Morgunblaðið - 13.07.2003, Side 15
MORGUNBLAÐIÐ SUNNUDAGUR 13. JÚLÍ 2003 B 15
bíó
Þegar komið var að Sálumessunni hans Aron-ofskys var Connelly búin að „vera á markaðn-um“ í hálfan annan áratug án þess að nokkuð
gengi eða ræki. Hún er fædd í New York-fylki árið
1970 og komst í gegnum fjölskyldubönd í fyrir-
sætustörf langt innan við fermingu. Connelly varð
fastagestur á forsíðum tískublaða, eftirsótt fyrir-
sæta og leikari í sjónvarpsauglýsingum og slíkur
frami hlýtur að enda fyrr eða síðar í Hollywood.
Sá sem „uppgötvaði“ Connelly í kvikmyndaheim-
inum var enginn annar en Sergio Leone, spaghetti-
vestra skáldið góða. Connelly fer með hlutverk aðal-
kvenpersónu Einu sinni var í Ameríku (C’era una
volta in America ), á yngri árum (Elizabeth McGovern
tekur við), þessi ábúðarmikla stórmynd, sem jafn-
framt var frumraun leikstjórans í Vesturheimi, stóð
ekki undir væntingum. Hrollvekjusmiðurinn Dario
Argento, tók eftir Connelly í mynd samlanda síns og
bauð henni aðalhlutverk í Phenomena (’85). B-
hrolli, sem líkt og flestar myndir Argentos, naut tals-
verðra vinsælda á meginlandinu. Étoile (’88) og
Stelpur (Some Girls) (’88), eru lítið skárri en Völ-
undarhús (Labyrinth), (’87), gerð af Jim Henson með
David Bowie, komst í hóp mest sóttu mynda í Evrópu
það árið og var spor í rétta átt á tilþrifalitlum ferli
til þessa.
Dennis Hopper var með fyrstu mönnum til að gera
sér grein fyrir hæfileikum hinnar brúnhærðu
Connelly, afraksturinn var Viðkvæmur stað-
ur (The Hot Spot) (’91), nokkuð athyglis-
verð mynd um heitar ástríður og svalar
konur í smábæ í Texas. Eldflaugamað-
urinn (The Rocketeer) (’91) er dýr og
metnaðarfull mynd með laglegum
brellum en útkoman ótrúlega leiðinleg
og stóð engan veginn undir vænt-
ingum. Næstu myndir eru allar auð-
gleymdar, að Mulholland fossum
(Mulholland Falls) (’96), undan-
skildri þótt hún standi ekki undir
væntingum sem frumraun Nýsjá-
lendingsins Lee Tamahori (Eitt sinn
stríðsmenn) í Hollywood.
14 ár voru liðin frá því að leik-
konan spreytti sig undir stjórn Leones og síðan
hafði fátt umtalsvert gerst. Connelly var samt
ekki á því að láta deigan síga og sem oft áður
reyndist hjálpin nærri er neyðin var stæst. Hún
birtiust í Myrkraborg (Dark City) (’98), und-
arlegri B-mynd eftir Alex Proyas, sem margir telja
með persónulegustu leikstjórum Bandaríkjanna.
Þótt Connelly fengi góða dóma í hlutverki eiginkonu
aðalpersónunnar og aðsóknin væri prýðileg, olli
myndin engum straumhvörfum í lífi leikkonunnar.
Hún fékk að vísu aðalhlutverkið í sjónvarpsþátt-
unum $trætið (The $treet) (’00), en þá var röðin
loksins komin að Sálumessunni sem getið er í
upphafi. Það var því David Aronofsky sem varð
fyrstur til að virkja hæfileika Connelly með um-
talsverðum árangri, en hún hefur e.t.v. mátt
líða fyrir fagurt útlit fram að því. Allar götur
síðan hefur leikkonan getað valið úr góðum
hlutverkum.
Connelly fylgdi velgengninni vel eftir.
Stendur sig með sóma á móti Ed Harris í
Pollock (’00), og ennfrekar sem eigin-
kona Johns Nash (Russell Crowe) í Fag-
urri sál (A Beautiful Mind) (’01).
Hlutverkið færði henni bæði Golden
Globe, BAFTA og Óskarsverðlaunin og það
sem mestu máli skipti, kærkomna viðurkenningu.
Nú fáum við að sjá til Connelly í Hulk, sem stefnir í
að verða ein vinsælasta mynd ársins og ætti að
tryggja hinni fagureygðu leikkonu fastan sess með-
al þeirra bestu.
Löng leið á toppinn
SJÁLFSAGT hafa augu margra byrjað að beinast af al-
vöru að Connelly er hún hristi duglega upp í taugakerfi
áhorfenda á kvikmyndahátíð fyrir fáeinum árum í Sálu-
messu draums (’00) (Requiem for a Dream). Mögnuð inn-
lifun hennar í hlutverki stúlku sem við sjáum drabbast
niður í skítinn úr ríkidæmi og vellystingum er einhver
áhrifaríkasta aðvörun við eiturlyfjum sem um getur í
kvikmyndasögunni.
