Vikublaðið


Vikublaðið - 07.01.1994, Blaðsíða 14

Vikublaðið - 07.01.1994, Blaðsíða 14
14 VIKUBLAÐIÐ 7. JANÚAR 1994 Áífekingi Islendingar eru upp til hópa brjóstgott fólk sem leggur kapp á að sjá það besta í náunganum og nennir yfirleitt ekki að elta lengi ólar við einstök spillingar- eða hneykslismál. Eins og kotbóndinn forðum gagnvart ósnertanlegu valdinu láta þeir sér nægja að fá út- rás í meinlausu slúðri og einstaka kviðlingi, já heilum drápum ef til- efhið er nógu krassandi. Að þessu •Aeyú er íslenski kviðlingurinn skyldur rússnesku og austurevr- ópsku Stalín- og Brésneffbröndur- unum; því grimmilegri sem kúgun kommissaranna þar austur varð því magnaðri varð flóran af afhjúpandi, pólitískum bröndurum. Fram hef- ur komið sú merkilega kenning að þetta stafi af því að íslendingar hafi ekki kynnst Iýðræði nema á papp- írnum og geri því ekki aðrar kröfur til fyrirmanna en að þeir séu nógu dreissugir, fyrirferðarmiklir og kjaftforir til að hægt sé að henda gerðir þeirra og orð á lofti og flétta í rím og stuðla. Þannig hefur ófa Krummavísan orðið til á liðnu ári og kratavísurn- ar eru líklega farnar að skipta hundruðum. En sumir kunna sig verr en aðr- ir. Hrafh Gunnlaugsson hefur farið mikinn til að reyna að afsanna þá kenningu að hann sé „einkavinur" og líka að hann sjálfur stundi einkavinavæðingu þar sem hann geti komið því við. Allt á þetta að vera áburður runninn undan rifjum Alþýðubandalagsins og annarra stjórnarandstæðinga. Með nýjustu uppákomunni í Sjónvarpinu, þ.e. viðbrögðum hans við því að Ut- varpsráð vill ekki endursýna þætti Baldurs Hermannssonar, er Hrafn hinsvegar enn á ný að minna alþjóð á hlutverk sitt í einkavinavæðing- unni og persónulegri hagsmuna- gæslu fyrir þá útvöldu. Þeir íslend- ingar sem hafa viljað gleyma Hrafnsmálinu svokallaða ogjafrivel fundist að nú mætti látunum fara að linna fá hinsvegar stöðugt nýjar uppákomur af hálfu Hrafns til að halda sér við efnið. Hrafh er líklega sinn versti óvinur og þarf varla aðra á meðan hann sjálfur er svona iðinn við kolann. Hvað er framkvæmda- stjóri Sjónvarps, sem fram að dög- um Hrafns í þeim stól beitti kröft- um sínu aðallega að tæknilegum at- riðum á framkvæmdasviði stoíhun- arinnar, að vera að hafa svo fyrir- ferðamikla skoðun á því hvort ein- hverjir tilteknir þættir eru endur- sýndir eða ekki? Skyldi skipta hér máli að höfundur þáttanna er per- sónulegur vinur Hrafhs og að Hrafn, þáverandi formaður Menn- ingarsjóðs útvarpsstöðva sem fjár- magnaði þáttagerðina, átti stærstan þátt í því að þeir voru yfirleitt gerðir? Og vissulega skiptir það máli fyrir gæðamat framkvæmdastjór- ans á sjónvarpsefhi hvort þeir sem -þættina gera geta talist til hans einkavina eða ekki. Þannig hefur Hrafh komið harkalegri gagnrýni sinni á þátt Arna Þórarinssonar um Jökul Jakobsson á framfæri innan- húss í Sjónvarpinu, en það er sam- dóma álit flestra nema Hrafns að sá þáttur, sem sýndur var að kvöldi nýjársdags, sé einn vandaðasti og nærfærnasti þáttur af þessu tagi sem Sjónvarpið hefur sýnt. En Arni er ekki vinur Hrafhs - og þar liggur hundurinn grafrnn. ^- SEXMESSA Agamlársdag voru rithöf- undaverðlaun Ríkisútvarps- ins afhent við hátíðlega at- höfn eins og jafnan á þeim degi. At- burðinum var útvarpað beint, for- maður úthlutunarnefhdar ávarpaði gesti og hlustendur og gerði grein fyrir verðlaunaveitingunni. Varla varð hjá því komist að gefa orðum hans gaum, því hann „véraði" sig, „voraði" og „ossaði" ræðuna í gegn. Þetta var eins og heyra aftur í gömlum kunningjum og annar ár- viss fjölmiðlaatburður rifjaðist upp, nýársdagsávörp dr. Kristjáns heit- ins Eldjárns. Hann var smekkvís maður og beitti ávallt, að hætti kyn- slóðar sinnar, þessari fleirtölu í há- tíðarræðum sínum. Hann setti mál