Morgunblaðið - 12.01.2004, Qupperneq 27

HESTAR
MORGUNBLAÐIÐ MÁNUDAGUR 12. JANÚAR 2004 27
MINNINGAR
✝ Steingrímur MárEggertsson
fæddist á Akureyri
11. janúar 1978.
Hann lést á Fjórð-
ungssjúkrahúsinu á
Akureyri 5. janúar
síðastliðinn. Foreldr-
ar hans eru Stein-
unn Rögnvaldsdótt-
ir, f. 12.7. 1951, og
Eggert H. Jónsson,
f. 1.7. 1951. Þau slitu
samvistum 1984. Al-
bróðir Steingríms er
Magnús Þór, f. 11.6.
1970, eiginkona hans
er Bergþóra Stefánsdóttir, f.
16.11. 1971 og eiga þau Jönu Rut
og Darra Má. Eig-
inmaður Steinunnar
er Bjarni Baldurs-
son, f. 2.1. 1949.
Eiginkona Eggerts
er Guðbjörg I. Jón-
asdóttir, f. 28.1.
1959. Hálfsystir
Steingríms, sam-
mæðra, er Tinna
Brá, f. 16.8. 1989,
og hálfbróðir sam-
feðra er Heiðar
Ingi, f. 28.7. 1988.
Steingrímur Már
verður jarðsunginn
frá Glerárkirkju í
dag og hefst athöfnin klukkan
14.
Elsku Steini.
Ég sendi þér kæra kveðju,
nú komin er lífsins nótt.
Þig umvefji blessun og bænir,
ég bið að þú sofir rótt.
Þó svíði sorg mitt hjarta
þá sælt er að vita af því
þú laus ert úr veikinda viðjum,
þín veröld er björt á ný.
Ég þakka þau ár sem ég átti,
þá auðnu að hafa þig hér.
Og það er svo margs að minnast,
svo margt sem um hug minn fer.
Þó þú sért horfinn úr heimi,
ég hitti þig ekki um hríð.
Þín minning er ljós sem lifir
og lýsir um ókomna tíð.
(Þórunn Sigurðardóttir.)
Þín
mamma.
Elsku Steini.
Það var alltaf gaman að koma í
heimsókn til þín, þú varst alltaf
tilbúinn að skrifa diska og tölvuleiki
fyrir okkur. Svo komstu okkur alltaf
til að hlæja með húmornum þínum,
sama í hvernig skapi við vorum. Ef
tölvan okkar bilaði og þú gast ekki
reddað okkur í gegnum síma komstu
brunandi á hjólinu og hjálpaðir okk-
ur.
Við eigum eftir að sakna þess að
sjá þig ekki í þessu góða skapi með
þennan góða húmor, á bláa hjólinu
þínu.
Guð geymi þig,
Tinna Brá og Oddný Elva.
Elsku Steini.
Það er erfitt að setjast niður og
þurfa að kveðja þig núna þegar þú
leggur upp í þína hinstu ferð, en
okkur langar að senda þér nokkur
orð, fátæklegar línur.
Þú háðir erfiða baráttu við illvígan
sjúkdóm og með æðruleysi tókstu
því sem á þig var lagt.
Alltaf varstu duglegur og sterkur,
ekki vitum við hvaðan þú hafðir
þennan kraft til að takast á við erf-
iðleikana.
Þú varst hress og kátur, sama
hvað bjátaði á og alltaf var stutt í
húmorinn, glensið og grínið hjá þér
og það fleytti þér líka langt.
Það var heldur aldrei nein logn-
molla í kringum þig, þú gast séð
spaugilegu hliðarnar á öllum málum.
Þú varst líka hrókur alls fagnaðar
hvar sem þú skildir eftir þín spor og
þess minnumst við nú.
Í veikindum þínum samdir þú litla
sögu um aðstæður þínar, sú saga
sagði meira en mörg orð um hvernig
þér leið.
Elsku Steini, nú er lífsins göngu
þinni hérna megin jarðvistar lokið.
Það er með trega sem við skiljum við
þig, en við verðum að trúa því að
amma Imba og Jón afi taki á móti
þér þarna hinum megin með opnum
örmum og vísi þér veginn.
Það er sárt til þess að vita að þú
ert ekki lengur hérna með okkur en
minningin um góðan dreng lifir í
hjörtum okkar um ókomna tíð.
Þar sem englarnir syngja sefur þú
sefur í djúpinu væra.
