NT - 20.04.1985, Blaðsíða 11
meö áherslu á nýsköpun og framleiðnk
aukningu.
Þá er í undirbúningi frumvarp til laga
um eignarhaldsfyrirtæki ríkisins, eins og
við framsóknarmenn höfurn ályktað um.
Það frumvarp verður þó varla lagt frani
á þessu þingi.
Næstu skref nýsköpunar
Eins og ég hef sagt, á nýsköpun í
atvinnulífinu ekki aðeins við nýjar
atvinnugreinar, heldur einnig og ekki
síður þær sem eldri eru. Eg er t.d.
sannfærður um, að með nýrri tækni má
stórlcga auka framleiðni og verðmæta-
sköpun í fiskvinnslunni. Því skrifaði ég
Framkvæmdastofnun um síðustu áramót
og óskaði eftir því, að undirbúningur að
slíkri nýsköpun yrði þegar hafinn.
Ánægjulegt er, að ótrúlega margir
hafa þegar haslað sér völl á ýmsum
sviðum nýrrar framleiðslu og nýrrar
tækni. Loðdýraræktin eykst hröðum
skrefum og stórar áætlanir cru urn fisk-
eldi. Ótrúlega margir starfa þegar á sviði
hátækni- og upplýsingaiðnaðar. Flest
lofar það góðu. Nú er fyrst og fremst
þörf á öflugum stuðningi hins opinbera.
Það er von mín, að með því átaki, sem
ég hef lýst, komist verulegur skriður
á 'nýsköpuní íslensku atvinnulífi. Þó er
það sannfæring mín að meira þurfi að
gera. Mun ég nefna fáein atriði, sem ég
tel, að leggja beri sérstaka áherslu á,
Aldrei verður of oft ítrekað, að nauð-
synlegt er að tengja menntakerfið betur
atvinnulífinu og hinni nýju tækniþróun.
Þekkingargrundvöllur Islendinga er
goður. En þekkingunni þarf að beina inn
á réttar brautir.
Skipulag rannsóknastarfseminnarþarf
einnig að endurskoða. Fyrir liggur
frumvarp, sem menntamálaráðherra
hefur látið semja upp úr frumvörpum.
sem ég með öðrunt vann fyrir fáum
árum. Þetta frumvarp þarf endur-
skoðunar við.
Nánast allt það, sem við framleiðum
þurfum við að flytja út, því er markaðs-
starfsemin ákaffega mikilvæg. Égtel rétt
að sameina utanríksiviðskipti og utan-
ríksiráðuneyti og beina starfseminni
fyrst og fremst inn á markaðssviðið. Um
það virðist því miðurekki nást samstaða.
Þá verður að finna leiðir til þess, að náin
samvinna milli þessara tveggja ráðu-
neyta geti orðið, og við atvinnulífið
sjálft.
Ég vil nefna nokkrar beinar og óbeinar
aðgerðir af hálfu hins opinbera, sem ég
tel mikilvægar til þess að stuðla að
þróttmikili nýsköpun atvinnulífsins.
1. Aðflutningsgjald og söluskattur af
stofnkostnaði verði felldur niður þeg-
ar um er að ræða framleiðslu sem
ætluð er til útflutnings.
2. Tekjuskattur veðri felldur niður í
finim ár af nýjum fyrirtækjum, sem
teljast til nýsköpunar í atvinnulífi.
3. Söluskattur og verðjöfnunargjald af
raforku verði sömuleiðis í fimm ár
felld niður af slíkum fyrirtækjum.
4. Með skattfrádrætti og/eða mótfram-
lagi úr ríkissjóði verði hvatt til auk-
innar rannsókna- og þróunarstarf-
semi í atvinnulífinu sjálfu.
Ofangreindar aðgerðir kosta ríkissjóð
lítið. Þær geta hins vegar skipt sköpum
á fyrstu árum nýs fyrirtækis og stuðlað
að stórauknum tekjum þegar reynslu-
tími er liðinn.
Um leið og þess er áfram vandlega
gætt, að erlendir aðilar nái ekki tökum á
íslenskum auðlindum, tel ég sjálfsagt að
örva samvinnu innlendra og erlendra
fyrirtækja á sviði hátækniiðnaðar. Á
slíkum sviðum er hættulítið að leyfa
erlendum aðilum að starfa í landinu.
