NT - 03.11.1984, Blaðsíða 3

Laugardagur 3. nóvember 1984
3
Karfamarkaður
opnast í Japan
■ „Það virðist vera meiri
áhugi hjá Japönum á að kaupa
karfa frá íslandi en nokkru sinni
áður“, sagði Guðmundur H.
Garðarsson blaðafulltrúi Sölu-
miðstöðvarinnar í samtali við
NT. Á þessu ári hefur Sölumið-
stöðin samið við Japani um sölu
á 1000 tonnum af heilfrystum
karfa auk 500 tonna sem fyrir-
tækið Hekla sér um að koma á
Japansmarkað. Hekla er meðal
annars bflainnflutningsfyrirtæki
og flytur inn japanska bfla.
„Við höfum um árabil verið
að selja karfa til Japan en það
hafa verið sveiflur í þessu og í
rauninni hefur aðeins verið um
tilraunastarfsemi að ræða til
þessa“, sagði Guðmundur. „En
núna búumst við við því að geta
selt þetta magn af karfa og
jafnvel meira næstu árin.“ Til
samanburðar við þá sölu sem
nú er, þá voru á síðasta ári flutt
143 tonn af karfaflökum á Jap-
ansmarkað og 306 á árinu 1982.
Aðspurður um verð á þessum
1500 tonnum af heilfrystum
karfa sem nú fer á Japansmark-
að sagði Guðmundur að erfitt
væri að bera það saman við verð
á karfaflökum á Bandaríkja- og
Rússlandsmarkað. En miðað
við ódýra vinnslu taldi hann að
þetta gæti verið hagstætt fyrir
frystihúsin og leyst vanda sem
stafað hefur af birgðasöfnun
karfa á undanförnum árum.
Karfaflökunarvélar eru ekki til
nema í stærstu frystihúsunum
og því útheimtir flökun hans
mikla vinnu víðast hvar.
■ Heilfrystur, hausaður karfi á Japansmarkað, 143 tonn síðasta
ár en 1500 tonn í ár. Nýr markaður að opnast. Þessar myndir tók
Árni Bjarna Ijósmyndari NT í Hraófrystistöð Reykjavíkur nú í
vikunni þar sem verið var að pakka þessari vöru.
Þrátt fyrir verkfallið:
Vanskil persónu-
víxla ekki aukist
- en áfram hallar á ógæfu-
hliðina með viðskiptavíxla
■ Þrátt fyrir tekjutap þús-
unda í verkfallinu hafa van-
skil á persónuvíxlum einstak-
linga ekki aukist nú í síðasta
mánuði, samkvæmt því sem
NT kemst að í samtölum við
bankamenn, sem segja slíkt
ekkert sérstakt vandamál.
Bankastjórar hafa að vísu
reynt að vera heldur liðlegir
við fólk varðandi frestanir og
framlengingar hjá hinum
tekjulausu og einnig könn-
uðust þeir við smávegis
aukna útgáfu á gúmítékkum,
en alls ekki í stórum stfl.
Vanskil á viðskiptavíxlum
hafa hins vegar aukist veru-
lega nú undanfarna mánuði
og teljast nú orðið töluvert
vandamál í bankakerfinu.
Bæði er þar um að ræða víxla
sem bankarnir kaupa af
verslunum vegna afborgun-
arviðskipta einstaklinga, þar
sem fólk hefur verið að
kaupa hluti sem það síðan
reynist ekki ráða við, og ekki
síður víxla sem fyrirtæki
greiða með sín á milli og
selja í bankana. Þessi vanskil
tengjast ekkert nýafstöðnu
verkfalli - heldur hefur þarna
sífellt verið að síga á ógæfu-
hliðina nú undanfarna mán-
uði.
Þá mun ekki ofsagt að
nokkurs kvíða gæti hjá
greiðslukortafyrirtækjunum
um uppgjör nú í byrjun þessa
mánaðar. Vitað er að margir
hafa notað kortin sín ótæpi-
lega undanfarinn mánuð og
eru nú farnir að kvíða
skuldadögunum framundan.
