24 stundir - 16.04.2008, Blaðsíða 15

24stundir MIÐVIKUDAGUR 16. APRÍL 2008 15
Í framhaldi af forsíðufréttum og
umræðu í fjölmiðlum um upp-
sagnir 95 starfsmanna Stafnáss ehf.
nú í mars og vangaveltum um
ástæður þeirra uppsagna þá er svo
komið að félagið er knúið til svara.
Stafnás ehf. vann við uppsteypu
og frágangi utanhúss á tíu hæða
skrifstofuturni að Urðarhvarfi 6 í
Kópavogi fyrir Faghús ehf. Um
miðjan desember síðastliðinn þeg-
ar unnið var við uppgjör og
lokafrágang þá riftu Faghús ehf.
óvænt og fyrirvaralaust verksamn-
ingnum.
Með þeim gjörningi komust
Faghús ehf. hjá að greiða 80 millj-
óna króna lokareikning og ná að
halda eftir 40 milljón króna
geymslufé sem greiðast átti út við
verklok. Einnig náðu Faghús ehf.
út 80 milljóna króna verktryggingu
sem Stafnás ehf. hafði lagt fram. Til
að ná henni út var borið við meint-
um göllum á verkinu. Alls hafa
Faghús ehf. því tekið 200 milljónir
króna út úr Stafnási ehf. á tveimur
fyrstu mánuðum þessa árs. Verk-
samningurinn var upp á um 800
milljónir. Þetta þýðir að í raun hef-
ur Stafnás ehf. ekkert fengið greitt
fyrir frágang á húsinu að utan-
verðu. Þetta þýðir að ekkert er búið
að greiða fyrir gluggakerfið, ekkert
fyrir klæðningar útveggja og ekkert
heldur fyrir þak- og lóðafrágang.
TM Softwear leigir húsið og á
sama tíma og Faghús ehf. hirða
leigutekjur af húsinu er haldið eftir
25% af verksamningnum við
Stafnás ehf. vegna meintra „galla“.
Vegna „galla“ á húsi sem er í fullri
notkun og er eitt það glæsilegasta í
bænum og er og verður um ókom-
in ár öllum þeim handverksmönn-
um sem að því komu glæsilegur
vitnisburður um fagmennsku og
vönduð vinnubrögð.
Stafnás ehf. er fimm ára gamalt
félag og að missa 200 milljónir út
úr rekstrinum óvænt og skyndilega
er mikið áfall. Stafnás ehf. vinnur
nú að því að stefna Faghúsum ehf.
fyrir dómstóla til greiðslu á þessum
200 milljónum. Auk þess er Stafnás
ehf. með umtalsverðar kröfur á
hendur Faghúsum ehf. vegna mik-
illa viðbótar- og aukaverka sem
unnin voru á verktímanum sem fé-
lagið neitar að greiða.
Frá því þessi fyrirvaralausa rift-
un á verksamningnum í Urðar-
hvarfi 6 átti sér stað þá hafa for-
svarsmenn Stafnáss ehf. reynt að
finna leiðir til að halda áfram
rekstri, m.a. með því að setja í gang
sölu á eignum félagsins. Fyrir utan
eign og veðskuldir sem felast í 49
íbúða fjölbýlishúsi sem félagið
byggir á eigin reikning þá á félagið
um 200 milljónir í fasteignum,
tækjum og búnaði. Þessar eignir
ásamt kröfunum í Urðarhvarfinu
duga í dag vel fyrir skuldum félags-
ins.
