Vikublaðið - 17.09.1993, Blaðsíða 11

VTKUBLAÐIÐ 17. SEPTEMBER 1993
Meniiingln
11
Katrín Hall hefur dansað frá
átta ára aldri eða í tuttugu
og eitt ár. Hennar hjartans
mál er dansinn og hún veit hvað
hún vill gera þar. „Þetta byrjaði
bara sem hobbý en þróaðist áfram
og þegar ég var í MR fékk ég „hálf-
an“ samning við Islenska Dans-
flokkinn. Síðasta bekkinn fyrir
stúdentsprófið tók ég utanskóla og
vann með Dansflokknum.
Jochen Ulrich kom hingað og
setti upp sýningu með Dansflokkn-
um, „Eg dansa við þig,“ með lif-
andi tónlist sem var mjög vinsæl.
Einu ári seinna hringdi hann og þá
var einn aðaldansarinn óffískur.
Hann bað mig að koma og taka við
hlutverki hennar og ég fór út.
Hann bauð mér so árs samning og
mér datt ekki í hug að ég myndi
ílengjast þarna en nú eru liðin 6
ár,“ segir Katrín.
Flokkurinn dansar
aðallega móder~n
Katrín hefur allan tímann verið
hjá sama dansflokknum „Tanzfor-
um“ við Kölnaróperuna sem Joc-
hen Ulrich stjórnar. Katrín segir
flokkinn oft hafa tekið klassísk verk
eins og Hnotubrjótinn, Coppelíu
og Rómeó og Júlíu og fært þau í
nýtt og óhefðbundið form. „Við
þjálfum bæði klassískt og módern,
eða nútímadans. Þó svo við döns-
um aðallega módern þá er nánast
nauðsynlegt að hafa sterkan klass-
ískan grunn. Jochen fjallar oft um
manneskjuna og tilfinningar henn-
ar í verkum sínum og þannig fær-
um við ballettinn örlítið nær áhorf-
endum.
Við þróum okkur þar með frá
þessum 18. aldar upphafna stíl og
gerum okkur áþreifanleg. Það er
óþolandi viðhorf til þessarar list-
greinar að hún sé nánast ósnertan-
leg og allir eigi að svífa um eins og
„dísir“ á sviðinu. Jochen tekur
einnig fýrir leikbókmenntirnar og
þá verðum við að koma ákveðinni
sögu og boðskap til skila. Þetta
finnst mér miklu meira gefandi og
spennandi.
Ljóshærð Yerma
Síðasta uppfærslan var Yerma
effir Gabríel García Lorca sem ég
held rnikið uppá. Þegar ég las verk-
ið hugsaði ég bara; hvernig ætlar
hann að koma þessu í dans? Yerma
var fyrst frumsýnd í Barcelona og
síðan í Köln. Þar sem verkið er eft-
ir spænskan rithöfund var þetta
mikið tilfinningamál fyrir Spán-
verjana. Til dæmis það að „Yerma“
var ljóshærð olli miklu hneyksli og
ég var spurð á blaðamannafúndi
hvernig í ósköpunum ég ætlaði að
túlka tilfinningar úr þeirra sanifé-
lagi sem var þeim svo heilagt. En
þessi sýning gekk þó sem betur fer
vel og hefur fengið lofsainlega
dóma bæði á Spáni og í Þýskalandi.
Þegar Carmen var sett á svið átti
að fara alveg nýja leið. Vinsæll og
margrómaður brasilískur hljóm-
listamaður Egberto Gismonti var
fenginn til að semja músík og
hljómsveit hans spilaði á sýning-
unt. Þetta eru hljómlistamenn sem
eru bókaðir minnst 2-3 ár fram í
tírnann. Næsta frumsýning hjá
Tanzforum er Pétur Gautur í des-
Bergþór
Bjarnason
ember. Það verk er búið að vera í
vinnslu og undirbúningi í tvö ár.
Nú þegar er farið að huga að verk-
inu sem kemur þar á eftir en það
verður Þyrnirós."
Listgreýnin á sér enga
hefo á Islandi
„Eg vona að hún leiði flokkinn á
góðar brautir. Það er mikil fengur
Katrín Hall í títilhlutverkinu t Yermu eftír Loreca.
að fá svona hæfileikafólk heim,“
segir Katrín um Maríu Gísladóttur
sem hefur tekið við Islenska Dans-
flokknum. „Listgreinin á sér enga
hefð á Islandi og á erfitt uppdrátt-
ar. Þess vegna er ábyrðarhluti hvað
þú ætlar að ala áhorfendur upp í að
sjá og hingað til hefúr verið reynt
að sinna öllum straumum. Samt er
aldrei hægt að gera 100 hluti 100
prósent. Saga Dansflokksins hefur
verið skrykkjótt og skrítin, eigin-
lega hálfgerð sorgarsaga.
María virðist ætla að einbeita sér
að einu ákveðnu. Hún hefúr tekið
klassíkina fyrir og hefur gert mikl-
ar breytingar á flokknum. Spurn-
ingin er samt hvort ekki þurfi líka
að taka annað með. Mér finndist
það mikil synd ef ekkert er tekið
mið af hvað er að gerast úti í heirni
og nýsköpuninni sinnt. Úti eru 100
balletflokkar sem allir eru að gera
það sama. Við verðum að einbeita
okkur að því að vera svolítið sér-
stök. Mér finnst að íslenski flokk-
urinn eigi að hafa sérstöðu, íslensk-
ir dansarar hafa sérstæðan bak-
grunn og mér finnst ég sjá það.
