NT - 27.11.1985, Side 14

flokksstarf

Ungt fólk Akranesi
Opiö hús verður í Framsóknarhúsinu viö Sunnubraut fimmtu-
daginn 28. nóvember kl. 20.30. Bæjarfulltrúarnir Steinunn
Sigurðardóttir, Jón Sveinsson og Ingibjörg Pálmadóttir
veröa til viöræöna um stööu ungs fólks á Akranesi. Ungt fólk
er hvatt til aö mæta og láta í sér heyra. Einnig verður á staðnum
Andrés Ólafsson æskulýðsnefndarmaöur sem svarar fyrir-
spurnum um æskulýösnefnd.
FUF á Akranesi
Framsóknarvist
Framsóknarfélag Reykjavíkur heldur framsóknarvist n.k.
sunnudag 1. desember aö Hótel Hofi kl. 14. Veitt veröa þrenn
verðlaun karla og kvenna. Aögangseyrir er kr. 200 og eru
kaffiveitingar innifaldar í því veröi. Sigrún Magnúsdóttir
formaöur Félags framsóknarkvenna flytur stutt ávarp í
kaffihléi. Allir velkomnir.
Framsóknarfélag Reykjavíkur
Ungt fólk - konur
Þórunn H. Guðmundsdóttir er tilbúin að ræöa viö ykkur á
skrifstofu Framsóknarflokksins aö Rauðarárstíg 18, alla daga
frá kl. 9-17. Sími 91-24480 Láttu sjá þig!
SUF og LFK.
Keflavík
Fundur veröur haldinn hjá fulltrúaráði Framsóknarfélaganna
í Keflavík miövikudaginn 27. þ.m. kl. 20.30 í Framsóknarhús-
inu Austurgötu 26. Fundarefni: Undirbúningur bæjarstjórnar-
kosninganna 1986. Haukur Ingibergsson framkvæmdstjóri
flokksins mætir á fundinn.
Stjórnin.
Suðurland
Framsóknarfélagar, nú er undirbúningur fyrir bæjar- og
sveitarkosningar i fullum gangi, aö því tilefni er skrifstofa
flokksins Eyrarvegi 15, Selfossi opin fimmtudaga og föstu-
daga frá kl. 13-18. Sími 2547 og heimasimi starfsmanns
1825.
Lítið inn eöa hringiö.
Kjördæmisstjórn
Spilafólk takið eftir!
Þriggja kvölda spilakeppni Framsóknarfélags Árnessýslu,
sem hófst aö Borg í Grimsnesi 7. þessa mánaðar, lýkur í
Þjórsárveri fimmtudaginn 28. nóvember n.k. kl. 21.00. Glæsi-
leg verðlaun að verömæti 60.000 kr. Meðal annars utanlands-
ferð og margt góöra muna.
Aö Þjórsárveri flytur Sigurhanna Gunnarsdóttir ávarp
kvöldsins.
Viðtalstímar
Halldór E. Sigurösson verður til viötals
á skrifstofu félagsins aö Rauðarájstig
18, mánudaga til fimmtudags
'kl. 13.30- 15.30, fyrst um sinn.
Framsóknarfélag Reykjavíkur.
f % Miðvikudagur 27. nóvember 1985 14
J IVI
Þórður J. Magnússon
Fxddur 24. september 1910
Dáinn 15. nóv. 1985
S.l. mánudag var til moldar
borinn ritari Norræna félagsins
í Kópavogi, Þóröur J. Magnús-
son fyrrum verslunarmaöursem
andaðist á heimili sínu, Vallar-
tröö 3 þar í bæ, 15. þ.m.
Hann hét fullu nafni Þórður
Jóhann og fæddist á Suðureyri
viö Súgandafjörð 24. september
1910. Foreldrar hans sem bæði
voru Önfirðingar að ætt voru þá
búsett á Suðureyri, en fluttust
aftur á heimaslóðir þegar Þórð-
ur var fimm ára gamall, fyrst að
Selabóli í Önundarfirði, en síð-
ar til Flateyrar, þar sem þau
voru lengst af. Móöir Þórðar
var Ingibjörg Guðrún Guð-
bjartsdóttir, en faðir Magnús
Kristján Halldórsson skipstjóri.
