Morgunblaðið - 24.07.2004, Page 4
FRÉTTIR
4 LAUGARDAGUR 24. JÚLÍ 2004 MORGUNBLAÐIÐ
SVERRIR Berg Steinarsson hefur
tekið við sem nýr forstjóri Skíf-
unnar, en Nordex, félag í meiri-
hlutaeigu Sverris, sem rekur Next-
verslunina í Kringlunni, og Róbert
Melax eru nýir eigendur Skífunn-
ar. Róbert verður þar meirihluta-
eigandi.
Ragnar Birgisson, fráfarandi
forstjóri, er hættur störfum, en
hann hefur starfað hjá Skífunni og
Norðurljósum sl. tæp átta ár.
Róbert Melax segir að rekstur
Skífunnar hafi gengið vel undir
stjórn Ragnars en samfara eig-
endaskiptum og athugun Róberts
og Sverris á fyrirtækinu í kjölfarið
á því hafi komið í ljós að þeir vildu
gera áherslubreytingar og skipta
um mann í brúnni.
Róbert segir að engar frekari
breytingar séu fyrirliggjandi í
stjórnendahópnum. Hann segir að
í framtíðinni muni Skífan einbeita
sér í auknum mæli að verslunar-
rekstri, þar séu vaxtartækifærin,
en Sverrir hafi einmitt mikla
reynslu í smásöluverslun.
Rekstur Skífunnar skiptist í tvö
aðalsvið; smásöluverslun, sem rek-
ur verslanir Skífunnar, BT, Office
1, Hljóðfærahúsið og Sony-setrið,
og afþreyingarsvið, sem er heild-
sala með DVD-myndir, tölvuleiki,
tónlist og fleira, auk rekstrar kvik-
myndahúsa og útgáfustarfsemi.
Eðlilegt, en kom á óvart
Ragnar Birgisson, fráfarandi
forstjóri, segir að í ljósi þess sem
áður hefur komið fram, þ.e. að ekki
yrði um neinar breytingar á
stjórnun félagsins að ræða í kjölfar
eigendaskiptanna, hafi uppsögnin
komið sér á óvart. Hins vegar sé
fullkomlega eðlilegt að nýir eig-
endur vilji setjast í bílstjórasætið,
eins og hann orðar það. „Þeir eru
að leggja fram mikla fjármuni og
vilja því eðlilega bera fulla ábyrgð
á rekstrinum.
Því var ákveðið
að annar eig-
andinn, Sverrir
Berg Steinars-
son, tæki við
sem forstjóri
Skífunnar,“
segir Ragnar.
Hann segir
að á þeim tæpu
átta árum sem
hann hafi verið
við stjórnvölinn hafi ýmislegt
breyst hjá félaginu.
„Þegar ég tók við í lok árs 1996
var veltan 700 milljónir króna,
starfsmenn voru 75 og EBITDA-
hagnaðurinn nam 50 milljónum
króna, en með samstilltu átaki frá-
bærs starfsfólks Skífunnar hefur
mikið áunnist og margt breyst. Í
ár er veltan t.d. áætluð 4,5 millj-
arðar, starfsmenn eru 260 og
EBITDA er áætluð 500 milljónir
króna,“ segir Ragnar. Spurður
hvað taki nú við segir Ragnar að
hann ætli sér að taka langt og gott
frí með fjölskyldunni. „Svo spáir
maður í spilin í haust. Ég er opinn
fyrir öllu, en ég er fyrst og fremst
rekstrarmaður og stefni á einhvers
konar rekstur.“
Mikill metnaður í fólki
Sverrir Berg Steinarsson segir
að sér lítist gríðarlega vel á fyr-
irtækið, og alltaf betur og betur
eftir því sem hann skoði það meira.
„Það er mikill metnaður í fólki hér
og starfið er mjög faglegt. Ég hef
miklar væntingar til félagsins,“
segir Sverrir Berg Steinarsson,
forstjóri Skífunnar.
Skífan skiptir
um forstjóra
Sverrir Berg
Steinarsson
GUÐRÚN Jónsdóttir, kennd við
Nes á Hellu í Rangárþingi ytra,
náði þeim áfanga að verða 100 ára í
gær. Guðrún dvelur nú á dvalar- og
hjúkrunarheimilinu Lundi á Hellu
en þar var opið hús og margt um
manninn á afmælisdegi hennar.
