Vikublaðið - 07.10.1994, Blaðsíða 3
VIKUBLAÐIÐ 7. OKTOBER 1994
Spillingarmál íhaldsins
Davíð tvöfaldar efUrlaun Þorvaldar Garðars
i
Þorvaldur Garðar Kristjánsson er á fullum laun-
um hjá Davíð Oddssyni við að „grúska“. Hefur
sérstaka skrifstofu en takmarkaða viðveru. Á-
hugamanninum um stofnun öryggislögreglu hefur
verið falið að „undirbúa endurskoðun“ á stjórnar-
ráðslögum þótt allt sé morandi í lögfræðingum í
„kerílnu“ og frumvarp um efnið að öðru leyti ekki
á dagskrá. Hjá Davíð er einnig sonur stjórnarfor-
manns og útgáfustjóra DV, en Qölskyldan á stóran
hlut í ræstingarfyrirtæki sem fengið hefur 100
milljón króna verk hjá Ólafi G. Einarssyni. Mörg
dæmi eru um pólitískar mannaráðningar íhalds-
ins innan ráðuneytanna.
Að baki þessarar ómerktu hurðar er skrifstofa Porvaldar Garðars, en af verkefnum
hans fara litlar sögur. Mynd: ól.Þ.
orvaldur Garðar Kristjánsson,
þingmaður Sjálfstæðisflokksins
um nær þriggja áratuga skeið,
hefur í rúmlega tvö ár verið með fasta
þóknun frá forsætisráðuneyti Davíðs
Oddssonar fyrir óljóst skilgreind „sér-
verkefni". Davíð Oddsson forsætis-
ráðherra setti Þorvald Garðar á fasta
þóknun upp á 114.993 krónur á mán-
uði frá og með 6. júní 1992. Með
þessu tvöfaldast eftirlaun Þorval^ar,
sem er að verða 75 ára gamall. Heim-
ildarmönnum blaðsins ber saman um
að „sérverkefni“ Þorvalds Garðars séu
léttvæg og viðvera hans í lágmarki.
Einn viðmælenda blaðsins gekk svo
langt að fullyrða að hér væri einfald-
lega um að ræða launauppbót Þor-
valdi tíl handa og sárabót þar eð hann
hefði aldrei orðið ráðherra flokksins.
Bankarupp á ograbbar
reglulega við Davíð
Davíð Oddsson forsætisráðherra
réð Þorvald Garðar til sín í forsætis-
ráðuneytið 6. júní 1992 og sá honum
fyrir skrifstofuaðstöðu í leiguhús-
næði Landsbankans að Bankastræti
7. Davíð fól honum það sérverkefni
að vinna að tillögugerð um tilflutn-
ing ríkisstofhana og lauk því verkefni
sumarið 1993. Þorvaldur hélt þó á-
fram í sérverkefnum og í sumar var
skrifstofuaðstaða hans flutt í húsnæði
skrifstofu Norðurlandaráðs að
Hverfisgötu 6. Að sögn Guðmundar
Árnasonar deildarstjóra í forsætis-
ráðuneytinu hefur Þorvaldi verið
falið að undirbúa endurskoðun á
lögum um Stjórnarráð Islands og
sagði aðspurður að krafa um viðveru
væri að sjálfsögðu gerð og að unnið
væri að viðkomandi verkefnum. „Eg
get ekki sagt nánar til um þetta verk-
efhi, en veit þó að Þorvaldur Garðar
gefur ráðherra reglulega skýrslu urn
sín störf‘, segir Guðmundur. Á
málalista ríkisstjórnarinnar, sem
fylgdi stefnuræðu forsætisráðherra,
er ekkert ffumvarp um Stjómarráð
Islands boðað.
Samkvæmt upplýsingum Trygg-
ingastofhunar ríkisins, umsjónarað-
ila lífeyrissjóðs alþingismanna,
skerðast lífeyrisgreiðslur til þing-
manna ekki vegna annarra starfa og
tekna. Þingmaður sem kominn er á
aldur og ef'hættur á þingi fær lífeyri,
sinn sjálfvirkt burt séð ffá öðru.
