Morgunblaðið - 16.01.2004, Page 4

FRÉTTIR
4 FÖSTUDAGUR 16. JANÚAR 2004 MORGUNBLAÐIÐ
VÖRUBIFREIÐ var bakkað á há-
spennulínur, sem liggja á milli hest-
húsahverfa Heimsenda í Kópavogi
og Andvara í Garðabæ í gærmorg-
un, með þeim afleiðingum að raf-
magn fór af Vatnsendabyggð og efri
hluta Breiðholts. Óhappið varð kl.
8.45 þegar vörubílstjórinn var að
losa farm við svokallaðan tipp og
var pallurinn í hæstu stöðu þegar
hann rakst á loftlínurnar sem vöfð-
ust utan um bílinn. Bílstjóranum
varð ekki meint af, hann brást rétt
við og hreyfði sig ekki út úr bílnum.
Ef hann hefði gert það og stigið
fæti á jörðina hefði hann fengið í sig
rafstrauminn úr háspennulínunum.
Starfsmenn Orkuveitunnar komu
fljótlega að, jarðtengdu línurnar og
bílstjórinn gat þá stigið út.
Rafmagn var að mestu komið á
fimmtán mínútum síðar og klukkan
hálftíu voru allir komnir með raf-
magn aftur eftir öðrum leiðum.
Unnið var að viðgerð á háspennulín-
unum í gær.
Hleðsla getur myndast
í dekkjunum
Að sögn Benedikts Einarssonar,
sem sá um kerfisstjórn hjá Orku-
veitunni á meðan á aðgerðum stóð,
sá öryggisbúnaður hjá Orkuveitunni
um að taka rafmagn af línunni um
leið og ekið var á hana. „Þegar hann
slær línunni út þá getur hins vegar
verið að bíllinn hlaðist upp af því að
gúmmídekkin halda hleðslu á bíln-
um sjálfum. Ef hann hefði stigið út
úr bílnum og haldið við bílinn með
fæturna á jörðinni þá hefði getað
farið svo að hann hefði brúað á milli
og afhlaðið bílinn í gegnum sjálfan
sig.“
Bakkaði á háspennulínur
Morgunblaðið/Jim Smart
Jón vissi nákvæmlega hvernig hann ætti að bregðast við þar sem hann sótti öryggisnámskeið í síðustu viku.
JÓN Kristjánsson heilbrigðisráðherra hefur
skipað starfshóp til að fjalla um aðstæður og lífs-
kjör aldraðra og koma með tillögur að breyt-
ingum á lögum um almannatryggingar, m.a.
hvort gefa eigi færi á að fresta töku ellilífeyris
eða hætta fyrr störfum. Jón segist í samtali við
Morgunblaðið vera jákvæður fyrir því að gefa
fólki kost á sveigjanlegum starfslokum. Starfs-
hópurinn muni skoða þau mál og önnur er
snerta málefni aldraðra. Frumvarp geti jafnvel
litið dagsins ljós á komandi vorþingi þar sem
mikið efni hafi verið tekið saman um þessi mál í
skýrslum og nefndarálitum.
„Þetta er auðvitað einstaklingsbundið, sumir
vilja gjarnan ljúka sínu ævistarfi fyrr en aðrir
vilja vera lengur að. Aðalatriðið er að hver ein-
staklingur fái val í þessum efnum. Það er í mín-
um huga jákvætt,“ segir Jón Kristjánsson.
Skipun starfshópsins er einn liður í samkomu-
lagi sem ríkisstjórnin gerði við eldri borgara í
nóvember árið 2002. Stjórn Landssambands
eldri borgara hefur tilnefnt formann sinn í
starfshópinn, Benedikt Davíðsson. Auk hans
munu eiga sæti í starfshópnum tveir fulltrúar
heilbrigðisráðuneytisins, einn frá fjármálaráðu-
neytinu og einn frá Tryggingastofnun ríkisins.
Benedikt bendir á í samtali við Morgunblaðið
að eitt atriði samkomulagsins hafi gengið út á að
breyta lögum um almannatryggingar á ný til
samræmis við það hvernig þau voru til ársins
1991, um að heimila fólki að fresta töku ellilíf-
eyris til 72 ára aldurs án þess að skerða fjár-
hagslegan ávinning af því. Undanfari samkomu-
lagsins hafi verið nefndarálit þar sem m.a. hafi
verið lagt til að lífeyrisþegi, sem frestaði töku
ellilífeyris, fengi álag á lífeyri sem svaraði til
0,5% fyrir hvern mánuð sem lífeyristöku væri
frestað fram yfir 67 ára aldur. Benedikt segir að
ríkisstjórnin hafi lýst yfir stuðningi við þetta.
Fylgst með á Norðurlöndum
Hann segir Landssamband eldri borgara
hafa fylgst vel með þróun þessara mála á Norð-
urlöndum og setið ráðstefnu í Stokkhólmi í
haust í því skyni. Þar hafi m.a. gefist tækifæri til
að kynnast hugmyndum Norðmanna um að gefa
fólki kost á að vinna lengur en til sjötugs, sbr.
frétt á forsíðu Morgunblaðsins sl. miðvikudag
þar sem sagt var frá áliti nefndar um eftirlauna-
kerfið þar í landi. Benedikt er bjartsýnn á að Ís-
lendingar verði jafnvel á undan Norðmönnum
að koma þessum breytingum á.
