Morgunblaðið - 19.05.2003, Blaðsíða 2

ÍÞRÓTTIR
2 B MÁNUDAGUR 19. MAÍ 2003 MORGUNBLAÐIÐ
MAGDEBURG er öruggt með
þriðja sæti í þýsku Bundeslig-
unni í handknattleik og þar með
sæti í Meistaradeildinni á næstu
leiktíð eftir öruggan sigur á
Lübbecke, 37:30, á útvelli. Læri-
sveinar Alfreðs Gíslasonar halda
enn í vonina um að taka annað
sætið af Flensburg en þegar
tveimur umferðum er ólokið af
deildarkeppninni munar aðeins
tveimur stigum á liðunum.
Ólafur skoraði 8 mörk fyrir
Magdeburg, þar af fjögur úr
vítakasti, og Sigfús Sigurðsson
skoraði 3.
Nýkrýndir meistarar Lemgo
mörðu sigur á Essen, 36:35, og
þurfa því aðeins tvö sig út úr
tveimur síðustu leikjunum til að
setja stigamet í deildinni en þeir
hafa þegar slegið markametið og
skorað 34 mörk að meðaltali í
leik. Patrekur Jóhannesson skor-
aði 3 mörk fyrir Essen, sem
missti endanlega af þriðja sæt-
inu, en GuðjónValur Sigurðsson
gat ekki leikið vegna meiðsla.
Risinn Wolker Zerbe skoraði
mest fyrir meistaranna eða 10
mörk.
Róbert Sighvatsson skoraði 4
mörk fyrir Wetzlar sem tapaði
fyrir Hamburg, 29:22. Einar Örn
Jónsson var hins vegar ekki á
markalistanum hjá Wallau
Massenheim sem tapaði fyrir
Gummersbach, 27:26.
Ólafur með átta
fyrir Magdeburg
Ólafur Stefánsson
SVO getur farið að Skotinn Scott
Ramsay leiki með Keflvíkingum í
1. deildinni í sumar. Ramsay, sem
ákvað í vetur að yfirgefa Grindavík
þar sem hann hefur leikið und-
anfarin ár, og ganga í raðir KR-
inga hætti óvænt hjá vesturbæj-
arliðinu í apríl og hélt til heima-
lands síns.
Keflvíkingar ræddu við Ramsay,
áður en hann hélt af landi brott,
með það fyrir augum að fá hann í
sitt lið ef hann sneri til baka og tók
Skotinn knái vel í það.
Rúnar Arnarson formaður knatt-
spyrnudeildar Keflavíkur sagði við
Morgunblaðið að hann hefði heyrt
það utan að sér að Ramsay væri
hugsanlega á leiðinni til Íslands og
ef svo væri mundi hann líklega
ganga til liðs við Keflavík. „Ég veit
ekki hvenær hann kemur en ef
hann ætlar sér að spila þá hlýtur
hann að koma fljótlega. Við erum
hins vegar alveg rólegir yfir þessu
enda vel mannaðir,“ sagði Rúnar.
Ramsay
með
Keflavík?
DIRK Nowitzki náði loks að sýna
hvað í honum býr í sjöunda leik
Dallas Mavericks gegn Sacramento
Kings í undaúrslitum vesturstrand-
arinnar í NBA-deildinni aðfaranótt
sunnudags, þar sem Dallas tryggði
sér sigur, 112:99. „Ég hafði fyrir
oddaleikinn ekki náð að láta mikið
að mér kveða, ég virtist ekki geta
fundið rétta taktinn í þessum leikj-
um. Ég brá á það ráð að æfa meira á
milli leikja og eftir að hafa lagað
skotið hjá mér fékk ég sjálfstraustið
á ný,“ sagði Nowitzki eftir að Dallas
hafði tryggt sér sæti í úrslitum vest-
urstrandarinnar gegn San Antonio
Spurs, í fyrsta sinn frá árinu 1988 er
liðið lék gegn Los Angeles Lakers.
Nowitzki skoraði 30 stig, tók 19
fráköst auk þess sem hann skoraði
gríðarlega mikilvæga þriggja stiga
körfu á lokakafla leiksins.
Nick Van Exel, Michael Finley,
Steve Nash, Raja Bell og Shawn
Bradley léku vel að þessu sinni í liði
Dallas og hefur Van Exel komið
skemmtilega á óvart í liði Mavericks
í úrslitakeppninni.
„Við erum þakklátir fyrir fram-
lag Nick Van Exel í þessum leikjum
en hann sagði réttu hlutina á réttum
tíma og oft er betra að leikmaður
segi slíkt við liðið en ekki þjálf-
arinn,“ sagði Don Nelson, þjálfari
Dallas Mavericks.
Forráðamenn Kings eru gríð-
arlega vonsviknir enda lék liðið til
úrslita á vesturströndinni fyrir ári
og átti að gera betur að þessu sinni.
Doug Christie náði sér ekki á strik í
oddaleiknum en hann hafði gert
góða hluti í úrslitakeppninni. Kings
saknaði að sjálfsögðu Chris Webber
en hann meiddist á hné í úr-
slitarimmunni gegn Dallas og mun
gangast undir aðgerð á næstu dög-
um. Bobby Jackson, leikmaður
Kings, var stuttur í spuna er blaða-
menn inntu hann eftir skýringum á
tapi liðsins. „Við vorum ekki með
Webber, svo einfalt var það,“ sagði
Jackson.
Nets byrja vel í Detroit
Fyrsti leikur Detroit Pistons og
New Jersey Nets í úrslitum austur-
strandarinnar fór fram í gær þar
sem Nets hafði betur, 76:74.