Ég sá íslenska flokkinn úti og sá
muninn á íslensku dönsurunum og
þeim erlendu. Eg sá persónur og
miklu meiri manneskjur. Hver
dansari þarf að upplifa að hann sé
mikilvægur og það þarf að sjást á
sviðinu. Eg held að við íslendingar
höfum það. Uti er svo mikið um að
allir dansarar eigi að vera eins því
samkeppnin er svo hörð.
Eg vildi ekki sjá það gerast hér.
Dansflokkurinn verður að fá tæki-
færi til að þróast og það er mjög
skiljanlegt að María taki mið af
Bandaríkjunum þar sem hún var
síðast. Mér finnst persónulega við
vera miklu nær Evrópu. Það er
samt frábært að það skuli vera
kominn votmr af „prófessíonal-
isma“ í flokkinn eftir þetta tímabil
upplausnar og sundrungar. Ég tel
mikinn missi að Hlíf Svavarsdóttur
sem var með Dansflokkinn á undan
Maríu. Að missa slíka manneskju
úr landi er ófyrirgefanlegt, en hún
mætti alls staðar veggjum og komst
ekki áfrain með flokkinn. Enn er
því verið að vinna brautryðjenda-
starf.“
íslendingar hafa hingað til reynt
að reka flestar listgreinar, þjóðleik-
hús, sinfóníuhljómsveit, óperu og
fleira. Katrín telur fulla þörf á að
hlúa að íslenska Dansflokknum. „I
rauninni er nauðsynlegt að reka
tvo dansflokka til að geta sinnt
öllu. Lítill flokkur getur takmarkað
sinnt þessu hlutverki og hann hefur
í gegnum tíðina kannski fengið að
sýna tvisvar á ári. Þú elur ekki upp í
áhorfendum þekkingu á dansi eða
þörf fyrir að horfa ef hann er ekki
til staðar. Dansflokkurinn hefúr
alltaf mætt afgangi og hvorki feng-
ið pláss né peninga. Dansinn á að
vera partur af menningunni.“
Ekki hægt að ætlast til
að annar aðilinnfómi
listinni
Katrín Hail hefur í sex ár unnið í
Þýskalandi en á íslandi býr eigin-
maður hennar, Guðjón Pedersen
leikstjóri. Með henni úti er 3 ára
garnall sonur þeirra. „I einu orði
sagt er hræðilegt að búa hvort í
sínu landinu en það er ekkert við
þessu að gera. Ef fólk er ánægt í því
sem það er að gera verður að halda
áfram. Það er ekki hægt að ædast
til að annar aðilinn fórni sinni list.
Við verðum bara að segja að það
verði nógur tími í ellinni til að vera
saman og líta þetta jákvæðum aug-
um og vera ekki að velta sér upp úr
því ástandi sem ríkir. Auðvitað er
þetta erfitt, bæði að vera í krefjandi
starfi og sinna uppeldinu ein.
Smndum er samviskubitið að hrjá
mann þegar mikið er að gera í
vinnunni og ekki nægur tími til að
vera með barninu.
En allir hafa verið duglegir að
styðja mig. Stjórnandinn er mjög
skilningsríkur og gerir allt til að
þetta gangi. Til dæmis fékk ég
lengra sumarfrí núna til að geta
verið lengur á Islandi. Kannski er^
auðveldara fyrir karlmenn að slíta
sig frá samviskunni og taka þeim
tilboðum sem bjóðast. Eg gæti
aldrei skilið við barnið mitt því ég
vil eiga eitthvað annað mikilvægt í
lífinu fyrir utan dansinn og barnið
er alltaf ofar öllu. Eg er ekki alveg
tilbúin til að giftast listinni.“
Aldurinn finnur maður
alltafí líkamanum
Katrín segist alveg geta hugsað
sér að koma heim ef hún sæi fram á
að fá að þróast og þroskast sem
listamaður og gera það sem h i'rrr-
hefur áhuga á í dansinum. Hún sér
það hins vegar ekki gerast í náinni
ffamtíð. „Ég hef verið heppin og er
mjög ánægð með það sem ég hef
fengið að gera í Köln. Við Jochen
höfum átt mjög gott samstarf og ég
vona að það verði áfram svo.
Eins og allir vita er starfsævi
dansara mjög stutt og oft er erfitt
að horfast í augu við að þurfa að
finna sér eitthvað nýtt til að takast
á við en ég kvíði því persónulega
ekki enn. Ég veit að þegar þar að
kemur þá kemur eitthvað til mín.
Ég gæti t.d. vel hugsað mér aT
þjálfa eða kenna og jafnvel semja ef
svo bæri undir. Aldurinn finnur
rnaður alltaf í líkamanum," segir
Katrín Hall dansari á leið til Köln-
ar til að undirbúa Pétur Gaut.
AB félögin í Hafnarfirði og á Suöurnesjum
efna til tveggja daga hálendisferðar 25. og 26. sept.
nk.
Farin verður Fjallabaksleið nyrðri á laugardeginum,
gist á Kirkjubæjarklaustri og til baka um Fjallabaks-
leið syðri á sunnudag.
Miðaverð er 3.500 kr. pr. mann. Innifalið er gist-
ing, kvöldmatur og morgunverður.
Pantið fyrir 20. september í símum:
92-27009 Hreinn Guðbjartsson, Garði
92-12123 Oddgeir Eiríksson, Keflavík/Njarðvík
92-68603 Hörður Guðbrandsson, Grindavík
91-54065 Páll Árnason, Hafnarfirði