Morgunblaðið - 15.08.2005, Síða 11

MORGUNBLAÐIÐ MÁNUDAGUR 15. ÁGÚST 2005 11
FRÉTTIR
UMBOÐSMAÐUR Alþingis hefur
komist að þeirri niðurstöðu að mat
landbúnaðarráðuneytisins á um-
sóknum um starf sérfræðings á sviði
framleiðslu- og markaðsmála í ráðu-
neytinu hafi ekki byggst á lögmæt-
um og málefnalegum sjónarmiðum
og verulegir efnisannmarkar séu á
afgreiðslu ráðuneytisins á umsókn-
unum.
Umboðsmaður telur skýringar
ráðuneytisins á ráðningarferlinu
gefa til kynna að það hafi álitið
heppilegt að fá einstakling í starfið
sem hefði takmarkaða eða enga
starfsreynslu, og ólíklegra hefði ver-
ið að þeir umsækjendur sem hefðu
umfangsmikla starfsreynslu fengju
ráðningu en ef þeir hefðu hana ekki.
Fær umboðsmaður ekki séð að það
geti almennt talist lögmætt við ráðn-
ingu í opinbert starf, þar sem skylt
er að velja hæfasta umsækjandann,
að leggja slík sjónarmið til grund-
vallar ráðningu. Reynsla frá fyrri
störfum og upplýsingar um frammi-
stöðu í þeim ættu að hafa þýðingu við
mat á hæfni umsækjanda.
Ófullnægjandi skýringar á
verulegum drætti
Málavextir eru þeir að landbúnað-
arráðuneytið auglýsti laust starf sér-
fræðings á sviði framleiðslu- og
markaðsmála frá og með 1. janúar
2003. Alls barst 41 umsókn um starf-
ið og voru 10 kallaðir til viðtals, þó
ekki sá umsækjandi er kvartaði til
umboðsmanns. Var maður með MS-
próf í iðnaðarverkfræði og B.Sc.-
próf í matvælafræði ráðinn í stöðuna.
Viðkomandi umsækjandi, er hafði
BS-próf í búfræði frá Bændaskólan-
um á Hvanneyri og MA-próf í op-
inberri stefnumótun og stjórnsýslu
við HÍ, var ósáttur við þessa niður-
stöðu og óskaði í lok janúar 2003 eft-
ir skýringum á ákvörðun ráðuneytis
og tilteknum gögnum. Því erindi var
ekki svarað og fullyrti ráðuneytið
síðar að það hefði aldrei borist. Í
kjölfar þess að umsækjandinn leitaði
til umboðsmanns Alþingis ítrekaði
sá síðarnefndi beiðnina haustið 2004
og fylgdi afrit af fyrra bréfi. Um
fimm mánuðir liðu áður en ráðuneyt-
ið svaraði því bréfi, og telur umboðs-
maður að ekki hafi verið færðar fram
viðhlítandi skýringar á þessum veru-
lega drætti. Hafi drátturinn torveld-
að að umsækjandinn hafi fengið not-
ið þess réttaröryggis sem ákvæði
stjórnsýslulaga miðar að og stuðlaði
ennfremur að því að athugun um-
boðsmanns dróst á langinn.
Gerir hann athugasemdir við
þessa málsmeðferð ráðuneytisins og
leggur áherslu á að störf innan
stjórnsýslunnar séu rekin með lip-
urð og tillitssemi við borgara lands-
ins og réttindi þeirra. Í svörum ráðu-
neytis til umboðsmanns kom m.a.
fram að horft hefði verið til þess við
ráðninguna að um væri að ræða
stöðu almenns starfsmanns í ráðu-
neyti, þ.e. undirmanns á skrifstofu
framleiðslu og markaðsmála, og „var
almennt talinn kostur að umsækj-
endur hefðu ekki of mótaða reynslu
heldur væru líklegir til að þroskast
með starfinu til framtíðar“.
Dómstólar fjalli um
skaðabótaábyrgð
Þrátt fyrir athugasemdir sínar tel-
ur umboðsmaður Alþingis þó ekki að
annmarkarnir á ráðningunni leiði til
ógildingar á henni, né sé tilefni til að
hann fjalli um réttaráhrif þessara
annmarka né hugsanlegrar skaða-
bótaábyrgðar ríkisins vegna hugsan-
legs tjóns umsækjanda. Verði það að
vera verkefni dómstóla að fjalla um
slíkt.
Ekki náðist í talsmenn landbún-
aðarráðuneytisins í gær.
