Morgunblaðið - 19.12.2003, Blaðsíða 6

6 | FÓLKIÐ | FÖSTUDAGUR 19|12|2003 MORGUNBLAÐIÐ
Þjóðin hefur misst einn af sínum kær-
ustu sonum. Keikó er dauður. Hann
synti á land í Noregi og dó. Það er búið
að urða hann. Hann fékk ekki einu
sinni almennilega útför. Bara urðaður
eins og eitthvert drasl. Kannski að
þetta sé byrjunin á hvalakirkjugarði í
Noregi. Það yrði óneitanlega stór
kirkjugarður en mundi eflaust laða til
sín fjölda Bandaríkjamanna og annarra
dýravina. Samt leiðinlegt að Norðmenn
skuli taka af okkur heiðurinn einu sinni
enn. Ekki í fyrsta skipti sem Norðmenn
stela glæp sem við frömdum. Keikó
var ekki norskur. Hann var Íslendingur í
húð og hár. Keikó var listamanns-
nafnið hans. Í rauninni hét hann Siggi.
Kannski var hann að reyna að komast í
íslenska sendiráðið til að biðja um að
fá að fara aftur til Íslands. Örugglega.
Ég sá gæludýra-kirkjugarð í Banda-
ríkjunum. Það var einkennilegur stað-
ur. Þar voru jarðaðir hundar og kettir,
hamstrar og jafnvel gullfiskar. Á leið-
unum voru legsteinar og jafnvel kross-
ar. Mér varð starsýnt á legstein sem
bar mynd af þeim sem þar hvíldi: Misty
Johnson-Carver, sorgmæddur púdel-
hundur með bleikt og krullað perm-
anent á höfðinu. Undir myndinni stóð:
Við munum alltaf minnast þín. Þú varst
besti vinur okkar.
Ég skil ekki þessa dýradýrkun. Fólk
nær ekki einu sinni að vera almenni-
legt við hvert annað eða sýna fjöl-
skyldu sinni eðlilega virðingu og tilfinn-
ingar. Manni getur alveg þótt vænt um
eitthvert dýr og farið vel með það án
þess að það verði svona væmið og til-
gerðarlegt. Og það er ekki eins og það
sé innræti dýranna sem fólk fellur fyrir
heldur er það útlitið. Þetta er algjörlega
yfirborðslegt. Þetta er hugsunarhátt-
urinn: Björgum krúttlegum dýrum
vegna þess að þau eru svo góð. Vin-
sælust eru dýr með stór og sakleys-
isleg augu. Enginn reynir að bjarga ljót-
um dýrum. Gáfuð dýr með stór og
sakleysisleg augu hafa næstum öðlast
mannréttindi. Dýr hafa tilhneigingu til
að þróa með sér kosti sem koma að
mestu gagni fyrir þau. Nú fara dýr að
þróa með sér stór augu. Augun í rollum
munu fara stækkandi og við fáum ekki
af okkur að myrða þær í jólamatinn.
Hænur fá Simpson-augu sem verða
stærri en hausinn á þeim og horfa sak-
lausar og hissa á okkur. Bubbi Morth-
ens horfist í augu við kjúkling og fer að
hágráta. Kentucky Fried fer á hausinn.
Og er það ekki kaldhæðnislegt að á
meðan öllum þessum peningum, fyrir-
höfn, umhyggju og kærleika var sóað í
þennan háhyrning þá er enn fólk í
þessum heimi sem sveltur. Kannski fá-
tæka fólkið fengi meiri samúð ef það
væri með bleikt hár og glennti upp á
sér augun.
Móðir náttúra er miklu klókari en við
höldum. Við höldum að við þurfum að
bjarga henni en það er í rauninni hún
sem þarf nauðsynlega að bjarga okkur.
Það er bara maðurinn sem þekkir mun
góðs og ills. Dýr eru hvorki góð né
vond. Dýr eru bara dýr. En þetta er
samt frábær leið til að hafa peninga af
tilfinningalega vanþroskuðu og ringl-
uðu fólki, finna eitthvað fallegt og loðið
með stór augu og reyna að bjarga því.
Jón Gnarr
Keiko er
dauður!
HUGRENNINGAR ALÞÝÐUMANNS
HUGRENNINGAR ALÞÝÐUMANNS
Skammdegið er í hugum margra leiðinlegasti tími ársins, enda er það með
eindæmum drungalegt og stundum ísjökulkalt hér á norðurhjara veraldar.
Þó má með góðum vilja tína til ýmsar jákvæðar hliðar á þessum árstíma,
eins og þessar:

Norðurljósin

Þá má vera fýldur á morgnana

Það er auðvelt að sofa á nóttunni í skammdeginu

Mögulegt er að skokka nakinn í myrkrinu án þess að blygðast sín

Maður borðar meira súkkulaði, samkvæmt þýskri rannsókn

Maður sér ekki þegar svartur köttur fer yfir götuna fyrir framan mann

Hægt er að horfa á vídeó úti í garði

Þá er rómantískur skortur á birtu

Flugeldar verða tilkomumeiri en ella

Karlmenn geta klætt sig í svarta kjóla og konur í svört jakkaföt, til að
sjást ekki

Hægt er að elskast inni í runna

Tunglskinið er sérstaklega rómantískt

Stjörnurnar eru bjartar og sjást næstum allan sólarhringinn

Maður sér framandi dýr; varúlfa, drauga, vampírur og rottur

Ofurhressa týpan er aðeins rólegri

Bólan á nefinu sést ekki

Það er yndislegt að fá sér pylsu í skammdeginu
Ljósu hliðarnar
á skammdeginu