Þeir flytja með sér þekkingu, fjármagn
og markað.
Ný stefna í atvinnumálum
Það sem ég hef nú nefnt, gæti orðið
annar áfangi af opinberri hálfu í nýsköp-
un í íslensku atvinnulífi. Með því er sú
stafna mörkuð, að ríkissjóður taki ekki
beinan þátt í eða reki slík fyrirtæki, en
skapi þann grundvöll, sem nauðsynlegur
er til að einkaaðilar og samtök geti
haslað sér völl á nýjum, áður óþekktum
sviðum.
Auk jress sem ég hef rætt um, er á
vegum einstakra ráðuneyta unnið ötul-
lega að því, í samráði við atvinnulífið,
að leita leiða til þess að flytja út íslenska
þekkingu og framtak. Ymislegt á því
sviði lofar góðu, t.d. í sjávarútvegi og
jarðhitaleit.
Að orkufrekum iðnaði er að sjálf-
sögðu stöðugt unnið. Ég geri ráð fyrir
því, að nokkrar ramkvæmdir verði á því
sviði. Ég efa hins vegar að það verði
mcginstoð atvinnuuppbyggingar á næst-
unni.
Á þennan hátt er verið að móta nýja
og framsækna atvinnumálastefnu, stefnu
a.m.k. næsta áratugs, sem ein getur
stuðlað að nauðsynlegum hagvexti, bætt-
Laugardagur 20. apríl 1985 11
um lífskjörum og góðu mannlífi. Fyrir
miklu er því að berjast.
Eitt land, ein þjóð
Miklar breytingar hafa orðið á ís-
lensku þjóðfélagi á undanförnum árunt
og reyndar ekki síður hjá flestum öðrum
vestrænum þjóðunt. Nýirstraumar leika
um þjoðina.Með þeim berst margt ágætt
en einnig ýmislegt, sem ber að varast.
Gegn sliku verður Framsóknarflokkur-
inn að snúast. Ég vil nefna tvö atriði.
sem þó eru náskyld.
Sundrungaröfl hafa undanfarið ár alið
á tortryggni á milli þéttbýlis annars
vegar og strjálbýlis og bænda hins vegar.
Með þessu er verið að skipta þjóðinni í
tvo hópa.
Við íslendingar erum lítil þjóð. Það
veldur erfiðleikum. Skiptir verðum við
stórum minni.
Okkur er lífsnauðsyn að nýta allar
auðlindir landsins. Til þess verðum við
að byggja landið allt, sem byggilegt er,
sem ein þjóð.
Við framsóknarmenn erum stoltir af
byggðastefnunni. Okkur er Ijóst, að
vegna erfiðleika í sjávarútvegi og land-
búnaði hefur hallað á strjálbýlið síðustu
árin. Það þarf að lagfæra, m.a. með
nýsköpun í sjávarútvegi og landbúnaði
og markvissri byggðastefnu.
Frjálshyggjan
Þessi viðleitni til sundrungar byggir á
þröngsýnum arðsemissjónarmiðum og
er náskyld nýjum stjórnmálastraumum,
sem leika um vestrænar þjóðir. Á undan-
förnum áratugum hefur flestum vestræn-
um þjóðum tekist að skapa verulegt
jafnræði og félagslegt öryggi. í raun og
veru eru allar þessar þjóðir að meira eða
minna leyti velferðarríki.
Eftir orkukreppuna 1973 og við vax-
andi atvinnuleysi hafa rnenn í örvænt-
ingu leitað nýrra leiða. Þeir sem hafa
alist upp við öryggi og aldrei kynnst
öryggisleysinu, ætla sér allar leiðir færar
og hirða ntargir hverjir lítt um það, þótt
þeir traðki á sínum nágranna í leiðinni á
toppinn. Þeir telja rnargir samneysluna
óþarfa og vilja fá það fjármagn, sem til
hennar er varið, í eigin hendur og
fullkomið frjálsræði til athafna. Þetta
eru hinir svonefndu frjálshyggjumenn.