Þorvaldur Gárðár hafði nær
þriggja áratuga setu á Alþingi að baki
þegar hann hætti þingmennsku
1991. Hann fær því hámarkslífeyri,
sem er 70 prósent af þingfararkaupi
eftir 25 ár á þingi. Þórvaldur Garðar
fær auk þess lífeyri fyrir fyrri störf,
hann var t.d. starfsmaður Utvegs-
bankans í 10 ár og starfsmaður Sjálf-
stæðisflokksins um langt árabil.
Grúskið fyrir Davíð færir
Þorvaldi ráðherralaun
Eftirlaun Þorvaldar Garðars úr líf-
eyrissjóði alþingismanna eru nú
124.595 krónur á mánuði. Með
þóknuninni ffá Davíð upp á tæplega
115 þúsund krónur hafa þessi eftir-
laun því tvöfald^st og nálgast eftir-
laun ráðherra. Og em þá ótalin eftir-
laun vegna annarra starfa.
Þorvaldur Garðar segir í samtali
við Vikublaðið að hann sé í ýmsuin
verkefnum, „engum sérstökum. Ég
get ekkert ffekar sagt um þetta“, seg-
ir Þorvaldur Garðar. Hann hætti á
þingi 1991, sem fyrr segir eftir tæp-
lega þriggja áratuga þingsetu, meðal
annars lengi sem forseti sameinaðs
þings og þar með einn af þremur
handhöfum forsetavalds í fjarveru
forseta Islands. Þegar brennivíns-
kaupamál Magnúsar Thoroddsen
forseta Hæstaréttar komst upp kom í
ljós að fleiri handhafar forsetavalds
hefðu í gegnum tíðina ástundað
óheyrileg brennivínskaup, þeirra á
meðal Þorvaldur Garðar. En Magn-
ús Thoroddsen var sá eini af þessum
einstaklingum sem var látinn axla á-
byrgð af siðlausum brennivínskaup-
um.
Ekki er fyllilega ljóst hvers vegna
Davíð Oddsson velur Þorvald Garð-
ar Kristjánsson til að „undirbúa end-
urskoðun“ laga um Stjórnarráðið,
þegar fyrir liggur að ríkið er með
urmul lögffæðinga á sínum snærum,
fyrir utan sérstakt embætti ríkislög-
manns. Hins vegar er áhugi Þorvald-
ar á uppsetningu öryggislögreglu
innan stjórnsýslunnar vel kunnur.
Áður en hann hætti á þingi lagði
hann til uppsetningu e.k. öryggis-
málas'tofnunar með sérstökum „ör-
yggismálastjóra" til að „samhæfa yf-
irstjóm öryggismála“ undir stjóm
dómsmálaráðuneytisins. Tillaga
Þorvaldar gerði ráð fyrir að öryggis-
málastjóri hefði mjög sterka stöðu til
að skipa niður liðsafla og ráðstafa
tækjum og telur Þorvaldur að sér-
staklega þurfi að gæta öryggis æðstu
stjómar og stofnana ríkisins.
Fjölskyldufyrirtæki að-
stoðarmannsins fékk 100
milljóna verkefni
Þorvaldur Garðar er reyndar ekki
eini starfsmaðurinn í forsætisráðu-
neytinu sem er í fösmm sérverkefn-
um. Á síðasta ári var gerður starfs-
lokasamningur við Guðmund Bene-
diktsson, sem þar með hætti sem
ráðuneytisstjóri. Hann hefur síðan
verið á fullum launum við verkefni á
borð við undirbúning opinberra
heimsókna og umsjón mála er varða
íslenska fánann.
Með starfslokasamningi við Guð-
mund reyndist unnt fyrir Davíð að
gera Olaf Davíðsson að ráðuneytis-
stjóra. Ölafur er sonur Davíðs Ólafs-
sonar , fv. þingmanns Sjálfstæðis-
flokksins og Seðlabankastjóra og var
Ölafur sjálfur fonnaður efnahags-
nefitdar Sjálfstæðisflokks 1986-’91.
Ymsar fleiri mannaráðningar og
aðkeypt sérfræðiþjónusta í ráðuneyti
Davíðs Oddssonar hafa orkað tví-
mælis.
