24 stundir - 08.04.2008, Side 9

24stundir ÞRIÐJUDAGUR 8. APRÍL 2008 9
Réttarhöld hófust í Þórshöfn í Færeyjum í gær-
morgun yfir Íslendingi, sem ákærður er fyrir að hafa
tekið við og meðhöndlað mikið magn fíkniefna í Fær-
eyjum. Málið tengist svonefndu Pólstjörnumáli, sem
dómur féll í hér á landi fyrir skömmu. Maðurinn hefur
játað sök í nokkrum ákæruatriðum en neitað sök í
öðrum.
Fram kemur á fréttavef færeyska útvarpsins, að Ís-
lendingurinn sé ákærður fyrir stórfelld fíkniefnabrot
sem varði allt að 10 ára fangelsi. Maðurinn er grun-
aður um, að hafa tekið á móti Íslendingunum tveimur,
sem sigldu með efnin frá Danmörku til Íslands með
viðkomu í Færeyjum.
Maðurinn er ákærður fyrir að hafa haft í fórum sín-
um 1,8 kíló af sterkum fíkniefnum, sem fundust við
húsleit heima hjá honum í Þórshöfn. Þá er hann
ákærður fyrir að hafa tekið við og geymt tímabundið
24,35 kíló af amfetamíni, 14,92 kíló af e-töfludufti og
1.745 e-töflur og fyrir að hafa tekið þátt í að smygla
þessum efnum frá Færeyjum aftur ef undan eru skilin
796 grömm af amfetamíni og 982 grömm af e-töflu-
dufti, sem fundust í fórum hans.
Maðurinn, sem er 25 ára gamall, hefur verið í
gæsluvarðhaldi í Þórshöfn frá því í september og sætt
einangrun mestan hluta þess tíma. mbl.is
Pólstjörnumálið tekið fyrir í Færeyjum
Réttað yfir Íslendingi
Dóphaugurinn Lögreglan sýndi
fíkniefnin sem fundust í skútunni.
Eftir Hlyn Orra Stefánsson
hlynur@24stundir.is
„Ég hef miklar efasemdir um að
skorkort eigi við í jafn flókinni
stofnun og háskóla,“ segir Gunnar
Helgi Kristinson, prófessor í
stjórnmálafræði við Háskóla Ís-
lands.
Til stendur að innleiða skorkort-
ið á næstu mánuðum en það er
safn árangursmælikvarða sem eiga
að endurspegla þætti sem mikil-
vægir eru fyrir stefnu háskólans og
ætlað er að meta framlag háskóla-
kennara. Þegar hafa nokkrar skorir
innan félagsvísindadeildar lagt
fram ályktun þess efnis að drögin
að skorkortinu séu of raunvísinda-
miðuð.
Kemur kortið meðal annars til
vegna samnings milli menntamála-
ráðuneytisins og Háskóla Íslands
um að háskólinn fengi viðbótar-
framlag, gegn því að geta sýnt fram
á betri árangur.
Fara yfir í þunglamalegt kerfi
„Auk þess átta ég mig ekki alveg
á hvers vegna menn vilja fara yfir í
frekar þunglamalega árangursmæl-
ingu, eins og skorkortið er, frekar
en að nota það árangurskerfi sem
er til staðar og hefur skilað Háskóla
Íslands góðum árangri,“ bætir
Gunnar Helgi við og bendir á að
nú þegar sé háskólinn með vinnu-
matskerfi sem meti nánast allt sem
akademískir starfsmenn hans gera.
Gunnar Helgi varar auk þess við
því að of mikið sé gert úr mark-
miðinu um að koma Háskóla Ís-
lands í hóp 100 bestu háskóla
heims. „Ekki má gefa þeirri hug-
mynd of mikið vægi á kostnað
hlutverks háskólans fyrir samfélag-
ið.“
Raunvísindamiðað skorkort
Jónína Einarsdóttir, dósent í
mannfræði, er einnig gagnrýnin á
þau drög að skorkorti sem lögð
hafa verið fram. „Við höfum gagn-
rýnt að sami mælikvarði sé hafður
á vinnuframlagi allra, enda eru
mismunandi áherslur og birtinga-
hefðir á milli fræðigreina.“
Hún segir að miðað við þau
drög sem lögð hafi verið fram sé
vinnumatið of raunvísindamiðað
og taki ekki nægilegt mið af þeim
birtingahefðum sem gilda í fé-
lagsvísindum. „Að mínu mati væri
eðlilegra að hafa tvö vinnumats-
kerfi; eitt fyrir félags- og hugvísindi
og annað fyrir raunvísindi.“
Snjólfur Ólafsson, prófessor við
viðskipta- og hagfræðideild, sem
ásamt öðrum vinnur að gerð skor-
kortsins, segir unnið að því að
vinnumatskerfið samræmist sem
best ólíkum fræðigreinum.
Magn á kostnað gæða
Einn mælikvarðanna í skorkorti
háskólans er fjöldi doktorsnema
við skólann og er það talið til
marks um framför háskólans að
fjöldi doktorsnema aukist. „Það
virðist vera meira lagt upp úr
magni doktorsnema en gæði dokt-
orsnáms,“ segir Jónína. „En á end-
anum bítur það í skottið á sér, því
ekki getur verið heppilegt fyrir
nemendur í doktorsnámi að vera
með kennara sem hafa of marga
nemendur.“
Snjólfur tekur undir að mikil-
vægt sé að Íslendingar sæki sér
menntun sem víðast um heim,
enda stuðli það að fjölbreytni ís-
lensks vinnumarkaðar. „Hins vegar
eru sífellt fleiri Íslendingar sem
vilja og þurfa að sækja sér fram-
haldsmenntunar og það hafa ekki
allir tækifæri til að sækja nám er-
lendis.“
Því hafi fjölgun doktorsnema
við Háskóla Íslands, bæði íslenskra
og erlendra, verið eitt af því sem
mest hafi verið lagt upp úr þegar ný
stefna háskólans var mótuð fyrir
tveimur árum.
Í hópi 100 bestu? Pró-
fessor í stjórnmálafræði
varar við að of mikið sé
gert úr því markmiði.
Kennarar ósátt-
ir við skorkort
 Ekki eru allir sáttir við fyrirhugað árangursmælikerfi háskólans
 Efast um réttmæti þess að leggja áherslu á fjölgun doktorsnema
➤ Skorkortið er safn árangurs-mælikvarða sem eiga að end-
urspegla mikilvæga þætti í
stefnu HÍ.
➤ Stefnt er að því að leggjaskorkortið fyrir undir lok vor-
misseris 2008.
SKORKORTIÐ