Morgunblaðið - 24.09.2003, Blaðsíða 24

lifun
innlit
Hvernig lýsir þú eigin stíl?
„Hann er gamaldags og notalegur og að sumu leyti
kannski svolítið tímalaus, en hér er hann sniðinn að stærð
hússins og aldri þess.“
Uppáhaldshluturinn?
„Heartland-gaseldavélin sem við keyptum frá Kanada.
Það er alveg frábært að elda á henni. Gaseldavélin er líka
svo skemmtilega gamaldags, framleidd með sama útliti
og var á henni fyrir hundrað árum.“
Hefur stíllinn breyst í áranna rás?
„Nei, ekki svo mikið, við höfum ávallt verið hrifin af
þessum stíl.“
Hvar kaupir þú hluti fyrir heimilið?
„Í Tekk-Vöruhúsi, Dúxíana/Gegnum glerið, Öndvegi og
Pottery Barn í Bandaríkjunum.“
Hvað langar þig í núna fyrir heimilið?
„Ekkert sem stendur, við erum mjög sátt eins og er.
Næstu verkefni eru utandyra, pallar, gangstéttir, matjurta-
garður og að lagfæra þakið á bílskúrnum.“
Breytir þú umgjörð heimilisins eftir árstíðum?
„Já, ég bæti mörgum kertaljósum við yfir haust- og
vetrartímann og skrauti því tengdu. Yfir vor- og sumar-
tímann er ég með blómaskraut og páska- og jólaskraut
tekur að sjálfsögðu mikið pláss yfir hátíðirnar. Ég hef mjög
gaman af því að skreyta, sérstaklega fyrir jólin og byrja á
því strax í byrjun desember, bæði úti og inni.“
Uppáhaldslistamaður eða hönnuður?
„Myndlistarmennirnir Egill Eðvarðsson og Karólína
Lárusdóttir og þýski hönnuðurinn Gunther Lambert.“
Þarfasta heimilistækið?
„Gaseldavélin.“
Hefur starf þitt og ferðalög haft áhrif á umgjörð
heimilisins?
„Já, að einhverju leyti hefur það gert það. Starfs míns
vegna ferðast ég mikið og ég hef mjög gaman af því að
skoða húsgagna- og heimilisverslanir erlendis þegar
tækifæri gefst.“
Hvar er best að borða og hver er uppáhaldsmaturinn?
„Hér heima á Lambastaðabrautinni og á veitingahúsinu La
Primavera. Við erum mjög hrifin af ítölskum mat og
íslenskri villibráð.“