Morgunblaðið - 29.09.2003, Side 2
KNATTSPYRNA
2 B MÁNUDAGUR 29. SEPTEMBER 2003 MORGUNBLAÐIÐ
ÓLAFUR Davíð Jóhannesson,
þjálfari FH, og Halldóra Vanda
Sigurgeirsdóttir, þjálfari KR,
voru útnefndþjálfarar ársins í
efstu deild karla og kvenna fyrir
árið 2003 á aðalfundi Knatt-
spyrnuþjálfarafélags Íslands,
KÞÍ, á laugardaginn.
Halldóra Vanda hefur þrisvar
áður verið útnefnd þjálfari ársins,
en Ólafur einu sinni áður.
Valið fór þannig fram að þessu
sinni að stjórn KÞÍ velur þjálfara
ársins, en áður voru það þjálfarar
liðanna sem kusu einn þjálfara
hver.
Guðni Kjartansson, Kjartan
Másson og Helgi Þorvaldsson
voru sæmdir gullmerki Knatt-
spyrnuþjálfarafélags Íslands fyrir
góða og faglega vinnu við knatt-
spyrnuþjálfun í áratugi.
Sigurlín Jónsdóttir, Lárus Grét-
arsson og Úlfar Hinriksson fengu
viðurkenningu Knattspyrnuþjálf-
arafélags Íslands fyrir vel unnin
störf við þjálfun yngri flokka fé-
laga sinna til fjölda ára.
Stjórn KÞÍ skipa Sigurður Þór-
ir Þorsteinsson, Njáll Eiðsson,
Jörundur Áki Sveinsson, Ómar
Jóhannsson, Úlfar Hinriksson.
Þórir Bergsson og Elísabet Gunn-
arsdóttir.
Vanda og Ólafur
þjálfarar ársins
ÁSTHILDUR Helgadóttir skoraði eitt marka Íslands
í sigrinum á Pólverjum, 3:2, í Bydgoszcz á laug-
ardaginn. Það var 18. mark hennar fyrir kvenna-
landsliðið og hún er þar með orðin markahæsti
A-landsliðsmaður Íslands, kvenna og karla, frá upp-
hafi – hefur skorað einu marki meira en Ríkharður
Jónsson gerði fyrir karlalandslið Íslands á árunum
1946 til 1965.
Ásthildur er langmarkahæsti leikmaður kvenna-
landsliðsins en næst á eftir henni kemur Olga Fær-
seth sem skoraði sitt 11. landsliðsmark í Póllandi. Í
3.–4. sæti eru síðan Ásta B. Gunnlaugsdóttir, sem
var í liðsstjórn íslenska liðsins í Póllandi, og Mar-
grét R. Ólafsdóttir, báðar með 8 mörk.
Ásthildur bætir jafnframt leikjamet sitt með
landsliðinu með hverjum leik. Þetta var hennar 56.
A-landsleikur en Margrét R. Ólafsdóttir kemur næst
með 51 landsleik.
Ásthildur fór upp
fyrir Ríkharð
Morgunblaðið/Brynjar Gauti
Ásthildur Helgadóttir
SIGUR íslenska kvennalandsliðs-
ins á Pólverjum á laugardaginn,
3:2, er sá fyrsti sem það vinnur á
útivelli í undankeppni EM eða
HM í sjö ár eða frá 5. júní 1996.
Þá lagði íslenska landsliðið það
hollenska, 2:0, í Den Ham, en
leikurinn var liður í undan-
keppni EM líkt og nú.
Aðeins tveir leikmenn sem
skipuðu íslenska landsliðið þá
léku leikinn gegn Póllandi á
laugardaginn, Ásthildur Helga-
dóttir og Olga Færseth. Olga
kom inn á sem varamaður gegn
Hollendingum á 54. mínútu. Ást-
hildur skoraði þá síðara mark Ís-
lands, en hún innsiglaði sigurinn
gegn Póllandi með þriðja marki
íslenska liðsins.
Fyrsti sigurinn
á útivelli í sjö ár
Eftir niðurlæginguna á Laugar-dalsvelli var þjálfara pólska
liðsins sagt upp og annar ráðinn í
hans stað. Helena sagði að það hefði
greinilega haft góð áhrif á pólska lið-
ið sem lék mun betur að þessu sinni.
„Við renndum nokkuð blint í sjóinn
fyrir þennan leik, við vissum að
pólska liðið yrði sterkara en hér
heima þar sem allt gekk upp hjá okk-
ur. Þegar upp er staðið er ég fyrst og
fremst ánægð með sigurinn þótt ým-
islegt hefði mátt vera betra í okkar
leik, þá stendur sigurinn upp úr, að
leikslokum skiptir sigurinn mestu
máli,“ sagði Helena. „Við erum held-
ur ekki vanar að fara í leik á útivelli
þar sem ætlast er til þess að við
vinnum. Það er okkur ný reynsla.“
Pólverjar hófu leikinn af miklum
krafti og opnuðu markareikning sinn
eftir 16 sekúndur með marki sem var
lík kaldri vatnsgusua framan í ís-
lensku leikmennina. „Það er erfitt að
„mótivera“ lið eftir 10:0 sigur þar
sem allt gengur upp. Fyrir vikið er
erfitt að mæta til leiks á tánum og
það vorum við ekki í upphafi þessa
leiks og var refsað fyrir,“ segir Hel-
ena og bætir því við að markið hafi
svo sannarlega vakið íslenska liðið.