Umboðsmaður segir mat ráðuneytis við ráðningu ekki lögmætt eða málefnalegt
Vildu starfsmenn með
litla eða enga reynslu FJALLAÐ er um horfur á
vinnumarkaði í Vegvísi
Landsbankans sl. föstudag og
segir að sú staðreynd hve
lágt atvinnuleysi er orðið sé
til marks um aukinn þrýsting
á vinnumarkaði og jafnfram
segir að auknar líkur séu á
hækkun stýrivaxta Seðla-
bankans.
„Í síðustu uppsveiflu tók
ástandið á vinnumarkaði að
þrengjast mjög um það bil
sem atvinnuleysið fór niður
fyrir 2% í ársbyrjun 1999 og
hefur greiningardeild í raun
miðað við þá tölu sem eins-
konar viðmiðunargildi varð-
andi þanþol vinnumarkaðar-
ins.
Nú þegar atvinnuleysið er
komið niður að þessum mörk-
um má því gera ráð fyrir að
líkur á almennu launaskriði
hafi aukist verulega.“
Eykur
líkur á
hækkun
stýrivaxta
Malarvinnslan hf. á Egils-stöðum var stofnuð árið1980. Framkvæmda-stjóri fyrirtækisins er
Sigurþór Sigurðarson og á hann fyr-
irtækið, ásamt þremur systkinum
sínum, þeim Ingibjörgu, Fjólu og
Stefáni. Malarvinnslan hefur stækk-
að ört síðustu árin, veltan fjórfaldast
á fimm árum og umsvifin orðin marg-
vísleg. Orðspor fyrirtækisins er gott
og lág starfsmannavelta vekur at-
hygli á tímum örra mannaskipta í
verktakageiranum eystra.
Sigurþór segir upphaf fyrirtæk-
isins mega rekja til þess tíma er faðir
hans, Sigurður Stefánsson, gerði út
vörubíl á Egilsstöðum og keypti síðan
fyrirtækið Röra- og hellusteypuna,
sem þróaðist yfir í efnisvinnslu fyrir
Vegagerð ríkisins og steypufram-
leiðslu fyrir byggingafyrirtækið
Brúnás.
Aukning þegar vel veiðist
„Árið 1995 hófum við malbiksfram-
leiðslu og höfðum reyndar áður verið
í framleiðslu á olíumöl, sem var slitlag
þess tíma,“ segir Sigurþór. „Við kom-
um inn á góðum tíma með þá starf-
semi og fengum aukin verkefni á
Austfjörðum. Ég hef stundum sagt
mönnum að fylgst hafi að hjá okkur
hvernig gengið hefur í sjávarútveg-
inum og góð verkefnastaða. Við þjón-
ustum sjáv-
arútvegsfyrirtæki
mikið og þegar vel
gengur fara þau
oft að taka til í
kringum sig, mal-
bika stæði og gera
plön og það hefur
áhrif hjá okkur.“
Malarvinnslan
veltir nú um milljarði á ári og hefur
um eitt hundrað manns í vinnu, þar af
á þriðja tug erlendis frá. Fyrirtækið
er með starfsemi sína á þremur stöð-
um á Egilsstöðum, en er nú að byggja
yfir vélahluta starfseminnar auk
starfsmannaðastöðu og nýlega var
malbiksstöð fyrirtækisins flutt í Sel-
höfða skammt frá bænum, þar sem
eru efnisnámur fyrirtækisins og gróf-
ari hluti starfseminnar verður í fram-
tíðinni.
„Skipta má starfsemi fyrirtækisins
í tvennt; vélahluta og bygging-
arhluta,“ segir Sigurþór um innviði
starfseminnar. „Við framleiðum ann-
ars vegar hús, húshluta og stein-
steypu. Hins vegar erum við í al-
mennri jarðvinnu ásamt slitlagi.
Þetta er gróf flokkun og má telja einn
anga starfseminnar þar fyrir utan;
rekstur vörubíla-
verkstæðis sem
við gerum út sem
þjónustuverk-
stæði. Við erum
raunar sjálfir
stærsti kúnninn
þar, með um 100
tæki og vélar sem
við þurfum að
halda í gangi, en erum líka með stóra
viðskiptavini eins og skipafélögin og
minni aðila.“
Fljótsdalslínur í forgrunni
Stærstu verkefni Malarvinnsl-
unnar í byggingarhlutanum um þess-
ar mundir eru Fljótsdalslína 3 og 4,
viðamesta verkefni sem fyrirtækið
hefur komið að og bygging þriggja
hæða fjölbýlishúss með 18 íbúðum á
Fáskrúðsfirði.
