Lesbók Morgunblaðsins - 25.10.2003, Blaðsíða 16

16 LESBÓK MORGUNBLAÐSINS ˜ MENNING/LISTIR 25. OKTÓBER 2003
ÞÓRDÍS Aðalsteinsdóttir myndlistarkona
opnaði fyrstu einkasýningu sína í Stefan Stux
galleríinu í Chelsea í New York á dögunum.
Um er að ræða ellefu akrílmálverk sem Þór-
dís hefur unnið að síðan hún útskrifaðist úr
School of Visual Arts (Sjónlistarskólanum) í
New York í maí síðastliðnum.
Í fréttatilkynningu frá galleríinu er mynd-
um Þórdísar lýst sem djúpstæðum sviðsetn-
ingum listakonunnar á sjálfri sér og þeim
sem annað hvort standa eða hafa staðið henni
nærri. Ákveðin sérviska er sögð einkenna
verkin hennar og að henni takist á sérstæðan
hátt að miðla hinum táknrænu tengslum milli
manneskjunnar, plantna og dýra. Meðal leið-
sagnastefja sem aðstandendur gallerísins
telja að greina megi í myndum hennar eru
ásthneigð, þráhyggja, framandgerving, ótti
og efi.
„Ég tók þátt í samsýningu hjá Stefan Stux
galleríinu í febrúar sem leið en þá var ég með
fimm smærri málverk sem ég hafði unnið í
skólanum. Þær myndir voru í raun þematískt
tengdar því sem ég er að sýna núna. Í kjölfar-
ið bauð Stefan Stux galleristi mér að halda
einkasýningu í stóra salnum. Þannig má
segja að sýningin núna sé nokkuð beint fram-
hald af sýningunni þá,“ segir Þórdís aðspurð
um tilurð sýningarinnar. Að sögn er Þórdís
komin á mála hjá galleríinu sem þýðir að
henni býðst að halda aðra einkasýningu þar
aftur innan tveggja ára.
Staðsetningin heillaði
Samkvæmt upplýsingum frá galleríinu var
þegar búið að selja átta af ellefu verkum áður
en sýningin var opnuð. En Þórdís segir nokk-
uð algengt að safnarar sem áhuga hafi á
ákveðnum listaverkum á sýningu kaupi þau
áður en sýning er opnuð.
Þórdís segist strax hafa heillast af listaum-
hverfinu í New York þegar hún kom þangað
fyrst í heimsókn fyrir nokkrum árum. Í fram-
haldinu ákvað hún að setjast að í borginni og
fara í framhaldsnám, en hún hafði þá þegar
lokið grafíknámi frá Myndlistar- og handíða-
skóla Íslands árið 1999. „Í raun var það stað-
setningin sem heillaði mig mest, þ.e. New
York borg sjálf. Það er svo ótrúlega frjótt
listalíf hér og mikið að gerast. Ég kom hing-
að í heimsókn og ákvað meðan ég var í þeirri
heimsókn að ég vildi búa hérna.“
Sýningin stendur til 15. nóvember næst-
komandi. Aðspurð hvað taki við að henni lok-
inni segir Þórdís það enn allsendis óráðið.
„Vonandi bara fleiri sýningar.“
Þórdís Aðalsteinsdóttir heldur fyrstu einkasýningu sína í Stefan Stux galleríinu í New York
„ÓTRÚLEGA FRJÓTT LISTALÍF HÉR“
Málverkið Verkur í blöðruhálskirtlinum (Prostate pain) eftir Þórdísi Aðalsteinsdóttur.
MENNINGARMIÐSTÖÐIN áHellnum á Snæfellsnesi verðurvígð með ljósmyndasýningunniUndir Jökli í dag kl. 14. Á sýning-
unni eru 57 ljósmyndir þriggja ljósmyndara
sem teknar voru á miðri síðustu öld. „Hér er
um að ræða einstakar ljósmyndir frá nýstofn-
uðum þjóðgarði og friðuðu svæði í nágrenni
hans, en myndirnar voru valdar sérstaklega
með tilliti til þess að þær gæfu góða innsýn í
horfna tíð í því umhverfi sem nú er Þjóðgarð-
urinn Snæfellsjökull,“ segir Þorsteinn Jónsson
þróunarstjóri uppbyggingarverkefnisins á
Hellnum.