Ég er sannfærður um, að slík stefna,
sem er blind og skilur ekki sjálfan þann
grundvöll, sem gerir einstaklinginn og
þjóðina sterka, sem vill fórna því sem á
er byggt, er stórhættuleg hverju þjóðfé-
lagi.
Því miður hefur slík frjálshyggja náð
sterkum tökum á nokkrum fjölda sjálf-
stæðismanna. Sem betur fer skilja þó
margir í þeim flokki hætturnar og eru
henni andsnúnir. Égfagna því jafnframt,
að frjálshyggjunnar gætir minna í sam-
þykktum landsfundarins en ég gerði ráð
fyrir.
Umbótasinnuðum félagshyggjumönn-
um er mjög nauðsynlegt að bregðast
skjótt við þessari hættu. Með bættum
efnahag og aukinni þekkingu er sjálfgert
að auka frelsi einstaklingsins til heil-
brigðra athafna. Hins vegar er ekki síður
nauðsynlegt nú en fyrr að tryggja og
bæta það öryggi, sem þegnunum er með
samneyslunni búið. Aftur á móti er ekki
lengur eins mikil þörf og áður var fyrir
beina þátttöku ríkissins í ýmisskonar
atvinnurekstri. Þar sem ekki er þörf. á
ríkið að draga sig til baka, mikill ríkis-
rekstur drepur þjóðlífið í dróma. Það er
ekki í samræmi við stefnu Framsóknar-
flokksins fremur en frjálshyggjan.
I ræðu minni hef ég ekkert á stjórnar-
andstöðuna minnst. Staðreyndin er, að
mér virðist hún rótlaus, stefnulaus og
fljóta í tómarúmi.
Fram til sóknar
Lifandi flokkur eins og Framsóknar-
flokkurinn hlýtur að breytast með þeim
miklu breytingum, sem hafa orðið í
íslensku þjóðfélagi. Það merkir ekki að
fórnað verði grundvallarhugsjónum
flokksins, en þær þarf að aðlaga breytt-
um þörfum og breyttum tímum.
Engum flokki stendur nær en frjáls-
lyndum og umbótasinnuðum félags-
hyggjuflokki að berjast fyrir frjálsu vel-
ferðarþjóðfélagi næsta áratugar,
kannske aldar, en gegn öfgaöflum á
báða boga. Það verk er ekki síður
mikilvægt nú en þau mörgu, stóru verk-
efni, sem flokkurinn hefur leyst allt frá
stofnun.
Við íslendingar eigum meiri mögu-
leika á góðu og heilbrigðu mannlífi en
flestar aðrar þjóðir. Auðlindireru mikl-
ar og þjóðin er vel menntuð. Framtíðin
er því björt, ef okkur auðnast að ná
jafnvægi í efnahagsmálum og standa
saman í nýrri sókn til bættra lífskjara.
Það verður best gert eftir þeim leiðum,
sem ég hef lýst, eftir leiðum framsóknar-
stefnunnar. Fram til nýrrar sóknar,
framsóknarmenn.
Gullfalleg ítölsk sófasett
Margar gerðir nýkomnar
Ótrúlega lágt verð:
Frá kr. 44.850.- í tauáklæði
og frá kr. 67.500.- í leðuráklæði
HÚSGÖGN OG kS. INNRÉTTINGAR Sbh^ÍN^SUÐURLANDSBRAUT 18 68 69 00
Gbbusa
íslenskir bændur þekkja hina einstöku endingu
HOWARD jarðtætaranna eftir 25 ára notkun hér á
landi.
Hin einstaka ending og hagstætt verð, gera kaup á HOWARD
tæturum að besta kostinum.
HOWARD HR 30 jarðtætarar fyrirliggjandi í 60“ - 70“ - 80“
breiddum með fjögurra hraða Heavy Duty gírkassa.
Verð: 60“ kr.*78.300.-
70“ kr. 82.600.-
80“ kr. 87.600.-
Pantið strax og tryggið tímanlega afgreiðslu.
Einstæðir greiðsluskilmálar.
iÍHOWARD
JARÐTÆTARAR
LÁGMÚLI 5, SlMI 81555