24 stundir - 10.09.2008, Blaðsíða 17

24stundir MIÐVIKUDAGUR 10. SEPTEMBER 2008 17
Það er jafnan mikil gróska í tón-
listarnámi í landinu og það á ekki
síst við hjá Tónlistarskólanum
Tónsölum í Kópavogi. Skólinn er-
fjögurra ára í vetur en þar heldur
Ólafur Kristjánsson skólastjóri um
taumana. Aðspurður hvort það sé
alltaf jafnmikil eftirspurn eftir tón-
listarkennslu segir Ólafur að svo sé.
„Það má heldur ekki gleyma því að
flestir fara í tónlistarskóla til að
geta spilað sjálfum sér og öðrum til
ánægju, ekki endilega til að verða
útskrifaður einleikari eða tónlistar-
kennari.“
Tónsalir er svokallaður rytm-
ískur tónlistarskóli og Ólafur út-
skýrir hvað það er í einföldu máli.
„Rytmískan tónlistarskóla er ein-
faldast að útskýra sem svo að hann
er öll önnur tónlistarstefna heldur
en klassík tónlist og lúðrasveit-
artónlist. Talað er um rytmíska
tónlist sem djass, blús, rokk, fönk
og popp. Ekki er óalgengt hér í
skólanum að heyrist óma stef frá
Bítlunum, Clapton og þeirra fé-
lögum fram á ganga. Hér viljum
við hafa heimilislegan brag á starf-
seminni og viljum að þeim börn-
um og unglingum sem hér stunda
nám líði vel hjá okkur og að þau
hlakki til þess að mæta í tíma í
hverri viku. Hér eru flestir kenn-
arar nýbúnir að ljúka sínu námi
eða á lokastigum í sínu námi sem
tryggir okkur ferska strauma inn í
Tónsali. Kannski er best að lýsa
þessu í einni setningu þannig að
Tónsalir sé skemmtilegur tónlist-
arskóli, því þannig finnst mér að
allt nám eigi að vera.“
Nauðsynlegt að hafa val
Ólafur segir að það sé enginn
vafi á að áhugi á tónlistarnámi
aukist með hverju árinu. „Í dag er
þar að auki meiri fjölbreytni í vali á
tónlistarkennslu. Meirihluti barna
og unglinga velur að hlusta á rytm-
íska tónlist fremur en þá klassísku,
því fannst mér liggja beinna við að
þau myndu vilja læra að spila þá
tónlist. Ekki svo að skilja að verið
sé að kasta rýrð á aðra tónlistar-
skóla, heldur er nauðsynlegt að
börn hafi val. Ég held að nokkrar
skýringar séu á auknum áhuga
barna á tónlistarnámi. Einn áhrifa-
valdur er þeir sjónvarpsþættir sem
hafa verið á dagskrá undanfarin ár
eins og Idol og slíkir þættir. Annan
áhrifaþátt tel ég vera netið og betra
aðgengi fyrir börn að tónlist og
kennsluefni á netinu sem kveikir
neistann hjá mörgum. Ég tel að
áfram verði aukning í eftirspurn að
komast að í tónlistarnámi þar sem
sífellt fleiri uppgötva þá ánægju og
yndisauka sem fylgir því að geta
spilað á hljóðfæri fyrir aðra eða
bara einn í sínu horni.“
Gítar og trommur vinsælast
Það eru þó ekki bara börn og
unglingar sem nema í Tónsölum,
að sögn Ólafs. „Það eru í raun
bæði börn og unglingar svo og
fullorðnir sem koma til okkar.
Námið hjá okkur er ætlað börnum
og unglingum svo og önnur nám-
skeið. Við erum síðan með sérstök
fullorðinsnámskeið í gítarleik og
píanóleik sem hafa verið mjög vin-
sæl. Það eru námskeið sem er ætl-
uð fyrir leikskólastarfsmenn og
síðan það sem við köllum partíg-
ítarleik. Hér er í raun um svipuð
námskeið að ræða þar sem byrj-
endum eru kennd einföldustu gít-
argripin,“ segir Ólafur og bætir við
að vinsælasta námið sé helst gítar-
og trommukennsla. „Ef eitthvað er
þá hafa trommurnar heldur unnið
á undanfarið en gítarinn er þó
ennþá vinsælastur.“
Rytmískur tónlistarskóli í Kópavogi
Allt nám á að vera
skemmtilegt
Skemmtilegt Flestir
fara í tónlistarskóla til
að spila, sjálfum sér
og öðrum til ánægju.
