24 stundir - 24.07.2008, Síða 13

24stundir FIMMTUDAGUR 24. JÚLÍ 2008 13
Fjölmiðlar greindu frá því aðHelgi Seljan Kastljós-stjarna hefði
farið til sjós í eina
viku og haft 700
þúsund upp úr
krafsinu. Janframt
er þess getið að
Helgi hafi verið í
feðraorlofi síðan 1. maí, eftir að
hann eignaðist dóttur. Bloggarinn
Árni Árnason telur að Helgi sé
þar með að leika á kerfið því hann
fái greitt frá ríkinu 80% af laun-
um sínum meðan hann sé í feðra-
orlofi og ætti fremur að vera
heima hjá barni sínu en úti á sjó.
„Ég vil að hart sé tekið á þeim
sem misnota þetta kerfi,“ segir
Árni og telur að menn eigi að vera
í vinnunni hafi þeir ekki áhuga á
að vera heima með fjölskyldunni.
Vefþjóðviljinn rifjar uppviðtal við Tryggva ÞórHerbertsson hagfræðing
í Fréttablaðinu frá árinu 2003 þar
sem hann var
spurður hvernig
ríkið ætti að bregð-
ast við þeirri miklu
þenslu sem þá var-
yfirvofandi. Tryggvi
lagði m.a. til að
stórframkvæmdum yrði frestað,
til dæmis að tónlistarhús yrði ekki
byggt í Reykjavík á meðan mesta
spennan væri í efnahagslífinu. „Ef
allir leggjast á eitt mun góðærið
skila sér til almennings en ef
menn fara út af sporinu verða
timburmennirnir miklir. Verð-
bólga, samdráttur og sársauki. Þá
fyrst brotlendum við,“ sagði
Tryggvi en Geir hefði kannski
betur hlustað á það sem ráðgjaf-
inn hafði að segja á þeim tíma.
Orð Bubba Morthens umað Björk Guðmunds-dóttir ætti frekar að
halda tónleika sína í þágu fátækra
en náttúrunnar hafa
farið eins og eldur í
sinu um netheima
og sitt sýnist hverj-
um. Jónas Sen, sem
túrar með Björk um
heiminn, telur að
Bubbi ætti að halda þá tónleika
sjálfur. En á blogginu minnist
hann einnig á að Björk hafi gefið
til fátækra. Á Wikipedia má lesa
að hún hafi gefið ágóða af plötu
með 20 endurútgáfum af laginu
Army Of Me til UNICEF eftir
flóðin miklu í Asíu um jólin 2004.
Í janúar árið 2006 hafði platan
skilað 250.000 pundum til UNI-
CEF. Björk hefur því heldur betur
styrkt fátæka.
elin@24stundir.is
KLIPPT OG SKORIÐ
Evrópusambandið er, þegar
grannt er skoðað, fyrst og fremst
pólitískt bandalag þjóða. Það byrj-
ar sem öryggis- og varnarsamtök
sem ætlað er að styrkja friðinn í
Evrópu með því að gera þjóðirnar
sem háðastar hver annarri. Síðan
þróast bandalag þjóðanna yfir í
formlegt ríkjasamband sem stefnir
í átt til sambandsríkis með eigin
ríkisstjórn, þing og dómstól og eig-
in mynt, rétt eins og Bandaríkin.
Undanfarin ár hefur verið rætt um
Evrópusambandið hér á landi nær
eingöngu á afmörkuðum efnahags-
legum forsendum. Þar hefur ekki
verið sem skyldi litið til þess að
Evrópusambandið er reist á póli-
tískum áherslum og að litið er til
heildarinnar fremur en einstakra
fámennra aðildarríkja. Bæði örygg-
is- og efnahagsleg sjónarmið Evr-
ópusambandsríkjanna eru að
miklu leyti önnur en Íslendinga.
Til þessa hefur hagsmunum okkar
verið mun betur varið utan ESB en
innan.
Þjóðir í Evrópu hafa háð styrj-
aldir hver við aðra öldum saman
og kannski aldrei eins illvígar og á
síðustu öld, þegar þær urðu tvisvar
að heimsstyrjöldum. Evrópu-
bandalaginu er ætlað að koma í veg
fyrir stríð. Leiðin er sú að starfa
saman friðsamlega og að gera þjóð-
irnar hver annarri háðar á sem
flestum sviðum. Með því móti
verður stríð öllum óbærilegt og
vonandi óhugsandi. Þetta er alveg
eðlileg viðleitni og ef Íslendingar
væru í miðri Evrópu með öll
gömlu stórveldin umhverfis sig,
Frakka, Þjóðverja, Austurríkis-
menn, Ítala o.s.frv. og hefðu um
aldir mátt þola yfirgang og stríð, þá
hygg ég að flestir myndu telja skyn-
samlegt að vera aðilar að þessu
bandalagi. En svo er ekki, Íslend-
ingar eru ekki í þessari stöðu og
hafa aldrei verið.
