Morgunblaðið - 24.09.2003, Blaðsíða 20

lifun
Lýsing – gerir heimilið að heimili segja margir og skiptir öllu máli.
Hægt að skrifa lærða grein um lýsingu en best að segja að hugsa
hana vandlega. Ef verið er að gera upp eða byggja er tækifæri til að
hanna lýsingu og gera ráð fyrir ljósum í loftum og veggjum. Loftljós
og lampar skreyta. Gerð og ljósstyrk pera skal hafa í huga til að
andrúmsloftið verði rétt. Einnig borgar sig að taka tillit til þess
hvernig lampar og ljós lýsa; upp, niður, vítt, þröngt, beint eða á ská.
stofur
Gólfefnin eru grunnurinn – það borgar sig að vanda valið á
gólfefnum því þeim er kostnaðarsamt að breyta og það kostar
mikla fyrirhöfn. Parketið er alltaf vinsælast og eikin hefur verið
ráðandi undanfarið. Beykið hefur aðeins haldið sig til hlés, hvít
áferð vakið forvitni og hnotan rutt sér til rúms. Annars er mynstur í
parketi eins og á árum áður tískusveifla erlendis, sömuleiðis
nokkrir litir í flísum notaðir saman og teppi og aftur teppi. Það
þykir flott að teppaleggja með vönduðum og þykkum ullar-
teppum, rýjateppum, og þá í litum og með sterku mynstri. Mottur
eru einnig áberandi og sísal og kókos halda velli en einnig mælt
með þeim í litum.
Arnar – opinn eldur er aðlaðandi og frábært að hafa arin ef
möguleiki er á. Það eru mörg atriði sem hafa þarf í huga þegar
kemur að aringerð, fagleg jafnt sem þau sem varða útlit. Það eru
ekki miklar eða örar tískusveiflur í örnum en hreinar og beinar
línur hafa einkennt arna undanfarið. Eldstæðið verið niðri við gólf
eða í miðjum ramma, engar hliðar á arni og eldstæðið á n.k. hillu.
Áferð arna er einnig hægt að hafa fjölbreytta og jafnvel breyta
reglulega; hafa arininn ómálaðan til að byrja með og þá leyfa
múráferðinni að sjást. Mála hann síðan seinna, skipta reglulega
um lit og kannski flísaleggja hann síðar.
Gardínur – einfaldlega voða
lítið um þær að segja því ein-
hvern veginn er ekkert í tísku
eða einfaldlega allt. Látlaust
yfirbragð hefur verið einkenn-
andi, gardínur eiga ekki að
draga að sér athyglina heldur
draga úr birtu og geislum án
þess að myrkva. Þær eiga ekki
að hylja fallega glugga eða
útsýni. Rúllugardínur, felli-
gardínur, „screen“gardínur,
rimlagardínur, viðarfellitjöld.
Vængir úr þunnum og gegn-
sæjum efnum sem hanga eða
eru strengdir á stöng sem n.k.
rammi í gluggann og þá í
ýmsum sniðum.
Unnir veggir – öðruvísi áferð,
litur, mynstur, flísar, vegg-
fóður, viður. Mikið notað hjá
þeim sem leggja línurnar. Allt
gengur upp bara ef það er
óvenjulegt og setur svip.