NT - 05.11.1984, Blaðsíða 6

Mánudagur 5. nóvember 1984 6
Vettvangur
Stjórnmálayfirlýsing
flokksráðs og formannafundar Sjálfstæðisflokksins
■ Flokksráðs- og formanna-
fundur Sjálfstæðisflokksins
lýsir yfir miklum áhyggjum
vegna erfiðleika í sjávarútvegi
og yfirstandandi kjaradeilu og
leggur áherslu á mikilvægi þess
fyrir þjóðina að gagnkvæmur
skilningur og samstaða náist
milli aðila. íslendingar hafa
nú um þriggja ára skeið búið
við minnkandi þjóðarfram-
leiðslu. Vegna ástands fiski-
stofna hefur orðið að draga úr
veiðum og verðfall og sölu-
tregða er á erlendum mörk-
uðum. Mikil fjárfesting í út-
gerð og fiskvinnslu hefur ekki
skilað þeim arði, sem til var
ætlast. Það er alvarlegt um-
hugsunarefni að við slíkar að-
stæður skuli rísa kröfur um
miklar kauphækkanir og að
þeim skuli fylgt eftir með verk-
föllum. Það er vissulega rétt,
að Islendingar búa nú við verri
kjör en þeir höfðu áður vanist,
þegar betur áraði. Sú kjara-
skerðing var óhjákvæmileg
vegna versnandi þjóðaraf-
komu og liefði komið harðar
niður á öllum, ekki síst þeim
lægst launuðu, ef verðbólgan
hefði fengið að geisa áfram
sem fyrr. Kjaraskerðingin var
ekki vegna hjöðnunar verð-
bólgu, heldur tókst vegna
þeirrar hjöðnunar að halda í
horfinu á þessu ári, þrátt fyrir
að ytri skilyrði færu enn versn-
andi. Því má heldur ekki
gleyma, að sérstakar ráðstaf-
anir hafa verið gerðar til að
milda áhrif kjaraskerðingar-
innar hjá þeim, sem verst eru
settir. Brýnt er sem fyrr að því
sé haldið áfram, ekki síst með
því að leiðrétta það misrétti,
sem stafar af úreltum skatta-
lögum og með því að færa
opinbera þjónustu í hagkvæm-
ara horf.
Fundurinn fagnar þeim ár-
angri sem náðst hefur til að
vinna bug á verðbólgunni og
vekur athygli á að stöðugleiki
hefur verið í efnahagslífinu
síðustu tvö misserin. Þetta var
kjarninn í stefnuskrá flokksins
fyrir síðustu kosningar og
grundvöllur að myndun ríkis-
stjórnar. Frjálsræði í við-
skiptum og aukin samkeppni í
öllum greinum hefur lagt
grunn að nýskipan efnahags-
lífsins. Þetta hefur borið þann
árangur, að æ fleiri fyrirtæki
leita inn á nýjar brautir í
framleiðslu sinni og takast á
við margbrotnari verkefni en
áður eins og m.a. kom fram á
nýafstaðinni sjávarútvegssýn-
ingu, sem vakti mikla athygli.
Slík vöruþróun, sem stefnir á
erlendan markað, var óhugs-
andj á tímum örra gengisbreyt-
inga.
Frumkvæði Sjálfstæðis-
flokksins í stóriðjumálum hef-
ur þegar skilað skjótari og
bctri árangri, en flestir þorðu
að vona. Þannig hefur orku-
verð til álversins tvöfaldast og
nú eru til umræðu ýmsir stór-
iðjukostir, þar sem ekki var
eftir leitað eða íslendingar
komu að lokuðum dyrum,
meðan ráðherra Alþýðu-
bandalagsins sat í iðnaðar-
ráðuneytinu.
Einungis með auknum af-
rakstri þjóðarbúsins er unnt að
bæta kjör hvers og eins. Saga
íslendinga og reynsla annarra
þjóða sýnir að saman fer frelsi
einstaklingsins til athafna og
velferð þjóðarheildarinnar.
Fundurinn leggur áherslu á,
að ekki megi glata þeim ár-
angri, sem náðst hefur með
stuðningi þjóðarinnar allrar.
Hann lýsir yfir stuðningi við
samkomulag stjórnarflokk-
anna frá 7. seþtember s.l. og
leggur áherslu á eftirfarandi 5
atriði:
1. Jafnvægi í efnahagslífinu
verður að treysta með gagn-
gerum aðgerðum á sviði
peninga- og ríkisfjármála.
Feli þær m.a. í sér aukið
frelsi og ábyrgð viðskipta-
bankanna og geri það kleift
að gengi krónunnar haldist
stöðugt og jafnvægi haldist
í viðskiptum við útlönd.