Dagana 19. til 23. september
verður haldin fjórða alþjóðlega
barnabókmenntahátíðin sem
kennd er við mýrina en yfirskrift
hátíðarinnar að þessu sinni er
Draugar úti í mýri. Markmið há-
tíðarinnar er að vekja athygli á
barnabókmenntum og beina sjón-
um að því mikilvæga menningar-
starfi sem höfundar barna- og
unglingabóka sinna. Átta virtir er-
lendir höfundar víða að verða gest-
ir hátíðarinnar í ár og verða verk
þeirra kynnt íslenskum lesendum,
en einnig taka íslenskir rithöf-
undar og þýðendur þátt í hátíð-
inni. Í tengslum við hátíðina gefur
Forlagið út vandaða bók með
draugasögum fyrir börn sem er af-
rakstur samkeppni sem efnt var til.
Alþjóðleg barnabókahátíð haldin í fjórða sinn
Draugar úti í mýri
Fræðandi
Krakkar hafa
gagn og gaman
af lestri.
„Það eru þessar venjulegu
grunnreglur sem skipta miklu máli
þegar börn hefja skólastarf aftur til
að koma reglu á líf þeirra eftir
sumarfrí,“ segir Magnea Jóhanns-
dóttir, námsráðgjafi í Breiðagerð-
isskóla.
„Það tekur alltaf tíma að koma
sex ára börnunum inn í skóla-
starfið því það gilda ekki sömu
reglur þar og í leikskólunum.“
Haustið getur verið erfitt
„Fyrstu dagarnir í skólanum
geta verið erfiðir fyrir börnin. Ég
mæli með að það sé byrjað áður en
skóli hefst að koma svefnrútínu í
lag.
Morgunmatur er mjög mik-
ilvægur og gott er að hafa ró á
morgnana áður en fjölskyldan
heldur út í erilsaman dag.“
Magnea segir sumarið auðvitað
alltaf vera frábæran tíma fyrir
börnin en þegar líður á er mjög al-
gengt að börnin vilji komast aftur í
skólann.
„Það að vera í skóla þýðir líka að
þar er félagsskapur, börn fara mik-
ið út á land og gera mikið á sumrin
og eru þá kannski ekki í miklum
samskiptum við skólafélaga.
Auðvitað reynist skólinn líka
sumum erfiður en það er til dæmis
orðið mun sjaldgæfara að sjá sex
ára barn grátandi þegar skólinn er
að hefjast.
Við leggjum mikla áherslu á að
taka vel á móti sex ára börnunum
sem koma til okkar,“ segir hún.
„Það er auðveldast þegar líður á
haustið að fá börnin til þess að
fylgja reglum og þess háttar. Í nóv-
ember kemur síðan oft leiði í
marga og þá er farið að bíða eftir
jólafríinu. Þar kemur oft fyrir að
rútínan ruglist líka.“
Mikilvægt er að undirbúa
„Allur undirbúningur skiptir
máli þegar kemur að því að koma
rútínu í réttar skorður. Ræða þarf
við börnin um mikilvægi þess að
líða vel og að hafa reglu á hlut-
unum.
Það kemur fyrir að börnum
finnist erfitt þegar byrja þarf að
vakna á morgnana en þá er bara
mikilvægt að vakna fyrr og gefa sér
góðan tíma.
Góður morgunn er undirstaða
fyrir góðan skóladag.“
Mætum á réttum tíma
„Nauðsynlegt er að foreldrar að-
stoði börnin sín við að mæta í
skólann á réttum tíma og haf allt í
töskunni sem til þarf fyrir daginn.
Það reynist börnum erfitt ef að þau
mæta eftir að tími er byrjaður. Ég
mæli eindregið með því að for-
eldrar og börn venji sig á að mæta
á réttum tíma því það auðveldar
öllum daginn.“
kristing@24stundir.is
Mikilvægt er að koma reglu á hlutina þegar tekur að hausta
Börnin hlakka oft til haustsins
Magnea Jóhannsdóttir
„Rútínaskiptir máli þegar
skólinn hefst.“