Það var Jason Kidd sem skoraði
sigurkörfu leiksins 1,4 sekúndum
fyrir leikslok. „Byron Scott þjálfari
liðsins kallaði númerið mitt og vildi
að ég tæki síðasta skotið að þessu
sinni. Það heppnaðist að ég held í
fyrsta sinn á mínum ferli og ég gat
þakkað fyrir það traust sem mér
var sýnt af honum og leikmönnum
liðsins“ sagði Jason Kidd eftir leik-
inn.
Næsti leikur liðana fer fram á
þriðjudag í Detroit.
Nowitzki
hrökk
í gang
Þorlákur sagði við Morgunblaðiðeftir leikinn í Grindavík í gær
að það hefðu heldur ekki verið mikl-
ar væntingar gerðar
til Valsmanna fyrir
síðasta tímabil. Þá
stokkaði hann liðið
algjörlega upp eftir að það féll úr
úrvalsdeildinni og mætti til leiks í 1.
deild með lið sem að mestu leyti var
skipað strákum sem hann stýrði í 2.
flokki nokkru áður.
„Í fyrra sögðu menn að við færum
ekki upp með þennan mannskap en
við gerðum það á sannfærandi hátt.
Núna renndum við dálítið blint í sjó-
inn, en við erum að mestu leyti með
það lið sem mun spila fyrir okkur í
sumar. Þessir strákar halda áfram
og ef við hefðum tapað í dag, hefði
ekki annað gerst en að við hefðum
haldið áfram og byrjað upp á nýtt í
næsta leik, gegn ÍBV. Ég hef þjálf-
að flesta þessara pilta lengi, og síð-
an höfum við fengið í hópinn nokkra
aðkomumenn sem hafa aðlagast
okkur geysilega vel og reynst góðir
félagar.“
Erum með gott fótboltalið
Þorlákur sagði að það hefði vissu-
lega verið erfitt að lenda undir eftir
aðeins tíu mínútna leik í Grindavík.
„Við fengum mótlætið strax og hefð-
um auðvitað viljað byrja öðruvísi, en
strákarnir leystu það geysilega vel.
Auðvitað var skrekkur í manni við
það að fá á sig þetta mark, á móti
vindinum á erfiðum útivelli. En við
sýndum að við erum með gott fót-
boltalið og sérstaklega vinnusama
stráka á miðjunni, og raunin varð sú
að við vorum sterkari aðilinn í leikn-
um frá upphafi til enda.“
Þorlákur benti þó á að Grindvík-
ingar hefðu ekki verið með sitt
sterkasta lið. „Þá vantaði Grétar
Hjartarson í framlínuna og ég hefði
ekki trúað því að óreyndu að það
gæti munað svona svakalega mikið
um einn leikmann. Ógnunin hjá
þeim var mikið minni fyrir vikið,
enda er Grétar frábær leikmaður.
Grindavík er með virkilega gott lið
og það er því afskaplega ánægjulegt
að hafa farið héðan með öll þrjú
stigin. Það var góð tilfinning að
komast yfir í leiknum, ég var aldrei
öruggur fyrr en flautað var af, en
við vorum þó mikið líklegri til að
bæta við mörkum en þeir til að
jafna.“
Engar ráðstafanir
vegna Sharpe
Hann sagði að þeir Valsmenn
hefðu ekki gert neinar sérstakar
ráðstafanir til að leika gegn Lee
Sharpe. „Nei, við lögðum enga sér-
staka áherslu á hann eða nokkurn
annan leikmann Grindavíkur. Við
lögðum upp leikinn fyrir okkur
sjálfa, fórum lauslega yfir helsta
styrk og veikleika mótherjanna, en
ekkert meira en það. Sjálfir vorum
við í vandræðum með sóknarleikinn
í dag, Hálfdán og Jóhann hafa verið
meiddir, en komu þó báðir við sögu,
og þegar þeir verða komnir í lag hef
ég ekki áhyggjur af þessum þætti.“
Þór féll eftir sigur
á Akranesi í fyrsta leik
Næsta mál á dagskrá Þorláks er
að koma sínum mönnum niður á
jörðina eftir óvæntan sigur og sjá til
þess að þeir fagni honum ekki of
lengi. „Við skulum vera minnugir
þess að í fyrra unnu Þórsarar sigur
á Akranesi í fyrsta leik en féllu
samt. Við erum rólegir, þetta er
bara einn leikur sem fer inn í
ánægjubankann í dag og kvöld og
svo er það búið. Á morgun heldur
vinnan áfram,“ sagði Þorlákur
Árnason.
Ungu strákarnir hans Þorláks Árnasonar, þjálfara
HLÍÐARENDASTRÁKARNIR
hans Þorláks Árnasonar komu,
sáu og sigruðu í fyrstu umferð
úrvalsdeildarinnar í knatt-
spyrnu í gær. Valsmönnum var
spáð falli í hinu árlega kaffi-
samsæti fyrir Íslandsmótið en
flestir hafa reiknað með því að
Grindvíkingar taki þátt í barátt-
unni um Íslandsmeistaratitilinn.
Það var hinsvegar Þorlákur sem
brosti breiðast í leikslok. Strák-
arnir hans stóðust prófið í fyrsta
leik og virðast staðráðnir í að
láta allar hrakspár sem vind um
eyru þjóta.
Morgunblaðið/Ómar
Þorlákur Árnason, þjálfari nýliða Vals, kom, sá og sigraði í Grindavík.
„Lögðum upp
leikinn fyrir
okkur sjálfa“
Eftir
Víði
Sigurðsson