2. Tekið er undir hugmyndir
ríkisstjórnarinnar um að
greiða fyrir lausn kjaramála
með afnámi tekjuskatts á
almennar launatekjur og að
skattleysismörk verði
hækkuð. Það er þýðingar-
mikill þáttur í því, sem að
skal stefnt, að. dagvinnu-
tekjur einstaklings nægi til
framfærslu meðalfjöl-
skyldu. Tekjum hjóna verði
skipt á milli þeirra fyrir
álagningu skatts.
3. Erlendar skuldir þjóðar-
búsins vaxi ekki nema undir
þeim verði staðið með nýj-
um gjaldeyristekjum svo
sem af orkusölu til stóriðju
eða nýiðnaði og nýjum at-
vinnugreinum.
4. Hafist verði handa um
endurmat á hvers konar
starfsemi, sem kostuð er af
almannafé til þess að koma
við nútímalegri hagræðingu
og sparnaði, m.a. með því
að leggj a niður eða sameina
stofnanir og með tilfærslum
á starfsfólki. Þá ber að
gaumgæfa að hve miklu
leyti þjónusta sem nú er á
opinberum vegum sé betur
komin í höndum einkaað-
ila. Þeim sparnaði, sem
þannig næst fram, skal m.a.
varið til að mæta skatta-
lækkunum og bæta starfsað-
stöðu og kjör opinberra
starfsmanna.
Sjávarúteginum verði skap-
aður eðlilegur starfsgrund-
völlur. í því sambandi er
mikilvægt að leitað verði
leiða til að draga úr rekstr-
arkostnaði og auka fjöl-
breytni í framleiðslu sem
fylgt verði eftir með öflugu
markaðsstarfi.
6. Koma þarf á frjálsræði í
innflutningi og sölu á bens-
íni og olíuvörum, þannig
að tryggt sé að sjávarútveg-
urinn og aðrir notendur geti
notið lægsta fáanlegs verðs
á hverjum tíma
7. Vinna ber að áframhald-
andi uppbyggingu stóriðju
og kanna iðnaðarkosti sem
geta notað jarðgufu beint
til framleiðslu sinnar.
8. Fundurinn lýsir ánægju yfir
gangi viðræðna við Alu-
suisse um álverið í Straunrs-
vík, en samningur hefur
verið gerður um stórhækk-
að raforkuverð og í sjón-
máli er lausn deilumála, sm
að undanförnu hafa verið
rekin fyrir gerðardómi.
Haldið verði áfram samn-
ingum við Alusuisse um
breytt skattkerfi og stækk-
un álversins í Straumsvík.
9. Búvöruframleiðslan verði
sem næst þörfum innlenda
markaðarins, en lögð aukin
áhersla á gagngerar umbæt-
ur í vinnslu, sölu og mark-
aðssetningu landbúnaðar-
vara innan lands og utan.
Stuðlað verði að loðdýra-
rækt til útflutnings en
áhersla lögð á fjölþætta at-
vinnuuppbyggingu í byggð-
um landsins.
10. Fiskræktartilraunir verði
efldar og greitt fyrir því að
einstaklingar geti Iagt fé
sitt í fiskrækt og fengið
jafnframt eðlilega lánafyr-
irgreiðslu svo að hún geti
á skömmum tíma orðið
öflugur atvinnurekstur líkt
og þegar er orðið hjá
nágrannaþjóðunum.
11. Arðsemissjónarmið verði
látin gilda, þegar ráðist er
í nýjar fjárfestingar. Fjár-
festingarlánasjóðum at-
vinnuveganna verði fækk-
að og lánveitingar þeirra
fari í gegnum hið almenna
bankakerfi. Linað verði
um tök ríkisvaldsins á
bankakerfinu og ríkis-
bönkunum breytt í hluta-
félög með það fyrir augum
að bankarnir komist í eigu
einstaklinga ogfyrirtækja.
12. Skilin milli verkefna ríkis
og sveitarfélaga verði
skerpt og beina skatt-
heimtan færð í hendur
sveitarstjórna.
13. Afnumin verði óþarfa
íhlutun og afskipti ríkis-
valdins af atvinnurekstrin-
um.
14. Auka þarf framleiðni at-
vinnulífsins. Til þess að
ná því markmiði ber m.a.
að bæta þekkingu og örva
frumkvæði starfsfólks og
stjórnenda og fjárfesta í
rannsóknum, vöruþróun
og markaðsstarfi. Athuga
ber hvernig opinber stuðn-
ingur geti nýst til þessa.
