NT - 19.11.1985, Blaðsíða 12

Grandi hf.:
Framleiðsla hafin
- bjartsýnn á framtíðina, segir Brynjólfur Bjarnason framkvæmdastjóri
nýja fyrirtækisins
■ Grandi hf., nýja fyrirtækið
sem Bæjarútgerðinni og ísbirn-
inum hf., var steypt saman í,
hóf formlega starfsemi sína
á sunnudag en í gær hófst fram-
leiðsla á öllum vinnslustöðvum
fyrirtækisins. Öllu starfsfólki
gömlu fyrirtækjanna hefur verið
boðið starf hjá hinu nýja nema
yfirstjórninni og skrifstofufólk-
inu sem hefur verið sagt upp
með 3ja mánaöa fyrirvara.
Grandamenn hafa augastað á
húsnæði þar sem hægt yrði að
koma fyrir þeirri starfsemi sem
fram hefur farið í húsnæði BÚR
á Meistaravöllum og gamla ís-
bjarnarhúsinu á Seltjarnarnesi.
Borgarsjóöur yfirtók fyrra húsið
við sameininguna en hið síðara
er nú til sölu.
Brynjólfur Bjarnason fyrrum
framkvæmdastjóri BÚR og nú-
verandi framkvæmdastjóri
Granda hf. sagði í samtali við
NT að það hcfði þurft að huga
að ótal mörgum atriðum í gær
svo nýja fyrirtækið gæti orðið
starfhæft. Sjálfur sagðist hann
hafa rabbað við starfsfólk scm
hefði verið mjög jákvætt í garð
santeiningarinnar. Ljóst væri að
hluti skrifstofufólksins sem sagt
hefur verið upp yrði endurráð-
inn en hins vegar lægi ljóst fyrir
að um einhverja fækkun á skrif-
stofufólki yrði að ræða, en ekki
væri útséð um það enn hversu
mikil fækkunin yrði.
„Ég er bjartsýnn með nýja
fyrirtækið. Því var ýtt úr vör
sem öflugu fyrirtæki og nú er
það okkar allra sem hjá því
störfum að spreyta okkur. Og
þótt rekstrargrundvöllurinn sé í
dag ekki nógu góður sjáum við
fram á bjarta tíma,“ sagði
Brynjólfur að lokum.
■ Það er búið að merkja bíla nýja fyrirtækisins og búið að merkja hús gömlu fyrirtækjanna,
Bæjarútgerðarinnar og ísbjarnarins hf. Óllu skrifstofufólki gömlu fyrirtækjanna hefur veriö sagt upp
ásamt allri yfirstjórninni. Eitthvað af þessu starfsfólki verður endurráðið en Ijóst er þó að um einhverja
fækkun starfsfólksins verður að ræða. NT-mynd: svemr.
Þriðjudagur 19. nóvember 1985 12
Kröftugt þing
- segir Guðmundur J. Guðmundsson.
formaður VMSÍ
■ Guðmundur J. Guð-
mundsson var endurkjörinn
formaður Verkamannasam-
bandsins, á þingi þess sl.
sunnudag, með lófaklappi. NT
hafði samband við Guðmund
og spurði hann hvað honum
hefði fundist merkast við þetta
þing. Guðmundur sagði að sér
hefði fundist merkilegast
hversu kröftugt þingið hefði
verið og þátttakan almenn.
Sagði hann að 138 þingfulltrú-
ar hefðu mætt en 142 átt rétt til
setu á þinginu.
Þá sagði Guðmundur J. að
kjaramálaumræðurnar hefðu
verið mjög líflegar og komið
fram mjög skiptar skoðanir á
meðal manna um ýmis atriði
hennar. í fyrsta lagi væru menn
mjög efins um að hægt væri að
treysta ríkisstjórninni til að
ábyrgjast að sá kaupmáttur
sem um semst varðveitist. Þá
voru margir andvígir því að
fella niður kröfuna um gömlu
vísitöluna og um lágmarks-
laun.
Þrátt fyrir að skoðanir væru
skiptar, þá komu menn mjög
drengilega fram að áliti Guð-
mundar J. og tók hann sérstak-
lega til orða Hrafnkels A.
Jónssonar, þegar hann sté í
pontu eftir að ljóst var að
tillaga hans og Jóns Guð-
mundssonar var felld, og hvatti
menn til að sýna samstöðu um
tillögu kjaramálanefndar.
