Morgunblaðið - 25.08.2003, Blaðsíða 12
Glæsilegt
hjá Klüft
SÆNSKA stúlkan Carolina
Klüft varð heimsmeistari í
sjöþraut kvenna á HM í Par-
ís í gær. Hún hlaut samtals
7.001 stig og er þriðja frjáls-
íþróttakonan sem kemst yf-
ir 7.000 stig í greininni í
sögunni. Um leið bætti hún
eigið Norðurlandamet veru-
lega. Klüft, sem er tvítug,
bætti persónulegan árangur
sinn í sex greinum af sjö.
Eunice Barber frá Frakk-
landi varð önnur og Natalya
Sazanovich frá Hvíta-
Rússlandi þriðja.
Klüft var aðeins sjö stig-
um frá Evrópumetinu í
greininni sem Rússinn Lar-
isa Nikitina á en það setti
hún fyrir 14 árum. Í síðustu
greininni, 800 m hlaupi,
lagði Klüft allt í sölurnar til
að bæta Evrópumetið en
tókst ekki þrátt fyrir hetju-
legan endasprett.
Barber hlaut samtals
6.755 stig og Sazanovic
6.524 stig. Heimsmeistarinn
frá því fyrir tveimur árum,
Jelena Prokhorova frá
Rússlandi, varð að gera sér
fjórða sætið að góðu með
6.452 stig og ólympíu-
meistarinn Denise Lewis frá
Bretlandi varð að gera sér
fimmta sætið að góðu.
DARREL Brown frá Trinidad og
Tobago bætti heimsmet ungmenna í
100 metra hlaupi á Heimsmeistara-
mótinu í París í gær um 0,05 sek-
úndur er hann hljóp á 10,01 sekúndu
í undanúrslitum. Gamla metið átti
Dwain Chambers frá Bretlandi og
setti hann það árið 1997. Brown er
aðeins 18 ára og var heimsmeistari
unglinga í greininni í fyrra.
EÞÍÓPUMENN unnu þrefaldan
sigur í 10.000 m hlaup karla í gær. Þá
kom Kenenisa Bekele fyrstur í mark
á nýju mótsmeti á 26.49,57 mínútum.
Heimsmethafinn Haile Gebreselass-
ie varð annar á 26.50,77 og Sileshi
Sihine kom þriðji í markið á 27.01,44.
AHMAD Abdullah Hassan varð í
fjórða sæti á 27.18,28 en öllum til
undrunar náðu Kenýamenn aðeins
fimmta sætinu. Það var Cheruiyot
John Korir á 27.19,94. Kenýamenn
hafa verið í verðlaunasæti í 10.000 m
hlaupi á öllum heimsmeistaramótum
nema því fyrsta árið 1983 í Helsinki.
TVEIMUR keppendum var vísað
úr keppni í milliriðlum í 100 m hlaupi
karla í gær, þeim Assafa Powell frá
Jamaíku og John Drummond frá
Bandaríkjunum. Þeir voru báðir
taldir hafa þjófstartað, en áður hafði
Dwight Thomas, Jamaíku, þjóf-
startað. Samkvæmt nýjum reglum
skal þeim vísað úr keppni sem þjóf-
starta öðru sinni í sama hlaupi og
það átti við um Powell og Drum-
mond.
MIKIL rekistefna varð í framhaldi
af brottvísun Drummonds og mót-
mælti hann og fleiri óspart. Dómin-
um varð ekki hnikað og varð
Drummond að bíta í það súra epli að
hætta keppni. Í framhaldinu var
keppni í þessum riðli milliriðlanna
frestað um tíma. Þegar loks átti
hefja keppni í honum mótmæltu
áhorfendur svo ákaflega að það tók
um 20 mínútur að koma ró á mann-
skapinn, sem þótti greinilega mjög
brotið á Drummond.
FÓLK
Þórey Edda reyndi fyrst við 4,25metra. Hún fór yfir þá hæð í
annarri tilraun. Hún lét hækka
rána í 4,35 m og tókst að fara yfir
þá hæð í fyrstu tilraun sem veitti
henni keppnisréttinn í úrslitunum.
„Ég er rosalega ánægð með að
vera í úrslitunum enda stefndi ég
að því. Ég fann mig virkilega vel
og ég held ég megi segja að ég hafi
sjaldan verið í betra formi. Það
gekk allt upp. Atrennan var hröð
hjá mér og bæði aðstæður og
stemningin á vellinum hjálpuðu
mér. Sjálfstraustið er mikið og ég
vissi að ég gæti farið áfram,“ sagði
Þórey Edda í samtali við Morg-
unblaðið í gær.
