NT - 27.11.1985, Síða 24

Við tökum við ábendingum um fréttir allan sölarhringinn. Greiddar verða 1000 krónur fyrirhverja ábendingu s^m leið ir til
fréttar i blaðinu og 10.000 krónur ffyrir ábendingu sem leiðir til bitastæðustu fréttar mánaðarins. Fullrar nafnleyndar er gætt
NT, Sídumúla 15, Reykjavík, sími: 686300, auglýsingar 18300
Kvöldsímar: áskrift og dreifing 686300 • ritstjóm 686392 og 687598 • íþróttir 686495
... ................ .... .... ... ........... ' 11 11 .. "" " ""
Alþingi:
Ohreinsaðir frekjuhundar?
- málefni trillukarla á sameinuðu þingi
■ Snarpar umræður urðu utan
dagskrár á fundi sameinaðs Al-
þingis í gær um málefni trillu-
karla, eða þeirra sem stunda
veiðar á bátum undir 10 lestum.
Það var Árni Johnsen (Sjálfst.)
sem hóf umræðuna með því að
hvetja ráðherra til að nýta sér
reglugerðarheimildir til að
draga úr veiðibanninu.
Fjölmargir þingmenn tóku
þátt í umræðunum og flestir
þeirra lýstu þeirri skoðun sinni
að veðurfar hamlaði veiðum
þessara báta nóg, og því ástæðu-
laust að setja á þá sérstakt
veiðibann eins og gert er í
núverandi reglugerð. Einna
harðorðastur í gagnrýni sinni
var Ólafur Þ. Þórðarson
(Framsókn.) og hann dró í efa
að það að stjórnvöld sviptu
fólk atvinnu sinni með þessum
hætti stæðist gagnvart stjórn-
arskránni. Einn þingmaður auk
ráðherra varði þó veiðibann á
smábáta, en það var Garðar
Sigurðsson (Abl.) og kvaðst
hann ekki skilja þann málflutn-
ing sem segði að þessi starfsstétt
hefði orðið illa úti vegna fisk-
veiðistjórnunarinnar. Hann
benti á að þessum bátum hafi
verið úthlutað 11 þús. tonna
kvóta en þeir væru búnir að
veiða meira en tvo slíka kvóta
eða um 24 þús. tonn. Talaði
Garðar um „frekjuhunda“ í
þessu sambandi, en við þau orð
kallaði Ólafur Þ. Þórðarson
fram í og spurði hvort hér væru
þá á ferðinni „óhreinsaðir
hundar“.
Halldór Ásgrímsson sjávarút-
vegsráðherra sagði í ræðum sín-
um að ógerningur væri að hafa
eftirlit með veiðum þessara báta
nema í gegnumákveðinn heildar-
kvóta. Hann sagði trillukarla
verða lúta veiðitakmörkunum
eins og aðra sjómenn og benti á
að ef þessi stétt væri jafn að-
þrengd og menn vildu vera láta
skyti það skökku við hversu
mikil aðsókn hafi verið og væri
í hana. Ráðherra sagði enn
fremur að um áramót yrðu
heimilaðar línuveiðar smábáta
þannig að veiðibannið væri í
raun ekki nema hálfur annar
mánuður.
Dagsbrún
leitar til
Sambandsins
■ Fulltrúar Dagsbrúnar áttu
fund með stjórnarmönnum
Sambandsins í gær og afhentu
þeim ályktun sína um málefni
Hafskips og starfsmanna félags-
ins, en í ályktuninni segir að
Dagsbrún hafi orðið fyrir von-
brigðum þegar ljóst var að SÍS
væri ekki reiðubúið að ganga til
liðs við íslenska skipafélagið
um stofnun nýs skipafélags. Um
100 Dagsbrúnarmenn vinna hjá
íslenska skipafélaginu og eru
þeir uggandi um framtíð sína.
Þröstur Ólafsson, fram-
kvæmdastjóri Dagsbrúnar,
sagði við NT í gær, að þeir
hefðu gert Sambandinu grein
fyrir áhyggjum félagsins og ör-
yggisleysi starfsmanna. Sagði
hann að fundurinn hefði verið
vingjamlegur og ánægjulegur.
Hvort þetta yrði til þess að
Sambandið tæki upp viðræður
við Hafskipsmenn að nýju,
sagðist hann ekkert geta sagt
um.
Valur Arnþórsson, stjórnar-
formaður Sambandsins, sagði
við NT að málaleitan Dagsbrún-
ar yrði kynnt stjórnarmönnum
Sambandsins strax símleiðis.
Sagðist hann ekki geta sagt neitt
um hvort þetta yrði til þess að
viðræður hæfust aftur.
Hafskipsmálið:
Ráðherra gerð
grein fyrir
stöðu mála
■ Bankastjórar Útvegs-
bankuns gerðu Matthíasi
Bjarnasyni, bankamála-
ráðherra, grein fyrir stöðu
Hafskips í gær, jafnframt
var bankaráðsmönnum
gerð grein fyrir stöðu
mála. Þá afhenti Jón G.