Mikilvægt er að efla Há-
skóla íslands og aðrar
stofnanir, sem fyrir eru á
þessum sviðum, og koma
á nánara samstarfi milli
atvinnulífsins og mennta-
kerfisins.
15. Ríkiseinokun á útvarps-
rekstri verði afnumin.
16. Tryggja verður betri nýt-
ingu fjármagns og skilvirk-
ari afgreiðslu húsnæðis-
lána úr Byggingasjóði
ríkisins, einkum til þeirra
sem örðugast eiga.
17. Auka þarf gæði menntun-
ar. Leggja þarf áherslu á
sérmenntun, sem er undir-
staða nútíma atvinnu- og
lífshátta. Tæknibylting
stendur nú yfir í öllum
þróuðum þjóðfélögum.
Hraða þarf viðbúnaði
menntakerfisins í því
sambandi. Til þess að auka
þjóðartekjurnar og bæta
lífskjörin þarf vel menntað
fólk með frumkvæði og
nýjar atvinnuhugmyndir.
Ef menntkerfið á að geta
gegnt hlutverki sínu vel er
nauðsynlegt að efla
menntun kennara og
endurmeta kjör þeirra.
18. Lögð verði áhersla á að
varðveita þann árangur,
sem náðst hefur í heil-
brigðismálum. Gera þarf
langtíma áætlanir í heil-
brigðismálum og vinna að
auknu forræði sveitarfé-
laga. Efla ber heilbrigðis-
þjónustu utan sjúkrahúsa.
Kostir einkareksturs og
frjálsra félagasamtaka í
heilbrigðisþjónustu verði
betur nýttir.
Sjálfstæðismenn hafa sem
fyrr forystu í landhelgismálum.
Þjóðin verður að standa sam-
einuð vörð um réttindi þau,
sem hún á að þjóðarrétti. Nú
stendur baráttan um að tryggja
hafsbotnsréttindi á Rockall-
hásléttu og Reykjaneshrygg.
Samhliða því að gæta samn-
ingsbundinna réttinda á Jan
Mayen-svæðinu. Þessi barátta
á m.a. að beinast að sameign,
samnýtingu og varðveislu
nyrstu svæða Atlantshafsins í
samræmi við fjölmargar álykt-
anir Alþingis.
Formanna- og flokksráðs-
fundur ítrekar stefnu Sjálf-
stæðisflokksins í varnar- og
öryggismálum sem byggist á
varðstöðu um sjálfstæði og
frelsi þjóðarinnar í samvinnu
við vestrænar lýðræðisþjóðir.
Ráðstefnan fagnar tillögum
utanríkisráðherra um að ís-
lendingar verði virkari en verið
liefur í varnarsamstarfi innan
Atlantshafsbandalagsins og
auki hlut sinn í eftirTitsstörfum
í lofti og á legi við ísland.
Hvatt er til þess að Sjálf-
stæðisflokkurinn hafi á Alþingi
forystu um mótun sameigin-
legrar stefnu allra flokka í
Ályktanir
kjördæmisþings Alþýðu-
bandalagsins í Norður-
landskjördæmi eystra
■ Ályktun um kjaramál
Kjördæmisþing Alþýðubanda-
lagsins í Norðurlandskjördæmi
eystra, haldið 27. og 28. októ-
ber 1984, lýsir yfir fullum
stuðningi við sanngjarnar
kröfur launafólks í yfirstand-
andi kjaradeilu.
Þingið lýsir yfir aðdáun sinni
á baráttu BSRB-félaga, einkum
þeirri samstöðu og virkni, sem
félagar hafa sýnt. Telur þingið
að þessi barátta sé öllu launa-
fólki í landinu gott fordæmi.
Þá fordæmir þingið þá hörku
og óbilgirni sem ríkisstjórnin
og einstakir ráðherrar hennar
hafa sýnt í samskiptum sínum
við launafólk. Á valdaskeiði
núverandi ríkisstjórnar hefur
verið hlúð að fjármagnseig-
endum með fullri verðtrygg-
ingu og stórhækkun vaxta, en
á sama tíma hefur kaupmáttur
almennra launa lækkað um
30% vegna afnáms verðtrygg-
ingar á laun. Þingið bendir á
að mestu skiptir að launafólk
sýni órofa samstöðu í baráttu
sinni við fjármagnseigendur
með VSÍ og ríkisstjórnina í
broddi fylkingar.
