24 stundir - 28.12.2007, Page 45

24stundir FÖSTUDAGUR 28. DESEMBER 2007 45
MENNING
menning@24stundir.is a
Þrátt fyrir ýmsar hindranir gerir
hann raunhæfar kröfur og setur sér
metnaðarfull markmið.
Eftir Hildi Eddu Einarsdóttur
hilduredda@24stundir.is
Malcolm nokkur Mays er 17 ára
bandarískur piltur, búsettur í einu
af fátækari úthverfum Los Angeles.
Þegar hann var í áttunda bekk
sagði hann öllum sem heyra vildu
að hann ætlaði að verða ríkur og
frægur á kvikmyndagerð og að
hann stefndi að því að vera búinn
að gera sína fyrstu mynd þegar
hann næði 18 ára aldri. Margir sem
hlógu að þessari brjáluðu hug-
mynd drengsins þá eru hættir að
hlæja nú. Undanfarnar vikur hefur
hann unnið myrkranna á milli við
gerð sinnar fyrstu kvikmyndar í
fullri lengd. Myndin nefnist
Trouble og er byggð á sannsögu-
legum atburðum úr hans eigin
skólagöngu en hann bæði leikstýrir
myndinni og leikur aðalhlutverkið
sjálfur.
Átök kynþátta
Í myndinni segir frá þeldökkum
strák sem stundar nám í gagn-
fræðiskóla í Los Angeles. Pilturinn
er vel meinandi en virðist alltaf
takast að lenda í klandri og taka
rangar ákvarðanir af réttum ástæð-
um. Hann fellur fyrir stúlku einni
sem er systir mexíkósks klíkufor-
ingja en skólinn logar af illdeilum
og ofbeldi á milli þeldökkra og
spænskættaðra nemenda. Mays
sjálfur upplifði slíkt í sinni eigin
skólagöngu og létu þrír af bestu
vinum hans lífið í slíkum átökum.
Aðstandendur hans forðuðu hon-
um frá ofbeldinu með því að láta
hann skipta um skóla en hann vildi
varpa ljósi á þessa sögu og skrifaði
því handritið að kvikmyndinni
Trouble og fór með það til fram-
leiðenda. Nú standa tökur á mynd-
inni yfir og ólíkt því sem ýmsir
kynnu að halda er ekki um til-
raunaverkefni að ræða heldur eru
miklar vonir bundnar við myndina
og leikstjórann unga. Meðal þeirra
sem hafa veitt Mays athygli er Todd
Black, framleiðandi myndanna
„The Pursuit of Happyness“ og
„The Great Debaters“. Black segist
þegar í stað hafa sannfærst um að
drengurinn ætti framtíðina fyrir
sér. „Ég hef aldrei hitt neinn á þess-
um aldri jafnsjálfsöruggan og -fag-
mannlegan. Hann veit nákvæmlega
hvað hann vill og hvernig hann á
að öðlast það. Þrátt fyrir ýmsar
hindranir gerir hann raunhæfar
kröfur og setur sér metnaðarfull
markmið,“ segir hann.
Hæfileikaríkur unglingspiltur í Los Angeles
Upprennandi leikstjóri
Þrátt fyrir ungan aldur er
Malcolm Mays að vinna
að sinni fyrstu kvikmynd
í fullri lengd en myndin
fjallar um sannsögulega
atburði.
Fagmannlegur ungling-
ur Malcolm Mays á töku-
stað ásamt leikkonunni
Misty Alli.
➤ Hefur frá 15 ára aldri veriðaðstoðarleikstjóri fjölmargra
stuttmynda.
➤ Kláraði handritið að mynd-inni Trouble fyrir ári síðan, þá
einungis 16 ára gamall.
MALCOLM MAYS
Aðalsteinn Ingólfsson verður
með leiðsögn um sýninguna Fal-
inn fjársjóður á Kjarvalsstöðum
næstkomandi sunnudag, þann
30. desember klukkan 15, en nú
eru síðustu forvöð að sjá sýn-
inguna. Hið umtalaða verk Kjar-
vals, Hvítasunnudagur, hefur lað-
að að sér fjölmarga gesti frá því
að sýningin var opnuð.
Leiðsögn um
Falinn fjársjóð
Hljómsveitin
Jack London
heldur
brottfarar-
tónleika í safn-
aðarheimili Fíla-
delfíukirkjunnar
í kvöld, 28. des-
ember klukkan
21. Tilefnið er ferð hljómsveit-
arinnar til Chicago í janúar þar
sem hún hyggst taka upp sína
fyrstu plötu. Aðgangseyrir er
1500 krónur og miðasala við inn-
ganginn.
Jack London
í Fíladelfíu
kökur með 1” til 2” hólkum
bomba.is
Þetta er
sú minnsta
Sprengjukóngurinn
verður á staðnum
49 skota
100 skota
300 skota
600 skota
Víkurhvarf 6, Kópavogi
Eingöngutertur
Flugeldasala fagmannsins
Við hjálpum þér
að gera áramótin
eftirminnileg
Flugeldasala