Zoéga, lögmaður íslenska
skipafélagsins og
Hafskips, Gunnlaugi
Claesen, ríkislögmanni,
öll gögn í Hafskipsmál-
inu. Jón hefur hinsvegar
neitað endurskoðanda
sem Seðlabankinn hefur
skipað í málið um gögnin,
vegna þess að hann vinnur
hjá fyrirtækinu Endur-
skoðun, sem sér um mál-
efni Eimskipafélagsins.
Eimskipafélagið hefur
ekki enn haldið stjórnar-
fund um samningsviðræð-
urnar, sem hófust í fyrra-
dag, en var ekki fram
haldið í gær og enn er
óljóst hvenær aftur verður
sest við samningsborðið.
Skaftá er enn kyrrsett í
Belgíu og er verið að
reyna að leysa það mál.
■ „Þetta var vingjarnlegur og ánægjulegur fundur,“ sagði Þröstur Ólafsson um fund Dagsbrúnarmanna og nokkurra stjórnarmanna
SambandSÍnS í gær. NT-mynd: Ami Bjama
íslenska skyrið er
kjörin heilsufæða
- er niðurstaða mjólkurrannsókna RALA
■ íslenska skyrið er kjörin
heilsufæða þar sem það er hvort
tveggja í senn fitusnautt og
hvíturíkt, í því eru um 50-100
prósent meira af næringarefninu
þíamín (Bl) en í mjólk og
25-100 prósent meira af ríbófl-
avíni (B2).
Þetta kom fram á blaða-
mannafundi sem Rannsóknar-
stofnun landbúnaðarins
(RALA) hélt í gær í tilefni þess
að fyrsta áfanga í grunnrann-
sóknum á næringargildi allra
helstu fæðutegunda sem ís-
lendingar framleiða er lokið.
Fyrsta skrefið í þessari „kort-
lagningu“ á næringargildi ís-
lenskrar fæðu var heildarrann-
sókn á íslenskri mjólk og mjólk-
urafurðum.
Hingað til hafa ekki verið til
slíkar heildarupplýsingar, en
þær eru þó forsenda allra vöru-
merkinga jafnframt því að vera
mikilvægar fyrir vöruþróun og í
forvarnar- og hjúkrunarstarfi á
sviði næringar. RALA hefur
unnið að þessu starfi frá því árið
1981 og eru sumar þessara
mjólkurniðurstaðna komnar á
umbúðir mjólkurvara í verslun-
um.
í ljós kom að íslenska mjólkin
er um margt frábrugðin mjólk-
inni í nágrannalöndunum og er
helsti munurinn sá að hér er
mjólkin ívið lægri í kalki og
magníum og ríkari í A-vítamíni
heldur en hún er í nágranna-
löndunum. Enn fremur eru tals-
verðar árstíðasveiflur í ís-
lensku mjólkinni. Þannig hefur
haustmjólkin um 270 prósent
meira beta-karótín og 70 prós-
ent meira A-vítamín en vor-
mjólk. Einnig er mjólkin úr
Eyjafirði einna vítamínríkust
mjólkur á landinu en mjólkin á
Suðurlandi ríkust af steinefn-
um.
Almennt er íslenska mjólkin
og afurðir unnar úr henni góð
uppspretta fyrir A-vítamín,
kalk, zink, ríbóflavín (B2) og
þíamín (Bl). Árstíða- og lands-
hlutasveiflurnar í mjólkinni
magnast þó þegar mjólkin er
unnin í hinar ýmsu afurðir.
RALA hefur nú hafið rann-
sóknir sínar á annarri matvöru
og má til dæmis reikna með
fyrstu niðurstöðum úr kjötrann-
sóknum upp úr áramótum, en
vonir standa til að kortlagningu
á næringargildi íslenskra mat-
væla verði lokið innan tíu ára.
Þróttur
ogÓs
Eægstir
■ Tilboð í lagningu
Vesturlandsvegar á Hval-
fjarðarströnd, um Kala-
staði að Galtarholti, voru
opnuð hjá Vegagerð ríkis-
ins á mánudag. Um er að
ræða sex kílómetra veg,
sem skal að fullu lokið
þann 1. júlí næsta sumar.
Kostnaðaráætlun verk-
kaupa var reiknuð 17,2
milljónir.
Alls bárust 22 tilboð í
verkið. Tilboðin voru á
bilinu 8,3 milljónir og upp
í 22,8 milljónir.
Ós sf. gerði tilboð sem
hljóðar upp á 8,3 milljón-
ir. Næst lægsta tilboðið
kom frá Þrótti eða 8,4
milljónir. Vísir hf. Akra-
nesi var með hæsta tilboð-
ið eða 22,8 milljónir.