Morgunblaðið - 04.11.2004, Side 22

Hér mætast heimsálfurnar ímatarkúltúrnum,“ segirBjörgvin Halldórsson,tónlistarmaður og mat-
gæðingur, þar sem hann hallar sér yf-
ir afgreiðsluborðið í versluninni
Fylgifiskum við Suðurlandsbraut og
virðir fyrir sér úrvalið. „Hérna sérðu
til dæmis indverska ýsu, fiskbollur
með taílensku ívafi, kola í karríi, salt-
fisk af öllum gerðum, krabbasalat og
smokkfisksalat í antipasti-stíl, svo
nokkur dæmi séu nefnd. Þetta er
bara eins og þú sérð í fínu fiskiborð-
unum í Harvey Nichols og Harrods
og Fortnum and Mason í London,
þetta er svo flott. Þú borgar að vísu
aðeins meira fyrir þennan fisk en í
venjulegri fiskbúð, en það er þess
virði,“ segir Björgvin ennfremur.
Hann kveðst hafa byrjað að venja
komur sínar í Fylgifiska fljótlega eft-
ir að verslunin var opnuð sumarið
2002. „Þetta er allt tilbúið hér í borð-
inu og þægilegt að grípa þetta með
sér á leiðinni heim. Maður velur svo
einhverja samsetningu og skellir því
síðan í ofninn eða á pönnuna. Hérna
er líka hægt að fá lífrænt pasta, alls
konar krydd, flottar olíur og gott
grænmeti,“ segir Björgvin og greini-
legt að Fylgifiskar eru í miklu uppá-
haldi hjá honum.
„Það sem ég ætla að taka hérna
núna er humar í forrétt og lúðuflak í
aðalrétt. Humarhalarnir eru mat-
reiddir í skelinni með hvítlauk og
sítrónu og lúðan verður með basil og
parmesanosti. Þetta er einfalt og æð-
islega gott.“
Ekki hægt að stoppa
Það er í nógu að snúast hjá Bjögga
og félögum þessa dagana. Nýja plat-
an með Brimkló komin út og virðist
heldur betur ætla að „gera sig“ eins
og það er orðað í bransanum. „Við er-
um sjálfir mjög ánægðir með útkom-
una. Þetta er í beinu framhaldi af því
sem við vorum að gera þegar við
hættum þarna einhvern tíma eftir
1980, eða eins og Kaninn segir: „Pick
up were we left off.“ Lögin eru dálítið
í anda plötunnar Undir nálinni og því
má segja að við leitum upprunans í
anda þess þegar Brimkló var að slíta
barnsskónum. En þetta er að sjálfs-
öðgu nýtt efni, ný lög og nýjar hug-
myndir, en byggðar á þessum gamla
grunni.“
Bjöggi segir að þegar Brimkló kom
aftur saman í fyrra hafi upphaflega
ekki verið gert ráð fyrir að fara út í
plötugerð. „Við ætluðum bara að taka
þennan túr og láta þar við sitja. En
viðtökurnar voru svo æðislegar að
það var bara ekki hægt að stoppa. En
við gerðum okkur grein fyrir því að ef
við ætluðum okkur að halda áfram
yrðum við að gera nýja plötu, til þess
að koma með nýtt blóð inn í músíkina
okkar, og það varð úr. Við verðum lík-
lega að spila þangað til við dettum
niður.“
Björgvin hefur um nokkurt skeið
haft mikinn áhuga á matargerðarlist.
„Í gamla daga, þegar ég var um tví-
tugt, borðaði maður bara það sem
hreyfðist og að manni var rétt. Það
var alltaf mikill og góður matur
heima þegar ég var að alast upp. Eft-
ir að ég komst á fullorðinsár fór ég
smám saman að fá áhuga á mat-
artilbúningi og að elda sjálfur. Núna á
ég það til að fara með matreiðslubæk-
ur upp í rúm og lesa,“ segir Björgvin
og hlær. „Ég á mikið safn af mat-
reiðslubókum og skoða þær til að fá
hugmyndir. Fer ekki bókstaflega eftir
uppskriftunum heldur útset þetta
sjálfur, bæti svona fiðlum og röddum
inn í, svo maður taki líkingu úr tónlist-
arbransanum. Ég hef lengi haft áhuga
á ítölskum mat og matargerð í Mið-
jarðarhafslöndunum og nú er ég líka
farinn að útbúa þennan mat með ís-
lensku ívafi. Reyndar er ég hrifinn af
allri matargerð nú orðið, hvaðan sem
hún kemur. Þetta er orðin eins konar
„fusion“ hjá mér, bræðingur þar sem
ég tek eitt úr þessum matarkúltúr og
annað einhvers staðar annars staðar
frá. Ég gæti átt það til að matreiða
þorsk með lakkrískúlí, eða steiktan sil-
ung með sveskjum. Ég hef gaman af
að bræða saman alls konar hug-
myndir. Þess vegna er ég svo hrifinn
af borðinu í þessari búð, þar sem
heimsálfurnar mætast. En ég tek það
fram að ég er bara amatör í þessu og
eldamennskan er eins konar þerapía
hjá mér, sem ég nota til að slappa af.
