Morgunblaðið - 19.05.2003, Blaðsíða 5

KNATTSPYRNA
MORGUNBLAÐIÐ MÁNUDAGUR 19. MAÍ 2003 B 5
Leikurinn var nokkuð fjörlegurframan af. Blikar höfðu góð tök
á miðjuspilinu þar sem þær Elín
Anna Steinarsdóttir
og Bára Gunnars-
dóttir voru mjög
sterkar og átti
Breiðablik nokkrar
ágætar sóknir að marki Þórs/KA/KS.
Norðanstúlkur sýndu þó ágæt tilþrif
og áttu skyndisóknir sem héldu
heimaliðinu á tánum. Eftir eina slíka
munaði minnstu að Helga Ósk Hann-
esdóttir, fyrirliði Breiðabliks, setti
knöttinn í eigið mark en er hún hugð-
ist hreinsa aftur fyrir endalínu vildi
ekki betur til en svo að knötturinn
hafnaði í markstönginni. Erna Sig-
urðardóttir kom Blikum á bragðið á
36. mínútu er hún slapp ein innfyrir
vörn norðanstúlkna og vippaði knett-
inum yfir Söndru Sigurðardóttur,
markvörð Þórs/KA/KS. Megn
rangstöðufnykur var af markinu en
aðstoðardómarinn sá ekkert athuga-
vert og markið var dæmt gott og gilt.
Aðeins sjö mínútum síðar voru Blikar
aftur á ferðinni. Helga Ósk tók auka-
spyrnu á miðjum vallarhelmingi
Þórs/KA/KS og Elín Anna Steinars-
dóttir skallaði knöttinn laglega í netið
úr vítateignum.
Leikurinn jafnaðist mjög í síðari
hálfleik. Blikar héldu þó áfram að
vera meira með knöttinn og sækja en
varnarlína Þórs/KA/KS var sterk og
kom í veg fyrir fleiri mörk Kópavogs-
stúlkna. Elma Rún Grétarsdóttir,
sem var nýkomin inná sem varamað-
ur, minnkaði muninn fyrir Þór/KA/
KS í uppbótartíma eftir góða skyndi-
sókn og fína sendingu frá Rakel Sig-
mundsdóttur. Breiðablik sýndi á
köflum ágæta knattspyrnu í þessum
leik. Það á sérstaklega við um fyrri
hálfleikinn þar sem liðið hafði leikinn
nánast í hendi sér. Helga Ósk Hann-
esdóttir, Bára Gunnarsdóttir og Elín
Anna Steinarsdóttir léku best í liði
Breiðabliks. Leikmenn Þórs/KA/KS
börðust af krafti allan leiktímann og
uppskáru mark á lokamínútunni í
leik sem allt eins hefði getað lyktað
með jafntefli. Þór/KA/KS var spáð 5.
sæti í deildinni af forráðamönnum lið-
anna en leikmenn liðsins sýndu það í
þessum leik að liðin fjögur sem spáð
er fyrir ofan þær mega hafa sig öll við
að ná þremur stigum út úr leikjunum
gegn þeim. Það sem helst gæti verið
áhyggjuefni er hversu lítil breidd er í
liðinu en í leiknum gegn Breiðabliki á
laugardag voru aðeins þrír varamenn
á skýrslu. Ásta Árnadóttir, Kristín
Gísladóttir og Rakel Sigmundsdóttir
léku best í liði Þórs/KA/KS.
Morgunblaðið/Arnaldur
Barist um knöttinn í leik Breiðabliks og Þór/KA/KS á Kópavogsvelli á laugardaginn.
Erna skoraði
fyrsta markið
ERNA Sigurðardóttir, leikmaður Breiðabliks, skoraði fyrsta markið í
úrvalsdeild kvenna í knattspyrnu á laugardag en þá unnu Blika-
stúlkur Þór/KA/KS 2:1. Leikurinn, sem jafnframt var fyrsti leikur Ís-
landsmótanna í knattspyrnu, fór fram við ágætar aðstæður á Kópa-
vogsvelli að viðstöddum um 100 áhorfendum.
Ingibjörg
Hinriksdóttir
skrifar
Landsbankadeildin á mbl.is
Fréttir • Tölfræði • Leikdagar • Markahæstir • Spjöld
Skjóttu á úrslitin
Taktu þátt í skemmtilegum leik þar sem þú getur skotið á úrslit í Landsbankadeildinni.
Glæsilegir vinningar frá Adidas og KSÍ.
Úrslit í SMS
Skráðu þig á mbl.is og fáðu úrslit leikja send beint í gsm símann þinn!