Morgunblaðið - 19.05.2003, Blaðsíða 3
ÍÞRÓTTIR
MORGUNBLAÐIÐ MÁNUDAGUR 19. MAÍ 2003 B 3
BRYNJAR Björn Gunnarsson landsliðs-
maður í knattspyrnu, sem verið hefur á
mála hjá Stoke City, hélt í morgun til
Portúgals þar hann mun dvelja í vikutíma
við æfingar hjá portúgalska 1. deildarliðinu
Braga.
„Ég ætlaði að öllu óbreyttu að koma heim
til Íslands í smá frí um helgina en það
breyttist á föstudaginn þegar ég fékk þetta
boð frá Braga. Ég ákvað að slá til og sjá
svona hvernig þetta er. Það er ekki komið
svo langt að ég sé kominn með tilboð frá lið-
inu en mér finnst allt í lagi að skoða þetta
og ég fer til Portúgals með opnum huga. Ég
þekki ekkert til liðsins og það má segja að
ég renni algjörlega blint í sjóinn hvað það
varðar,“ sagði Brynjar Björn við Morg-
unblaðið í gær.
Braga er sem stendur í 13. sæti af 18 lið-
um þegar tveimur umferðum er ólokið en
Brynjar Björn er með lausan samning við
Stoke þar sem hann hefur leikið undanfarin
fjögur ár en stjórnarmenn Íslendingaliðsins
hafa látið í veðri vaka að þeir ætli að bjóða
Brynjari nýjan samning.
„Eins og er hef ég ekki fengið neitt í
hendurnar frá Stoke. Mér var sagt að ég
fengi nýjan samning og ég bjóst við því að
það mundi gerast í fyrstu vikunni eftir mót.
Það hefur hins vegar ekki gerst en ég hef
engar áhyggjur af því. Í sjálfu sér hef ég
búið mig undir það að vera áfram hjá Stoke
en fyrst ekkert er orðið öruggt ákvað ég að
slá ekki hendinni á móti þessu boði frá
Braga,“ sagði Brynjar, sem gæti orðið
fyrsti atvinnumaður Íslands í Portúgal.
Brynjar Björn
skoðar hjá Braga
Brynjar Björn
ÁSGEIR Sigurvinsson og Logi Ólafsson, lands-
liðsþjálfarar í knattspyrnu, sáu Marel Baldvins-
son skora eina mark Lokeren þegar liðið tapaði
fyrir Lierse, 2:1, í belgísku 1. deildinni í knatt-
spyrnu á laugardagskvöld.
Marel jafnaði metin með góðu skoti en Lierse
tryggði sér sigurinn með marki á lokamínútu
leiksins.
Arnar Grétarsson gat ekki leikið með Lokeren
vegna meiðsla en þeir Arnar Þór Viðarsson, sem
kom inn í liðið eftir leikbann, Rúnar Kristinsson
og Marel Baldvinsson voru í liði Lokeren. Rúnar
fékk að líta gula spjaldið og verður í leikbanni í
síðasta leik Lokeren í deildinni.
Tapið breytti því ekki að Lokeren vann sér
sæti í UEFA-keppninni þar sem aðalkeppinautur
liðsins tapaði leik sínum við St. Truiden.
Marel skor-
aði í tapleik
Lokeren
ÞÓRÐUR Guðjónsson lék fimm
síðustu mínúturnar í liði Bochum
sem gerði 1:1 jafntefli við Hamburg-
er í síðasta heimaleik sínum á þess-
ari leiktíð í þýsku 1. deildinni.
EYJÓLFUR Sverrisson var ekki í
leikmannahópi Herthu Berlin sem
tapaði á útivelli fyrir Wolfsburg.
HELGI Kolviðsson lék allan tím-
ann fyrir Kärnten sem tapaði á
heimavelli fyrir Salzburg, 3:0, í aust-
urrísku 1. deildinni í knattspyrnu.
ÞRÍR leikmenn, sem nýkomnir
eru frá námi frá Bandaríkjunum,
léku með Breiðabliki gegn Þór/KA/
KS í fyrstu umferð úrvalsdeildar
kvenna á laugardaginn. Það voru
þær Helga Ósk Hannesdóttir, Bára
Gunnarsdóttir og Eva Sóley Guð-
björnsdóttir.
ÞÁ EIGA Blikar eftir að fá Ey-
rúnu Oddsdóttur frá Bandaríkjun-
um auk þess sem sóknarmaðurinn
Ellen DeClovet verður væntanlega í
leikmannahópi Breiðabliks gegn FH
í 2. umferð deildarinnar.
