Morgunblaðið - 19.12.2003, Blaðsíða 16
16 | FÓLKIÐ | FÖSTUDAGUR 19|12|2003 MORGUNBLAÐIÐ
BÆKUR
CRAP TOWNS: THE 50 WORST PLACES TO LIVE IN THE UK
Þessi bók hefur vakið talsverðar deilur í Bretlandi
og kemur kannski ekki á óvart; hún segir frá því
hvar verst er að búa, telur upp fimmtíu verstu borgir
og bæi í Bretlandi og tíundar hvers vegna það sé
svo illt að búa á viðkomandi stað. Gefur augaleið
að þeir sem búa í þessum fimmtíu nápleisum eða
eru þaðan hafa tekið bókinni illa. Nokkrir skelfilegir
staðir samkvæmt bókinni: London, Portsmouth,
Morecambe, Cumbernauld, Newport, Lincoln, Winchester og St Albans.
BEN SCHOTT – SCHOTT’S FOOD AND DRINK MISCELLANY
Schott’s Miscellany heitir skemmtileg handbók
sem er upp full með hagnýtum og fánýtum upplýs-
ingum um allt á milli himins og jarðar, allt frá því að
tíunda skóreimalengd, dauðasyndirnar sjö, heiti
golfhögga, sérkennilega dauðdaga Búrmakonunga
og svo má telja. Nú er Schott búinn að taka saman
álíka bók þar sem sjóninni er beint að matreiðslu
og áti. Í Schott’s Food and Drink Miscellany er til
að mynda að finna upplýsingar um hanastél, hvern-
ig brjóta á saman servíettur, hvaða konungur fóðr-
aði hunda sína á gæsalifrarkæfu og hvaða kartöflur
best er að nota í mús svo dæmi séu tekin.
TÖLVULEIKIR
EA GAMES – LOONEY TUNES
BACK IN ACTION (PS2/GC/XBOX/GBA)
Á gullöld teiknimyndanna, á sjötta og sjöunda ára-
tugnum, voru geggjuðustu teiknimyndirnar frá Warn-
er-bræðrum sem kynntir voru sem Looney Tunes.
Leikurinn, sem er borðaleikur, byggist á kvikmynd
sem frumsýnd verður á næsta ári og er með Brend-
an Fraser og Jennu Elfman í aðalhlutverkum. Í mynd-
inni, og leiknum, leggur ungur maður upp í leit að
föður sínum en myndin er sambland af hefðbundinni
kvikmynd og teiknimyndafígúrum. Persónur í leikn-
um eru aðalpersónur teiknimyndanna, Bugs Bunny,
kanínan ofursvala, og öndin geggjaða Daffy Duck.
TERMINATOR 3: THE RISE OF THE MACHINES / WAR OF THE MACHINES
Tveir leikir sem tengjast myndinni Terminator 3 eru
komnir út, The Rise of the Machines fyrir PS2, XBOX
og GBA og War of the Machines fyrir PC. Fyrrnefndi
leikurinn er blanda af slagsmálaleik og fyrstu persónu
skotleik, en leikandinn er í hlutverki Tortímandans.
Hann fylgir söguþræði myndarinnar en bætir líka við.
Hinn leikurinn er fyrstu persónu skotleikur með
áherslu á spilun yfir Netið, en leikandi getur valið að
vera í hlutverki einnar af átta persónum. Að öðru leyti
er leikurinn ekki ósvipaður Battlefield 1942 nema
hvað hann gerist ekki í Evrópu um miðja síðustu öld.
PLÖTUR
PRIMAL SCREAM – DIRTY HITS
Saga Primal Scream er skrautleg enda hefur sú
sveit breyst umtalsvert frá því hún kom fram á sjón-
arsviðið 1987. Þá var sveitin nokkuð hefðbundin
nýbylgjusveit á breska vísu en sneri sér síðan að
dansrokki sem þyngdist svo smám saman og náði
hámarki á XTRMNTR sem kom út fyrir þremur ár-
um. Plata sem kom út á síðasta ári þótti ekki eins
vel heppnuð og á meðan sveitin nær áttum kemur
safnskífa sem spannar allan ferilinn. Diskarnir í pakkanum eru tveir; á
þeim fyrri eru átján lög frá ferlinum en á hinum diskinum eru ýmsar endur-
gerðir.