Þá taldi Guðmundur að sá
samningur um réttindi fisk-
verkunarfólks, sem Karl Stein-
ar kynnti á þinginu, ætti eftir
að marka þáttaskil. Sagði hann
að vonast væri til að gengið
yrði endanlega frá honum í
desember. Enn væru viss
ágreiningsefni óútkljáð, en í
samningnum er gert ráð fyrir
að uppsagnafrestur fiskverk-
unarfólks verði lengdur í
mánuð. Þá er í samningnum
gert ráð fyrir einu stærsta verk-
menntunarátaki þjóðarinnar,
því námskeiðin sem á að meta
til launa, munu verða sótt af
fleiri þúsund manns.
Að lokum vildi Guðmundur
J. geta þeirrar nýjungar að
taka fyrir ákveðna grein, í
þessu tilfelli fiskiðnaðinn, og
leyfa fulltrúum atvinnurek-
enda að kynna hana. Þeir Árni
Benediktsson frá Sambandinu
og Magnús Gústavsson frá
Coldwater héldu erindi og
svöruðu fyrirspurnum og kom-
ust færri að en vildu með
fyrirspurnir.
Guðmundur var spurður að
■því hvort kjaramálaályktun
kallaði ekki á samræmingu
kröfugerða allra launþega-
samtakanna og sagðist hann
gera ráð fyrir því, en eflaust
yrði erfitt að ná samstöðu hjá
samtökunum að þeir lægst
launuðu bæru mest úr býtum,
einsog ályktunin gerir ráð
fyrir. Það yrði þó að reyna
slíkt til þrautar.
Nokkrar aflafréttir
■ Loðna hefur verið brædd fyrir norðan og austan og síld fryst
fyrir austan og sunnan land. Víðast hvar hafa togarar og stærri
bátar borið nokkurn bolfiskafla á land en gæftaleysi hamlað
veiðum smábáta fyrir vestan þó skárra ástand hafl verið á
Austurlandi. Veiðibanni smábáta sem hófst á föstudag, fylgdi eins
og kunnugt er ofstopaveður, og hefur það ýtt undir sögusagnir
um bein tengsl ráðherra við veðurguðina. Hér fara á eftir nokkrar
aflafréttir víðs vegar af landinu.
Vesturland
Sáralítill bolfiskur barst í
fiskverkunarstöðvar á Vestur-
landi síðastliðna viku. Togar-
inn Krossavík landaði 122
tonnum af blönduðum fiski á
Akranesi, og var það eini afl-
inn þar, alla vikuna. Runólfur
landaði í Grundarfirði á laug-
ardag, en hafnarvogin hafði
ekki fengið upplýsingar um
hversu mikið skipið var með,
þegar NT hafði samband vest-
ur í gær. Enginn bolfiskur
hefur borist til Stykkishólms
síðustu viku, en þar eru þrett-
án bátar á skelfiskveiðum.
Fjórtán bátar frá Ólafsvík
höfðu samtals landað 23 tonn-
um alla vikuna. Mestur meiri-
hlutinn af þeim afla var
þorskur, og eru menn undr-
andi hversu lítið er af kola á
þekktum veiðislóðum í grennd
við Ólafsvík. Svipað ástand
mun vara á Rifi og Hellissandi,
lítill sem enginn bolfiskafli.
Vestfirðir
Togarinn Guðbjartur frá
ísafirði landaði sl. þriðjudag
um 130 tonnum af blönduðum
afla, og aftur í gær um 70
tonnum, aðallegagrálúðu. Um
25 tonn af því fóru í gáma.
Guðbjörgin landaði í gær
150 tonnum af blönduðum
afla, þar af fóru 35 tonn f gáma.
Lítið hefur veiðst hjá minni
bátum á ísafirði vegna veðurs.
I Hnífsdal landaði togarinn
Páll Pálsson rúmlega 108 tonn-
um af blönduðum afla í gær.
Einnig landaði hann sl. mánu-
dag þá um 50 tonnum og fór,
hluti af því í gáma.
Togarinn Framnes á Þing-
eyri landaði á mánudag 84
tonnum af þorski. Afli línubát-
anna þriggja á Þingeyri var
samanlagt um 7'A tonn af
þorski.
í Bolungarvík landaði togar-
inn Dagrún 125-130 tonnum
af þorski og grálúðu, af þvf
fóru um 60 tonn í gáma.
Sólrún, rækjutogari Bolvík-
inga, landaði á föstudag 3-4
tonnum af úthafsrækju, þótti
það léleg veiði enda veður
slæmt. Togarinn Heiðrún land-
aði í gær 75 tonnum, þar af 30
tonn grálúða, og fóru um 24
tonn af heildaraflanum í gáma.
Línubáturinn Flosi í Bol-
ungarvík fór alls 5 róðra í
síðustu viku og fékk mest 8'A
tonn í róðri. Um 1135 tonnum
af loðnu var landað í síðustu
viku í Bolungarvík. Ógæftir
hafa annars verið fyrir minni
báta þar vegna slæms veðurs.