Austur-Evrópuríkin hafa þyrpst
inn í Evrópusambandið eftir hrun
Sovétríkjanna. Það eru að mörgu
leyti eðlilegar ástæður fyrir því. Þau
eru að tryggja öryggi sitt gagnvart
Rússum og fela Evrópusamband-
inu að koma fram við þá fyrir sína
hönd. Þau eru mörg háð olíu og
gasi frá Rússlandi og yrðu ein og
sér algerlega undir hælnum á þeim.
Að auki hafa margar Austur-Evr-
ópuþjóðir sóst eftir aðild að NATO
sem færir þeim hernaðarstuðning
Bandaríkjamanna. Íslendingar hafa
tryggt öryggi sitt með aðild að
NATO og þurfa ekki á Evrópusam-
bandinu að halda í þeim efnum.
Þriðja atriðið sem vert er að
benda á er að lífskjörin í ríkjum
gömlu Austur-Evrópu voru og eru
víða enn miklu lakari en vestan
járntjaldsins. Með aðild að Evr-
ópusambandinu fengu þjóðirnar
viðamikla efnahagslega aðstoð sem
með tímanum á að koma þeim úr
fátækt og skapa velferðarþjóðfélag.
Kostnaðurinn er gríðarlegur og
lendir á fáum þjóðum. En sjónar-
mið þeirra er að kostnaðurinn sé
þess virði, með þessu verði nýju að-
ildarríkin í austrinu bandamenn en
ekki óvinveitt og öryggi Evrópu og
friður verði betur tryggt. Sem fyrr
eru þetta aðstæður sem eiga ekki
við um Ísland og því ekki þörf á að
tryggja öryggi landsins með því að
greiða háar fjárhæðir til Evrópu-
sambandsins.
Þær pólitísku forsendur sem
skópu Evrópubandalagið eru aðrar
en eiga við á Íslandi. Að auki þá eru
lífskjör á Íslandi mun betri en í
flestum Evrópusambandsríkjum
og hér er ekki viðvarandi atvinnu-
leysi sem er landlægt í Evrópu. Ís-
lendingar hafa komist áfram og
skapað þjóðfélag sem er í fremstu
röð í heiminum þegar litið er til
þátta eins og menntunar, heilsu-
fars, umönnunar og lífskjara. Það
hefur verið gert með því að nýta
auðlindir lands og sjávar og hafa
heiminn allan undir í viðskiptum.
Evrópubandalagið hefur breyst í
Evrópusambandið og stefnir í Evr-
ópuríkið. Aðild að því getur vissu-
lega haft sína kosti, en því fylgir
líka mikið og vaxandi afsal full-
veldis. Slík þróun hefur áður orðið
hérlendis og ekki reynst vel.
Höfundur er alþingismaður
Pólitískt bandalag
VIÐHORF aKristinn H. Gunnarsson
Þær pólitísku
forsendur
sem skópu
Evrópu-
bandalagið
eru aðrar en
eiga við á Ís-
landi. Að auki þá eru lífs-
kjör á Íslandi mun betri
en í flestum Evrópusam-
bandsríkjum og hér er
ekki viðvarandi atvinnu-
leysi sem er landlægt í
Evrópu.
Það er meira
í Mogganum
Í LAUSASÖLU 200 ÁSKRIFT 2950 HELGARÁSKRIFT 1800 PDF Á MBL.IS 1800
í dag
Fimmtudagur 24. júlí 2008
 Birta Benónýsdóttir
hefur lokið fyrsta ári í
frönskum sirkusskóla.
» Meira í Morgunblaðinu
Sveiflandi róla
 Mikill áhugi er á Íslandi
sem mögulegum sýningar-
stað Manifesta 2012.
» Meira í Morgunblaðinu
Tvíæringur
 Tjaldstæði er ekki það
sama og tjaldsvæði.
» Meira í Morgunblaðinu
Valið er gestanna
 Ef menn fara að regl-
unum getur raunvirði
fyrirtækja hrapað.
» Meira í Morgunblaðinu
Viðskiptavildin
 Býflugnarækt gæti auk-
ið landbúnaðarframleiðslu
um allt að 10%.
» Meira í Morgunblaðinu
Býflugur til bjargar
Skólavörðustíg 21a
Njálsgötumegin
S. 551 4050 Skólavörðustíg 21a • Sími 551 4050 • Reykjavík
Fyrir brúðhjónin
Úrval af vönduðum sængurfatnaði
- kemur þér við
AUGLÝSINGASÍMI: 510 3744
íþróttir útivist
pólitík heilsa
fréttir fé&frami
golf 24fólk veiði
neytendavaktin
golf dagskrá
menning viðtöl
ferðalög viðskipti
garðurinn grill
24lífið bílar
neytendur umræða