24 stundir - 10.09.2008, Blaðsíða 19

Eftir Einar Jónsson
einarj@24stundir.is
Hólavallagarður og nágrenni hans
er sögusvið Garðsins, nýjustu
skáldsögu Gerðar Kristnýjar rithöf-
undar sem von er á fyrir jól. Bókin
er sú fyrsta sem Gerður skrifar með
unglinga í huga en áður hefur hún
skrifað bæði fyrir börn og full-
orðna.
Garðurinn fjallar um Eyju, unga
stúlku sem flyst í næstu götu við
kirkjugarðinn og upplifir ýmislegt
dularfullt og spennandi. „Pabbi
hennar kaupir gamlan stól í antík-
verslun og kemur með hann heim.
Eyja áttar sig á því að það er eitt-
hvað vont við þennan stól og svo
reynist líka vera,“ segir Gerður
Kristný.
Sagan gerist í nútímanum en at-
burðir úr fortíðinni svo sem
spænska veikin 1918 og spíritsimi
millistríðsáranna fléttast einnig inn
í hana. Gerður vonar að dulúðin og
spennan sem tengist þeim atburð-
um höfði til nútímaunglinga. „Ef
ég miða við hvernig ég var sem
unglingur held ég að þeim gæti
þótt þetta spennandi. Ég man að
maður var einmitt að stelast í
andaglas á þessum aldri og leita að
einhverjum svörum að handan,“
segir hún íbyggin.
Endirinn fullgrimmilegur
Garðurinn er ekki fyrsta drauga-
sagan sem Gerður Kristný skrifar.
Fyrir fáeinum árum kom smásaga
hennar „Bara Sara“ út í samnor-
rænu smásagnasafni fyrir börn.
Gerður segir að þá hafi hún neyðst
til að hafa endinn sakleysislegan.
„Ég var búin að ákveða að draug-
urinn gengi frá aðalsöguhetjunni í
lokin en það var danskur ritstjóri
sem kom í veg fyrir það,“ segir
Gerður og bætir við að ritstjóran-
um hafi fundist þetta fullgrimmi-
legur endir á barnasögu. „Ég
breytti endinum og fannst það ekk-
ert sárt. En þarna komst ég á
bragðið. Mig langaði til að skrifa
alvöru draugasögu fyrir aðeins
eldri krakka þar sem ég gæti leyft
mér aðeins meiri óhugnað,“ segir
Gerður Kristný og bætir við að
sjálfri þyki henni slíkar sögur eft-
irminnilegri en þær sem fái góðan
endi.
Óhugnaður betri fyrir börnin
„Ég held að það sé betra að börn
fái að lesa alls konar óhugnað. Þeg-
ar þau koma síðan út í lífið átta þau
sig á því að heimurinn er ekki jafn
vondur og í bókunum. Það er
miklu betra en að þau lesi aðeins
saklausar bækur og horfi á eintóm-
ar Disney-myndir og uppgötvi síð-
an þegar þau koma út í lífið að
heimurinn er verri,“ segir Gerður
Kristný að lokum.
Reykvísk draugasaga Dularfullir
atburðir úr fortíðinni fléttast inn í
sögu ungrar Reykjavíkurstúlku í
nýjustu bók Gerðar Kristnýjar.
Gerður Kristný vinnur að spennusögu fyrir unglinga
Vildi skrifa alvöru
draugasögu
Gerður Kristný leggur nú
lokahönd á spennusögu
fyrir unglinga þar sem
dularfullir atburðir úr for-
tíðinni fléttast saman við
sögu ungrar Reykjavík-
urstúlku.
➤ Gerður Kristný fæddist íReykjavík árið 1970.
➤ Hún lauk BA-prófi í frönskumeð almenna bókmennta-
fræði sem aukafag árið 1992.
➤ Hún hefur gefið út alls kynsbækur, meðal annars ljóða-
bækur, skáldsögur, barna-
bækur og endurminn-
ingabækur.
GERÐUR KRISTNÝ
24stundir/Golli
24stundir MIÐVIKUDAGUR 10. SEPTEMBER 2008 19
Kórinn Vox Academica er að
hefja 13. starfsár sitt um þessar
mundir og eru tvö stór kórverk á
dagskrá vetrarins. Hið fyrra er
Carmina Burana eftir Carl Orff
sem stefnt er á að flytja seint í nóv-
ember. „Þetta er í annað skipti sem
við flytjum Carmina Burana. Hitt
skiptið var með Háskólakórnum
árið 2002. Á þeim tíma vorum við
með minni kammerkór en höfum
verið að vaxa síðustu árin,“ segir
Þóra Passauer, formaður Vox Aca-
demica.
Hitt verkið sem Vox Academica
ræðst í á þessu starfsári er Elijah
eftir Felix Mendelssohn sem flutt
verður í vor.
„Síðustu tvö til þrjú ár höfum
við tekið stærstu kórverkin með
fullri hljómsveit,“ segir Þóra og
bætir við að mikið sé lagt upp úr
því að íslenskir tónlistarmenn taki
þátt í uppfærslunum.