„Við tökum undir með Tryggva Þór Her-
bertssyni hjá Hagfræðistofnun Háskólans að
það væri sóun í þjóðfélaginu að moka vel frísku
og vinnufæru fólki út af vinnumarkaði eftir
kennitölum. Þetta þyrfti að vera heimilt í báðar
áttir án einhverra afarkosta í trygginga-
greiðslum, þannig að fólk geti einnig hætt fyrr
að vinna, óski það þess. Við viljum skoða þetta
frá báðum hliðum en þó sérstaklega að heimila
fólki, sem hefur til þess möguleika og heilsu, að
fá ávinning af því að vinna lengur,“ segir Bene-
dikt.
Starfshópur skipaður til að koma með tillögu um sveigjanleg starfslok
Ráðherra tekur jákvætt í málið
JÓN V. Sigurðsson, vörubílstjóri hjá
Klæðningu ehf., hafði rétt lokið við
að sturta bílfarmi af jarðvegs-
úrgangi úr Vatnsendahverfinu, milli
hesthúsahverfa Andvara og Heims-
enda, og var með pallinn í hæstu
stöðu þegar honum varð á að aka af
stað með þeim afleiðingum að há-
spennulínurnar festust milli vagns-
ins og bílsins. Kolsvartamyrkur var
þegar óhappið varð.
„Mér brá auðvitað alveg rosalega,
það kom svakalegur blossi sem lýsti
upp allt svæðið. Ég þorði auðvitað
ekki að fara út úr bílnum enda var
hann háspennurafmagnaður. Ég
hringdi í verkstjórann og sagði hon-
um frá þessu og þeir hringdu í Orku-
veitumenn sem komu á staðinn.“ Jón
segir línurnar liggja tiltölulega lágt
á þessu svæði.
Það var Jóni til happs að hann
vissi upp á hár hvernig átti að bregð-
ast við þar sem hann sótti í síðustu
viku námskeið þar sem farið var yfir
öryggisatriði, meðal annars um að
menn skyldu bíða rólegir í bílunum
ef ekið væri á háspennulínur.
20–25 mínútur liðu frá því atvikið
átti sér stað þar til búið var að jarð-
tengja línurnar og Jón gat stigið út
úr bílnum.
„Kom svaka-
legur blossi
sem lýsti upp
svæðið“
BANDARÍSKIR sérfræðingar hafa
komist að þeirri niðurstöðu að
sprengjurnar, sem íslenskir
sprengjuleitarmenn fundu í Írak um
síðustu helgi, innihaldi ekki sinneps-
gas eins og fyrstu mælingar bentu til.
Halldór Ásgrímsson utanríkisráð-
herra segir þessar fregnir sýna að
mælingar stangist á. Brýnt sé að fá
niðurstöðu um hvers konar vopn eru á
ferðinni
Í upphafi hafi tvær danskar og
tvær breskar mælingar sýnt að sinn-
epsgas hafi verið í þessum sprengj-
um. Bandarískir sérfræðingar hafi
gert nánari rannsóknir og komist að
annarri niðurstöðu. Vopnin hafa verið
send til Bandaríkjanna til enn frekari
rannsóknar. „Bandaríkjamenn hafa
ekki séð vopn sem þessi áður. Þess
vegna vakna ýmsar spurningar um
þetta mál. Ef ekki er hér um sinn-
epsgas að ræða, þrátt fyrir mælingar
Dana og Breta, þá eru mælitæki
þeirra gagnslaus. Þar af leiðandi
verður að endurskoða þær starfsað-
ferðir sem notaðar eru til að leita að
þessum vopnum. Leiða þarf sannleik-
ann í ljós,“ segir Halldór. Hann minn-
ir á að Bandaríkjamenn hafi hrósað
íslensku sprengjusérfræðingum, þeir
hafi brugðist rétt við.
Brýnt að fá
niðurstöðu
Utanríkisráðherra um vopnafundinn
LISTASAFN Reykjavíkur undirrit-
aði í gærkvöld samkomulag við
Björgólf Thor Björgólfsson og Sam-
son eignarhaldsfélag um fjárstuðning
við safnið vegna uppsetningar á sýn-
ingu Ólafs Elíassonar, Frost Activity,
sem standa mun yfir í Hafnarhúsinu
frá 17. janúar til 14. mars á þessu ári.
Styrkupphæðin skiptir milljónum
og nemur um þriðjungi kostnaðar við
uppsetningu sýningarinnar, sem
verður sú kostnaðarsamasta sem
safnið hefur sett upp.
Eiríkur Þorláksson, forstöðumað-
ur listasafnsins, segir stuðning
Björgólfs Thors án nokkurs vafa einn
stærsta styrk einkaðila til einstaks
menningarverkefnis hér á landi. „Það
er sérstaklega ánægjulegt að sjá nýja
kynslóð kaupsýslumanna í vaxandi
mæli taka forystuna í stuðningi við
lista- og menningarlíf á Íslandi í upp-
hafi nýrrar aldar,“ segir Eiríkur.
Björgólfur Thor segist glaður
styðja við sýningu Ólafs á Íslandi.
„Það er ljóst að Ólafur er einn af at-
hyglisverðustu listamönnum samtím-
ans og því mikilvægt fyrir okkur Ís-
lendinga að sjá hverju við getum
áorkað úti í hinum stóra heimi.“
Stærsti styrkur einkaaðila
Morgunblaðið/Jim Smart
AIR Atlanta Europe, dótturfélag Air
Atlanta í Bretlandi, hefur fengið
leyfi til þess að fljúga á eigin flug-
rekstrarleyfi milli Bretlands og
Norður-Ameríku.
Segir í fréttatilkynningu að þetta
sé afar mikilvægur áfangi fyrir fé-
lagið sem nú geti flogið undir eigin
merkjum á þessari flugleið. Jafn-
framt muni leyfið auka sveigjanleika
í rekstri Air Atlanta Europe sem og
móðurfélagsins.
Air Atlanta Europe fær
bandarískt flugleyfi