi en aðrir
í flugstöð.
Um fjármögnun útrásarverkefna
segir Einar að viðræður við fjár-
mögnunaraðila séu vel á veg komnar
og aðkoma nýrra fjárfesta gæti orðið
síðar á þessu ári, en í dag er fyrir-
tækið í eigu fjögurra aðila Vaka
DNG, Landsteina, Landmats og
IMG.
Nákvæm talning getur
skilað tugmilljóna sparnaði
Peocon ehf. sérhæfir
sig í að telja fólk og
búa til verðmæti úr
upplýsingunum.
Þóroddur Bjarnason
kynnti sér starfsemi
fyrirtækisins.
Morgunblaðið/Sverrir
Einar Sigvaldason, framkvæmdastjóri Peocon ehf.
FYRIRTÆKIÐ Design Europa er
með starfsemi í fimm löndum en
höfuðstöðvarnar eru í Borgarnesi.
Fyrirtækið starfar á sviði vefhönn-
unar og hefur nokkra sérstöðu á því
sviði, að sögn eiganda og stofnanda
þess, Birgis Halldórssonar. Hann er
búsettur í Borgarnesi og segir að
fyrirtæki sem þetta sé hægt að reka
hvar sem er í heiminum.
„DE er þannig skipulagt að við
getum í raun rekið fyrirtækið hvar
sem er, þar sem við höfum góðan að-
gang að internetinu. Fastur kostn-
aður hjá okkur er mjög lágur, í raun
ótrúlega lágur. Við erum einnig
með DE fyrirtæki í Bretlandi og í
Bandaríkjunum.“
IKEA Internetsins
Mörg netfyrirtæki hafa lagt upp
laupana á síðustu tveimur árum.
Birgir segir að það sé sérstöðu DE
að þakka að það skuli halda velli.
„Þessum fyrirtækjum hefur
fækkað hratt en það eru ekki mörg
fyrirtæki sem eru sérhæfð eins og
DE. Við byggjum okkar fyrirtæki
upp á því að kaupa m.a. hannanir og
hugbúnaðargerð í gamla „austr-
inu“.
Við rekum 7 framleiðsluver í 5
löndum, allir hönnuðir sem vinna
fyrir DE eru háskólamenntaðir. De-
signEuropA hefur verið kallað
IKEA internetsins.“
Birgir segir DE einnig sjá við-
skiptavinum fyrir hýsingu og
viðhaldsþjónustu. „Við eigum
okkar eigin hugbúnað, t.d. búnað til
að byggja upp einfalda vefi fyrir þá
sem ekki vilja leggja mikla peninga
í vefi.“
Birgir var staddur í Kaliforníu,
nafla netheimsins, þegar hug-
myndin að stofnun DE kviknaði.
„Ég bjó í Kaliforníu í þrjú ár, hafði
ekki atvinnuleyfi svo að ég sökkti
mér á internetið að leita að ein-
hverju sem ég gæti unnið við. Þetta
var 1998-2001 á „dotcom“-upp-og-
niður-tímabilinu og má segja að ég
hafi verið á púlsinum á þessu suður
af LA. Þetta voru mjög óvenjulegir
tímar og er ég heppinn að hafa ver-
ið þarna á þessum tíma.“
Að sögn Birgis hannaði DE og
seldi tæplega 100 vefi hérlendis á
síðasta ári. „Við höfum hannað
nokkra vefi hér heima fyrir umboðs-
aðila þekktra alþjóðavörumerkja.“
Um framtíðina segir Birgir að
það sé ekki markmið að breiða mik-
ið úr fyrirtækinu. Hann segir að
meðal þess sem sé á dagskránni hjá
fyrirtækinu sé að opna DE skrif-
stofu í Danmörku og Þýskalandi.
„Önnur svæði eru í grunnvinnslu.
Það tekur 7-9 mánuði að opna
hvert „svæði“ með þjálfun og mark-
aðsáætlunum. Okkar markmið er
ekki að breiða okkur út um allt,
heldur finna færri og sterkari aðila
og hafa það svæðisbundið. Við erum
búin að prufukeyra fyrirtækið hér
heima á annað ár og erum tilbúin í
útrásina. Internetið er ekki að
hætta, það er kannski í samanburði
við flugið búið að vera 10 mín. á lofti
í fyrsta fluginu,“ segir Birgir.
Frá Borgarnesi
til Bandaríkjanna
Vefhönnunarfyrirtækið Design Europa í Borg-
arnesi starfar víða um heim
IMG þekkingarsköpun hf. og
Inntak almannatengsl ehf. hafa
gengið til samstarfs um þróun að-
ferða til að mæla áhrif og árangur
almannatengsla. Í tilkynningu kem-
ur fram að stóraukin notkun al-
mannatengsla við stjórnun og
markaðsstarf fyrirtækja kallar á
möguleika á að mæla þann árangur
sem næst með almannatengslum.
Mikilvægt er að fyrirtækin geti átt-
að sig á því hvort skilaboð almanna-
tengsla hafi náð til þess markhóps
sem þeim var ætlað að ná til, hvort
hópurinn meðtók og skildi skila-
boðin og síðast en ekki síst hvort
skilaboðin höfðu varanleg áhrif á
viðhorf og hegðun markhópsins.
Karl Pétur Jónsson, sem hefur
umsjón með verkefninu af hálfu
Inntaks almannatengsla, segir:
„Varan sem við þróum nú með IMG
verður án vafa happafengur fyrir
fólk sem beitir almannatengslum til
að ná markmiðum sínum eða ann-
arra.“
Þorlákur Karlsson, framkvæmda-
stjóri Rannsókna- og upplýsinga-
sviðs IMG, er sama sinnis. „Það er
okkur gleðiefni að taka þátt í þessu
verkefni þar sem við kappkostum
að menn meti árangur starfs síns –
þar á meðal er auðvitað árangur
sem næst með almannatengslum.“
Samstarf um mælingu á
áhrifum almannatengsla
Frá hugmynd
að fullunnu verki
Skipaþjónusta
H
ön
nu
n:
G
ís
li
B
.