Föður sinn missti Þórður tólf
ára gamall og fór upp úr því að
Hjarðarbóli í Önundarfirði; var
hann þar fyrst sumartíma, en
ílentist svo næstu árin á Hjarð-
arbóli hjá Guðmuni Gilssyni og
Sigríði Hagalínsdóttur, foreldr-
um Gils Guðmundssonar rithöf-
undar. Var eftir þaö mikið vin-
fengi með Þórði og því fólki.
Um tvítugt settist Þórður á
skólabekk og var tvo vctur,
1931-33, í Héraðsskólanum á
Laugarvatni. Ungur fór hann
að vinna fyrir sér ásamt bræðr-
um sínum, og lá þá leiðin á
sjóinn. Sagðist Þórður ýmist
hafa verið háseti eða vélamaður
á skólaárum sínum, fyrst á bát-
um og seinna á togurum, 1930-
38, enda sótti hann vél-
stjóranámskeið heima á Flateyri
1935. Það haust settist hann í
Samvinnuskólann og lauk þar
prófi með ágætum árangri vorið
eftir. Þó hafði hann ekki getað
sinnt náminu óskiptur allan vet-
urinn, því að skólinn var bvrjað-
ur fyrir nokkru þegar Þórður
kom þangað um haustið. Hann
var þá í siglingu, varð að ljúka
túr áður en hann sneri sér að
fræðunum, og segir það auð-
vitað sína sögu um, hve hart var
barist. Árin 1938-43 var Þóröur
utanbúðarmaður hjá Kaupfél-
agi Önfirðinga á Flateyri scm
kallað var; þá var hann lengst af
verkstjóri viö fiskverkun og
fleira. Skamma hríð var hann
kaupfélagsstjóri á Patreksfirði
Lýðveldishátíðarárið, en tók
svo sama ár við starfi kaup-
félagsstjóra á Flatcyri af Flirti
Hjartar og gegndi því í fjögur
ár. Eftir það fluttist Þórður
suöur og var part úr ári við
rekstur frystihúss í Hafnarfirði,
en eftir það starfsmaður Bú-
vörudeildar SÍS í Reykjavík,
lengst sölustjóri, röska þrjá ára-
tugi, 1949-81, er hann hætti
störfum.
í janúar 1943 kvæntist Þórður
Önnu Tryggvadóttur frá Flat-
eyri sem lifir nrann sinn. Hún
fæddist á Þingeyri, en fluttist
kornung til Flateyrar með for-
eldrum sínum, Margréti Egg-
ertsdóttur scm enn er á lífi,
ættuð frá Kleifum í Seyðisfiröi
við Djúp, og Tryggva Jónssyni
sem kenndi sig við Fjallaskaga.
Þegar Anna fæddist var faðir
hennar sjómaður á Þingeyri. en
bæði áður og síöar verslunar-
maður þar og á Flateyri og hjá
Tóbakseinkasölu ríkisins. í
Reykjavík eftir að þau fluttust
suður.
Heimili Þórðar og Önnu hér
syðra var á Vallartröð 3 í Kópa-
vogi. Þau eignuðust einn son,
Tryggva Magnús vélaverkfræð-
ing, sem á eina dóttur barna,
Agnesi Þöll, sem nú er komin
hátt á þriðja ár.
í félagsmálum kom Þórður J.
Magnússon víða við, og gildir
það raunar einnig um Önnu
konu hans og er ekki neitt
undrunarefni þeim sem til
þekkja. Hann sat í hreppsnefnd
á Flateyri árin sent hann var
kaupfélagsstjóri þar, en var
jafnframt formaður sjúkrasam-
lagsstjórnarinnar um skeið og
sá um rekstur sjúkrasamlagsins.
Hann var einn af 12 stofnendum
Verkalýðsfélagsins Skjaldar á
Flateyri og í stjórn íþrótta-
félagsins Grettis og forystu fyrir
þessum félögum á fjórða og
fimmta áratugnum. Eftir að
suður kom varð Þórður fljótt
einn þeirra sem drjúgan hlut
áttu að uppbyggingu hrepps- og
bæjarfélags í Kópavogi og voru
falin þar ýmis trúnaðarstörf.
