Morgunblaðið - 10.10.2003, Blaðsíða 6

6 | FÓLKIÐ | FÖSTUDAGUR 10|10|2003 MORGUNBLAÐIÐ
Pétur Pétursson, sem gerði garðinn frægan
hjá ÍA og Feyenoord, spilaði 41 landsleik fyrir
Ísland á árunum 1978–1990.
Kanntu einhverja góða sögu úr klefanum,
Pétur?
„Auðvitað geri ég það, en ég er ansi hrædd-
ur um að þær séu flestar óprenthæfar. Það
má ekki segja þær sem eitthvað varið er í.
Mér dettur þó ein í hug, sem gefur ágæt-
ismynd af stemningunni fyrir leiki.“
Láttu hana flakka.
„Já, þetta var þegar Svíinn Bo Johansson
var að byrja sem landsliðsþjálfari og þetta var
einn fyrsti leikurinn hans. Bo kom inn í klefa,
vel undirbúinn og ætlaði að fara að halda
mikla hvatningarræðu yfir mannskapnum. Þá
byrjaði Atli Eðvaldsson með sitt hefðbundna
„peppstuð“ inni í klefanum og lætin voru svo
mikil, þetta magnaðist svo mikið upp hjá okk-
ur, að Bo Johansson hrökklaðist út úr klef-
anum. Hann gerði aldrei aftur tilraun til að
„peppa“ liðið upp, því hann þurfti það ekki.
Stemningin var alltaf þannig.“
Þetta hefur alltaf verið svona þegar þú varst
í hópnum?
„Já, og Atli var sérstaklega góður í að koma
mönnum í ham.“
Varstu með sérstakan snaga í búningsklef-
anum?
„Já, ysta snagann. Svo var ég alltaf næst-
síðastur út á völl. Það var regla sem mátti
ekki bregðast.“
Að lokum: Er hægt að beygja þýska stálið?
„Það er hægt, með stemningsleik eins og
þeir náðu hérna heima á móti Þjóðverjunum,
en auðvitað er liðið svolítið breytt núna,
vegna meiðsla nokkurra lykilmanna. Í raun á
þetta fræðilega að vera ómögulegt, þegar á
allt er litið, en við Íslendingar trúum alltaf að
okkur séu allir vegir færir. Það hugarfar getur
einna helst fært okkur fyrsta eða annað sæt-
ið í riðlinum og það hugarfar finnst mér hafa
komið með Ásgeiri Sigurvinssyni þjálfara.“
|ivarpallmbl.is
Morgunblaðið/Kristinn
Ef snagarnir
gætu talað …
Margt hefur gengið á hjá landsliðinu í bún-
ingsklefanum undir stúkunni á Laugardals-
velli, fyrir og eftir landsleiki.
11. október
Þýskaland - Ísland
í beinni í Sjónvarpinu
Morgunblaðið/Árni Torfason
Bryndís Ásmundsdóttir er einn þriggja stjórnenda Djúpu laugarinnar, sívinsæls stefnumótaþáttar á SkjáEinum. Til hennar koma margir sem hafa hug á því að fara út á lífið á
óvæntu stefnumóti eða halda áfram í lífinu með óvæntum lífsförunauti. Hún þekkir það eins og svo margir sem koma til hennar í beina útsendingu á föstudagskvöldum að
það þarf að velja réttu fötin fyrir hvert tilefni. Bryndís setti sig í stellingar fyrir Fólkið og valdi fjóra mismunandi alklæðnaði, sem hæfa fjórum mismunandi tækifærum og jafn-
vel manneskjum. Óhætt er samt að fullyrða að eitthvað af Bryndísi skíni þarna í gegn. Athugum hversu mikið fötin segja um manninn og skapa manninn. |ingarun@mbl.is
Keppandi nr. 1
„Þetta eru heimafötin, svona kúru- og
inniföt. Hún er í joggingpeysu og ofsalega
stórum buxum svo hún geti troðið eins
miklu nammi upp í sig og hún mögulega
getur. Skórnir eru svona loðrúskinnsskór til
að halda tásunum hlýjum. Þessi borðar
nammi og horfir á sjóvarpið og kannski les
líka. Þetta segir svolítið um þennan kepp-
anda, nammigrís og letiblóð.“
Keppandi nr. 2
„Hún er rosaleg. Hún er í veiðigallanum, veiðiföt-
unum og tilbúin að fara út á lífið. Támjó leðurstígvél
með hæl eru ómissandi. Hún er búin að setja upp stút-
inn og allt saman. Það er svolítill klassi yfir henni. Hún
drekkur rauðvín þegar hún fer út og aldrei mikið, getur
alveg sleppt því ef hún vill. Hún sturtar ekki í sig en
verður alltaf kyssilegri og kyssilegri eftir því sem líður á
kvöldið. Svolítið frönsk jafnvel. Og hún passar upp á að
brjóstaskoran sé í lagi.“
Keppandi nr. 3
„Þetta er rokkari. Hún er líka í al-
vöru pönkbol og á leiðinni út á lífið.
Hún er ekki í vandræðum með að
skella sér í gallann og fara út. Hún er
opinn persónuleiki og er ekkert að
fela skoðanir sínar. Bjór og viskí eru
drykkir að hennar skapi. Hún er rokk-
ari en samt gella, í pilsi og stíg-
vélum.“
Stjórnandinn
„Þarna er díva á ferð. Hún hefur stjórn á
hlutunum og vaðið fyrir neðan sig. Hún
passar upp á „elegansinn“. Þegar ég sá
þennan kjól minnti það mig á svona Jackie
Kennedy-stílinn. Yfirbragðið er settlegt. Það
er tekið mark á þessari konu. Hún er ofsa-
lega glöð. Hún hefur gaman af „perform-
ans“ og lífinu. Lífið hjá þessari konu held ég
að sé „performans“.“
Í HVERJU Á ÉG AÐ
VERA Í KVÖLD?
DJÚP
A LA
UGIN