Morgunblaðið - 16.01.2004, Side 6

FRÉTTIR
6 FÖSTUDAGUR 16. JANÚAR 2004 MORGUNBLAÐIÐ
Þorrinn er hafinn hjá okkur
Úrvals
hefðbundinn
þorramatur
ásamt súrum hval
og skötustöppu
Sendum hvert á land sem er
Gerum tilboð í veisluna ykkar
Verslunin Svalbarði
Framnesvegi 44, Reykjavík, sími 551 2783
Reykjavíkurvegi 68, Hafnarfirði, sími 564 2783
Verkun, sími 562 2738
Netfang: svalbardi@isl.is
„VIÐ stöndum að fullu leyti við könnunina,“
segir Jóhannes Gunnarsson, formaður Neyt-
endasamtakanna, um viðbrögð Samtaka af-
urðastöðva við könnun á ostaverði í fimm lönd-
um Evrópu. „Ég skil ekki hvað þeir eru að
fara,“ segir Jóhannes. „Það er almennt við-
tekið í samanburði á verði milli landa að taka út
virðisaukaskatt, sem er breytilegur. Við gerð-
um það og höfum alltaf gert. Við höfum aldrei
verið gagnrýndir fyrir það. Þeir velja hins veg-
ar að leggja áherslu á verðsamanburðinn með
virðisaukaskatti, vegna þess að hann er á ost-
um 25% í Danmörku en 14% hér. Þannig að ef
einhverjir eru að setja eitthvað villandi fram
eru það ekki Neytendasamtökin.“
Jóhannes segir að Neytendasamtökin hafi
hvergi sagt, eins og haldið er fram í yfirlýsingu
frá Samtökum afurðastöðva, að ostur væri
100–200% dýrari hér en í Danmörku. „Við
sögðum að það væri algengt að það væri 100–
200% munur á verði hér og í viðmiðundarlönd-
unum sem voru Danmörk, Holland, Belgía og
Frakkland.“
Jóhannes sagði því að könnunin stæði ná-
kvæmlega eins og hún hefur verið birt. „Það
hefur ekkert verið hrakið, ekki eitt einasta at-
riði, í þessari könnun né heldur í þeim skrifum
sem Neytendasamtökin létu fylgja með þess-
ari könnun. Þannig að við stöndum fyllilega við
hana.“
„Stöndum
fyllilega við
könnunina“
HÆSTIRÉTTUR dæmdi í gær tæplega 17
ára pilt í hálfs árs skilorðsbundið fangelsi fyrir
kynferðisbrot gegn jafnöldru sinni.
Atvikið átti sér stað fyrir tæpum tveim ár-
um þegar ákærði var 15 ára og fór ásamt
tveimur 14 ára piltum og stúlkunni heim til
eins þeirra, að sögn piltanna til þess að fara í
hópkynlíf með stúlkunni.
Stúlkan bar að hún hefði staðfastlega neitað
að taka þátt í slíkum athöfnum, en þrátt fyrir
það hafi ákærði og annar piltur haft við hana
samfarir gegn vilja hennar. Hafi hún ekki get-
að spornað við sökum áfengisneyslu og vanlíð-
unar.
Hæstiréttur féllst á það með héraðsdómi að
ekki væri sannað að ákærði hefði gerst sekur
um nauðgun en að sýnt hefði verið fram á að
hann hefði komið fram vilja sínum með ólög-
mætri nauðung. Auk fangelsisdómsins var
ákærði dæmdur til að greiða stúlkunni 500
þúsund krónur í miskabætur.
Málið dæmdu hæstaréttardómararnir
Markús Sigubjörnsson, Garðar Gíslason, Guð-
rún Erlendsdóttir, Hrafn Bragason og Pétur
Kr. Hafstein. Verjandi ákærða var Kristján
Stefánsson hrl. og sækjandi Ragnheiður
Harðardóttir saksóknari hjá ríkissaksóknara.
Hálfs árs
fangelsi fyrir
kynferðisbrot
Í NÝRRI þjóðhagsspá fjármála-
ráðuneytisins er gert ráð fyrir að
hagvöxtur verði um 3% á þessu ári
og að hann verði fyrst og fremst bor-
inn uppi af einkageiranum.
Spáir 2,5% verðbólgu í ár
Ráðuneytið spáir því að verðbólg-
an verði 2,5% í ár en tekið er fram að
niðurstaða kjarasamninga og geng-
isþróun krónunnar muni ráða miklu
um verðlagsþróun, bæði í ár og á
næsta ári. Ekki er gengið út frá
stækkun Norðuráls í þessari spá.
Vegna aukinna stóriðjuframkvæmda
og vaxandi þjóðarútgjalda stefnir
óhjákvæmilega í aukinn viðskipta-
halla, segir í Vefriti fjármálaráðu-
neytisins.
