24 stundir - 16.04.2008, Blaðsíða 34

34 MIÐVIKUDAGUR 16. APRÍL 2008 24stundir
Eftir Sigurð Boga Sævarsson
sigbogi@simnet.is
Ístak mun á sýningunni Verk og
vit kynna nýtt iðnaðarsvæði á
Tungumelum í Mosfellsbæ sem
liggur milli Tungukvíslar og Leir-
vogsár. Þar hefur fyrirtækið byggt
upp eigin aðstöðu en heildarbygg-
ingamagnið sem fyrirliggjandi
deiliskipulag gerir ráð fyrir er alls
70 þúsund fermetrar. „Við erum
þessa stundina að vinna í gatna-
gerð á svæðinu, þannig að upp-
bygging geti hafist. Raunar er tals-
vert meira í farvatninu, því nú er í
skipulagsferli að stækka svæðið
svo þar megi byggja alls um 200
þúsund fermetra,“ segir Loftur
Árnason, framkvæmdastjóri Ís-
taks.
Loftur segir sérstöðu Tungu-
mels þá að lóðirnar þar séu al-
mennt stórar aukin heldur sem
sameina megi tvær eða fleiri lóðir
í eina eftir þörfum viðskiptavina í
hverju tilviki um sig.
Halda að sér höndum
„Lóðir hafa mjög marga kosti
hvað varðar þarfir atvinnulífsins.
Svæðið liggur til dæmis mjög vel
við öllum samgönguæðum og
með Sundabraut eru Tungumelar
í snertispöl frá Reykjavík. Mögu-
leikar þessa svæðis eru því afar
margir,“ segir Loftur sem bætir
því við að sem sakir standa sé
bygginga- og lóðamarkaðurinn í
ákveðinni biðstöðu. Menn haldi
að sér höndum með alla uppbygg-
ingu, enda liggi peningar ekki á
lausu. Fjármögnun flestra þeirra
verkefna sem nú sé unnið að hafi
verið tryggð áður en syrta tók í ál-
inn á mörkuðum.
„Þegar rofar til þarf bygging-
ariðnaðurinn alltaf ákveðinn tíma
til að komast á skrið aftur. En þeg-
ar að því kemur getur uppbygging
iðnaðarsvæða eins og á Tungu-
melum verið með ótrúlegum
hraða.
Grænland, Vatnsmýri
og Akureyri
Stærsta verkefnið sem Ístak
vinnur að um þessar mundir er
bygging vatnsaflsvirkjunar í Sisi-
miut á vesturströnd Grænlands.
Innanlands er fyrirtækið sömu-
leiðis með fjölmörg járn í eldinum
og má þar nefna nýbyggingu Há-
skólans í Reykjavík í Vatnsmýrinni
og verslunarhús við Vesturlands-
veg fyrir þýsku byggingavörukeðj-
una Bauhaus. Þá vinna Ístaks-
menn að stækkun stöðvarhúss
Hellisheiðarvirkjunar fyrir Orku-
veitu Reykjavíkur og norður á Ak-
ureyri hafa þeir verið aðalverktak-
inn við menningarhúsið Hof. Eru
þá ýmis verkefni ónefnd.
„Velta Ístaks á síðasta ári var
um fimmtán milljarðar króna og
ég býst við að hún verði svipuð í
ár. Því er hins vegar ekkert að
leyna að byggingamarkaðurinn er
með daprasta móti um þessar
mundir og menn eru tvístígandi.
Ýmis verkefni sem áður virtust í
hendi eru í biðstöðu. Ég vona þó
að nú fari að rofa til – og raunar
sjást ýmis merki þar um, segir
Loftur Árnason.
Ístak kynnir iðnaðarsvæði í Mosfellsbæ
Markaður í biðstöðu
➤ Tungumelar liggja vel viðsamgönguæðum.
➤ Byggja vatnsaflsvirkjun í Sisi-miut á Grænlandi.
➤ Velta Ístaks er fimmtán millj-arðar.
ÍSTAKByggja má 200 þúsund
fermetra á Tungumelum í
Mosfellsbæ. Ístak kynnir
svæðið. Fyrirtækið er
með mörg járn í eldinum.
Vonandi rofar til „Ýmis verk-
efni sem áður virtust í hendi
eru í biðstöðu,“ segir Loftur
Árnason, forstjóri Ístaks.
Fyrirtækið Tæki.is að Hjalla-
hrauni í Hafnarfirði er brautryðj-
andi í leigu körfubíla frá árinu
1982 en fyrirtækið tók upp núver-
andi nafn árið 2004. „Pabbi, Þor-
steinn Auðunn Pétursson, byrjaði
að leigja út körfubíla árið 1982 og
var einn af þeim fyrstu á þeim
markaði,“ segir Aron Þorsteinsson
hjá Tæki.is. „Þegar ég kem inn í
fyrirtækið hófum við að leigja út
lyftara, gröfur og fleira. Tæki.is er
eingöngu leigufyrirtæki og við
leigjum út alls kyns tæki, til að
mynda lyftara, körfubíla, gröfur og
rafstöðvar.“
Tæki.is er með tæplega 300 tæki
til útleigu og Aron segir að flest
þessara tækja séu í vinnu. „Mörg
tækjanna eru í langtímaleigu, í
mánuði, ár og jafnvel meira en ár.