Guðrún er fædd í Þjóðólfshaga í
Holtum en flutti með foreldrum sín-
um að Bjóluhjáleigu þriggja ára að
aldri og síðar að Hrafntóftum. Guð-
rún giftist Gunnari Jónssyni árið
1933 og bjuggu þau lengst af í Nesi
sem var nýbýli út úr jörðinni Hellu-
vaði sem er rétt við Hellu. Þau eign-
uðust þrjá syni, þá Jóhann, Braga
og Kristin. Afkomendur Guðrúnar
eru tæplega sextíu talsins í dag.
Í viðtali kvaðst Guðrún vera
ágætlega hress, klæðast á hverjum
degi og borða vel, en hafi verið
slæm í baki um nokkurn tíma. Hún
segist heyra orðið frekar illa en sjá
ágætlega, en þarf gleraugu við lest-
ur. Hún sagði að sér hefði ávallt lið-
ið vel og haft gott fólk í kringum
sig, ekki síst núna á Lundi. Aðspurð
kvaðst hún muna vel eftir Heklu-
gosinu 1947 og hefði það verið frek-
ar óskemmtileg reynsla. Hún sagð-
ist ætíð hafa verið heimavinnandi
og ekki mikið gefin fyrir að ferðast
að heiman.
Margt um manninn í aldarafmæli
Guðrúnu í Nesi líður vel á Lundi
Hellu. Morgunblaðið.
Morgunblaðið/Óli Már
Guðrún Jónsdóttir er hér með sonum sínum, Jóhanni, Braga og Kristni Gunnarssonum.
STAÐA þjóðleikhússtjóra verður
auglýst laus til umsóknar í Morg-
unblaðinu á morgun. Þorgerður
Katrín Gunnarsdóttir menntamála-
ráðherra segir að kynjasjónarmið
muni ekki ráða ferð við ráðninguna,
heldur verði hæfileikaríkasti ein-
staklingurinn valinn.
Umsóknarfrestur er til 1. septem-
ber. „Ég stefni að því að vera búin
að klára þetta 1. október, að ég gefi
mér góðan tíma í að fara yfir um-
sóknir og fleira,“ segir Þorgerður
Katrín. Næsti þjóðleikhússtjóri mun
taka við stöðunni um áramótin, en
Stefán Baldursson, sem verið hefur
þjóðleikhússtjóri í 13 ár, mun gegna
embættinu þangað til.
Menntamálaráðherra gerir ráð
fyrir því að margir muni sýna emb-
ættinu áhuga. „Þetta er örugglega
eitt skemmtilegasta og mest spenn-
andi starfið innan listaheimsins og
ég held að allir þeir sem unna leik-
listinni á einn eða annan hátt geti
sýnt þessu starfi mikinn áhuga,“
segir hún.
Konur sem starfa innan leiklist-
arinnar, og vilja auka veg kvenna
innan fagsins, héldu ráðstefnu að
Sólheimum um síðustu páska. Þar
var lýst yfir áhuga á að næsti þjóð-
leikhússtjóri yrði kona. „Ég mun
hafa þau sjónarmið í huga sem leiða
til þess að sá einstaklingur sem fær
starfið, mun að mínu mati vera með
mestu hæfileikana til að gegna þessu
starfi með sóma. Ég mun ekki láta
kynjasjónarmið ráða þar ferð,“ segir
Þorgerður. Menntamálaráðuneytið
gerir þá kröfu til umsækjenda að
þeir hafi menntun á sviði lista og
staðgóða þekkingu á starfi leikhúsa.
Þjóðleikhússtjóri er forstöðumað-
ur Þjóðleikhússins og stjórnandi
þess. Hann markar listræna stefnu
leikhússins í samráði við þjóðleik-
húsráð, stýrir leikhúsinu samkvæmt
samþykktri starfs- og fjárhagsáætl-
un og ber ábyrgð á listrænum og
fjárhagslegum rekstri þess. Skipað
verður í stöðuna til fimm ára og
samkvæmt leiklistarlögum frá 1998
skal staðan auglýst að þeim tíma
liðnum, óháð því hvort sitjandi þjóð-
leikhússtjóri gefur þá áfram kost á
sér.
Staða þjóðleikhússtjóra laus til umsóknar
Hæfileikaríkasti umsækj-
andinn verður valinnFLUGFÉLAG Íslands hefur
tilkynnt 3% hækkun fargjalda í
almennu innanlandsflugi frá og
með 2. ágúst næstkomandi. Að
sögn Jóns Karls Ólafssonar,
framkvæmdastjóra Flugfélags
Íslands, hafa fargjöld félagsins
ekki hækkað í rúmlega tvö ár,
en í ljósi hækkana á eldneytis-
verði hafi verið gripið til þess-
ara aðgerða.