Árið 2005 verður hagvöxturinn um
3,5% og viðskiptahallinn mun halda
áfram að aukast að mati sérfræðinga
fjármálaráðuneytisins. Stöðugleik-
inn í verðlagsmálum eigi þó að geta
haldist verði launahækkanir hófleg-
ar og að því gefnu er reiknað með að
verðbólgan verði í kringum 2,5%.
Hagvöxtur ykist um 0,5% með
tvöföldun Norðuráls
Verði af tvöföldun framleiðslugetu
Norðuráls myndi það hafa þau áhrif
að hagvöxtur yrði 0,5% meiri árin
2004 og 2005 en að öðru óbreyttu má
gera ráð fyrir að verðbólga og við-
skiptahalli myndi aukast samhliða
stækkun Norðuráls, segir í Vefrit-
inu.
Ný þjóðhagsspá fjármálaráðuneytis
Verðlagsþróun
veltur á niðurstöðu
kjaraviðræðna
ÞRJÁR trillur sukku í höfninni á Skagaströnd
í fyrrinótt og hafa fimm trillur því sokkið í
höfninni í illviðrinu frá því aðfaranótt þriðju-
dags.
Björgunarsveitarmenn úr björgunarsveit-
inni Strönd reyndu árangurslítið að dæla sjó úr
bátunum og moka upp úr þeim snjó en veð-
urofsinn og fannfergið var slíkt að ekkert
dugði til að halda þeim á floti.
Þegar björgunarsveitarmenn fóru til síns
heima kl. 2 aðfaranótt fimmtudags voru bát-
arnir á floti en í býtið morguninn eftir kom í
ljós að þrír þeirra höfðu sokkið. Um nóttina
kólnaði nokkuð og er sennilegt að ísing hafi
hlaðist á bátana í enn meira magni en áður með
fyrrgreindum afleiðingum. Að sögn Magnúsar
Ólafssonar, verkstjóra í áhaldahúsi bæjarins
og hafnarvarðar, voru ellefu bátar í höfninni
þegar veðrið skall á.
Ekki átti að reyna að ná bátunum upp úr
höfninni í dag vegna ófærðar.
Fólk mokað út úr húsum
Á miðvikudagskvöld féll þak undan snjó-
þunga á hluta vélaverkstæðis Karls Berndsen
á Skagaströnd. Þrír eða fjórir bílar urðu undir
þakinu og eru þeir mikið skemmdir. Einnig
voru innandyra ýmis tæki og tól. Til marks um
hve fannfergið var mikið var nánast enginn
snjór á þakinu um þrjúleytið þegar björgunar-
sveitarmenn áttu leið framhjá húsinu en klukk-
an 11 um kvöldið var þakið hrunið.
Þá hafa björgunarsveitarmenn haft í nógu
að snúast við að moka fólk út úr húsum en
flestir íbúar á svæðinu hafa lítið komist út und-
ir bert loft undanfarna daga.
Skólahald féll niður í Höfðaskóla í tvo daga
vegna illviðris og ófærðar í bænum en nokkur
ár munu vera síðan þurft hefur að fella niður
skólahald tvo daga í röð af þessum sökum.
Engin slys urðu á fólki í óveðrinu sem nú er í
rénun og eru samgöngur og mannlíf óðum að
komast í rétt horf. Sem dæmi var löngu orðið
mjólkur- og brauðlaust í verslun á staðnum og
dagblöð höfðu ekki borist frá því á sunnudag.
Morgunblaðið/Ólafur Bernódusson
Þrátt fyrir mikla vinnu björgunarsveitarmanna tókst ekki að bjarga þessum þremur bátum í höfninni. Tveir bátar til viðbótar sukku í höfninni
aðfaranótt þriðjudags. Hluti þaksins á Vélaverkstæði Karls Berndsen féll niður undan snóþunga eins og sjá má á innfelldu myndinni.
Fimm trillur sukku í
Skagastrandarhöfn
♦♦♦
BJÖRGUNARSVEITARMENN á
Árskógsströnd fengu beiðni um að-
stoð um kl. 8 í gærmorgun þegar
þeir voru að koma til baka frá björg-
unaraðgerðum vegna snjóflóðsins
við bæinn Bakka í Ólafsfirði. Trilla
hafði slitnað af legufærum á Hauga-
nesi og rak upp í fjöru. Björgunar-
sveitarmenn gátu með aðstoð hjóla-
skóflu dregið trilluna upp í sandfjöru
og komið þar í veg fyrir frekara tjón.
Björguðu
trillu
BRESKUR karlmaður var handtek-
inn við við komuna til Minneapolis í
Bandaríkjunum á þriðjudag en þang-
að kom hann með flugvél Icelandair.
Maðurinn er sagður hafa farið frá
Bretlandi til Bandaríkjanna í gegnum
Ísland. Að sögn dagblaðsins Scots-
man leikur grunur á að erindi manns-
ins til Bandaríkjanna hafi verið að
beita 6 ára gamla stúlku kynferðis-
legu ofbeldi.
Níðingur fór
um Ísland
♦♦♦