LYLE LOVETT - MY BABY DON’T TOLERATE
Síðustu ár gefur æ lengra liðið á milli þess sem
Lyle Lovett sendir frá sér plötu með nýrri tónlist;
þegar My Baby Don’t Tolerate kemur út eru liðin sjö
ár síðan hann gaf síðast út hljóðversplötu með nýrri
tónlist. Lovett er lunkinn lagasmiður og ágætis
söngvari, en hefur iðulega verið upp á kant við
kántrýunnendur sem finnst hann heldur mikill
furðufugl fyrir sinn smekk. Undanfarin ár hefur Lovett þó mýkst og tónlist-
in orðið einfaldari. My Baby Don’t Tolerate er fyrsta skífan sem Lovett
gefur út hjá Lost Highway og er þar kominn í góðan félagsskap Willie Nel-
son, Lucinda Williams og Ryan Adams.
PET SHOP BOYS – POP ART: THE HITS
Það verður seint sagt um þá félaga Neil Tennant
og Chris Lowe að þeir séu poppstjörnulegir, en þó
hafa þeir náð svo langt að skipa eina vinsælustu
poppsveit Breta sem um getur. Það sannast ekki
síst á nýju þriggja diska safni af lögum sem Pet
Shop Boys hafa gert vinsæl í gegnum tíðina. Á
tveimur fyrri diskunum, sem bera sérstök heiti,
annar kallast Popp og hinn List, eru vinsæl lög af plötum þeirra félaga frá
því fyrsta kom út 1986, en á þriðja diskinum eru 10 endurgerðir laga
þeirra sem þeir Tennant og Lowe völdu sérstaklega sem sín uppáhöld.
DVD
PET SHOP BOYS – POP ART – THE VIDEOS
Það er ekki nóg fyrir sanna Pet Shop Boys-
aðdáendur að eiga bara lögin á geisladiskum,
myndbönd þeirra félaga eru oftar en ekki sérdeilis
skemmtileg. Um líkt leyti og Pop Art-safndiskurinn
kom út sendu þeir félagar frá sér DVD-disk með öll-
um myndböndum sem þeir hafa gert á ferlinum ut-
an eitt sem var ekki tilbúið þegar diskurinn var sett-
ur saman. Alls er á diskinum 41 myndband, sem er býsna goður
skammtur af Pet Shop Boys, en meðal gesta í myndböndunum eru Ian
McKellen, Barbara Windsor og Dusty Springfield.
ÚTGÁFAN– BÆKUR – GEISLAPLÖTUR – TÖLVULEIKIR
http://haffi.hobbiti.is/blog/
„fórum í kvöld til Bjarna og Unnar í mat,
og það má segja að þetta hefði ekki get-
að verið betra, æðislegur matur og bara
gott kvöld, notalegt og fínt. Svona eiga
öll kvöld að vera ;) og Vá gott súkkulaði
:DD
Takk fyrir æðislegt kvöld ;)“ 18. desem-
ber 24.22
http://goddezz.blogspot.com/
„Ég var ekki einu sinni nörd, heldur
breyttist ég í nörd í próflestri! Góða
nótt.“ 18. desember 1.47
http://kirk.startrek.is/
„Jæja … þá fer jólavinnan að hefjast.
Þvílík spenna að vinna í kringum fólk
með uppgerðarstress bara af því það eru
að koma jól eins og flest stressköst eru
upprunnin og líka þeirra sem eru plain
kjánar og verða stressaðir yfir engu og
öllu. Það er svo gaman að kljást við
stressað fólk :-)
Mitt í öllu þessu næ svo í einkunnir mín-
ar á eftir“ 18. desember 8.51
http://www.annall.is/arni
„Á þriðjudagskvöldið var jólasýning
Deus ex cinema heima hjá Gunnlaugi.
Hann sýndi að þessu sinni ágæta mynd
frá árinu 1989, Driving Miss Daisy, sem
á íslensku væri tilvalið að kalla Ekið með
frú Fjólu. Ég sá þessa mynd þegar hún
kom út á myndbandi og þótti athygl-
isvert, þótt vissulega sé hún nokkuð
hæg. Myndin geymir athyglisverð sið-
ferðis- og trúarstef.“ 18. desember
10.22
Kæri
blogger.com…
Þó DVD-spilarar séu brátt komnir inn á öll heim-
ili eru víða til bunkar af VHS-spólum sem ekki
má henda en illt að horfa á, VHS-tækið lélegt
eða komið inn í skáp og svo má telja. Myndirnar
af þeim má þó setja á DVD-diska með aðstoð
tölvunnar, ýmist með því að tengja sjálfur VHS-
tækið í gegnum sérstakt kort í tölvunni eða fá
sér græju eins og þá sem hér er til umfjöllunar,
HP DVD Movie Writer DC3000.