„Þá erum við stöðugt að framleiða
hér húshluti og einbýlishús fyrir Pét-
ur og Pál. Okkar aðkoma í Fljótsdals-
línuverkefninu, háspennulínum frá
Fljótsdal yfir að álverinu í Reyð-
arfirði, er í gegnum Héraðsverk. Það
er verkefni upp á tæpan einn og hálf-
an milljarð og okkar hlutdeild þar er
á milli 60–80%. Verkið samanstendur
af forsteyptum og staðsteyptum und-
irstöðum og helstu magntölur eru
rúmlega 600 einingar af forsteyptum
undirstöðum, rúmmetrar í steypu eru
um 14 þúsund og járnið 12–14 hundr-
uð tonn. Verktími er til júlí á næsta
ári, verkið er farið af stað og meg-
inþungi þess verður í vetur. Sem hlut-
hafar í Héraðsverki komum við einn-
ig að jarðvinnuhlutanum í lagningu
Fljótsdalslína.“
Í vor bauð Malarvinnslan lægst í
útboði Vegagerðarinnar á klæðningu
vega frá Skaftafelli norður á Öxna-
dalsheiði og hefur klæðningarflokkur
fyrirtækisins því haft í nógu að snúast
í sumar við að yfirleggja og bæta
eldra slitlag vega á þessu svæði. Þá
hafa nýlagnaverkefni verið marg-
vísleg undanfarið, svo sem á nýjan
veg að Fáskrúðsfjarðargöngum, veg
um Almannaskarðsgöng og malbikun
um helftar allra gatna á Höfn í
Hornafirði.
Verkefni í pípunum
Malarvinnslan er þjónustuaðili fyr-
ir MAN og í samstarfi við Sika, al-
þjóðlegt fyrirtæki í framleiðslu á
íblendiefnum fyrir steypu, sem koma
í duftformi til landsins, eru blönduð
hjá Malarvinnslunni og seld áfram til
byggingaraðila.
Sigurþór segir Fljótsdalslínurnar
muni taka mesta kraftinn á næstunni,
en ýmislegt sé í pípunum af verk-
efnum. „Við erum m.a. með lóð við að-
algötuna á Egilsstöðum og ætlum
hugsanlega að hefja þar um áramótin
byggingu þúsund fermetra versl-
unar- og þjónustuhúsnæðis og þess
utan eru næg verkefni, stór sem
smá.“
Malarvinnslan tók nýverið í fyrsta
sinn þátt í erlendu útboði í Færeyjum
og eru tengsl fyrirtækisins við útlönd
vaxandi. „Verkefnin eru út um allt og
menn þurfa að vera hreyfanlegir,“
segir Sigurþór og bætir við að það sé
þó ekki markmiðið að stækka fyr-
irtækið. Hann segir hafa komið til
umræðu að selja hluti í fyrirtækinu á
almennum markaði. „Sérstaklega
þegar virkjunarævintýrið fór af stað.
Þá komu menn hingað úr stórfyr-
irtækjum og höfðu áhuga á bæði að
kaupa og samstarfi. Auðvitað hugs-
uðum við málið, en niðurstaðan varð
sú að við ætlum að gera þetta eitt-
hvað áfram á eigin forsendum.“
Fyrirtækið virðist hafa gott orð-
spor þegar rætt er um verkskil og
áreiðanleika. „Ég vil trúa að þetta sé
rétt,“ segir Sigurþór og telur starf-
semina byggða á traustum grunni.
„Pabbi hafði orð á sér fyrir að vera
heiðarlegur og duglegur. Við viljum
viðhalda því og höfum lagt okkur í
líma við að standa við það sem talað
er um og reynum að gera hlutina vel.“
Morgunblaðið/Steinunn Ásmundsdóttir
Byggir yfir sig og aðra. Unnið að byggingu vélahúss á einu af þremur athafnasvæðum Malarvinnslunnar hf.
Atkvæðamiklir í framkvæmdum. Bræðurnir Stefán og Sigurþór
Sigurðarsynir í Malarvinnslunni hf.
Úr einum vörubíl í
eins milljarðs ársveltu
Heiðarleiki og dugnaður eru kjörorð Malarvinnslunnar hf. Sigurþór
Sigurðarson framkvæmdastjóri sagði Steinunni Ásmundsdóttur
frá ört vaxandi starfsemi.
austurland@mbl.is