Morgunblaðið - 22.10.2004, Síða 4

Morgunblaðið/Brynjar Gauti
FÉLAGARNIR Alexander Svanur Guðmundsson, Jóhann Hilmir Gunn-
arsson og Helgi Einarsson, tóku fram hjólin í verkfallinu og styttu sér
stundir við leik. Þeir eru nemendur í Melaskóla. Allir sögðust þeir vera
orðnir þreyttir á verkfalli kennara og vildu gjarnan fara að komast í skól-
ann sem fyrst.
Þreyttir á verkfalli
4 FÖSTUDAGUR 22. OKTÓBER 2004 MORGUNBLAÐIÐ
KENNARAVERKFALLIÐ
SAMNINGANEFND sveitarfélag-
anna var tilbúin að ganga að tillögu
ríkissáttasemjara sem lögð var fram
á samningafundi með kennurum í
gær. Formaður nefndarinnar telur að
aðkoma ríksstjórnarinnar gæti haft
afdrifaríkar afleiðingar varðandi aðra
starfshópa og að margir sveit-
arstjórnarmenn myndu líta á það
sem ábyrgðarleysi að ganga lengra til
móts við kröfur kennara.
„Það var í sjálfu sér umdeilt í okk-
ar röðum,“ segir Birgir Björn Sig-
urjónsson, formaður samninganefnd-
arinnar, um samþykkt hugmynda
sáttasemjara í gær. „Það var verið að
stilla upp kosti sem var á milli þess
sem hafði verið áður og það tók mikið
á pyngjuna og sú ákvörðun [nefnd-
arinnar] tók verulega á. En engu að
síður var niðurstaða okkar sú að við
yrðum, vegna þess fórnarkostnaðar
sem er í samfélaginu, að segja já.“
Birgir Björn segist ekki geta greint
frá tillögu sáttasemjara.
Þegar tillagan hafði verið rædd og
samþykkt meðal nefndarmanna var
gengið á fund sáttasemjara á ný en
þá kom í ljós að kennarar voru ann-
arrar skoðunar, að sögn Birgis
Björns. „Þá treysta þeir sér ekki í
það og segja að kennarar myndu fella
þetta í atkvæðagreiðslu.“
Hann segir að ljóst sé að sveit-
arfélögin séu nú búin að teygja sig
eins langt og mögulegt er. „Við erum
algjörlega á brúninni. Við vorum nú
langt teygð hér áður. En nú höfum
við gengið það langt að ég veit að
mörgum sveitarstjórnarmanninum
finnst að við höfum sprengt alla
ramma.“ Hann segist viss um að
margir sveitarstjórnarmenn myndu
segja það ábyrgðarleysi að ganga
lengra.
Birgir Björn gerir ráð fyrir því að
samninganefnd
sveitarfélaganna
muni setjast að
viðræðum eftir
helgina og velta
fyrir sér stöðunni.
„Það er auðvitað
alveg ljóst að það
verða ekki til pen-
ingar yfir helgina
sem breyta þessu.
Það á ég erfitt
með að sjá. Þeir vaxa ekki svo hratt.“
Hann segir nefndina þó ekki úti-
loka neitt. „Það getur vel verið að
menn sjái hlutina í nýju ljósi. […] Ég
tel að aðkoma sáttasemjara og hans
sýn á þessa hluti hafi verið áhugaverð
og það hélt ég að yrði til þess að
þessu myndi ljúka á þessum fallega
degi. Ég gekk nú þannig til þess í
dag. Ég gat alveg eins séð það fyrir
mér að við myndum ná þessu [í gær].
Við lögðum alveg gríðarlega á okkur
til þess að svo mætti vera.“
Birgir Björn tekur fram að samn-
inganefnd sveitarfélaganna hafi ekki
óskað eftir aðkomu ríkisstjórn-
arinnar að deilunni. „Ef við fengjum
sérstaka peninga vegna kenn-
aralauna, þá kæmi næsti hópur á eft-
ir, leikskólakennarar, og fáum við þá
sérstaka peninga vegna leikskóla-
kennara? Fáum við sérstaka peninga
vegna næstu hópa?“
Hann sagðist hræddur um að ef
ríkisstjórnin kæmi að málum með
auknu fjármagni nú væri hún að setja
sig í einkennilega stöðu. „Ég átta mig
ekki alveg á því hvernig það getur
gert sig.“
Hann segir mikilvægt að samn-
ingsaðilar finni lausn sem þeir geta
báðir unað við. „Það er aðalatriðið og
samningsrétturinn gengur út á það
að það gerist þannig.“
Formaður samninganefndar sveitarfélaga
„Við erum algjör-
lega á brúninni“
Birgir Björn
Sigurjónsson
EIRÍKUR Jónsson, formaður
Kennarasambands Íslands, segir
samninganefnd kennara ekki hafa
treyst sér til að
ganga að hug-
myndum rík-
issáttasemjara.
Strandað hafi á
launaliðnum.