Allir bankar á Íslandi eru lokaðir
í dag er sagt og það virðist vera
raunin. Þegar ljóst var upp úr
miðjum febrúar að djúpt yrði á
viðbótarfyrirgreiðslu þá var sú
ákvörðun tekin að segja upp öllum
starfsmönnum Stafnáss ehf. frá og
með 1. mars og loka öllum verk-
stöðum til að minnka væntanlegt
tjón starfsmanna, samstarfsaðila
og birgja. Áfram skyldi síðan unn-
ið við málareksturinn, selja eignir
og útvega fjármagn til að ljúka
íbúðunum 49. Takist ekki að út-
vega það fjármagn þá hafa Faghús
ehf., með því að halda eftir þessum
200 milljónum, gert Stafnás ehf.
gjaldþrota. Eigendur Faghúsa ehf.
munu sjálfsagt fagna því á sinn
hátt með aurana í vösunum sem
nota átti til að greiða samstarfs-
aðilum og starfsmönnum Stafnáss
ehf. laun.
Stjórn Stafnáss ehf.
Uppsagnir 95 starfsmanna Stafnáss ehf.
UMRÆÐAN aStjórn Stafnáss ehf.
Þessar eignir ásamt kröf-
unum í Urðarhvarfinu
duga í dag vel fyrir skuld-
um félagsins. Allir bankar
á Íslandi eru lokaðir í dag
er sagt og það virðist
vera raunin.
Vatnsendi Þessi mynd
var tekin yfir Vatns-
endasvæðið áður en öll
uppbyggingin hófst.
24stundir/RAX
Mikið hefur verið skrifað um
nýjan veg milli Þingvallasveitar og
Laugarvatns, mikill og óskiljanleg-
ur áróður gegn þessum vegi sem
virðist byggjast á miklum mis-
skilningi. Forsíðufrétt birtist í 24
stundum 20. mars ‘08. þar sem
segir: Þingvellir af heimsminja-
skrá? Vegna vegaframkvæmda í
Þingvallaþjóðgarði.
Blaðamaðurinn sem skrifar
greinina virðist ekki þekkja við-
fangsefnið, fer þess vegna með
staðlausa stafi. Það er ekki verið
að leggja veg um Þingvallaþjóð-
garð þar má ekki hreyfa við steini
né gera annað jarðrask. Hins veg-
ar má höggva skóg í þjóðgarð-
inum.
Lyngdalsheiðarvegur kemur al-
farið í stað Gjábakkavegar ekki
bara í stað vestari hlutans eins og
stendur í greininni. Núverandi
Gjábakkavegur er gamall hest-
vagnaslóði sem hefur verið end-
urbættur með ofaníburði síðar
með olíumöl að hluta. Hann ligg-
ur víða yfir Kóngsveginum sem
ætti að merkja og helst að friðlýsa.
Þeir sem vilja gera Gjábakkaveg
upp og lagfæra sjá ekki lengra en
nef þeirra nær. Það yrði jafndýrt
að lagfæra hann eins og að leggja
nýjan veg, það vita allir sem
þekkja aðstæður. Hér er miðað við
heilsársveg með 90 km hámarks-
hraða. Að tala um að færa há-
markshraða niður í 50 km er bara
barnaskapur. Þá yrði að byggja
hraðahindranir með 200 m milli-
bili allan veginn. Endurbyggður
Gjábakkavegur myndi auka um-
ferð um þjóðgarðinn sem ég hélt
að væri verið að forðast. Nýr veg-
ur, Lyngdalsheiðarvegur, er 5 km
sunnar en Gjábakkavegur, það er
að segja 5 km fjær þjóðgarðinum.
Það eru 4 km frá Lyngdalsheið-
arvegi að Þingvallavatni. Frá Gjá-
bakkavegi að Þingvallavatni eru
700-800 m. Frá Lyngdalsheiðar-
vegi að hrygningarstöð urriðans í
Öxará eru 11 km. Það þarf mikinn
speking til að sannfæra mig um að
þessi vegur mengi hrygningarstöð
urriðans.