„Allar myndirnar á sýningunni voru senni-
legast teknar í tveimur ferðum Ferðafélags Ís-
lands rétt fyrir 1940. Ferðafélag Íslands leigði
strandferðaskipið Laxfoss sem flutti ferða-
félaga til Arnarstapa, sem tóku sér síðan ferð á
hendur og gengu allt svæðið frá Arnarstapa og
að Hellissandi, sem á þeim tíma var vegalaust
svæði. Flestar myndirnar á sýningunni eru
teknar af Þorsteini Jósepssyni og Páli Jóns-
syni, en þeir mynduðu mikið fyrir Ferðafélagið
á sínum tíma. Auk þess á Stefán Nikulásson
eina mynd á sýningunni.
Næmt auga fyrir sérstöðu landsins
Bæði Þorsteinn og Páll höfðu einstaklega
næmt auga fyrir sérstöðu landsins. Þeim tókst
að fanga sérstöðu þessa svæðis á filmu, þar á
meðal torfbæina, sem lögðust í eyði skömmu
síðar, og ýmis menningarverðmæti á borð við
vörina á Gufuskálum sem er elstu menjar um
sjósókn á Íslandi. Á steinunum í fjörunni má
sjá förin eftir skipskjölinn þar sem menn ýttu
bátum sínum úr vör. Auk þess má sjá myndir af
fiskbyrgjum og torfbæjum sem að mestu leyti
er allt horfið í dag. Þannig eru ljósmyndirnar á
sýningunni einstakar heimildir um liðna tíð.“
Við vígslu Menningarmiðstöðvarinnar í dag
verða kynnt áform Hellisvalla ehf. um upp-
byggingu ferðamannaþorps og frístunda-
byggðar á Hellnum, en norsk arkitektastofa
vann að útfærslu þorpsins. „Hugmyndin er að í
ferðamannaþorpinu gegni sérhvert hús
ákveðnu hlutverki. Þannig er ætlunin að vera
m.a. með fjölnota sýningarhús fyrir leiksýning-
ar og tónleika, hótel, kaffihús, krambúð, gallerí,
spádómshús, handverkshús og snikkarahús.“
Þorsteinn segir að byggt verði sérstakt
Norðurlandahverfi þar sem hvert Norður-
landanna fái sitt eigið hús þar sem menning
viðkomandi lands verði kynnt. Áætlað er að öll
húsin verði byggð við eitt torg og að þar verði
staðið fyrir ýmsum uppákomum.
Grundvöllur þess að fólk staldri við
„Stærsta byggingin á staðnum verður safn-
amiðstöð en þar er ætlunin að koma upp sögu-
safni, sem sett verður upp með svipuðum hætti
og sýningar sem Ernst Backman hefur sett
upp í Perlunni. Að auki verður komið upp eld-
fjallasafni sem byggist á safninu sem Haraldur
Sigurðsson eldfjallafræðingur hefur gert um
eldfjöll vítt og breitt um heiminn. En auðvitað
munum við einblína sérstaklega á íslensk eld-
fjöll. Síðan má nefna Jules Verne stofu sem
komið verður upp, en segja má að Verne hafi
komið Snæfellsjökli á kortið á erlendri grundu.
Til gamans má geta að Frakkar hafa sýnt þessu
verkefni mikinn áhuga.“
Aðspurður hvaða gildi afþreyingarþorp og
menningarmiðstöð hafi fyrir Snæfellsnesið
svarar Þorsteinn því til að hvort tveggja sé
grundvöllur þess að fólk stoppi á staðnum.
„Með fræðslu þessara safna sem hér verða hafa
gestir möguleika á að kynnast þessum einstaka
sögustað og þeirri stórbrotnu náttúru sem
þarna er. Utanvert Snæfellsnesið hefur lengst
af verið nokkuð lokuð bók, bæði fyrir íslenskum
ferðamönnum og erlendum, en með tilkomu
Þjóðgarðsins Snæfellsjökuls hefur ferðafólk
möguleika á að kynnast einstökum náttúrufyr-
irbrigðum og merkilegri sögu.“
EINSTAKAR HEIMILDIR UM LIÐNA TÍÐ
Ljósmynd/Þorsteinn Jósepsson
Sagnir hermdu að Búðahellir væri geysilangur og tengdist Surtshelli í Borgarfirði og lægi jafnvel
undir Faxaflóa suður á Reykjanesskaga og að gullsandur væri í hellisbotninum.
Ljósmynd/Þorsteinn Jósepsson
Kjölfar í grjótinu í lendingu á Gufuskálum er til
vitnis um sjósókn í aldanna rás.
Ljósmynd/Þorsteinn Jósepsson
Franski rithöfundurinn Jules Verne kom Snæ-
fellsjökli á kortið erlendis með skáldsögu
sinni um leyndardóma Snæfellsjökuls.
Ljósmynd/Páll Jónsson
Fjárréttir og bátauppsátur á Hellnum sem í dag eru rústir einar. silja@mbl.is