„Eldsneytisverð er um 10%
af kostnaði okkar, og ekki virð-
ist vera að verðið sé á niðurleið.
Það hefur hækkað um ein 30–
40% á undanförnum árum, en
við ekki brugðist við fyrr en nú.
Þessu til viðbótar bætast nú við
launasamningar og fleira,“ seg-
ir Jón Karl í samtali við Morg-
unblaðið.
Hann segir að vonast hafi
verið til að verðhækkanir á elds-
neyti væru aðeins tímabundnar,
en ekkert bendi til þess að svo
sé, og geri sérfræðingar ráð fyr-
ir að þessi kostnaðarliður verði
áfram hærri en gert var ráð fyr-
ir. Hann segir að áfram verði
fylgst með þróun eldsneytis-
verðsins.
Vegna þess að lögð er 3%
hækkun á alla fjóra verðflokka
fargjalda, þá nemur hækkunin
um 300 krónum í hæsta verð-
flokki, en um 150 krónum í þeim
lægsta. „Verðflokkunum fjórum
til viðbótar eru nettilboðin, en
þau tengjast ekki beint al-
mennri verðskrá félagsins. Við
stefnum á að halda áfram að
bjóða nettilboð þegar tækifæri
gefast, og fer það eftir sæta-
framboði,“ útskýrir Jón Karl.
Fargjöld
hækka
um 3%
Flugfélag Íslands
BRAGI Þorfinnsson, alþjóðlegur
skákmeistari, sigraði Svisslend-
inginn Ludovic Staub í fimmtu
umferð skákhátíðarinnar í Biel í
Sviss í gær. Bragi hefur þrjá
vinninga og er í 25.–44. sæti. Sig-
urlaug R. Friðþjófsdóttir gerði
jafntefli við Þjóðverjann Richard
Valet. Sigurlaug hefur einn vinn-
ing og er í 103.–109. sæti. Bragi
mætir í dag rúmenska alþjóðlega
meistaranum Neboisa Ilijin, en
Sigurlaug mætir Svisslendingnum
José Pérez.
112 skákmenn taka þátt í
meistaraflokki, og þar af eru 30
stórmeistarar. Efstir, með fjóra
og hálfan vinning, eru stórmeist-
ararnir Boris Avrukh, Christian
Bauer og Pavel Eljanov.
Í stórmeistaraflokki er Alex-
ander Morozevich efstur, með 3,5
vinninga.
Góður árangur
Í gær hófst aðalmót opna tékk-
neska mótsins í Pardubice í
Tékklandi. Þeir Arnar E. Gunn-
arsson, Stefán Kristjánsson og
Jón Viktor Gunnarsson sigrðu í 1.
umferð, en Dagur Arngrímsson,
Björn Ívar Karlsson, Guðmundur
Kjartansson og Halldór Brynjar
Halldórsson gerðu allir jafntefli
við stigahærri menn. Ingvar Þór
Jóhannesson og Stefán Bergsson
töpuðu sínum skákum. 366 kepp-
endur taka þátt í A–flokki móts-
ins, og þar af um 50 stórmeist-
arar.
Íslenskir
skákmenn
keppa í
Biel og
Pardubice
Á DÖGUNUM fluttu félagar í Ferðafélagi Húsavíkur
nýjan fjallaskála félagsins frá Húsavík á áfangastað í
Heilagsdal, austan undir Bláfjalli suðaustan Mývatns.
Sjö ferðafélagsmenn, og fimm vaskir Mývetningar,
stóðu að því að koma skálanum á sinn stað. Það var Tré-
smiðjan Norðurvík á Húsavík sem byggði skálann fyrir
ferðafélagið.
Að sögn Gunnars Jóhannessonar ferðafélagsmanns
gekk það býsna vel, farið var frá Húsavík að kvöldi til,
stoppað yfir nótt í Mývatnssveit, þaðan sem ferðinni var
haldið áfram að morgni næsta dags. Lagt var að stað
frá Grænavatni snemma morguns og komið á áfanga-
stað um átta til níu tímum síðar. Þar var skálanum kom-
ið fyrir á undirstöðum sem útbúnar voru síðastliðið
sumar.
Gunnar segir húsið að mestu tilbúið til notkunar þó
enn sé eftir að framkvæma ýmis smáverk eins og t.d. að
smíða sólpall.
Nýr fjallaskáli fluttur í Heilagsdal
Morgunblaðið/Hafþór
Húsavík. Morgunblaðið.