Eitt þessara mála tengist Eyjólfi
Sveinssyni aðstoðarmanni Davíðs.
Eyjólfur er sonur Sveins R. Eyjólfs-
sonar stjórnarformanns og útgáfu-
stjóra DV. Eyjólfur átti hlut í fyrir-
tækinu Oháða fjárfestingasjóðnum
hf., sem hann, Sveinn faðir hans og
Hörður Einarsson framkvæmda-
stjóri DV stofnuðu haustið 1992.
Átti Eyjólfur fimmtung í félagi
þessu, sem aftur gekk til samstarfs
við danskt fyrirtæki um stofnun ISS-
þjónustunnar hf. vorið 1993. Þetta
nýstofnaða félag fékk fáeinum mán-
uðum síðar 100 milljóna króna verk
hjá Olafi G. Einarssyni við ræstingar
í framhaldsskólum, en verkefni þessu
var úthlutað af nefnd er laut for-
mennsku Ölafs Arnarssonar fyrrum
aðstoðarmanns Olafs. Sjálfur segir
Eyjólfur að hann hafi selt sinn hlut
áður en sjóðurinn gekk til samstarfs
við danska fyrirtækið um viðkom-
andi verkefni. Það breytir þó ekki
hinu, að fyrirtæki fjölskyldu aðstoð-
armanns forsætisráðherra fékk 100
milljóna króna verk hjá Olafi G. Ein-
arssyni menntamálaráðherra sem
Friðrik Sophusson fjármálaráðherra
borgar fyrir hönd skattgreiðenda.
Vikublaðið greindi upphaflega frá
máli þessu sl. vor, en þá vakti málið
takmarkaða athygli, enda hugtakið
„spilling“ þá ekki í tísku.
Fyrst á spena flokksins og
svo á spena ríkisins
I þessu sambandi er rétt að rifja
upp að þeir Sveinn og Hörður tóku
ákvörðun um að ráða Guðmund
Magnússon sem fféttastjóra DV í
mikilli óþökk ritstjóra og starfs-
manna DV. Guðnuindur hafði þá
um tveggja ára skeið verið settur
þjóðminjavörður á vegum Olafs G.
Einarssonar og Davíðs Oddssonar.
Guðmundur hafði áður verið ötull
stuðningsmaður og kosningastjóri
Davíðs, aðstoðarmaður Birgis ísleifs
Gunnarssonar fv. ráðherra og starfs-
maður Sjálfstæðisflokksins, auk þess
að vera ritstjóri tímarits ffjálshyggju-
manna.
Seming Guðmundar var hápóli-
tísk og ffammistaða Guðmundar
sem þjóðminjavarðar afar umdeild.
Ólafur G. Einarsson menntamála-
ráðherra og Guðmundur losuðu sig
meðal annars við arkitekta sem um
langt skeið höfðu unnið að teikning-
um vegna endurbóta á Þjóðminja-
safninu. í stað þeirra var fenginn í
verkið Ögmundur Skarphéðinsson
og skyldi hann teikna nýtt þjóð-
minjasafn, sem ekkert samþykki var
fyrir.
Fleiri mannaráðningar í forsætis-
ráðuneytinu orka tvímælis. Þannig
hefur Davíð Oddsson á kjörtímabil-
inu gert Guðmundur Árnason að
deildarstjóra, nánar tiltekið 1992, en
Guðmundur vann áður að sérverk-
efnum fyrir Sjálfstæðisflokkinn og
forsætis- og fjármálaráðuneytin.
Guðmundur vill í samtali við Viku-
blaðið lítið tjá sig um þau verkefni,
en segir að aðalvinnan fyrir Sjálf-
stæðisflokkinn hafi verið verkefni
fyrir Verkefnisstjórn flokksins undir
forysm Friðriks Sophussonar fjár-
málaráðherra. Sérverkefnin fyrir
ráðuneytin hafi verið þau að hann
var starfsmaður svokallaðrar „fortíð-
arvandanefndar“.