Þessi græja frá HP er býsna
sniðug, sáraauðvelt er að setja
hana upp, tengja við tölvu og
svo myndbandstæki við
brennarann og byrja flutn-
inginn á milli. Hann notar
tölvuna til að breyta gögn-
unum, þ.e. rennir þeim yfir
í tölvuna þar sem hægt er
að vinna frekar með þau
áður en brennt er á diska
ef vill, en einnig er hægt að
láta þetta allt ganga án þess
að mannshöndin komi þar nærri,
bara að setja í gang. Til þess að verkið
gangi hratt fyrir sig þarf helst að vera
USB 2.0 tengi á tölvunni, því þó hægt sé að
nota venjulegt USB 1.0 tengi þá tekur það mjög
langan tíma, enda gagnaflutningshraði á USB
1.0 sáralítill.
Hugbúnaðurinn sem sér um að varpa VHS yfir
á DVD er sáraeinfaldur í notkun og leiðir notand-
ann í gegnum ferlið, en meira að segja er hægt
að nota hann til að hanna umslag á DVD-boxið.
DC3000-brennarinn tekur inn hliðræn gögn
og breytir í MPEG2. Á honum eru S-Video og
Composite Video-tengi og víðóms-hljóðinntak.
Ekki er á tækinu DV-inntak sem er galli að mínu
mati, því þá er ekki hægt að tengja DV-
vídeóvélar beint við tækið þó hægt sé að tengja
við það venjulegar vídeóvélar.
Með í kassanum fylgir hugbúnaður til að
vinna með myndbandið, hægt er að safna
myndskeiðum af VHS-spólu og brenna á einn
DVD-disk til að mynda. Hugbúnaðurinn heitir
ShowBiz frá Arcsoft og ekki ýkja öflugur en dugir
til síns brúks. Þegar menn eru svo komnir
lengra á myndvinnslubrautinni geta þeir notað
DC3000 til að breyta VHS-mynd í stafræn gögn,
síðan unnið þau í hvaða hugbúnaði sem er og
brennt með DVD-brennsluhugbúnaði, til að
mynda Nero, enda er DC3000 ekki bara til að
breyta myndum, hann er líka utanáliggjandi
brennari.
Getur nærri að talsvert diskapláss þarf til að
vinna með DVD-myndir, upp undir 10 GB ef vel á
að vera, en það stendur varla í nokkrum manni
þegar 120 GB-diskar kosta í kringum 15.000 kr.
Myndirnar sem fluttar voru á milli komu prýði-
lega út þó þær standi eðlilega venjulegri DVD-
mynd nokkuð að baki í gæðum; VHS-
tæknin býður líka einfaldlega ekki
upp á meira.
DC3000 brennir diska á
DVD+R staðlinum sem
ganga því í allar gerðir
DVD-spilara, sem skiptir
kannski ekki svo miklu
máli núorðið eftir því
sem algengara verður að
DVD-spilarar lesi alla
staðla, en með DVD+R
er öruggt að allir spilara
geti lesið diskana.
Hann brennir CD-R á allt að 16x,
CD-RW að 10x, DVD+R að 4x og
DVD+RW að 2,4x. Hann les svo CD-
ROM á að 40x og DVD-ROM að 8x.
Kostar um 41.900 kr.
Kostir: Þægileg leið til að varpa VHS á DVD og
einnig að færa myndir beint af hliðrænni víd-
eómyndavél. Einfaldur í notkun. Einnig hægt að
nota sem venjulegan DVD+ brennara, taka afrit,
spila myndir, o.s.frv.
Gallar: Dýr. Ekkert DV-inntak.
|arnim@mbl.is
VHS breytt í DVD
GRÆJURNAR
Max Payne 2: The Fall of Max Payne
Með vinsælustu tölvuleikjum síðustu
ára var leikurinn um Max Payne sem hét
einfaldlega í höfuðið á aðalsöguhetjunni.
Fyrri leikurinn, sem vakti mikla athygli
fyrir grafík og gervigreind, sagði frá lög-
reglumanninum Max
Payne sem verður fyrir
þeim hörmungum að
dópistar myrða konu
hans og dóttur á
hrottalegan hátt. Við
það breytist hann úr
venjulegri leyni-
lögreglu í harðsvírað
hörkutól og í hönd fóru mikil hjaðn-
ingavíg.
Í Max Payne 2 er sama söguhetja og
forðum, en í leiknum fellur hann fyrir
glæsilegri konu sem er
grunuð um morð. Hann
þarf að komast að því
hvort hún sé morðingi í
raun og veru og hefst
þá mikil flækja. Grafík í
leiknum er umtalsvert
endurbætt en notuð er
Havoc-grafíkvélin.
Áhættuatriði voru kvikmynduð sér-
staklega og síðan lesin inn í leikinn til að
hafa þau sem raunverulegust, auk þess
sem töluvert var kvikmyndað í New York
til að hafa umhverfi sem raunverulegast.
Max Payne
snýr aftur