Eldamennskan er í rauninni vísindi, en
það er líka gaman fyrir ófaglærða að
fást við hana,“ segir Björgvin og snýr
sér aftur að fjölbreyttu borðinu í
Fylgifiskum.
Guðbjörg Glóð, eigandi verslunar-
innar, aðstoðar Björgvin við að velja
hráefnið í „bræðinginn“. Hún segir að
um helgar sé skipt um rétti í borðinu
og meira lagt í, og þá er traffíkin
gjarnan meiri en á virkum dögum.
„Við bjóðum hérna upp á hálftilbúna
fiskirétti sem einungis þarf að steikja
á pönnu eða hita í ofni. Með þessu
auðveldum við viðskiptavinum okkar
matreiðsluna með því að spara þeim
tíma og fyrirhöfn,“ segir Guðbjörg
Glóð og Björgvin bætir við: „Já, hratt
flýgur stund og á þessum síðustu tím-
um má enginn vera að neinu. Þá er
þægilegt að koma hingað og ganga að
matnum nánast matreiddum. Það
eina sem maður þarf að gera er að
bræða þetta saman.“
Tilbúnu réttirnir í afgreiðsluborð-
inu eru matreiddir af lærðum mat-
reiðslumeisturum, en í Fylgifiskum
er einnig starfrækt veisluþjónusta, og
í hádeginu er boðið upp á heitan mat
sem hægt er að snæða á staðnum.
„Ég held að ég halli ekki á neina þótt
ég fullyrði að þetta sé besta fiskbúðin
í bænum í dag,“ segir Björgvin Hall-
dórsson og stenst ekki mátið að bæta
í matarkörfuna sína ýsu í indversku
karríi, mexíkóskum tortillum með
reyktum laxi, osti og grænmeti og
kartöflusalati.
 HVAÐ ER Í MATINN? | Björgvin Halldórsson
Heimsálfurn-
ar mætast í
fiskborðinu
Björgvin Halldórsson: Með humarinn sem hann notar í forréttinn.
Morgunblaðið/Kristinn
Fiskborðið í Fylgifiskum: Guðbjörg Glóð og Björgvin velja saman hráefnið í aðalréttinn.
„Eldamennskan er eins konar þerapía hjá mér, sem
ég nota til að slappa af,“ segir Björgvin Halldórsson
sem hefur gaman af því að blanda saman ólíkum
hráefnum í matargerðinni.
22 FIMMTUDAGUR 4. NÓVEMBER 2004 MORGUNBLAÐIÐ
NEYTENDUR
OSTABÚÐIN
ÞAÐ ER HREIN UPPLIFUN
BARA AÐ KOMA OG SKOÐA!
Ostabúðin er opin:
mánud.–fimmtud. kl. 9.00–18.00,
föstud. kl. 9.00–19.00 og
laugard. kl. 10.00–14.00.
Bitruhálsi 2
Sími: 569 1616
sími: 566 6103
isfugl@isfugl.is • www.isfugl.is
Björgvin ákvað að elda humar-
hala í forrétt og bjóða upp á lúðu
með basil og parmesanosti í
aðalrétt.
Humarhalar í skel
með hvítlauk og sítrónu
4 humarhalar á mann
100 g hvítlauksolía
1 stk sítróna
1 msk ítölsk steinselja
Sjávarsalt og pipar
Humarhalarnir eru klofnir í
tvennt og opnaðir eins og fiðr-
ildi.
Leggið humarinn í hvítlauks-
olíu ásamt saxaðri steinselju og
steikið á heitri pönnu í 1–2 mín.
Sítrónusafi kreistur yfir ásamt
örlitlu af berkinum. Saltið og
piprið eftir smekk.
Lúða með basil og
parmesanosti
1 stk lúðusteik
4 stk basilíkublöð
1/4 hvítlauksgeiri
100 g rifinn parmesanostur
3–4 msk ólífuolía
2 msk sýrður rjómi 18%
sjávarsalt og pipar
Maukið í mortéli hvítlauk og
basil, setjið olíuna út í, smyrjið á
lúðuna og saltið og piprið. Veltið
steikinni upp úr rifnum parmes-
anostinum og steikið á heitri
pönnu í 2–3 mín. á hvorri hlið.
Blandið saman sýrða rjóman-
um og restinni af olíunni. Má
hella á pönnuna í lokin eða bera
fram kalt.
svg@mbl.is