Morgunblaðið - 03.11.2005, Blaðsíða 13

LANNA
13
VIÐTALIÐ
held að ég hafi skemmt mér manna best. Það sem
er líka svo skemmtilegt við gerð heimildarmynda er
að maður byrjar með einhverja hugmynd en svo
veit maður ekkert hvernig hún þróast eða hvað
gerist í ferlinu og hver útkoman verður.“
Hafðirðu fylgst lengi með íslenskri tónlist?
„Já, ég er mikill áhugamaður um tónlist. Mér finnst
athyglisvert hvernig þessir listamenn búa til sína
veröld inni í tónlistinni og eru ekkert að ræða það í
þaula hvernig það er eða útskýra það eitthvað sér-
staklega. Ef maður reynir að útskýra galdurinn þá
er enginn galdur. Titillinn á myndinni vísar líka í
tónlistarmennina, þetta eru allt gargandi snill-
ingar.“
Heldurðu að myndin höfði betur til útlendinga en
Íslendinga?
„Ég hef svo oft verið spurður að þessu. Það var
aldrei hugmynd að reyna að gera mynd fyrir út-
lendinga til að sýna hvað við erum frábær. Ég
hugsaði ekki einu sinni út í það. Maður lendir mjög
snemma í vondum málum ef maður ætlar að gera
mynd sem eltir einhverja tísku.
En þegar maður hefur alla þessa tónlist í kringum
sig og getur farið á tónleika hvenær sem er þá er það
ekki eins spennandi að horfa á það í bíó.“
Samstarfið við Sigurjón
Ari Alexander er að vinna í nýju verkefni með Sig-
urjóni Sighvatssyni og manni sem heitir Hans Ulrich
Obrist. Obrist er einn af stærstu sýningarstjórum í
heimi og hefur sett upp sýningar með öllum helstu
listamönnum samtíðarinnar. „Við erum að vinna í ser-
íu um þessa listamenn sem tengist Listamiðstöðinni á
Eiðum. Við erum líka með annað verkefni í vinnslu
sem tengist tónskáldafélaginu og Smekkleysu.“
Hvernig er að vinna með Sigurjóni?
„Það er ákaflega athyglisverð reynsla. Hann er með
brjálaða reynslu í bransanum. Við erum langt í frá
sammála en það er í grunninn heilbrigt. Við erum
ólíkir menn en mér líkar ákaflega vel við hann.
Mér finnst mjög flott hjá manni eins og honum að
hjálpa yngri kynslóð af kvikmyndagerðarmönnum.
Hann getur opnað margar dyr. Það er ekki eins og
hann sé með einhverja góðgerðarstarfsemi en hann
pikkar upp fólk sem hann hefur trú á og hjálpar því.
Það er virðingarvert.“
Edduverðlaun og íslensk kvikmyndagerð
Gargandi snilld er tilnefnd til tvennra Edduverð-
launa, fyrir bestu heimildarmyndina og bestu
myndatökuna, en þau verða afhent 7. nóvember
nk.
„Edduverðlaunin vekja athygli á fólkinu í brans-
anum og það er af hinu góða. Svona verðlaun eru
alltaf umdeild og fólk er sakað um undirferli og
pólitík en þetta er í rauninni jákvætt og hvetjandi
fyrirbæri. Íslensk kvikmyndagerð er mjög ungt
fyrirbæri og það vantar meiri peninga til að yngri
kynslóð fái að skapa sín tækifæri. Félag kvik-
myndagerðarmanna ætti að berjast fyrir því að
opna aðgang yngstu kynslóðarinnar til kvik-
myndasjóðs. Þar hafa eldri kvikmyndagerðamenn
setið á sjóðnum. Það ætti líka að stofna kvik-
myndadeild við Listaháskólann, þá værum við á
réttri leið. Það þarf að virkja þessa nýju kynslóð
og hækka framlög til hennar svo að hún geti
blómstrað.“
Hægt er að fylgjast með Gargandi snilld á
www.screamingmasterpiece.com
Það þarf að virkja þessa nýju kynslóð