Nýtt skip til
hafrannsókna
■ Ríkissjóður hefur fest kaup á
bátnum Ottó Wathne frá Seyðisfirði'
fyrir Hafrannsóknarstofnun. Gengið
var frá kaupunum síðastliðinn þriðju-
dag. Kaupverð skipsins er 65 milljónir
króna, þar inní er lán frá Fiskveiði-
sjóði upp á 45.5 milljónir og lán frá
Byggðasjóði að upphæð 3.1 milljón
króna. Utborgun í skipinu var 5.5.
milljónir og afgangurinn verður
greiddur með jöfnum greiðslum til
ágústloka á næsta ári.
Ottó Wathne keniur í stáðinn fyrir
hafrannsóknarbátinn Dröfn, sem er
orðinn gamall og slitinn og verður
settur í úreldingu. Heimild til kaupa
á Ottó Wathne var á fjárlögum þessa
árs. Ottó mun yfirtaka verkefni
Drafnar, sem voru m.a. rækjuleit,
auk þess, sem hann mun sjálfsagt
sinna fleiri rannsóknarverkefnum.
Tilboðin í Blönduvirkjun:
Samanburður í
fullum gangi
■ Samanburður á tilboðum, sem
bárust í vélabúnað og fleira við
Blönduvirkjun síðla sumars, er nú í
fullum gangi. Verður þeirri vinnu
væntanlega að mestu lokið um eða
eftir næstu mánaðamót, og þá skýrist
hver mun hreppa hnossið.
Að sögn Jóhanns Más Maríussonar
aðstoðarforstjóra Landsvirkjunar er
Ijóst, að tilboðin sem bárust eru afar
hagstæð fyrir Landsvirkjun, þar sem
þaueru.mörghver að minnsta kosti,
langt undir áætluðu kostnaðarverði, en
hann varðist allra frétta af því hver
röð þeirra fyrirtækja væri, sem buðu
í verkið. Þegar tilboð voru opnuð á
sínum tíma, var júgóslavneska fyrir-
tækið Ingra Group með lægsta boð.
Vélstjórafélag fslands:
Launalið sagt
upp um ára-
mót
■ Stjórnarfundur í Vélstjórafélagi
íslands ákvað í fyrradag að segja upp
launaiið kjarasamnings síns frá 1.
janúar næstkomandi.
Ein af meginkröfum vélstjóra í
komandi kjarasamningum. svo og
krafa fleiri félaga yfirmanna á
skipum, verður að auka bilið á milli
yfir- og undirmanna, sem mönnum
finnst allt of lágt.
STÓRKOSTLEG BILASÝIMING
LAUGARD. OG SUNNUD. KL. 2- 5.
STÓRKOSTLEG SÝNING Á AKUREYRI.
SÝNUM HINN SNARPA OG SNAGGARALEGA SUBARU J-10, -
FJÓRHJÓLADRIFINN SMÁBÍL.
NISSAN PATROL, 7 MANNA ALVÖRUJEPPA MEÐ ÖFLUGRI6 STROKKA DÍSIL VÉL.
SÝNUM NISSAN CHERRY '85 ÁRGERÐINA. TRAUSTUR, ÖRUGG-
UR, SPARNEYTINN OG ÓTRÚLEGA ÓDÝR.
SIGURÐUR VALDIMARSSON,
Óseyri5A, Akureyri. Sími 22520.
ALLTAF HEITT Á KÖNNUNNI
SJÓN ER SÖGU RÍKARI, KOMIÐ VIÐ Á BÍLASÝNINGU
Hefur þú soú
SÝNUM í FYRSTA SINN Á ÍSLANDI SUBARU
LEONE ÁRG. '85, FJÓRHJÓLADRIFINN LÚXUSBÍL.
FYRIR ÞÁ SEM GERA MISKUNNARLAUSAR KRÖFUR EIGUM VIÐ
NISSAN STANSA 1800 GL, - BÍL ÞEIRRA VANDLÁTU.
þeDDdD
INGVAR HELGASON HF.
Sýningarsalurinn/Rauðagerði, sími 33560.