sitt í hátíðarföt á hátíðardegi og manni fannst þetta sjálfsagt, jafn- eðlilegt og að klæðast sparifötunum á merkisdegi. Að vísu þótti jafn- öldrum mínum sumum þetta hall- ærislegt þegar líða tók á áttunda áratuginn, þeir sögðust á nýbyrjuðu ári ekki muna orð úr ræðum hins ástkæra forseta út af öllu þessu Haukur Hannesson „ven og „ossi . Þéringum og annarri slíkri „til- gerð" hefur á undanförnum áratug- um markvisst verið útrýmt úr mál- inu, flestöll fyrirtæki eru hætt að þéra viðskiptamenn sína í bréfum og ríkisvaldið „þúar" þegnana. Þessi útrýmingarherferð hefur ef- laust verið gerð af góðum hug, menn hafa viljað draga úr þeim „mannamun" sem fólst í þéringum. Þetta var sem sé jafhaðarstefha. Ég varð á sjálfan jóladag var við áhrif máljafhaðarstefnu af þessu tagi, þó í annarri mynd væri. Fréttamaður Ríkisútvarps ræddi þá við herra Ólaf Skúlason, biskup í Reykjavík, um kirkjusókn á að- fangadagskvöld. Biskup lét vel yfir kirkjusókninni (eða kannski „mæt- ingunni", ég man það ekki svo glöggt), einkum var aðsóknin í „sexmessuna" mikil. Mér fannst það út af fyrir sig ekki skrýtið, minntist þess þó ekld.að hafa heyrt orðið „sexmessa" fyrr, hef aldrei heyrt þessar tíðir nefndar annað en aftansöng (eða kvöldsöng). Ég er þó viss um að biskupi gekk gott eitt til, hann hefur ef til vill ekki treyst því að allir landsmenn skildu orðið „aftansöngur", hins vegar skilja all- ir orðið „þrjúbíó" og þá auðvitað líka „sexmessa". Sviðsljós Prjar sýn- ingar opna á Kjarvals- stöðum á morgun Þrír listamenn opna sýningar sínar á Kjarvalstöðum á morgun laugardag. Þetta eru þeir Magnús Kjartansson, Finnbogi Pétursson og Geoffrey Hendricks. Hjartagátan Setjið rétta stafi í reitina neðan við krossgátuna. Þeir mynda þá karlmannsnafn. - Lausnarorð krossgátunnar í A = 1 : síðasta blaði er Selvogur. ^ _ -. 3: 4: 5: 6- 7 ¦¦ 8: 9: 10: 11: 12: 13: 14- 15: 16: 17: 18: 19: 20: 21: 22: 23: 24: 25: 26: 27: 28: 29: 30: 31: 32: Finnbogi Pétursson sem fæddur er í Reykjavík 1959 vinnur með samþættingu tveggja ólíkra þátta, annarsvegar skúlptúrsins, þar sem hljóðgjafi og hátalari mynda hinn sýnilega hluta og hinsvegar hljóðs- ins, hins ósýnilega hluta, en saman myndar þetta „fjórvíðan" hljóðskúlptúr. Finnbogi hefur haldið níu einkasýningar í Reykja- vík og Hollandi og tekið þátt í fjórtán samsýningum víða um heim. Magnús Kjartansson er Reykvík- ingur fæddur 1949. A sýningunni að Kjarvalsstöðum sýnir Magnús ný verk sam fjalla um píslarsöguna og má segja að hér sé um nokkuð afgerandi fráhvarf frá fyrri verkum hans og því vekja þessar myndir upp áleitnar spurningar um mynd- málið og forsendur þess. Magnús hefur tekið þátt í fjölda samsýninga á Islandi og víða um heim og haldið einkasýninngar í Reykjavík og Stokkhólmi. Sýning Geoffrey Hendricks nefhist „Day into night" og er far- andsýning sem kemur frá Óðinsvé- um. Sýningin er nokkurskonar yf- irlitssýning á verkum hans frá því um miðjan sjöunda áratuginn og fram til dagsins í dag. Geoffrey var einn af meðlimum FLUXUS- hreyfingarinnar í Bandaríkjunum og Evrópu. Verk hans eru síst af öllu einföld því í augum hans er heimurinn flókinn og margræður og sem listamaður og einstaklingur tekur hann ávallt réttu og nauðsyn- legu leiðina fram yfir þá sem er styst og auðveldust. A ferli sínum hefur hann haldið um þrjátíu einkasýningar um allan heim og m.a. í Nýlistasafrúnu árið 1984. Hann hefur einnig tekið þátt í fjöl- mörgum samsýningum, gerning- um og umhverfisverkum og gefið út rit, bækur og myndbönd. Sýningarnar eru opnar daglega frá kl. 10 - 18 ogstanda til 13. febr- úar n.k.

x

Vikublaðið

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Vikublaðið
https://timarit.is/publication/310

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.