Morgunblaðið - 06.09.2005, Blaðsíða 19

MORGUNBLAÐIÐ ÞRIÐJUDAGUR 6. SEPTEMBER 2005 19
DAGLEGT LÍF
Ævintýranámskeið
fyrir börn
Sími 588 0303
www.enskuskolinn.is
„KRABBAMEINIÐ hvarf á sex vikum eftir að ég
gjörbreytti mataræði mínu,“ segir fræðimaðurinn
og vísindakonan dr. Jane Plant sem komin er
hingað til lands til að halda fyrirlestra í Reykjavík
og á Akureyri næstu tvo daga. Þar mun hún segja
frá því hvernig hún sigraðist á brjóstakrabba-
meini fyrir tólf árum með því að gjörbreyta mat-
aræði sínu. Jane er jarðefnafræðingur og starfar
sem prófessor í þeim fræðum við Imperial College
í London en einnig er hún næringarsérfræðingur
við Dove Clinic for Integrated Medicine í sömu
borg. „Ég greindist með brjóstakrabbamein árið
1987 og annað brjóstið var tekið af mér og ég var í
sex ár í lyfjameðferð og geislum. Ekki bar það
nægilegan árangur og læknarnir mínir tjáðu mér
að lokum að ég ætti nokkra mánuði eftir ólifaða.
Þá ákvað ég að taka til minna ráða og athuga hvað
ég gæti gert sjálf. Ég kynnti mér tíðni brjósta-
krabbameins og komst að því að í Austurlöndum
er tíðnin mikið lægri en á Vesturlöndum.“
Jane hefur starfað mikið í Kína og hún gerði
samanburð á lifnaðarháttum Austurlanda og
Vesturlanda og komst meðal annars að því að í
Austurlöndum eru mjólkurvörur ekki mikið á
borðum landsmanna. „Ég rannsakaði efna-
samsetningu mjólkur og komst að því að í henni er
vaxtahormón IGF–1 sem örvar vöxt bæði brjósta-
krabbameinsfrumna og blöðruhálskrabbameins-
frumna. Ég hætti því að borða allar mjólkurvörur,
bæði mjólkurafurðir og allan tilbúinn mat með
mjólkurdufti. Og hið stórkostlega gerðist eins og
ég sagði áðan, að innan sex vikna var krabbamein-
ið gersamlega horfið og kom aldrei aftur,“ segir
Jane sem borðar aldrei unnin matvæli með auka-
efnum í og ekki heldur matvæli sem hafa verið
pökkuð inn í plast, því plast skilur eftir eiturefni í
matnum. Hennar máltíðir innihalda mikið af
ávöxtum og fersku grænmeti og hún borðar soja-
afurðir í stað mjólkurafurða, til að fá nægjanlegt
kalk. Sælgæti og hvítur sykur fer ekki inn fyrir
hennar varir. Jane leggur áherslu á að hún er ekki
að hvetja fólk með krabbamein til að hætta í lyfja-
meðferðum eða geislum, einungis að hvetja það til
að breyta lífsvenjum sínum og mataræði, því
hennar reynsla af því hafi verið svo góð sem raun
ber vitni.
 HEILSA
Sigraðist á brjóstakrabba-
meini með breyttu mataræði
Jane Plant vill gjarnan fræða fólk um áhrif mat-
aræðis á ýmsa sjúkdóma.
Fyrri fyrirlestur Jane Plant verður á morgun
miðvikudag 7.sept. í Öskju, náttúrufræðihúsi
Háskóla Íslands í Reykjavík kl. 20:00. Sá síðari í
Háskólanum á Akureyri fimmtudag 8.sept, Sól-
borg v/Norðurslóð stofu L 101 kl. 20:00.
Aðgangur ókeypis og öllum opinn.
www.JanePlant.com
Eftir Kristínu Heiðu Kristinsdóttur
khk@mbl.is
„GUERRILLA store“ eða skæru-
liðaverslun er staður þar sem
hátískuvara sem annars er frekar
óaðgengileg almenningi er færð nær
alþýðunni. Því eru verslanirnar ekki
opnaðar í fjölförnum versl-
unargötum eða í dæmigerðu versl-
unarhúsnæði. Þær eru líka aðeins
opnar í eitt ár á hverjum stað.
Þær Birna Reynisdóttir, Anna
Koskinen (sem er finnsk), Sonja
Bent og Guðríður Inga Ingólfsdóttir
hafa tekið höndum saman og ætla að
opna fyrstu skæruliðaverslunina í
Reykjavík á Mýrargötu 2-8 í sept-
ember.
„Það er ákveðin stefna að reyna
að tengja hugtakið saman við land
og þjóð í hvert skipti og því fannst
okkur þetta húsnæði sérlega ís-
lenskt, tengt slippnum og fiski,“ seg-
ir Birna um tilkomu húsnæðisins.
„Það fellur líka inn í skilgreininguna
um að hafa ekki verið versl-
unarhúsnæði áður og er vel stað-
sett,“ bætir hún við.
París spennt fyrir Íslandi
Hvenær ákváðu þið að hella ykkur
út í þetta? Það er Guðríður sem
stendur fyrir svörum.