Við hin sem lifum í trú
á að ljósið bjarta skæra
veki þig með sól að morgni
veki þig með sól að morgni.
Drottinn minn réttu sorgmæddri sál
svala líknarhönd
og slökk þú hjartans harmabál
slít sundur dauðans bönd.
Svo vaknar hann með sól að morgni.
Svo vaknar hann með sól að morgni.
Farðu í friði vinur minn kær
faðirinn mun þig geyma.
Um aldur og ævi þú verður mér nær
aldrei ég skal þér gleyma.
Svo vöknum við með sól að morgni
svo vöknum við með sól að morgni.
(Bubbi Morthens.)
Við biðjum góðan Guð að vera
með þér.
Elsku Steina, Bjarni, Tinna Brá,
Oddný Elva, Maggi, Begga, Jana
Rut, Darri Már, Eggert, Inga, Heið-
ar Ingi og aðrir ástvinir, við biðjum
algóðan Guð að styrkja okkur öll í
þessari miklu sorg.
Afi, Freyja, Hörður, Edda,
Sigurjón, Sólveig, Friðrik og
fjölskyldur.
Elsku Steini, við kveðjum þig með
sorg í hjarta og biðjum algóðan Guð
að vera með þér í nýjum heimkynn-
um.
Hver minning dýrmæt perla að liðnum
lífsins degi,
hin ljúfu og góðu kynni af alhug þakka
hér.
Þinn kærleikur í verki var gjöf, sem
gleymist eigi,
og gæfa var það öllum, er fengu að kynn-
ast þér.
(Ingibjörg Sigurðardóttir.)
Hvíldu í friði og guð þig geymi og
megum við öll öðlast styrk í sorginni.
Rögnvaldur og Ólöf.
Það besta við Steina var að hann
var svo fyndinn. Stundum fórum við
saman í Playstation og kepptum í
snjóbrettaleik og hann vann oftast.
Stundum kom hann hingað heim til
okkar í mat og mér fannst það gam-
an.
Ég sakna þín.
Þinn frændi
Darri Már.
STEINGRÍMUR MÁR
EGGERTSSON
 Fleiri minningargreinar
um Steingrím Má Eggertsson bíða
birtingar og munu birtast í blaðinu
næstu daga.
Afmælis- og minningargreinum má skila í tölvupósti (netfangið er minning@mbl.is, svar er
sent sjálfkrafa um leið og grein hefur borist) eða á disklingi. Ef greinin er á disklingi þarf út-
prentun að fylgja. Nauðsynlegt er að tilgreina símanúmer höfundar og/eða sendanda (vinnu-
síma og heimasíma). Þar sem pláss er takmarkað getur þurft að fresta birtingu greina, enda
þótt þær berist innan hins tiltekna frests. Nánari upplýsingar eru á mbl.is. Um hvern látinn
einstakling birtist formáli og ein aðalgrein af hæfilegri lengd á útfarardegi, en aðrar greinar
skulu ekki vera lengri en 300 orð, u.þ.b. 1.500 slög (með bilum) eða um 50 línur í blaðinu (17
dálksentimetrar). Tilvitnanir í sálma eða ljóð takmarkast við eitt til þrjú erindi. Einnig er
hægt að senda örstutta kveðju, HINSTU KVEÐJU, 5–15 línur, og votta virðingu án þess að
það sé gert með langri grein.
Mikilvægt skref hefurverið stigið í samræm-ingu á ræktun ís-lenskra hrossa í heim-
inum með því að Noregur, Svíþjóð,
Danmörk og Finnland koma nú inn
í kynbótamat Bændasamtaka Ís-
lands. Innlimun Norðurlandanna er
ástæða þess hversu seint nýir út-
reikningar eru á ferðinni og verður
að telja það vel biðarinnar virði.
Auk þess sem kynbótamatið hefur
verið einn af hornsteinum íslenskr-
ar hrossaræktar hefur það gegnt
mikilvægu hlutverki í um- eða sam-
ræðum hestamanna sem oft og tíð-
um hafa verið mjög fjörlegar og
ætla má að með tilkomu Norður-
landanna og seinna meir annarra
aðildarlanda FEIF (Alþjóða-
samband eigenda íslenskra hesta)
færist sú umræða á annað og víðara
svið. Þarna verður væntanlega á
ferðinni áhugaverður mælikvarði á
samkeppni landanna í ræktun ís-
lenska hestsins, að vísu ekki algild-
ur en mun væntanlega gefa góðar
og vel marktækar niðurstöður.