Þingið varar eindregið við
þeirri skattalækkunarleið, sem
til umræðu hefur verið og
minnir á mikilvægi samneysl-
unnar í íslenskum þjóðarbú-
skap. Samdráttur í opinberri
þjónustu mun óhjákvæmilega
komast harðast niður á þeim
sem minnst mega sín í samfé-
laginu, svo sem sjúkum, öldr-
uðum og öryrkjum.
Þingið leggur áherslu á að í
komandi samningum verði
kaupmáttartrygging þannig,
að vinnufriður haldist og kom-
ijí veroi hjá sífelldum aðförum
Sfýórnvalda að kjör::,. t almenn-
iitgs.
Kauptaxtar taki það mikiuin
hækkunum að þeir verði raun-
hæfir, þannig að launa-
greiðslur verði ekki geðþótta-
atriði viðkomandi atvinnurek-
enda, og að laun og fjármagn
njóti sömu verðtryggingar-
kjara.
Laun verkafólks og sjó-
manna verði leiðrétt með því
að fella niður tveggja taxta
kerfið og breyta hlutaskiptum
og þannig verði reynt að stöðva
fólksflótta úr undirstöðuat-
vinnuvegunum.
Vextir af húsnæðislánum
verði stórlega lækkaðir og
auknu fjármagni veitt til hús-
næðismála, sem meðal annars
verði notað til að efla verka-
mannabústaðakerfið og veita
hinum nýju húsnæðissam-
vinnufélögum fyrirgreiðslu
með svipuðum kjörum.
Þingið mótmælir harðlega
þeirri stefnu stjórnvalda að
gefa verðlagningu á vöru og
þjónustu algerlega lausan
tauminn, á meðan kaupgjald
er ýmist skammtað eða settar
verulegar skorður með laga-
setningu. Þessa stefnu verður
verkalýðshreyfingin að brjóta
á bak aftur.
Ályktun um byggðamál
Kjördæmisþing Alþýðu-
bandalagsins í Norðurlands-
kjördæmi eystra haldið á Ak-
ureyri dagana 27. og 28. októ-
ber bendir á að stórfelld byggða-
röskun er nú liafin á ný og
krefst þess af stjórnvöldum að
allt verði gert sem unnt er til
að snúa þeirri óheillaþróun við
og ná aftur jafnvægi í byggða-
málum.
í kjölfarið á útfærslu land-
helginnar og þeirri uppbygg-
ingu atvinnulífsins sem á eftir
fylgdi kom nokkuri jafnvægis-
skeið í byggðamálum á íslandi.
Því jafnvægisskeiði er nú lokið
og mjög hratt sígur á ógæfu-
hliðina með vaxandi fólksflótta
af landsbyggðinni til Stór-
Reykjavíkursvæðisins.
Staða framleiðslugreinanna
sem vega þungt í atvinnulífi á
landsbyggðinni er nú mjög
erfið. Rekstrarskilyrði sjávar-
útvegs og landbúnaðar eru ein-
hver hin erfiðustu um áratuga
skeið með tilheyrandi áhrifum
á allt mannlíf í tengslum við
þær atvinnugreinar. Að hluta
til má rekja þessa erfiðleika til
óhagstæðra ytri skilyrða en
stjórnvöld bera með aðgerðum
sínum og þó öllu fremur að-
gerðarleysi einnig ábyrgð á
þessari þróun.
í skjóli núverandi ríkis-
stjórnar hefur orðið stórfellt
misgengi í efnahagslífi þjóðar-
innar. Þrengt er að fram-
leiðslugreinunum, einkum
sjávarútvegi og landbúnaði, en
ýmsir þjónustuaðilar og milli-
liðir sópa saman fé. Þetta hefur
komið fram í mikilli þenslu á
suðvesturhorni landsins en
samdrætti og margháttúðunr
erfiðleikum úti á landi.
Ríkisstjórnin stendur úr-
ræða- og dáðlaus frammi fyrir
þessum vandamálum sem
öðrum og afleiðingarnar geta
aðeins orðið sívaxandi fólks-
flótti af landsbyggðinni og
byggðaröskun.
Kjördæmisþing Alþýðu-
bandalagsins krefst þess að
stjórnvöld grfpi þegar í stað til
aðgerða sem tryggi á ný að
eðlilegt jafnvægi haldist í
byggð landsins. Fyrst þarf að
ráðast á og leysa þau vandamál
sem blasa við sjávarútvegi og
landbúnaði og komast þannig
hjá yfirvofandi hruni í atvinnu-
lífi landsbyggðarinnar af völd-
um rekstrarstöðvunar íþessum
greinum. Auk þess þarf tafar-
laust að hefja undirbúning að
fjölþættu átaki sem tryggi
landsbyggðinni á ný eðlilega
vaxtarmöguleika. Til þess að
svo megi verða er m.a. nauð-
synlegt:
1. Að landsbyggðin haldi eftir
auknum hluta þeirra verð-
mæta sem þar eru sköpuð.