Spurð um hvort hún hafi sett sér
markmið fyrir úrslitin í kvöld segir
Þórey: „Þetta er bara ný keppni
sem tekur við en ég hef í sjálfu sér
ekki sett mér nein markmið. Héð-
an af er hvert sæti upp á við bón-
us.“
Þórey Edda varð sjötta á heims-
meistaramótinu í Edmonton fyrir
tveimur árum en skyldi hún ná að
bæta þann árangur?
„Auðvitað yrði það gaman en ég
held að það sé svolítið fjarlægur
draumur. En maður veit aldrei. Ég
ætla a.m.k. að reyna að gera mitt
besta og svo verðum við bara að
sjá hverju það skilar.“
Þórey segir að byrjunarhæðin í
úrslitunum verði 4,10 metrar. Hún
reiknar með að byrja í 4,25 metr-
um líkt og hún gerði í undankeppn-
inni.
„Ég held að slagurinn um gull-
verðlaunin standi á milli Rússanna
Isinbajevu og Feofanovu en ég hef
ekki trú á að Stacy Dragila blandi
sér í þá baráttu.“
Stangarstökkvararnir tólf sem
keppa til úrslita í dag eru: Þórey
Edda, Svetlana Feofanova, Jelena
Isinbajeva og Jelena Belyakova,
allar frá Rússlandi, Yvonne Busc-
baum og Annika Becker frá Þýska-
landi, Stacy Dragila og Mary
Sauer frá Bandaríkjunum, Shuying
Gao frá Kína, Marie Poisonnier frá
Frakklandi, Monika Pirek frá Pól-
landi og Naroa Agirre frá Spáni.
Fékk gull nýkominn úr banni
Hvít-Rússinn Andrei Mikhnevich
varð hlutskarpastur í kúluvarpi
karla á heimsmeistaramótinu í
frjálsum íþróttum. Mikhnevich,
sem losnaði undan tveggja ára
keppnisbanni vegna ólöglegrar
lyfjaneyslu fyrir þremur vikum,
náði sínu besta kasti frá upphafi,
21,59 metrar, og það dugði til sig-
urs og um leið vann Hvít-Rússinn
sinn fyrsta sigur á stórmóti.
Bandaríkjamaðurinn Adam Nelson
hlaut silfurverðlaun, líkt og á Ól-
ympíuleikunum í Sydney, með
21,26 metra kasti og bronsverð-
launin féllu Úkraínumanninum Júrí
Bilonog í skaut en hann varpaði
kúlunni 21,10 metra.
Bandaríkjamaðurinn John God-
ina sem stefndi að sínum fjórða
heimsmeistaratitli varð að láta sér
lynda níunda sætið en hann gerði
ógilt í fyrstu tveimur köstum sín-
um og kastaði svo aðeins 19,84
metra í þriðja kastinu.
„Ég trúi því varla ennþá að ég
hafi unnið og eigi að taka við gull-
verðlaunum,“ sagði Mikhnevich
þegar úrslitin í kúluvarpinu lágu
ljós fyrir.
Hvít-Rússinn hefur haldið fram
sakleysi sínu en ólögleg lyf fundust
í þvagi hans eftir heimsmeistara-
mótið í Edmonton í Kanada fyrir
tveimur árum en þá hafnaði hann í
10. sæti.
„Ég nýtti bannið til að æfa og
æfa og ég lagði virkilega hart að
mér. Nú er ég kannski að upp-
skera laun erfiðisins,“ sagði
Mikhnevich.
Hefur sjaldan
verið í betra formi
ÞÓREY Edda Elísdóttir, stang-
arstökkvari úr FH, keppir síð-
degis í dag til úrslita á heims-
meistaramótinu í frjálsum
íþróttum í París og hefst keppn-
in klukkan 16.30 að íslenskum
tíma. Þórey Edda tryggði sér
keppnisréttinn í úrslitunum
með því að fara yfir 4,35 metra.
11 stúlkur komust yfir þá hæð
en það dugði tólfta og síðasta
stökkvaranum inn í úrslitin að
fara yfir 4,25 metra til að kom-
ast í úrslitakeppnina.
Reuters
Þórey Edda Elísdóttir í
undankeppni stangar-
stökksins á heimsmeist-
aramótinu á laugardaginn.
Hún verður í eldlínunni í
úrslitunum í dag.
Reuters
Carolina Klüft, til hægri, tekur við hamingjuóskum frá ein-
um andstæðinga sinna, Eunice Barber, eftir að hafa unnið
sjöþrautarkeppnina í gærkvöldi.
Þórey Edda Elísdóttir keppir til úrslita í stangarstökki á HM í dag