Svona sem fyrstu viðbrögð sýna
hinir nýju útreikningar með „nýju
útlensku hestunum“ vel hvaða stóð-
hestum hefði betur verið haldið
heima og raunar rekur mann í
rogastans að sjá hversu margir af
efstu stóðhestunum í „matinu“ eru
farnir úr landi. Þar má kannski
fyrstan frægan telja Trostan frá
Kjartansstöðum sem lengi hefur
verið ýmist efstur í sínum flokki
eða í öðru sæti eins og hann er nú í
flokki stóðhesta með 15 til 49 dæmd
afkvæmi. Er hann þar næstur á eft-
ir Keili frá Miðsitju sem er kominn
með 17 dæmd afkvæmi og er með
129 stig og vísast að hann muni
tróna efstur fyrstuverðlaunahesta
fyrir afkvæmi á landsmótinu í sum-
ar. Kormákur frá Flugumýri og
Ásaþór frá Feti eru með 120 stig og
má gera ráð fyrir að Ásaþór frá
Feti verði á meðal afkvæmahesta á
landsmótinu en Kormákur hefur
þegar afgreitt þann þátt lífshlaups-
ins. Gustur frá Grund er í fimmta
sæti á þessum lista með 123 stig og
49 dæmd afkvæmi og væri hann
væntanlega í harðri baráttu um
Sleipnisbikarinn ef hann hefði ekki
verið seldur úr landi fyrir nokkrum
árum.
Kraflar með
Sleipnisbikarinn?
En hin heita spurning er að sjálf-
sögðu hver mun hreppa Sleipn-
isbikarinn eftirsótta, æðstu verð-
laun íslenskrar hrossaræktar. Staða
Kraflars frá Miðsitju er vænlegust,
hann er með 123 stig og 56 dæmd
afkvæmi en mörkin eru 120 stig
fyrir lágmark 50 afkvæmi. Hann
verður sextán vetra í vor og hefur
líklega helst unnið sér það til
frægðar að leggja grunninn að
ræktunarveldi Brynjars Vilmund-
arsonar á Feti auk þess að leggja
fleiri góðum hrossaræktarmönnum
til góð afkvæmi. Óður frá Brún sem
verður 15 vetra í vor er í öðru sæti
samkvæmt stöðunni eins og hún er
í dag en hann er með 121 stig og 61
dæmt afkvæmi.
Tími Kormáks
ekki kominn
Af yngri hestum sem ekki hafa
nú þegar náð 50 afkvæma markinu
er staða Kormáks frá Flugumýri
best hvað stigum viðkemur, er með
124 stig. Hann er hinsvegar með
aðeins 32 dæmd afkvæmi og þarf
því 18 ný afkvæmi í dóm og það
verður að teljast nær útilokað að
slíkt gangi upp. Því má ætla að
hans tími muni verða 2006. Hinn
umdeildi hestur Galsi frá Sauð-
árkróki á hinsvegar einhverja
möguleika á að komast á toppinn
sem eru þó varla meira en fræði-
legir, er með 121 stig og 44 dæmd
afkvæmi. Ætla má að ekki verði
vandamál að fylla upp í af-
kvæmatöluna hjá honum en þessi
tvö stig sem reyndar verða helst að
vera þrjú til að komast upp fyrir
Kraflar verða vafalaust harðsótt.
Til að bæta við sig þremur stigum
þarf þó nokkuð til og talið nánast
útilokað að það sé hægt af fróðum
mönnum.
Andvari frá Ey er kominn með
50 dæmd afkvæmi en er með 120
stig og verður að telja ólíklegt að
hann muni blanda sér í baráttuna
og bikarinn. Aðrir virðast ekki eiga
möguleika á heiðursverðlaunum
þetta árið. Spáin fyrir landsmótið
gæti því verið á þessa leið: Kraflar í
fyrsta sæti, Óður og Galsi berjast
um annað sætið þar sem staða Óðs
er sýnu betri og Andvari sigli lygn-
an sjó í fjórða sæti. Taka verður
með í reikninginn að ekki er víst að
öllum þeim hestum sem heimild
hafa til að mæta á heiðurs-
verðlaunasýningu á landsmóti verði
teflt þar fram.