Hann var t.d. formaður sjúkra-
samlagsins þar 1952-77 og í
sóknarnefnd Digraness um ára-
bil. En ekki var nóg með það,
því að auk þess tók hann þátt í
almennu félagsstarfi, m.a. hjá
samvinnumönnum. Hann sat í
stjórn og trúnaðarráði Starfs-
mannafélags SÍS 1966-80 og var
annar tveggja fulltrúa starfs-
fólksins, sem fyrstir voru kjörnir
í stjín SÍS, sat þar tvö tímabil,
1976-80, eftir að fulltrúar sam-
vinnustarfsmanna fengu sæti í
stjórninni. Formaður Lions-
klúbbs í Kópavogi var Þórður
1975-76 og ritari í stjórn Norr-
æna félagsins þar frá 1969 til
dauðadags. Jafnfram var hann
annar af endurskoðendum
Norræna félagsins á íslandi
mörg síðustu árin.
Kynni okkar Þórðar hófust
1981 árið sem hann hætti störf-
um hjá búvörudeildinni og ég
var kjörinn í stjórn Norræna
félagsins í Kópavogi sem nú
hefur orðið fyrir einu áfalli enn á
skömmum tíma. Eiginlega var
það Hjálmar heitinn Ólafsson
sem leiddi okkur Þórð saman,
en nú eru þeir báðir horfnir
ásamt fleirum af þeim sem félag-
ið stofnuðu eða voru þar fram-
arlega í sveit undanfarna tvo
áratugi.
Við Þórður hittumst fyrst á
fundi í Norræna félaginu, og
það var líka á fundi þar sem við
sáumst í síðasta sinn tveimur
dögum áður en hann lést.
Grænlendingar voru væntanleg-
ir í hcimsókn, og við vorum að
undirbúa haustvöku sem haldin
var í síðustu viku. Við kvödd-
unrst hréssilega, og eins og oft
áður sló Þórður á létta strengi í
sama mund og hann hélt heirn
með fundargerðabókina undir
handleggnum. Að kvöldi 15.
þ.m. barst mér andlátsfregn
hans, en einmitt þann dag var
hann boðinn til hófs sem Sjúkra-
samlag Kópavogs hélt til þess
að minnast aldarfjórðungs af-
mælis. í staðinn gekk hann inn
í fjögnuð herra síns, og nú
verða aðrir að færa inn fundar-
gerðirnar.
Síðustu árin gekk hann ekki
heill til skógar. Áreiðanlega
hefur það ekki alls kostar átt við
skaplyndi hans, þó að hann léti
ekki mikið á því bera. Mér
fannst hann of mikill snerpu- og
áhugamaður til þess að ég geti
ímyndað mér, að það hefði látið
honum vel að lifa til lengdar
hálfur maður. En hann tók
áföllunum karlmannlega, og nú
er glímunni lokið. Fyrr í haust
fögnuðu vinir hans með honum
75 ára afmæli, og nokkrum
dögum seinna vorum við saman
á sambandsþingi Norræna fé-
lagsins í Munaðarnesi. Þá var
Þórður minn hress og kátur eins
og mér fannst standa eðli hans
miklu nær en að leggjast í sorg
og sút. Fyrir síðasta aðalfund
Norræna félagsins í Kópavogi í
haust hafði hann orð á því við
mig að hann vildi fara að draga
sig í hlé sem auðvitað var
skiljanlegt, en ég fékk hann til
að róa eina vertíð enn. Þegar
það var ráðið var hann alveg
sáttur við þá ákvörðun, enda
held ég, að í aðra röndina hafi
honum líka þótt vænt um að
þurfa ekki að slíta öll félags-
bönd í einu, og nú þykir mér
vænt um að geta litið um öxl til
þeirra daga sem við áttum sam-
an í haust.
Þótt kynni okkar væru ekki
löng og aldursmunurinn meiri
en þrír áratugir, held ég að mér
sé óhætt að segja að við Þórður
höfum orðið góðir vinir. 1
barmi hans slóheitt hjarta, og
lífsviðhorf hans var mér að
skapi, enda lágu leiðir okkar
saman í starfi fyrirsameiginlegri
hugsjón sem við töldum svo
sjálfsagða að vart þyrfti að
ræða. Fyrir hönd stjórnar og
félaga í Norræna félaginu í
Kópavogi er honum að leiðar-
lokum þakkað allt sem hann
vann því.