Lyngdalsheiðarvegur (365) ligg-
ur 100 m lægra í landinu. Hann
tengist við veg (36) móts við Mið-
fell. Þar greinast leiðir og vegfar-
endur hafa val, að fara um Þing-
völl eða Sogsveg, Grafningsveg,
Nesjavallaveg (Dyraveg). Í grein-
inni er haft eftir framkvæmda-
stjóra Landverndar að það sé verið
að færa umferðina nær Þingvalla-
vatni sem er alveg þveröfugt. Hún
færist 4 km fjær vatninu. Þeir sem
halda því fram að hvítt sé svart og
svart sé hvítt ættu að leita sér
hjálpar. Ég vil meina að Lyngdals-
heiðarvegur komi til með að létta
á umferð um þjóðgarðinn.
Ég vil benda heimsminjanefnd
Íslands á að bjóða yfirmanni
heimsminjanefndar UNESCO til
Þingvalla og láta hann dæma
hvort sé meiri mengunarhætta frá
Lyngdalsheiðarvegi eða öllum
sumarbústöðunum í þjóðgarðin-
um.
Þriðjudaginn 25. mars kemur
grein í Fréttablaðinu um Gjá-
bakkaveg. Þar er aftur Landvernd-
armaður á ferð sem telur Lyng-
dalsheiðarveg óþarfan. Hann
heldur að verið sé að laga þennan
veg eingöngu fyrir örfá skólabörn.
Hafa þessir ágætu Landverndar-
menn spurt heimamenn á skóla-
setrinu að Laugarvatni hvort þeir
telji þennan veg óþarfan? Hafa
þeir spurt rútubílstjóra sem aka
þessa leið? Hafa þeir spurt sum-
arbústaðafólk á þessu svæði? Vita
Landverndarmenn að 70-80%
túrista sem til Íslands koma fara
um þetta svæði, Þingvelli, Laug-
arvatn, Gullfoss og Geysi?
Ég get alveg unnt þessum fáu
skólabörnum, sem getur eflaust
fjölgað, þess að stytta akstur þeirra
um 44 km á dag. Það er ekki í
verkahring Landverndarmanna að
stjórna því hvert við sendum
börnin okkar í skóla. Við ætlum
að ráða því sjálf. Ég treysti vega-
gerðarmönnum vel til að hanna
og byggja Lyngdalsheiðarveg, þar
sem klárir menn kunna sitt fag.
Ég vona að vegurinn verði boð-
inn út sem fyrst.
Höfundur er bóndi að Mjóanesi
Athugasemdir við greinar
um Gjábakkaveg
UMRÆÐAN aJóhann Jónsson
Hafa þessir
ágætu Land-
verndarmenn
spurt heima-
menn á
skólasetrinu
að Laug-
arvatni hvort þeir telji
þennan veg óþarfan?
Þingvellir „Það er ekki
verið að leggja veg um
Þingvallaþjóðgarð þar
má ekki hreyfa við steini
né gera annað jarðrask.“
24stundir/Þorkell
Í gær fór fram síðasta umræða
um svokölluð varnarmálalög sem
Ingibjörg Sólrún Gísladóttir utan-
ríkisráðherra kynnti til sögunnar í
vetur með sérstöku frumvarpi.
Hún hefur kallað þessi nýju lög
tímamót og eru það orð að sönnu:
Lögin marka tímamót því með
þeim er tekinn meiri og virkari
þáttur í hernaðarbrölti og ógeð-
felldum verkefnum hernaðar-
bandalagsins NATO, svo sem stríð-
inu sem nú geisar í Afganistan. Það
var táknrænt fyrir sóunina og firr-
inguna sem fylgir þessari nýju víg-
væðingarstefnu utanríkisráðherra
að Ingibjörg og Geir skyldu fara
með einkaþotu á NATO-fundinn í
Búkarest þar sem bandalagið hvatti
aðildarríkin til að eyða meiri pen-
ingum í stríð og vígbúnað.