Veldi Orra óhaggað
En ef litið er á listann yfir efsta
flokkinn kemur ekki á óvart að Orri
frá Þúfu trónir þar á toppnum að
venju með 129 stig fyrir 243 dæmd
afkvæmi en hann hann á enn nokk-
uð í land til að ná forföður sínum
Hrafni frá Holtsmúla sem er með
486 dæmd afkvæmi en hann hefur
til þess 18 ár. Næstur Orra er hest-
ur staðsettur í Sviþjóð um langa
tíð, Mökkur frá Varmalæk, sem er
með 125 dæmd afkvæmi og 50 af-
kvæmi sem ætla má að teljist gott á
þarlenda vísu. Næstir og jafnir með
123 stig eru Kraflar, Þorri frá Þúfu
og Baldur frá Bakka sem nú dvelur
á Hawaii. Þá koma heiðurs-
verðlaunahestarnir Gustur frá Hóli
með 122 stig og Þokki frá Garði
með 121 stig eins og Óður frá Brún.
Oddur frá Selfossi og Andvari frá
Ey eru með 120 stig og eru þá upp-
taldir þeir hestar sem í dag eru
innan marka heiðursverðlauna hvað
stig og afkvæmafjölda varðar.
Í flokki stóðhesta með 15 af-
kvæmi eða færri heldur Gári frá
Auðsholtshjáleigu efsta sæti 134
stig en hálfbræður hans Skorri frá
Blönduósi og Ýmir frá Holtsmúla
koma næstir ásamt 130 stig en sá
fyrrnefndi er farinn úr landi fyrir
allnokkru og er í Noregi.
Laugvetningar
við toppinn
Þá koma þrír hestar af Laug-
arvatnskyni, Þyrnir frá Þórodds-
stöðum og Illingur frá Tóftum með
129 stig en Hamur frá Þórodds-
stöðum er með 127 stig. Af 25 efstu
hestunum í þessum flokki eru 12
undan Orra frá Þúfu.
Af hryssum trónir ein á toppn-
um, Gleði frá Prestsbakka með 131
stig en næstar og jafnar með 130
stig eru Rauðhetta frá Kirkjubæ,
Þrenna frá Hólum, Þilja frá Hólum,
Gígja frá Auðsholtshjáleigu, Samba
frá Miðsitju og Fold frá Auðs-
holtshjáleigu. Jafnar með 129 stig
eru Hrauna frá Húsavík, Vordís frá
Auðsholtshjáleigu og Arndís frá
Feti.
Fjórar hryssur eru jafnar og
efstar þeirra sem náð hafa lág-
marki til fyrstu verðlauna með 119
stig Garún frá Stóra-Hofi, Gola frá
Brekkum, Blika frá Árgerði og
Hrísla frá Laugarvatni.
Af þeim sem náð hafa lágmarki
til heiðursverðlauna eru Þrenna frá
Hólum 130 stig, Þrá frá Hólum með
127 stig, Kolskör frá Gunnarsholti
með 123 stig, Sandra frá Bakka og
Krafla frá Sauðárkróki með 122
stig, Vakning frá Ketilsstöðum með
121 stig og Ósk frá Brún og Freyja
frá Tumabrekku með 120 stig.
Gagnagrunnurinn Worldfengur
hefur enn ekki verið uppfærður en
það verður gert á næstu dögum og
þurfa því hrossaeigendur ekki að
undrast þótt ekkert hafi breyst hjá
hrossum þeirra. Hægt er að skoða
stöðu efstu hrossa í öllum flokkum
á bondi.is og sömuleiðis sundurlið-
aðar einkunnir þeirra.
Norðurlöndin komin inn í kynbótamat Bændasamtakanna
Enn eitt skrefið í alþjóða-
væðingu hrossaræktar
Morgunblaðið/Vakri
Staða Keilis frá Miðsitju er býsna góð í kynbótamatinu, hann er langefstur
stóðhesta með 15 til 49 dæmd afkvæmi með 129 stig og virðist tryggt að
hann muni standa efstur afkvæmahesta á landsmótinu í sumar.
Langþráð kynbótamat
Bændasamtakanna er
loksins komið fyrir
sjónir manna og má
vissulega segja að
hrossaræktin standi á
merkum tímamótum
með birtingu þess að
þessu sinni. Norður-
löndin eru komin inn í
dæmið og er þar enn
eitt skrefið stigið í al-
þjóðavæðingu ræktunar
íslenska hestsins.
Valdimar Kristinsson
skoðaði stöðu efstu
hrossa í kynbótamatinu.