„Móðir Önnu sagði henni frá guer-
rilla-búð í Helsinki í vor og þannig
kviknaði áhuginn. Við höfðum sam-
band við Comme des Garcons (CDG)
skrifstofuna í París en þau voru
strax mjög jákvæð og hrifin af okkar
hugmyndum,“ segir hún. Sonja bæt-
ir við að þeim hafi komið á óvart að
engum hefði dottið í hug að hrinda
þessu í framkvæmd á Íslandi. „Nú
eru fleiri merki sem hafa farið að
dæmi CDG og opnað svona búðir án
mikils tilstands eins og Nike. Þetta
er góð og ódýr leið fyrir þá sem vilja
nálgast nýjan markhóp.“
Er þetta ekki mikil áhætta fyrir
stelpur sem eru óreyndar í versl-
unarrekstri?
„Nei, í rauninni ekki. Þetta er
fyrst og fremst sniðug hugmynd og
við höfum fengið mjög jákvæð við-
brögð við þessu, hvort sem er hjá
leigusalanum, bankanum og eig-
inlega öllum sem við höfum talað við.
Okkur finnst þetta gullið tækifæri til
að taka þátt í skemmtilegu framtaki.
Það sem skiptir líka máli að mati
stelpnanna er að þær eru ekki að
taka mikla fjárhagslega áhættu því
aðaláhættan felst yfirleitt í því að
kaupa stóran lager sem síðan selst
ekki. „Það er CDG sem stendur að
baki mestum kostnaði nema rekstr-
arkostnaði, þau senda okkur vöruna,
prenta út plaköt, dreifimiða og verð-
miða. Þau eru ofboðslega spennt fyr-
ir Íslandi“ segir Birna.
Hvernig sjáið þið fyrir ykkur
rekstur verslunarinnar?
„Við ætlum að gera þetta að stað
sem fólk langar að heimsækja en
ekki verður miklu eytt í umbúðirnar
því það sem við erum að selja er var-
an, hún er aðalmálið,“ segir Guð-
ríður. „Þetta á að höfða til breiðs hóp
af fólki, því þarna eru hátískuvörur,
dragtir, jakkar en líka flottur götu-
fatnaður. Einnig býður húsnæðið
upp á ýmsa möguleika en við ætlum
að reyna að nýta það til fulls og hægt
verður að leigja það í allskonar við-
burði, jafnhliða versluninni. Til
dæmis væri það hentugt fyrir nem-
endafélög og sýningar að ýmsu tagi“
bætir Sonja við.
Stelpurnar segjast ætla að gera
þetta merki aðgengilegt fyrir venju-
legt fólk en oft geta dæmigerðar há-
tískuverslanir verið mjög fínar og
umhverfið jafnvel ógnað mögulegum
kaupendum. Guerrilla-verslanirnar
eru hins vegar öllum opnar.
Opið lengur fram á kvöld
Nú eruð þið ekki að fara í þetta í
gróðahugleiðingum og þetta stefnir í
að vera óhefðbundin verslun. Hvern-
ig verður með opnunartímann?
„Það verður ekki dæmigerður
opnunartími, við munum hagræða
þessu eftir okkar tíma þar sem sum-
ar eru í skóla, vinna með og Guð-
ríður er til dæmis móðir í fullu starfi.
Það verður væntanlega opið lengra
fram eftir degi svo fólk geti kíkt eftir
vinnu þegar allt annað er lokað og
jafnvel einn dag í viku verður eitt-
hvað að gerast um kvöldið. Við ætl-
um að reyna þannig að mynda góða
stemmningu. Jafnvel bjóða upp á
veitingar og hver veit nema ég baki
vöfflur með rjóma,“ segir Sonja
sposk.
Fylgist með því opnun guerrilla-
verslunarinnar í Reykjavík verður
ekki auglýst.
 TÍSKA | Verslun sem er opin í eitt ár og selur hátískufatnað fyrir almenning
Stelpur opna
skæruliða-
verslun
Morgunblaðið/Árni Sæberg
Sonja Bent, Guðríður Inga Ingólfsdóttir, Birna Reynisdóttir og Anna Koskinen standa að baki skæruliðaversl-
uninni sem verður opnuð í þessum mánuði á Mýrargötu.
eftir Söru M. Kolka
sara@mbl.is
SKÆRULIÐAVERSLANIR
eða svokallaðar „guerrilla
stores“ hafa verið opnaðar um
allan heim síðastliðið ár en
hugmyndin kemur upp-
runalega frá japanska há-
tískumerkinu „Comme des
Garcons“ og á rætur sínar að
rekja til Guerrilla markaðs-
etningar sem hefur óhefð-
bundnar leiðir að takmarki.
Hugmyndin á bak við versl-
anirnar er sú að guerrilla-
verslun nái til breiðari mark-
hóps. Guerrilla-búð er ekki
hefðbundin fataverslun. Hana
má ekki auglýsa (eða kosta til
auglýsinga vegna hennar),
hún á ekki að vera í áður nýttu
verslunarhúsnæði og er aðeins
í eitt ár að sama stað. Hefur
þetta orðið til þess að staðsetn-
ing búðanna spyrst fljótt út.
Guerrilla-búðir hafa verið
opnaðar í Varsjá, Singapúr,
Berlín, Stokkhólmi, Hong
Kong, Helsinki, Ljúbijönu í
Slóveníu og Kaupmannahöfn
og nú stefna fjórar stelpur á
að opna þá fyrstu sinnar teg-
undar hérlendis í september.
Ekki hefð-
bundin fata-
verslun