„Niðurstaða
okkar var sú að
við teljum að við
hefðum út af fyrir
sig getað tekið
því sem var á
borðinu hvað varðar vinnutímamál,
enda var það að mestu leyti frá-
gengið áður, en það er launaliðurinn
sem strandar á,“ sagði Eiríkur
Jónsson, formaður Kennarasam-
bands Íslands. „Það var sameiginleg
niðurstaða að hugmyndirnar sem
þar voru á borðinu hefðu ekki dugað
til þess að hinn almenni fé-
lagsmaður hefði sætt sig við það
sem í boði var sem grundvöll að
samningi og þar af leiðandi ekki
tryggja frið í skólunum til næstu
ára.“
Því hefðu kennarar ekki treyst
sér til að ganga að hugmyndum
sáttasemjara. „Þegar maður lagðist
yfir þetta heildstætt sá maður að
innihaldið var ennþá of rýrt og það
einangrar sig við launaliðina.“
Eiríkur segir að ekki megi líta svo
á að hugmyndir sáttasemjara hafi
verið tilboð í sjálfu sér. „Hann lagði
þetta fram undir þeim formerkjum
að ef þær yrðu ekki grundvöllur að
samningi yrðu þær teknar til baka.
[…] Sú hugmynd er ekki lengur á
borðinu sem formleg tillaga.“
Eiríkur segir að á mánudag muni
samninganefnd kennara hittast og
ræða málin. „Við erum ekki að hitt-
ast til að gera eitthvert tilboð, held-
ur fyrst og fremst hittast í róleg-
heitunum, fara yfir stöðuna og meta
upp á nýtt og skoða hvort við sjáum
einhverjar lausnir.“
Eiríkur segir að eina lausnin sem
nú blasi við sé að ríkisstjórnin komi
að málum með auknu fjármagni.
„Það er tími til kominn að ráðherr-
arnir axli sína ábyrgð. Þeir hafa ríka
ábyrgð í þessu máli og þeir geta
leyst [deiluna] með því að koma af
alvöru inn í þetta mál með peninga.“
Formaður KÍ
Strandar á
launaliðnum
Eiríkur
Jónsson
„ÞETTA eru gríðarleg vonbrigði,
að þeir séu sendir heim í hálfan
mánuð og sjá því ekki fram á lausn
fyrr en eftir tvær til þrjár vikur,“
sagði Elín Thorarensen hjá Heimili
og skóla í samtali við Morgunblaðið
í gærkvöldi. „Þetta er hræðilegt.“
Eftir langa samningafundi und-
anfarna daga segir Elín að vissu-
lega hafi gætt ákveðinnar bjartsýni
um að lausn væri í sjónmáli. „Mað-
ur var kannski barnalegur að leyfa
sér að vera bjartsýnn á að það væri
kominn skriður á viðræðurnar.“
Hún segir að vonast hafi verið
eftir málamiðlunartillögu rík-
issáttasemjara og því hafi verið
mikil vonbrigði að aðilar deilunnar
höfnuðu henni. „Ég hélt að það
gæti hugsanlega leyst hnútinn en
það eru mjög mikil vonbrigði að
það gekk ekki upp.“
Hún segir stöðu barna og for-
eldra orðna mjög slæma. „Maður
skilur ekki hvernig hægt er að
bjóða börnum landsins upp á þetta
miðað við þær umræður sem verið
hafa undanfarna daga um þau áhrif
sem þetta er farið að hafa á líðan
þeirra. Og það á að bjóða þeim
meira af þessu sama. Foreldrar eru
komnir í þrot.“
Elín segir að á næstu dögum
muni fulltrúar samtakanna setjast
niður og ræða sín mál og hvernig
starfinu verði háttað í ljósi þess-
arar nýju stöðu deilunnar. „Við
munum halda áfram að láta í okkur
heyra, það þýðir ekkert annað.“
Samkvæmt könnun á heimasíðu
Heimilis og skóla, sem um 200
manns hafa tekið þátt í, eru 26%
barna á grunnskólaaldri ein heima
allan daginn í verkfallinu og sami
fjöldi er einn heima hjá systkini. Af
þessu hafa samtökin miklar áhyggj-
ur og heyra á foreldrum að þeir
hafa orðið miklar áhyggjur af börn-
um sínum. Hún segir ömurlegt til
þess að hugsa að yngstu börnin séu
skilin eftir ein heima en verkfallið
hafi auðvitað slæm áhrif á eldri
börnin líka. „Unglingunum er farið
að líða illa heima eftir svona langan
tíma,“ segir Elín. „Foreldrar hafa
þungar áhyggjur af því að ungling-
arnir séu mjög einangraðir, þeir
eru minna að leika sér með jafn-
öldrum sínum og eru jafnvel einir
fyrir framan sjónvarpið eða í tölv-
unni.“
Hún segir foreldra sem hafi haft
samband við samtökin m.a. tala um
að börn þeirra séu farin að mæta
sjaldnar í frístundastarf, t.d. íþrótt-
ir, vegna þess að rammann vanti.
Jón Halldórsson, þjálfari hjá Val,
sagði í samtali við Morgunblaðið að
börnin væru enn dugleg að mæta á
æfingar hjá félaginu en verkfallið
hefði þau áhrif að nýliðun væri lítil
sem engin. Skólarnir hefðu alltaf
verið sá vettvangur sem félögin
hefðu notað til að kynna sitt starf
og það væri nú ekki fyrir hendi
með fyrrgreindum afleiðingum.
„Gríðarleg vonbrigði“
Elín Thorarensen hjá Heimili og skóla
Viðræðuslit í kennaradeilu
Upp úr slitnaði með samningsaðilum í launadeilu grunnskólakennara síðdegis í gær eftir að ljóst
var að tillögu ríkissáttasemjara að lausn deilunnar var hafnað af hálfu kennara. Ekki hefur verið
boðaður fundur í deilunni fyrr en eftir tvær vikur eða 4. nóvember.