2. Að stórauknu fjármagni
verði veitt til uppbyggingar
í nýjum atvinnugreinum,
svo sem nýiðnaði hverskon-
ar, fiskeldi o.fl. og til frek-
ari úrvinnslu landbúnaðar-
og sjávarafurða. Á móti
verði snarlega dregið úr
fjárfestingu og óþarfa
eyðslu í verslunar- og
bankastarfsemi og öðrum
skildum greinum sem skapa
takmörkuð verðmæti og
afla ekki gjaldeyris með
fjárfestingum sínum.
3. Áð tekin verði upp ger-
breytt stefna í sambandi við
dreifingu á þjónustustarf-
semi um landið þannig að
sá vöxtur sem fyrirsjáan-
legur er á þessu sviði komi
landsbyggðinni til góða í
eðlilegum hlutföllum, en
verði ekki allur á höfuð-
borgarsvæðinu.
Kjördæmisþingið bendir á
að einu úrræði núverandi ríkis-
stjórnar í atvinnumálum eru
hernáms- og stóriðjufram-
kvæmdir. Þingið hafnar þessari
leið sem mun fela í sér stórauk-
in ítök erlendra auðhringa í
atvinnulífi landsmanna og er
um leið ógnun við sjálfstæði
þjóðarinnar. Á sama tíma og
atvinnulíf á landsbyggðinni á í
vök að verjast vegna efnahags-
stefnu ríkisstjórnarinnar er ó-
raunsæum stóriðjuhugmynd-
um haldið að íbúum kjör-
dæmisins. Um leið og varað er
við að treysta á slíkar hug-
myndir sem lausn á atvinnu-
málum ítrekar kjördæmisþing-
ið stefnu Alþýðubandalagsins
og minnir á fyrri samþykktir.
Kjördæmisþing Álþýðu-
bandalagsins í Norðurlands-
kjördæmi eystra krefst þess af
stjórnvöldum að þau tryggi
öllum þegnum þjóðfélagsins
sem jöfnust og best lífskjör án
tillits til búsetu. Meta verður
framlag landsbyggðarinnar í
verðmætasköpun þjóðarinnar
að verðleikum og tryggja
þannig fullt jafnræði með at-
vinnuvegum landsmanna.
Þingið lýsir að lokum fullri
ábyrgð á hendur ríkisstjórnar
Steingríms Hermannssonar á
þeim hrikalegu afleiðingum
sem stórfelld byggðaröskun
mun hafa fyrir land og þjóð
verði ekkert að gert.
Ályktun um
hemámsframkvæmdir
Kjördæmisþing Alþýðu-
bandalagsins í Norðurlands-
kjördæmi eystra mótmælir
harðlega þeim hernámsfram-
kvæmdum sem nú virðast vera
að hefjast með athugunum á
Langanesi, án þess að þjóðinni
hafi verið kunngert hvað þar
er á seyði né löglegir aðilar
fjallað þar um. Þingið krefst
þess að hætt verði við slík
áform þegar í stað.
Það er í hróplegu ósamræmi
við mannlega skynsemi að ætla
að flækja ísland og íslendinga
enn frekar í vígbúnaðarnet er-
lends herveldis á sama tíma og
almenningur víða um lönd
hafnar vígbúnaðarbrjálæðinu
og krefst afvopnunar.
Þingið fagnar frumkvæði
heimamanna að mótmæla
þessari hermangsþjónkun m.a.
með eftirminnilegri Langanes-
göngu í sumr.
Kjördæmisþing Alþýðu-
bandalagsins í Norðurlands-
kjördæmi eystra lýsir fullri
ábyrgð á hendur þeim
mönnum sem stefna öryggi
íslendinga í sívaxandi hættu
um leið og vegið er að dýrmæt-
ustu eign þjóðarinnar, sjálf-
sjæðinu.
Ályktun um ríkis-
stjóm Steingríms
Hermannssonar
Kjördæmisþing Alþýðu-
bandalagsins í Norðurlands-
kjördæmi eystra haldið á
Akureyri 27. og 28. oktober
telur að ríkisstjórn Steingríms
Hermannssonar hafi nú ber-
lega afhjúpað sig með lögbrot-
um og hvers konar yfirgangi og
óréttlæti gegn alþýðu þessa
lands. Því krefst þingið þess að
stjórnin létti af þjóðinni þeirri
ánauð sem hún sjálf er.