Olga Færseth jafnaði metin á 5. mín-
útu þegar hún skallaði knöttinn í
markið eftir hornspyrnu frá hægri.
Áður en hálfleikurinn var úti höfðu
þær Margrét Lára Viðarsdóttir og
Ásthildur Helgadóttir, fyrirliði,
skorað sitt hvort markið og tryggt
íslenska liðinu verðskuldaða forystu.
Olga var arkitektinn að marki Mar-
grétar Láru.
Tókst að loka
öllum leiðum
„Ég taldi að við værum komnar í
gang í hálfleik eftir að hafa náð góðri
forystu en sú varð ekki raunin.
Pólska liðið var ekki af baki dottið, í
því býr dugnaður og ákveðni og það
veitti okkur harða keppni. Pólverj-
um tókst síðan að minnka muninn á
61. mínútu og eftir það bökkuðum við
ósjálfrátt, verðum taugaspenntar,
hræddar við að missa niður forskot-
ið. En okkur tókst að loka öllum leið-
um pólska liðsins upp að okkar
marki og halda þannig fengnum hlut
og með það erum við alsælar.
Við áttum ekki toppleik en það er
ákveðið styrkleikamerki að vinna
leik þar sem liðið leikur ekki vel,“
sagði Helena.
Íslenska landsliðið hefur unnið
þrjá leiki í undankeppninni í ár, gert
eitt jafntefli og tapað einum, er með
tíu stig að loknum fimm leikjum. Á
næsta ári leikur það þrjá síðustu
leikina, fyrsta gegn Ungverjum ytra
og síðan tekur það á móti Rússum og
Frökkum á heimavelli. Helena segist
ánægð með afraksturinn í keppninni
til þessa þótt vissulega þyki henni
sárt að hafa ekki náð meira en einu
stigi í leiknum við Rússa ytra.
Verðum að vinna Ungverja í vor
„Það hafa verið talsverðar breyt-
ingar hjá okkur öllum á þessu ári. Ég
kom inn í hópinn sem þjálfari, það
hófst ný keppni. Við unnum heima-
leikina okkar, töpuðum fyrir Frökk-
um á útivelli og gerðum jafntefli við
Rússa á útivelli, í þeim leik liggja tvö
stig til viðbótar sem ég hefði viljað
fá. Ekkert er hægt að segja við tap-
inu fyrir Frökkum, að mínu mati eru
Frakkar með sterkasta liðið í riðl-
inum.
Framhaldið í riðlinum verður
spennandi ef okkur tekst að vinna
Ungverja ytra næsta vor. Þann leik
er nauðsynlegt fyrir okkur að vinna
til þess að síðustu tveimur heima-
leikirnir gegn Frökkum og Rússum
verði spennandi. Þá held ég að Pól-
verjar geti vel gert einhverjum þjóð-
um skráveifu ef þeir halda áfram að
bæta við þann leik sem þeir sýndu
gegn okkur að þessu sinni, þá er ég
ekki farin að sjá að allir þjóðir fari
með sigur af hólmi í Póllandi. Ég er
fegin að vera búinn með þennan leik,
hann var svo sannarlega erfiður.“
Helena segist hafa að mörgu leyti
verið að móta nýtt lið. Hún hafi valið
23 leikmenn og af þeim hafi nítján
leikið eitthvað í leikjum sumarsins.
„Það sem stendur uppi er sú stað-
reynd að við erum núna komin með
stærri hóp góðra leikmanna sem
banka hressilega á dyrnar. Auk þess
er árangur 19 ára landsliðsins í und-
ankeppni EM mjög góður og eykur
enn við þá breidd sem er að myndast
í kvennaknattspyrnunni.
Allt er þetta afar spennandi og já-
kvætt fyrir mig sem landsliðsþjálf-
ara,“ sagði Helena Ólafsdóttir,
landsliðsþjálfari kvenna í knatt-
spyrnu.
Helena Ólafsdóttir landsliðsþjálfari
Fegin að
þessum
leik er
lokið
„ÞETTA var í raun og veru allt annað og betra pólskt lið sem við
mættum að þessu sinni en á heimavelli á dögunum,“ sagði Helena
Ólafsdóttir, landsliðþjálfari kvenna í knattspyrnu, eftir að íslenska
landsliðið lagði það pólska, 3:2, í Bydgoszcz í Póllandi í undan-
keppni EM og fylgdi þannig eftir 10:0 sigri á Pólverjum hér heima
fyrir skömmu. Eftir sigurinn er íslenska liðið með tíu stig í efsta
sæti riðilsins þegar það hefur lokið fimm leikjum. Rússar eru með 7
stig eftir 3 leiki og Frakkar hafa sex stig að loknum tveimur leikjum.
Staðan í hálfleik var 3:1, Íslendingum í vil sem lentu undir eftir inn-
an við hálfrar mínútu leik.
Morgunblaðið/Kristinn
Ásthildur Helgadóttir, fyrirliði landsliðsins, fagnar hér marki gegn Pólverjum á Laugardalsvell-
inum ásamt Olgu Færseth og Dóru Maríu Lárusdóttur.