Það eru aðallega lyfturnar og lyft-
ararnir sem eru í langtímaleig-
unum en gröfur, rafstöðvar og
annað er frekar í styttri leigu.“
Aðspurður af hverju fyrirtæki
kjósi að leigja tæki á við þessi í stað
þess að kaupa þau segir Aron að
það borgi sig því þjónusta við tæk-
in sé innifalin. „Við berum ábyrgð
á tækinu, svo framarlega sem það
er eðlilegt viðhald. Svo erum við
með flutningabíla sem koma tækj-
unum fram og til baka og það er
því ekkert vesen að fá tækin.“
svanhvit@24stundir.is
Tæki.is leigir út körfubíla, lyftara, gröfur o.fl.
Áreiðanleg og góð þjónusta
Tæki.is Mikið úrval
af alls kyns tækjum
til útleigu.
Securitas verður með tvo sýn-
ingarbása á sýningunni Verk og vit.
Gestir geta þar kynnt sér bæði
Myndvörn Securitas og Heima-
vörn Securitas.
Myndvörn og heimavörn
Myndvörnin samanstendur af
fjórum innimyndavélum, upp-
tökubúnaði og skjá, en einnig er
hægt að bæta við búnaði s.s. úti-
myndavélum. Myndvörnin er ein-
föld í notkun og gerir notanda
kleift að hafa góða yfirsýn og eft-
irlit með húsakynnum fyrirtækja.
Einnig er einfalt að skoða upp-
tökur í búnaðinum og sjá það sem
gerst hefur.
Heimavörnin er ekki eingöngu
innbrotavörn fyrir heimilið, heldur
einnig brunavörn. Allir skynjarar
Heimavarnarinnar eru beintengdir
á stjórnstöð Securitas á Neyðarlín-
unni 112. Enginn stofnkostnaður
er við að fá sér Heimavörn.
Securitas verndar heimili og fyrirtæki
Myndavélar á verðinum
allan sólarhringinn
Fyrirtækið Íslandslyftur er með
allar lausnir sem hugsast getur
til að uppfylla aðgengi fyrir fatlaða
og aðra í íbúðarhúsnæði, opinber-
um byggingum og fyrirtækjum, að
sögn Helga Skúla Helgasonar,
sölustjóra Íslandslyfta. „Það má því
segja að við séum með lyftur sem
lyfta allt frá nokkrum tröppum og
upp í skýjakljúfa en lyfturnar eru
alls konar. Vinsælustu lyfturnar
eru pallalyftur, hjólastólalyftur auk
þess sem áhuginn fyrir sætislyftum
í stiga er að vakna hér á landi. Í
Bretlandi og Skotlandi kaupa yf-
irvöld sætislyftur til að gera öldr-
uðu fólki kleift að búa lengur
heima hjá sér en ef mjaðmakúlur
eða eitthvað slíkt er orðið lélegt og
fólk treystir sér ekki til að ganga
upp stiga lengur þá geta sætislyftur
leyst úr því til margra ára. Svo vor-
um við að byrja innflutning á bíla-
stæðislyftum sem eru alveg nýjar á
Íslandi. Með bílastæðislyftum er
hægt að leggja tveimur bílum í
sama stæðið, öðrum bílnum er lagt
ofan á lyftuna og honum er lyft
upp og hinum bílnum er lagt und-
ir,“ segir Helgi Skúli og bætir við
að bílalyftan hafi þegar vakið mikla
athygli. „Við erum með bíl á lyftu á
Verki og viti í Laugardalshöll og
það hefur þegar vakið mikla at-
hygli. Það er líka hægt að nota lyft-
una til að geyma fellihýsi, hjólhýsi
eða hvað sem er, ef bílskúrinn er
stór og það er hátt til lofts. Svo er-
um við vitanlega með venjulegar
lyftur og erum til dæmis með
stærsta lyftuumboð í heiminum,
Otis.
Vélarrýmislausar lyftur eru vin-
sælastar í dag enda taka þær minna
rými en þær gömlu. Við erum líka
með hjólastólalyftur, Aritco, sem
eru mjög vinsælar af því að það er
svo auðvelt að koma þeim fyrir í
eldra húsnæði.“
svanhvit@24stundir.is
Íslandslyftur: Með allar lausnir í lyftum
Vinsælar og þægilegar
Vertu velkominn á sýningarbása Ísmar á
Verk og Vit 2008
A9, A10 og G4