Togarinn Bersi í Súðavík
landaði sl. mánudag 70
tonnum. Þar af fóru ca. 24
tonn á gáma. Bersi landaði í
gær 55 tonnum af grálúðu og
þorski, fóru24 tonn afaflanum
í gáma.
Á Flateyri landaði togarinn
Gyllir í gær rúmlega 60 tonnum
af blönduðum afla og fóru um
24 tonn í gáma. Línubáturinn
Jónína fór í tvo róðra í síðustu
viku og veiddi samanlagt 7Vi
tonn. Byr á Flateyri, sem er 16
tona línubátur. fór einnig
tvisvar út og fékk samanlagt
4,6 tonn.
Norðuríand
Togarinn Sléttbakur kom
inn til Akureyrar á mánudag í
síðustu viku með 105 tonn, þar
af 70 tonn af grálúðu og 35 af
þorski. Togarinn Kaldbakur
kom inn með 125 tonn á mið-
vikudag í síðustu viku með 125
tonn, þaraf95 tonn af karfaog
30 tonn voru sitt lítið af hverju.
I Grenivík landaði línubát-
urinn Núpur tæplega 28'A
tonni mest þorski og sami bát-
ur landaði einnig á Siglufirði
22 tonnum af þorski. Smábátar
lönduðu samtals 11 tonnum í
Grenivík í síðustu viku.
Togarinn Ólafur Bekkur
landaði 119 tonnum í Ólafs-
firði og var það blandaður
fiskur. Þar hefur ekki gefið á
sjó fyrir minni báta.
Hjá Þormóði Ramma á
Siglufirði landaði togarinn Sól-
berg tæplega 87 tonnum af
grálúðu og þorski og eins og
áður segir línubáturinn Núpur
l'rá Grenivík 22 tonnum.
Til Hríseyjar kom togarinn
Snæfell með 52 tonn af þorski.
Eyborgin landaði þar um 23
tonnum og Sólfellið, sem er
rækjubátur, landaði um 1500
kg af þorski og smábátar lönd-
uðu samtals um 6 tonnum.
Hjá Fiskiðjusamlagi Húsa-
víkur landaði togarinn Kol-
beinsey (í síðasta sinn) rúm-
lega 161 tonni mest af þorski.
í Grímsey hefur verið bræla
undanfarið og þar hafa smá-
bátar landað um 26 tonnum,
mest af ufsa.
Á Raufarhöfn er heldur fátt
um fína drætti, þar var landað
2-3 tonnum af smábátum.
Togarinn er í siglingu og ekki
væntanlegur fyrr en 26. nóv-
ember.
Á Skagaströnd landaði
togarinn Arnar 121 tonni af
þorski en þaðan róa ekki smá-
bátar nema á sumrin.
Dragnótarbátarnir Fagra-
nes, Geir og Litlanes frá Þórs-
höfn lönduðu þar samtals 20,1
tonni eftir 4 róðra í síðustu
viku og 6 trillur lönduðu sam-
tals 7 tonnum.
Á Kópaskeri hefur ekki ver-
ið landað síðan í ágúst og er
atvinnuástand þar fremur
bágt.
Austurland
Gæftir voru sæmilegar síð-
astliðna viku þannig að al-
mennt má segja að Austfirð-
ingar hafi farið nokkuð vel út
úr því ofstopaveðri sem gekk
yfir landið. Söltun síldar er
víðast hvar lokið eða að ljúka
þannig að mest af þeirri síld
sem berst á land fer í frystingu.
Mikið af loðnu berst á land alls
staðar þar sem á móti henni er
tekið og því peningalykt víða
þar sem bræðslur er að finna.
Á Höfn í Hornafirði var
landað tæpum 450 tonnum af
síld í frystingu og bolfiskafli
smábáta var rúm 5 tonn.
Á Djúpavogi var 60 tonnum
landað af síld til frystingar og
þar af landaði Sigurður
Bjarnason um 160 tonnum.
Smábátar lönduðu um 4 tonn-
um af bolfiski en veiðitímabili
þeirra er nú lokið eins og
annars staðar.
Landað var um 83 tonnum
af síld á Breiðdalsvík sem öll
fór í frystingu. Sumpart heil-
fryst í beitu og annað flakað
til verkunar. Smábátar komu
með um 3 tonn af bolfiski.
Á Stöðvarfirði bárust rúm
200 tonn af síld á land í vikunni
og fór hún bæði í salt og
frystingu en bolfiskafli af smá-
bátum nam tæpum tíu tonnum.