Sæbjörn Valdimarsson
SVIPMYND
Jennifer Connelly Inntakið í hasarblaðasögninni um Hulk
minnir óneitanlega á Fríðu og dýrið og það er góð lausn að setja
hina háu og spengilegu gæðaleikkonu Jennifer Connelly í aðal-
kvenhlutverkið, en stórmyndin um græna risann er frumsýnd
núna um helgina. Connelly leikur Betty Ross, ástina í lífi hins
óhamingjusama Bruce Banner/Hulk. Tilfinningarík, hádramatísk
túlkun Connelly gefur hasarmyndinni óvænta dýpt.
AP
CHARLES Frazier er fyrrverandi prófessor í
bandarískum bókmenntum sem gerðist hestabóndi
á ættaróðalinu í Bláfjöllum í Norður-Karólínufylki.
Þar vaknaði áhugi hans á þátttöku forfeðra sinna í
Þrælastríðinu og úr varð að lokum sögulega skáld-
sagan Kaldbakur (Cold Mountain).
Frazier lagði ekki upp með bók í huga er hann
hóf rannsóknir sínar á löngu gengnum stríðsmönn-
um Frazierættarinnar, einkum forföður sínum að
nafni Inman. Smám saman hlóðst upp efni og hugmyndir og Frazier
ákvað reyna að sjóða saman skáldsögu úr dagbókum sínum og minnis-
blöðum, þar sem aðalpersónan ber nafnið Inman. Það kom honum ekki
minna á óvart að ritsmíðin hlaut frábæra dóma og eftirsótt verðlaun og
ekki síst að hún seldist í milljónaupplagi og sat tæpt ár á metsölulistum.
Ævintýrinu var ekki lokið því MGM keypti kvikmyndaréttinn á 1,25
milljónir dala og þar á bæ varð mönnum fljótlega ljóst að hér var efni í
stórmynd af gamla skólanum. Slík verk kosta óhemju fjár svo gamli
Hollywood-risinn gafst upp við svo búið og metnaðarfulli „dvergrisinn“
Miramax gekk inn í kaupin. Gengið var frá ráðningu úrvalsmanna með
leikstjórann/handritshöfundinn Anthony Minghella í fararbroddi. Hann
hefur gert tvær myndir fyrir Miramax, sem færðu því átta Óskars-
verðlaun og aðrar átta tilnefningar til viðbótar.
Fjallamaðurinn og
prófessorinn Frazier
Suðurríkjamaður að
langfeðgatali: Met-
söluhöfundurinn
Charles Frazier.
KOSTNAÐARVERÐ Einn.0 er
áætlað um tvær milljónir evra og er
fjármagnað m.a. af Íslenska kvik-
myndasjóðnum, Íslensku kvikmynda-
samsteypunni og ZentAmerica Ent-
ertainment, fyrirtæki í eigu Thomasar
Mai, aðalframleiðanda myndarinnar.
Upphaflega var ætlunin að Einn.0
yrði tekin hér á landi og í Kanada, þar
sem Marteinn býr og hefur starfað að
undanförnu. Kostnaðurinn reyndist
óviðráðanlegur og því var horfið til
Rúmeníu þar sem verðlag er hvað
hagstæðast nú um stundir í Evrópu.
Lítið hefur kvisast út um efnið ann-
að en að vísindaskáldsöguleg spennu-
mynd mun vera á ferðinni og aðalper-
sónan er starfsmaður á auglýsinga-
stofu sem verður tilraunadýr í tengsl-
um við eitt stórverkefna stofunnar.
Hollywood-leikararnir Jeremy Sisto
(Röng beygja – Wrong Turn, Þrettán
– Thirteen ), (báðar ’03) og Deborah
Unger (sem við sáum fyrir skömmu í
Salton hafinu (The Salton Sea), fara
með aðalhlutverkin. Höfðingjarnir
Lance Henriksen og Udo Kier fara með
stæstu aukahlutverkin, þeir eru valin-
kunnir kappar sem sett hafa svip á
margar óvenjulegar myndir í gegnum
tíðina. Henriksen stóð sig vel í Alien-
myndunum; Púðri (Powder), Sá
snöggi og sá dauði (The Quick and the
Dead) og Tortímandanum (The Term-
inator), svo nokkrar séu nefndar.
Furðufuglinn Þjóðverjinn Kier hef-
ur m.a. sést að undanförnu í myndum
Gus Van Sant og Lars von Trier.
Marteinn og Renfroe hafa starfað sam-
an við gerð auglýsinga og hljómlistar-
myndbanda, m.a. Súkkat – Vont en
það venst. Einn.0 er hinsvegar fyrsta
kvikmyndin í fullri lengd sem þeir
leikstýra. Auk þess skrifa þeir hand-
ritið og klippa myndina eins og fram
hefur komið. Marteinn og Renfroe gera
sér vonir um að frumsýna Einn.0 að
hausti, samtímis í Kanada og á Ís-
landi. Einn.0 fékk úthlutað 10 millj-
ónir í framleiðslustyrk frá Kvik-
myndamiðstöð Íslands þ. 10. júlí.
Einn.0
Marteinn Þórsson að ljúka við mynd í Hollywood
Kvikmyndagerðarmennirnir
Marteinn Þórsson og félagi
hans, Jeff Renfro, hafa lokið
tökum á spennumyndinni
Einn.0 (One.0), sem staðið
hafa í tvo og hálfan mánuð í
Rúmeníu. Félagarnir eru u.þ.b.
að byrja að klippa efnið í Los
Angeles.