Morgunblaðið - 03.11.2005, Síða 16

16
UNGLIST
TÖLVULEIKUR
Unglist er listahátíð ungs fólks og er árviss við-
burður á vegum Hins hússins. Hátíðin end-
urspeglar það helsta sem er í gangi hjá ungu fólki í
listsköpun og dagskráin samanstendur af tónlist,
hönnun, tísku, myndlist og leiklist svo eitthvað sé
nefnt. Hátíðin stendur yfir dagana 4. til 12. nóv-
ember þetta árið og er margt áhugavert í boði.
Eitt kvöld hefur alltaf verið tileinkað dansinum á
Unglist og er því Darraðardans sá liður í hátíðinni
þar sem ungir íslenskir dansarar sameinast og sýna
listir sínar. „Þetta er mjög fjölbreytt sýning,“ segir
Sóley Kaldal sem sér um skipulagningu þetta árið
fyrir Hitt húsið og hefur samband við mismunandi
dansskóla sem búa til sín atriði. „Það er sýndur til
dæmis magadans, hipp-hopp, ballet, nútímadans,
sem sagt sitt lítið af hverju. Þeir sem hafa einhvern
áhuga á dansi geta farið þarna og séð hvað er í
boði og hvað er verið að kenna í skólunum.“
Dansmenningin í dag er orðin miklu fjölbreyttari
en hún var. Framandi dansar eins og afró, maga-
dans, tangó og kyrrahafsdansar eru að ná mjög
góðri fótfestu. Þetta snýst ekki lengur bara um
ballerínur og djassballettskvísur. „Fólk er líka að
byrja að æfa dans fram eftir öllum aldri núna, það
er ekki lengur þannig að maður þurfi að byrja
fimm ára. Það er svo mikil gróska og mikið í boði,“
segir Sóley.
Sérstakir gestir
Sérstakir gestir þetta árið eru nemendur úr List-
dansskóla Íslands en það er vegna fyrirhugaðrar
lokunar skólans sem menntamálaráðherra tilkynnti
í lok sumars án þess að hafa samráð við fagaðila.
Melkorka Sigríður Magnúsdóttir er nemi á þriðja
ári í skólanum.
„Við vorum með mótmæli í tvær vikur í sumar þar
sem við dönsuðum fyrir utan menntamálaráðu-
neytið. Við gerðum dansverk fyrir hvern einasta
dag og sýndum í hverju hádegishléi.“
Það er hefð fyrir því að lokaárið í skólanum semji
verk fyrir Unglist en að þessu sinni tekur öll fram-
haldsdeildin þátt. „Við ákváðum að breyta til og
gera stórt dansverk sem við unnum úr þessum mót-
mælum.“
Melkorku finnst mjög gaman að taka þátt í svona
samsýningu vegna þess hve ólíkir skólarnir eru og
dansararnir hafa ólíkan bakgrunn. „Þarna sér mað-
ur mismunandi dansstíla og hvað er að gerast í
dansheiminum á Íslandi. Það er svo mikil gróska í
dansinum í dag. Það er líka frábært hjá Hinu hús-
inu að gefa okkur þetta tækifæri til að gera eitt-
hvað skapandi. Þau eru endalaust dugleg við það.“
Darraðardans verður sýndur í Tjarnarbíói miðviku-
daginn 9. nóvember og hefst kl. 20.
DARRAÐARDANS Á UNGLIST
ÆFINGIN SKAPAR MEISTARANN
1.
Nemendur Listdans-
skóla Íslands á
æfingu.
Texti
Hanna Björk
Mynd
Brynjar Gauti
Það hefur oft reynst erfitt að blanda
saman góðum tölvuleik og skemmt-
un með góðu fólki. Það er í rauninni
einsemdin sem er helsti galli flestra
tölvuleikja og sama hversu góður
leikurinn er þá kemur hann erfið-
lega í staðinn fyrir þörfina að hitta
fólk, segjum á föstudags- og laug-
ardagskvöldum. Þess vegna er alltaf
gleðiefni þegar leikjaframleiðendur
koma með á markaðinn leiki sem ná
að fullnægja bæði félagsverunni og
tölvunördinum. Spurningakeppnin
„Buzz“ er þannig tölvuleikur en
hann geta allt að fjórir leikmenn
spilað í senn með tilheyrandi hlát-
ursköllum og háum fimmum. Það er
því tilvalið að skella „Buzz“ í playsta-
tion 2 tölvuna, t.d. eftir huggulega
matarveislu, og bíða svo æsingsins
og kátínunnar sem fylgir gjarnan
góðum spurningaleikjum sem þess-
um.
Þessi tiltekni spurningaleikur snýr að
tónlistarheiminum og geymir um
5.000 spurningar sem dekka sex síð-
ustu áratugi tónlistarsögunnar. Hver
leikmaður heldur á sérstakri fjarstýr-
ingu sem er með stórum rauðum
hnappi sem er „buzz“-hnappurinn
en auk hans eru fjórir aðrir takkar
sem notaðir eru til að velja á milli
mismunandi svara. Leikmenn velja
sér karakter til að spila, föt og bjöllu-
hljóð en að því loknu hefst leikurinn.
Aðalkarakter leiksins er spyrillinn
Buzz, afskaplega vel sköpuð persóna
sem gefur leiknum afar líflegt yfir-
bragð. Hann dælir frá sér brönd-
urum á meðan keppnin stendur yfir,
oft á kostnað keppenda og stundum
á kostnað aðstoðarkonunnar Rose.
Mjög fyndnar athugasemdir oft á
tíðum og þrátt fyrir töluverðan tíma
sem undirritaður varði í leikinn kom
aldrei sami brandarinn fyrir tvisvar
sem er mjög gott og aðdáunarvert.
Spurningakeppninni er skipt niður í
nokkra hluta þar sem spurningarnar
eru matreiddar á mismunandi máta.
Hver hluti fyrir sig virðist vera hann-
aður með það í huga að gera keppn-
ina sem mest spennandi og jafna.
Þannig er t.d. boðið upp á í einum
hlutanum að stela stigum af and-
stæðingi og þá er tilhneigingin að
sjálfsögðu sú að stolið er af þeim
keppanda sem hefur mest stig og
þannig er komið í veg fyrir að einn
keppandi rjúki fram úr hinum. Leik-
urinn verður á suðupunkti spenn-
unnar frá upphafi til enda.
BUZZ
FÉLAGSVERAN OG TÖLVUNÖRDINN SAMAN Í LEIK
Þetta snýst ekki lengur bara um ballerínur og djass-
ballettskvísur