Morgunblaðið - 03.11.2005, Blaðsíða 22
22
SPURT OG
SVARAÐ
Hvað væri það besta sem gæti
komið fyrir þig í dag?
Að ég yrði sleginn háleitri hugsun, ég
fylgdi henni eftir og í kjölfarið yrði
það til þess að friður ríkti manna á
meðal.
Hvað er það dýrmætasta sem þú
átt?
Börnin mín.
Dagurinn þegar allt gekk upp var
þegar …?
elsti sonur minn fæddist. Ég var á
leiðinni upp á fæðingardeild, hann
var að koma í heiminn. Ég var stadd-
ur á Melatorginu þegar ég mundi
eftir því að ég hafði gleymt graut-
arpotti á logandi eldvélinni, ég ók
þrjá hringi, tók rétta ákvörðun og fór
heim og slökkti undir grautnum.
Geystist svo upp á fæðingardeild og
þar beið mín nýfæddur heilbrigður
sonur og geislandi móðir. Allt gekk
upp.
Hvað er það versta sem þú hefur
upplifað?
Bílvelta – síðan hef ég alltaf lagt
áherslu á að flýta mér hægt.
Hverjir eru þínir helstu kostir?
Innsæi.
Gallar?
Leti.
Ef þú gætir breytt einhverju við
Reykjavík, hvað væri það?
Að fólk sem sækir miðborgina heim
gangi þar um eins og það gengur um
heima hjá sér.
Hvað finnst þér um ungt tónlist-
arfólk í dag?
Það hefur áræði og þor – framtíðin er
þeirra, heimurinn bíður þeirra.
Hvað reitir þig til reiði?
Mín eigin ómennska og leti.
Hvað gleður þig mest?
Þegar ég get orðið einhverjum að
liði.
Áttu þér einhverja fyrirmynd?
Allar konurnar í lífi mínu að móður
minni og formæðrum meðtöldum.
Hver er áhrifamesta lesning sem
þú hefur lesið?
Það er svo mörg góð lesningin.
Hvað er uppáhaldsdýrið þitt?
Fuglar himinsins – helst ósýktir.
Hver er uppáhalds kvikmyndin
þín?
Amarcord eftir Fellini.
Uppáhaldsstaðurinn og af
hverju?
Við píanóið heima – stundum fæðist
þar lag.
Ertu með eitthvert lag á heil-
anum?
Lagið sem varð til við píanóið í gær.
Hverjar eru þínar helstu fóbíur?
Ég óttast margt, er haldinn sífelldum
ótta.
Sá hlægilegasti er að ég glati uppá-
halds skrúfblýantinum mínum,
sem ég reyndar týni oft á dag. Ef þið
sjáið hann einhvers staðar þá er hann
gulur að lit með 0,7 mm blýi, mjúku.
Eitthvað að lokum?
spurðu
án þess að vænta svars
endurtaktu
þannig lifirðu
gerðu mistök
þér verður fyrirgefið
hafðu ekki áhyggjur
af því að þú sért ekki þú sjálfur
því þá gerirðu lítið annað
vittu
að í hjartanu
er land þitt
og vegabréf
MÍN EIGIN ÓMENNSKA OG LETI
EGILL ÓLAFSSON
Ég óttast margt, er haldinn sífelldum ótta