Hervæðing á forsendum NATO
Við í Ungum vinstri grænum
höfum gert okkar besta til að
sporna við þessari nýju hervæðingu
í varnarmálalögunum. Við höfum
haldið fundi, skrifað margar grein-
ar og gefið út sérstakan bækling þar
sem við vörum við lögunum og
breyttri stefnu Íslands gagnvart
NATO. Eitt af því sem við bentum
á var að með frumvarpinu er það í
fyrsta sinn sett í lög að á Íslandi
skuli fara fram heræfingar og að
þær skuli vera á kostnað íslensku
þjóðarinnar – þeirrar sömu ís-
lensku þjóðar og á að heita herlaus
og friðsöm. Annað atriði er að nú
er í lögum kveðið á um fulla þátt-
töku Íslands í hernaðarstarfinu í
NATO, meðal annars með því að
Íslendingar sitji fundi í herstjórn-
armiðstöðvum bandalagsins. Með
því er brotið blað í utanríkissögu
Íslands því jafnvel þegar háværustu
deilurnar voru uppi um NATO-að-
ildina, þá voru alltaf gerðir skýrir
fyrirvarar við þátttökuna í hernað-
arlegu samstarfi á vegum NATO.
1500 milljóna sóun
Annað atriði sem við bentum á
var sú mikla sóun fjármuna sem
þetta frumvarp kynnir til sögunnar.
Stofna á sérstaka „Varnarmála-
stofnun“ sem gleypir um 1500
milljónir króna á hverju ári. Fyrir
þá upphæð mætti til dæmis fjölga
leikskólaplássum um eittþúsund og
fimmhundruð eða byggja nokkra
nýja framhaldsskóla á landsbyggð-
inni. Það mætti líka nýta þessa pen-
inga alla í að styrkja almenna lög-
gæslu, almannavarnir og tollgæslu
– 1500 milljónir gætu auðveldlega
leyst fjárhagsvanda lögreglunnar á
Suðurnesjum fimmfalt. Ef mönn-
um er alvara með þeim orðum sín-
um að varnarmálalögin eigi að
tryggja öryggi íslenskra borgara þá
er hægðarleikur að nota peningana
þar sem þörfin er mest en ekki í til-
gangslausa stríðsleiki og hernaðar-
brölt á íslenskri grund. Staðreyndin
er nefnilega sú að varnarmálalögin
snúast ekki um varnir okkar heldur
virkari þátttöku í NATO-starfi, og
útgjöldin sem nú eiga að renna til
varnarmála renna beint eða óbeint
til hernaðarbandalagsins NATO og
þátttöku okkar í því.
Árásarbandalagið NATO
Við höfum líka reynt að draga
upp dálítið aðra mynd af NATO en
þá sem utanríkis- og forsætisráð-
herra – þotuliðið – kyrjar nú í
hverjum fréttatíma, að NATO sé
„varnarbandalag“ eða „öryggis-
bandalag“. Staðreyndin er sú að
helstu verkefni NATO í gegnum
söguna eru loftárásirnar á Júgó-
slavíu og stríðið í Afganistan.
Hvort tveggja er árásarstríð gegn
þjóðum utan bandalagsins en snýst
ekki um varnir aðildarríkjanna eða
öryggi borgaranna þar. Með þessu
frumvarpi og nýrri stefnu utanrík-
isráðherra í málefnum NATO – það
sem hún kallar „virka utanríkis-
stefnu“ – er verið að taka meiri þátt
í þessu ógeðfellda bandalagi og öll-
um þeim styrjöldum sem því fylgja.
Í því felst fyrirvaralaus stuðningur
við þá hernaðarhyggju sem Sam-
fylkingin talaði gegn fyrir kosning-
ar og lofaði kjósendum sínum að
breyta ef hún kæmist til valda.
Höfundur er formaður
Ungra vinstri grænna
Vígvæðing
með einkaþotu
UMRÆÐAN aAuður Lilja Erlingsdóttir
Stofna á sér-
staka „Varn-
armálastofn-
un“ sem
gleypir um
1500 millj-
ónir króna á
hverju ári.