Ófá dæmi um klárlega
pólitískar man-
naráðningar
Ekld er Davíð Oddsson forsætis-
ráSierra eini ráðherra Sjálfstæðis-
flokksins með pólitískar mannaráðn-
ingar í ráðuneymnum. Nefna má
nokkur umdeild tilvik:
• Þór Sigfússon er titlaður „ráð-
gjafi ráðherra“ hjá Friðrik Sophus-
syni í fjármálaráðuneytinu. Hann
átti sjálfstæðan feril í forysmsveit
ungliðadeildar Flokksins og er auk
þess bróðir Ama Sigfússonar.
• Inga Dóra Sigfúsdóttir stjóm-
málafræðingur er orðin fasmr starfe-
maður á skrifetofu Ólafs G. Einars-
sonar menntamálaráðherra, en hún
er systir þeirra Þórs og Ama.
• Pémr Asgeirsson er nýr hag-
ffæðingur í menntamálaráðuneyt-
inu. Hann er sonur Ásgeirs Pémrs-
sonar fýrram bæjarfógeta, en Ásgeir
hefur gegnt ýmsum trúnaðarstörfum
fyrir Sjálfetæðisflokkinn.
• Þórhallur Jósepsson, aðstoðar-
maður Halldórs Blöndal í sam-
gönguráðuneytinu, hefur fengið tit-
ilinn deildarstjóri.
• Davíð Stefánsson, fyrrum for-
maður Sambands ungra sjálfetæðis-
manna, hefur verið gerður deildar-
stjóri í samgönguráðuneyti Halldórs
Blöndal.
• Dagný Leifedóttir viðskipta-
ffæðingur er orðin deildarstjóri í
dómsmálaráðuneytinu, en Dagný er
dóttir Leife Magnússonar ffam-
kvæmdastjóra flugrekstrarsviðs
Flugleiða. Leifur var í samgöngu-
nefiid Sjálfstæðisflokksins 1982-89,
formaður frá 1983.
• Ingibjörg Þorsteinsdóttir er ffá
október 1992 orðin lögfræðingur í
tekju- og lagaskrifstofu fjármála-
ráðuneytis. Hún sat fyrir Vöku í
Stúdentaráði HÍ 1988-90.
• Jóhann Baldursson er ffá októ-
ber 1992 orðinn lögfræðingur í
tekju- og lagadeild fjármálaráðu-
neytisins. Jóhann, sem er bróðurson-
urMagnúsar Jónssonar heitins, fyrr-
um fyármálaráðherra Flokksins, sat í
stjóm Vöku 1982-84 og í Stúdenta-
ráði fyrir Vöku næsm tvö árin.
Hér hafa ekki verið talin upp ýmis
önnur tilvik, svo sem slápan ráðu-
neytisstjóranna Jóns Birgis Jónsson-
ar í samgönguráðuneytið og Guð-
ríðar Sigurðardótmr í menntamála-
ráðuneytið og heldur ekki pólitísk
ráðning Jóns G. Tómassonar sem
ríkislögmanns.
Friðrik Þór Guðntundsson
Laust lyfsöluleyfi,
sem forseti
íslands veitir
Laust er til umsóknar lyfsöluleyfi í Stykkishólmi (Stykkishólms
Apótek).
Fráfarandi lyfsali gerir kröfu til þess, í samræmi viö 11. gr. laga
um lyfjadreifingu nr. 76/1982 og bráðabirgðalög nr.
112/1994 um breytingu á lyfjalögum or. 93/1994, aö viðtak-
andi lyfsöluleyfishafi kaupi vörubirgbir, búnað og innréttingar
lyfjabúbarinnar. Ennfremur kaupi viðtakandi leyfishafi húseign
þá er lyfjabúbin ásamt íbúð fráfarandi lyfsala er í. Húseignin er
fribuð og stendur vibgerb yfir. Þá fer fráfarandi lyfsali fram á að
viötakandi lyfsali kaupi húseign lyfjaforðans í Grundarfirbi er
tilheyrir Stykkishólms Apóteki.
Væntanlegur lyfsali skal hefja rekstur frá og með 1. janúar
1995.
Umsóknir ásamt ítarlegum upplýsingum um lyfjafræðimennt-
un og lyfjafræðistörf, skal senda rábuneytinu fyrir 1. nóvember
1994.
Heilbrigðis- og tryggingamálarábuneytib,
3. október 1994.