NT - 04.10.1985, Blaðsíða 11

Föstudagur 4. október 1985 11
SJávarsíðan
Neskaupstaður:
Von á fyrstu síldinni nú um helgina
■ Loðnubræðsla er hafin hjá
Síldarvinnslunni í Neskaupstað
og gengur allt vel að sögn Kristins
Sigurðssonar verksmiðjustjóra.
1 samtali við NT sagði hann að
vélakostur verksmiðjunnar hefði
verið endurnýjaður að talsverð-
um hluta. Endurnýjaðar voru lýs-
is og mjölskilvindur ásamt sjóðara
og pressum. Kostnaður við þessar
. framkvæmdir mun nema um það
bil 30 milljónum.
Þá er verksmiðjan tilbúin undir
síldarsöltun og eiga þeir von á
fyrsta síldarbátnum um helgina.
Söltunarstöðin Máni er rekin af
Gylfa Gunnarssyni og sagðist
hann verða tilbúinn til að taka á
móti síld á föstudag bæði til
söltunar og flökunar. Hann á líka
von á fyrstu síldinni um helgina
nema einhver vildi renna að
bryggjunni hjá sér áður. Þá kom
líka fram hjá Gylfa að hann væri
búinn að fá nóg af konum en hann
vantaði enn karlmenn í vinnu.
Hann sagðist vera að byggja við
húsið eftir kröfu Ríkismatsins til
þess að geta geymt síldina inni.
Það húsnæði mun líka verða tilbú-
ið um helgina.
Aðspurður um hvernig laxinn
hefði það sagði Gylfi að hann
dafnaði vel en hann rekur einnig
laxarækt undir nafninu Mánalax.
Er það ætlunin hjá honum að ala
10.000 seiði upp í sláturstærð á 2
árum.
Síldin við bryggjusporðinn:
„Tvær mínút-
ur í síldina“
- stutt yfirlit um síldveiðar
■ Síldarvcrtíðin er nú hafin og eru
bátar og síldarverkendur óðum að
komast í gang.
Milli fimmtíu og sextíu stöðvar
hafa sótt um leyfi hjá Ríkismati
sjávarafurða til að salta síld og eru
þessar stöðvar dreifðar hringinn frá
Siglufirði um Norðausturland, Aust--
firði, Suðurland og til Reykjavíkur.
Kvóta hefur verið úthlutað til 140
báta og fara 36 þeirra á reknetaveiðar
en 104 á nót. Kvótinn fyrir nótabát-
ana er 330 tonn, en breytilegur fyrir
reknetabátana, eins og sést á skránni
yfir þá báta sem leyfi hafa til síldveiða
og fylgir hér annars staðar á síðunni.
Síldarvertíðin er rétt nýbyrjuð og
hefur aflinn það sem af er dreifst
nokkuð á hina ýmsu staði, en þó er
einna mest komið á land á Fáskrúðs-
firði og Eskifirði og eitthvað lítilshátt-
ar á Vopnafirði. Alls mun vera búið
að salta í kringum 3000 tunnur.
Bergur Hallgrfmsson frkst. Pólarsíld-
ar á Fáskrúðsfirði sagði í samtali við
NT í gær að þeir væru búnir að salta
um 1400 tunnur síðustu tvo daga.
Síldina sagði hann vera við bryggju-
sporðinn og það tæki varla tvær
mínútur að sigla þangað. Síldin væri
sem sagt steinsnar frá bryggjunni í
bókstaflegri merkingu - það væri
ekkert tiltökumál að kasta steini út í
bátinn. Öll síldin sem Pólarsíld hefur
saltað kemur úr Guðmundi Kristni
SU, en það þýðir að hann hefur veitt
um 150 tonn af síld og er því næstum
hálfnaður með kvótann. Ekkert sagði
Bergur að unnið væri lengi fram eftir
enn þá, en reikna mætti með að unnið
yrði til tíu á kvöldin þegar aðal hrotan
byriar upp úr helginni.
A Eskifirði var einnig síldarhljóð í
mönnum þegar NT sló á þráðinn
þangað í gær. Par er nú búið að salta
rúmlega 1000 tunnur, þar af um 800
hjá fiskverkuninni Friðþjófi. Þeir
áttu von á einum 1000 tunnum af síld
í gærkvöldi og til stóð að salta eitt-
hvað fram eftir kvöldi.
Viðmælendur NT voru allir sam-
mála um að síldin sem veiðst hefði
væri mjög góð. Þessi síld er að síga að
norðan og er þá stór, sérstaklega áður
en hún fer að blandast stofnunum
fyrir austan og sunnan.
Ef að líkum lætur byrjar vertíðin
fyrir alvöru seinni partinn í næstu
viku eða um 10.-15. október jafnóð-
um og bátar og vinnslustöðvarnar
verða tilbúnar.
Fjöltækni sf.
Eyjarslóð9-121 R.vík.
Sími 27580
Fittings fyrir Ö hringi
Suðunipplar
Einstefnulokar-
Háþrýsti og lágþrýsti
Kúlulokar
Rörabaulur
Flangsatengi
Stál- kopar og rústfrír
fittings
Svart- og galvaníserað
og rústfrítt
SABROE HAMARHF
frystitæki Borgartúni 26, s. 91-22123.