Hjá Pólarsíld á Fáskrúðs-
firði var tekið á móti 170
tonnum af síld til frystingar en
söltun er lokið á staðnum.
Togarinn Hoffell landaði í vik-
unni 88 tonnum af bolfiski,
aðallega þorski eftir 8 daga
veiðiferð, en Ljósafell er að
fiska til siglingar á England.
Snæfugl frá Reyðarfirði
lagði af stað áleiðis til Eng-
lands nú í vikunni með 125
tonn af þorski og grálúðu.
I Neskaupstað kom togar-
inn Birtingur með 112 tonn að
landi í vikunni og um helming-
ur aflans þorskur. Auk þess
mun tri'llu- og smábátaafli hafa
verið um 30 tonn. Hjá síldar-
vinnslunni fengust þær upplýs-
ingar að tæp 5700 tonn af
loðnu hafi borist á land í
vikunni og nokkuð á þriðja
hundrað tonn af síld til fryst-
ingar.
Síldarsöltun er nú að ljúka
á Seyðisfirði, en enn er landað
síld til frystingar. Otto Wathne
selur afla sinn í Englandi í dag,
þriðjudag en.fyrirsjáanlegt er
að lítið verður um bolfisk-
landanir fram að áramótum
þar sem skip eru að ljúka við
kvóta sína eða komin í veiði-
bann. Afli smábáta í vikunni
mun hafa verið rúm 30 tonn.
Vopnafjörður: I vikunni
landaði Brettingur 115 tonnum
af þorski og grálúðu og Ey-
vindur Vopni um 55 tonnum af
þorski. Auk þessa lönduðu
skelfiskbátar um 50 tonnum af
hörpudiski en afli annarra smá-
báta mun hafa verið 10 til 15
tonn.
Mikið hefur verið um ferðir
flutningaskipa til og frá Eski-
firði að undanförnu eins og
víða frá Austfjarðahöfnum, að
sækja unnin sjávarafla.
Landanir síðastliðna viku voru
aðallega frá loðnuskipunum
Jóni Kjartanssyni, Helgu
Þorkelsdóttur, Eldborgu og
Júpiter, en ekki tókst að afla
upplýsinga um heildarmagn,
en flest skipanna voru með
fullfermi.
Suðurland
í Vestmannaeyjum hefur
afla- og atvinnulífið snúist fyrst
og fremst um síld og aftur síld
að undanförnu, en þangað
hafa borist 3.200 tonn af síld
s.l. tvær vikur, sem að mestum
hluta hefur farið í frystingu.
Bátamir landa nær öllum sínum
afla í gáma, nema hvað smá-
vegis barst til frystihúsanna af
línufiski.Togararnir eru einnig
töluvert farnir að landa í gáma,
en til vinnslu heima lönduðu
þeir sem hér segir í síðustu
viku: Sindri rúm 100 tonn,
Vestmannaey um 75 tonn,
Bergey um 35 tonn og Gideon
um 33 tonn.
Þrátt fyrir óveðrið voru síld-
ajbátar að koma að austan á
sunnudag, m.a. tveir sem ætlað
höfðu til Grindavíkur en
brugðu á það ráð að fara inn til
Vestmannaeyja og landa þar.
Ógæftir og óveður hafa bitn-
að illa á Þorlákshafnarbúum
eins og öðrum síðustu vikuna.
Þorlákur landaði þó í gær um
110 tonnum af fiski, aðallega
ýsu og ufsa og fyrr í vikunni
landaði Jón Vídalín 75
tonnum, þar af um 50 tonnum
af þorski. Bátarnir hafa sáralít-
ið getað verið að, en fjórir
línubátar lönduðu þó um 30
tonnum samtals yfir vikuna.
Auk þess landaði einn drag-
nótabátur rúmum 42 tonnum
nær eingöngu kola, sem fór til
flökunar hjá Glettingi.
Sjö bátar lönduðu síld í
Þorlákshöfn í vikunni. Höfr-
ungur III var aflahæstur með
183 tonn. Von hafði verið á
fleiri bátum, en einhverjir
brugðu á það ráð að leita
fremur inn til Vestmannaeyja.
Á Eyrarbakka hefur síldin
einnig verið uppistaðan að
undanförnu. Búið er að taka
þar á móti um 500 tonnum til
frystingar og flakasöltunar og
von var á tveim síldarbátum í
gærkvöldi, að austan. Minna
hefur verið um fisk, enda ein-
dæma ógæftir í síðustu viku.
Þó er nokkuð um að frystihúsið
fái togarafisk að „sunnan" -
frá Reykjavík og Hafnarfirði,
annað hvort keyptan eða í
skiptum upp á sama. Næg
vinna er sögð á Eyrarbakka.
r