TVEIR leikmenn Breiðabliks í
kvennaflokki léku með liði sínu að
nýju eftir hnémeiðsl síðustu ár. Bára
Gunnarsdóttir, sem hefur verið í
námi í Bandaríkjunum, er komin á
fulla ferð eftir að hafa leikið aðeins 6
deildarleiki frá árinu 1999 og Erna
Sigurðardóttir lék ekkert með
Breiðabliki í fyrra eftir að hafa slitið
krossband tvisvar sinnum frá árinu
2001. Þá bíða Blikar eftir því að
Björg Ásta Þórðardóttir jafni sig af
meiðslum á ökkla sem hún hlaut í æf-
ingaleik í upphafi árs.
KARLALIÐ Breiðabliks lék án Ív-
ars Jónssonar og Gunnars B. Ólafs-
sonar gegn Þór í 1. deildinni í gær en
þeir hafa verið frá æfingum og
keppni um skeið vegna meiðsla og
eru ekki tilbúnir í slaginn strax.
BARCELONA varð í gær spænsk-
ur meistari í handknattleik þegar lið-
ið sigraði Ciudad Real á útivelli,
30:28. Börsungar eru með 52 stig
fyrir lokaumferðina en Ciudad Real
og Ademar Leon eru með 48 stig.
HEIÐMAR Felixson skoraði 2
mörk fyrir Bidasoa sem tapaði fyrir
Valladolid, 32:29, í spænsku 1. deild-
inni í handknattleik í gær.
RAGNAR Óskarsson skoraði 7
mörk og var markahæstur í liði
Dunkerque sem tapaði fyrir Istres,
22:20, í frönsku 1. deildinni í hand-
knattleik um helgina.
GUNNAR Berg Viktorsson komst
ekki á blað hjá Paris SG sem sigraði
Selestat, 30:25. Fyrir lokaumferðina
er ljóst að Paris SG lendir í fjórða
sæti deildarinnar en Dunkerque er í
sjötta sæti og getur hugsanlega farið
sæti neðar. Montpellier hefur þegar
tryggt sér meistaratitilinn.
FÓLK
nýliða Vals, komu, sáu og sigruðu óvænt í Grindavík
Morgunblaðið/Ómar
Jóhanni Hreiðarssyni úr Val var fagnað innilega af félögum sínum í Grindavík enda rík ástæða til.
DALVÍKINGURINN Jóhann
Hreiðarsson minnti eftirminni-
lega á sig í Grindavík í gær. Jó-
hann, sem er 23 ára, skoraði sín
fyrstu mörk í efstu deild. Hann
er yngri bróðir Sigurbjörns
Hreiðarssonar, fyrirliða liðsins.
Jóhann hefur nýlega tekið við
hlutverki Sigurbjörns í liði Vals-
manna, sem vítaskytta liðsins en
undanfarin ár hefur Sigurbjörn
tekið vítaspyrnur Valsmanna.
Jóhann, hetja Valsmanna, var
að vonum kampakátur að leik
loknum í Grindavík. „Sigur í dag
var það sem við þurftum. Góð
byrjun í mótinu veitir mönnum
aukið sjálfstraust fyrir fram-
haldið. En þrátt fyrir sigur okkar
í dag þá skulu menn ekki halda
það að við ætlum okkur á eitt-
hvert flug, nú er bara að ná sér
niður á jörðina og mæta grimmir
í næsta leik,“ sagði Jóhann við
Morgunblaðið. Þá vildi hann
koma því á framfæri að stóri
bróðir hans hefði átt mikinn þátt
í öðru markinu. „Markið er skráð
á mig, en sannleikurinn er samt
sá að boltinn fór í Bjössa (Sig-
urbjörn). Ætli ég leyfi honum
ekki að eiga markið,“ sagði Jó-
hann Hreiðarsson og hló.
Gefur aukið sjálfstraust
LEE Sharpe, fyrrverandi
leikmaður Manchester United
og enska landsliðsins, náði
sjaldan að leika á Valsmenn í
fyrsta leik sínum í úrvals-
deildinni með Grindvíkingum
í gær. Sharpe náði sér aldrei
á strik í leiknum, frekar en
Grindavíkurliðið í heild. En
honum tókst hinsvegar betur
upp eftir leikinn þegar hann
náði að leika á fréttamenn
sem biðu eftir honum til að
ræða við hann um gang mála.
Sharpe setti upp hvíta prjóna-
húfu áður en hann gekk út úr
búningsklefanum og villti
með því um fyrir fréttamönn-
um sem áttuðu sig ekki á hver
var þar á ferð fyrr en of seint.
Sharpe
lék á
frétta-
menn