Pressan - 09.09.1988, Side 20

20
rio^ íaorríViV f; vT'
Föstudagur 9. september 1988
bréff til ritstjórnar
„Skemmtiþáttur um geðvandamál“
Til ritsljora Pressunnar
Reykjavík, 2. september, 1988.
Ég finn mig knúna til að setja
nokkur orð á blað vegna pistils
Hauks Hoim „Skemmtiþáttur um
geðvandamál“, sem birtist í fyrsta
tölublaði „Pressunnar".
Mér fannst sjónvarpsþátturinn
mjög góður. Gunnar Kvaran var
frábær. Hann sagði vel og skil-
merkilega frá reynslu sinni og talaði
jafnframt af miklu raunsæi um
geðræn vandamál. Aldrei hef ég
heyrt talað um „mjúkar“ umræður.
Eru raunsæjar umræður
„mjúkar"? Þarf Haukur Holm að
sjá fólk sem er mjög illa haldið til
að skynja þennan vanda?
Það er fáránlegt að halda því
fram, að læknar hér á landi ráðist
ekki að rótum vandans — heldur
bara einkennunum. Oft á tíðum er
mjög erfitt að finna rót vandans.
Vandinn kann að vera lítill, nánast
enginn, en framkallar því miður
miklar sálrænar og líkamlegar
kvalir. Haukur Holm hefur greini-
lega aldrei þjáðst af neinum geð-
rænum kvillum.
Gestir þáttarins voru fimm. Þar
af voru þrír úr svokölluðum menn-
ingargeira. Ég held að þeir tveir sem
ekki tilheyrðu honum hafi síður en
svo verið verr upplýstir. Að halda
að það vera veikur andlega, eða eins
og Haukur kallar „að vera aðeins
veikur á taugum", sé „in“ finnst
mér vera greindarskortur og
greindarskortur er auðvitað líka
dómgreindarskortur. Þetta eru að
mínum dómi fordómar hjá greinar-
höfundi og mikil vanvirðing við þá
sem komu fram í sjónvarpsþættin-
um. Það liggur í orðum hans að það
að segja frá reynslu sinni í þessum
efnum sé gert vegna þess að það sé
í tísku að vera slappur á taugum.
Markmið þáttarins var í mínum
augum að vekja fólk til umhugsun-
ar um geðræn vandamál sem geta
sótt á okkur öll einhverntíma
ævinnar, hvort sem okkur er skipað
til sætis í hinum svokallaða menn-
ingargeira eða við vinnum í eldhúsi
eða fiski.
Helga Þóra Eiðsdóttir
NISSAN
MICRA
ÁRGERÐ 1989
NÚ Á BETRA VERÐI EN NOKKRU SINNI FYRR
NISSAN MICRA 1.0 DX, 4RA GÍRA 410.000.-
NISSAN MICRA 1.0 GL, 5 GÍRA 427.000.-
NISSAN MICRA 1.0 GL SJÁLFSKIPTUR 474.000.-
NISSAN MICRA 1.0 SPECIAL VERSION 460.000.-
... 06 KJÖRIN ERU HREINT ÓTRÚLEGl
NISSAN, MEST SELDIJAPANSKI
BÍLLINN í EVRÓPU
423.000.-
441.000.-
489.000.-^^*'
475.000.-
éL

'fieiMX'f
Ingvar
Helgason M
Sýningarsalurinn,
Rauöageröi
Sími: 91 -3 35 60
Svar við
athugasemd
Þar sem Helga Þóra Eiðsdóttir
finnur sig knúna til að gera athuga-
semd við sjónvarpsgagnrýni mína í
síðasta tölublaði Pressunnar hlýt ég
að finna mig knúinn til að svara
henni lítillega.
Helga segir að sér hafi þótt þátt-
urinn góður og er það vel. Það sýnir
að smekkur og viðhorf fólks eru
mismunandi. Hún segir Gunnar
Kvaran hafa verið frábæran og sagt
vel og skilmerkilega frá. Ef hún
hefur lesið pistil minn ætti hún að
hafa séð að ég sagði aldrei að
Gunnar væri slæmur. Ég sagði að
hann hefði talað í nokkuð löngu
máli, en áreiðanlega hefðu margir
fundið sjálfa sig í þeirri Iýsingu.
Helga veltir því fyrir sér, hvort ég
þurfi að sjá fólk afar illa haldið til
að skynja vanda þess? Ég ætla að
vona að svo sé ekki, því í tæp sex ár
vann ég á móttökudeild á Kleppi,
og illt væri ef ég hefði verið svo
skynlaus á vanda þess fólks sem
þangað leitaði. Ég hefði talið að
þessi reynsla mín ætti að gefa mér
smáinnsýn í þessi mál og forða mér
frá fordómum, sem ég held að hún
hafi gert.
Helga segir fáránlegt að halda því
fram, að læknar hér á landi ráðist
ekki gegn rótum vandans — heldur
einungis einkennunum. Auðvitað
er það fáránlegt, enda er því hvergi
haldið fram. Ég vísaði til frásagnar
Herdísar Hallvarðsdóttur um þátt
lyfja í hennar meðferð, og velti
einungis fram þeirri spurningu,
hvort ekki væri um of treyst á lyf í
meðferðinni? Persónulega get ég
ekki neitað því að eftir starf mitt á
geðdeild þykir mér þetta verulega
umhugsunarvert.
Sem betur fer hef ég verið svo
Iánsamur að hafa ekki þurft að
þjást af alvarlegum geðkvillum, en
auðvitað á ég mína góðu og slæmu
daga. Ég geri ráð fyrir að Helga
þekki það líka.
Ég tók það skilmerkilega fram að
kostur þessa þáttar fyndist mér sá,
að fólk kom fram fyrir alþjóð og
ræddi þessi viðkvæmu mál. En að
mínu mati varð hann, því miður,
aldrei annað en huggulegt spjall.
Því miður, því ég er að sjálfsögðu
sammála Helgu um þörf þess að
svipta hulunni af þessum málum.
Eg þakka Helgu Þóru Eiðsdóttur
gott svar og vona að ég megi áfram
hafa mína skoðun á hinum ýmsu
málum.
Haukur Holm