Margs er að minnast frá síðustu
árum, en þess umfram allt, hve
gaman var að vera með Þórði og
mannbætandi þegar fundum bar
saman og þá kemur ntér Anna
jafnan í hug um leið; það var
svo heimilislegt að vera með
þeim. Steinunn kona mín og hún
telja til skyldleika, og 1982
fórum við í vinabæjarheimsókn
til Tampere um hásumarið. Hún
var áfangi sem flýtti fyrir góðum
og skemmtilegum kynnum. Af
þessum dögum í Finnlandi fyrir
þremur árum leggur birtu í
minningunni, enda var þá oft
glatt á hjalla, hvort sem ung-
lingnum var lesinn lesturinn um
uppbyggingu Kópavogs á þeim
árum sem liann var að alast upp
norður í landi eða höfð uppi
gamanmál og setið að snæðingi
á rússneskum veitingastað í
Helsinki. Hér heima bar við að
þau hjón kæmu til okkar. en
oftar var það þó á hinn veginn,
og aldrei hef ég komið svo á
kyrrlátt og fallegt heimili þeirra
á Vallartröð 3 að mér hafi ekki
hlýnað um hjartarætur. Það lá
þar í loftinu eitthvað gott sem er
auðfundið, en ekki verður fyrir-
varalaust með orðum lýst.
Einu sinni í haust áttum við
Þórður rólega síðdegisstund þar
heima og spjölluðum um sitt af
hverju í mikilli alvöru. Þá
strengdi ég þess heit að þær
skyldu verða fleiri, en nú hefur
sá tekið í taumana sem mér er
máttugri
Þórður sagði mér að vestan,
og við höfðum um nóg að tala.
Presturinn hans þar forðum var
ættaður af sömu slóðum og ég
og ömmubróðir minn einn af
kennurum hans á Laugarvatni,
svo að það fór eins og jafnan
þegar íslendingar fara að tala
hver við annan; maður þekkir
mann, og orð kviknar af orði.
Og svo ræddum við um lífið og
tilveruna.
Kreppan skall fyrir þegar
Þórður var um tvítugt. Ekki er
ég í vafa um að hugur hans
hefur þá staðið til lengra skóla-
náms og meiri menntunar og
undirbúnings fyrir lífið en tím-
arnir og efnin leyfðu fátækum
pilti að vestan þegar sjálfur
skóli lífsins heimtaði að hann
gengi undir fyrstu prófin. En
hann stóðst þau með prýði og
var svo vel af guði gerður og sá
gæfu- og bjartsýnismaður að
ljósið nægði til þess að eyða
skuggunum. Skapgerð Þórðar
og viðhorf mótuðust af mannúð
og dugnaði, og góðvild og kímni-
gáfa sem hann var svo heppinn
að fá vel út vegna í vöggugjöf
gerðu honum auðvelt sam-
starfið og kynnin við aðra menn.
Reynslan var mikil og margþætt
og gott fyrir þá sem yngri voru
að leita hjá honum ráða og
leiðsagnar. Mér virtist hann í
senn vera fæddur félagshyggju-
maður og lífsreynsla hans á
þeim árum sem hugsjón sam-
vinnu og jafnaðar réð ferðinni í
þjóðmálum hafa fært honum
heim sanninn um að mannlegu
félagi vegnaði best og erfiðir
hnútar yrðu auðleystari en ella,
ef frelsi, jafnrétti og bræðralag
væri haft að leiðarljósi, en hver
maður virti þó annan og legði
sitt af mörkum og fengi notið
hæfileika sinna sem einstakling-
ur. Þórður vissi vel, að sjónar-
mið eru mörg og ólík, og þó að
hann væri fastur fyrir þegar því
var að skipta, var hann sáttfús
og hreinskilinn.
Kynni okkar Þórðar J. Magn-
ússonar voru stutt, en góð, og
nú sakna ég þess að samveru-
stundirnarverðaekki fleiri. Að-
standendum hans votta ég sam-
úð mína. Hann vildi stefna öllu
til meiri hamingju og þroska.
Slíkra er gott að minnast og æ
betra eftir því sem árin líða.
Hjörtur Pálsson
Hafnarfjörður
Aðalfundur Framsóknarfélags Hafnarfjarðar verður haldinn
miðvikudaginn 27. nóvember kl. 20.30, að Hverfisgötu 25.
Venjuleg aðalfundarstörf.
Stjórnin
Skattanefnd SUF
Fundur verður haldinn í skattanefnd SUF miðvikudaginn 27.
nóvember n.k. kl. 17.00 að Rauðarárstíg 18.
Stjórnin.
Afmælis- og
minningargreinar
Þeim, sem óska birtingar á afmælis- og
eða minningargreinum í blaðinu, er
bent á, að þær þurfa að berast a.m.k.
tveim dögum fyrir birtingardag. Þær
þurfa að vera vélritaðar.