Þar sem kórinn leggur áherslu á
stærri verk kórbókmenntanna gefst
lítið svigrúm fyrir minni tónleika.
„Áður fyrr vorum við með litla
jólatónleika fyrir okkar helstu
kúnna. Við höfum ekki haft tæki-
færi til að gera það síðustu ár en við
ætlum að reyna að koma því við
þetta árið,“ segir Þóra að lokum.
Kórinn getur bætt við sig fólki í
nokkrar raddir. Nánari upplýsingar
má nálgast á voxacademica.net.
einarj@24stundir.is
Vox Academica hefur 13. starfsár sitt
Sérhæfir sig í stórum kórverkum
Tvö stórvirki Vox Aca-
demica ræðst í tvö stórvirki
kórbókmenntanna í vetur.
Sýning á verkum Ilmar Stef-
ánsdóttur myndlistarkonu hefur
verið opnuð í Listasafni Reykja-
nesbæjar. Sýningin ber heitið
Fjölleikar og þar gefst gestum
kostur á skemmtilegum dýfum og
jafnvægiskúnstum í hljómfalli
rokkandi rokka og syngjandi vef-
stóla. Með sýningunni breytir
Ilmur svipmóti myndlistarinnar í
„arteintainment“ þar sem fag-
urlistir og skemmtanaiðnaður
mætast. Sýningin stendur til 19.
október. ej
Vefstólar syngja
og rokkar rokka Einn af þekktustu flautuleikurumheims, William Bennett, leikur á
tónleikum í Salnum föstudaginn
12. september kl. 20. Einnig kem-
ur fram píanóleikarinn Ingunn
Hildur Hauksdóttir og landslið
íslenskra flautuleikara. Á efnis-
skránni eru einleiksverk eftir J.S.
Bach, Saint-Saëns og Doppler og
samleiksverk með íslenskum
flautuleikurum. ej
Flautuleikari
í fremstu röð
Sólveig Eggerz myndlistarkona
heldur málverkasýningu á Hrafn-
istu í Hafnarfirði. Sýningin verð-
ur opnuð á morgun, fimmtudag,
kl.14. Á henni gefur að líta fjölda
akrýlverka sem unnin voru á síð-
ustu mánuðum. ej
Sýnir á Hrafnistu
Sýning á verkum
Ólafar Bjargar
Björnsdóttur
verður opnuð í
Artóteki á morg-
un, fimmtudag-
inn 11. sept-
ember, kl. 17.
Sýningin nefnist
Áttavitinn, sjálfsnánd og mild
mýkingarefni. Í Artóteki sýnir
Ólöf Björg málverk í bland við
innsetningu.
Artótek er á 1. hæð Borg-
arbókasafns Reykjavíkur í Gróf-
arhúsi (Tryggvagötu 15). Sýn-
ingin stendur til 19. október. ej
Opnun í Artóteki
Saga og sjálfs-
myndir er þema
nýjasta tölublaðs
Ritsins – tímarits
Hugvísindastofn-
unar Háskóla Ís-
lands. Í heftinu
eru níu greinar
sem fjalla hver
með sínum hætti um spurningar
er varða notkun sögunnar til að
móta sjálfsmyndir þjóða, hópa og
einstaklinga. Þá er í heftinu að
finna myndaþátt sem einnig
hverfist um meginefni þess. ej
Fjallað um sögu
og sjálfsmyndir
Hljómsveitin Bardukha heldur
tónleika á Café Rosenberg á
Klapparstíg fimmtudaginn 11.
september. Hljómsveitin hefur
verið við æfingar seinni hluta
sumars og er með splunkunýja
efnisskrá með eldfjörugum þjóð-
lögum frá Tyrklandi, Grikklandi
og fleiri löndum. Tónleikarnir
hefjast kl. 21 og er aðgangseyrir
500 kr. ej
Bardukha leikur
á Rosenberg
LÍFSSTÍLL
lifsstill@24stundir.is a
Mig langaði til að skrifa alvörudraugasögu
fyrir aðeins eldri krakka þar sem ég gæti leyft
mér aðeins meiri óhugnað.
menning
Við höfum sett saman
pakka sem inniheldur
grenningarnudd með
cellulite - jurtaolíum,
líkamsvafning og extra
flabelos. þú mætir
5 sinnum og árangurinn
er engu líkur.
Brennir fitu
Hægir á öldrun
Grennir
Minnkar appelsínuhúð
Mótar vöðva
Eykur sveiganleika
Örvar blóðrás
Eykur beinþéttni
Dregur úr æðahnútum
Dregur úr verkjum í mjóbaki
Þessi meðferð virkar
Við notum eingöngu bestu
grenningartæki sem til eru
í heiminum í dag.
10 mín, = 1 klst. í ræktinni
TILBOÐ
24.900 kr.
Hringdu strax og
tryggðu þér flottan
líkama núna
hringið núna í síma 577 7007