Morgunblaðið - 24.11.2005, Blaðsíða 7

Síðastliðinn sunnudag var haldin glæsileg tískusýning á Hótel Borg. Til
sýnis voru afurðir hönnuðanna Ástu Guðmundsdóttur, Rögnu Fróða
og Guðbjargar Kr. Ingvadóttur. Föngulegar sýningarstúlkur gengu um
pallana í takt við sérvalda tónlist Barða Jóhannessonar. Gestir sátu
fullir aðdáunar með kampavínsdreitil í glasi. Kampavín og glæsi-
klæðnaður hefur líka löngum þótt hinn besti kokkteill. Tískusýningin
var á dagskrá Hönnunardaga, sem haldnir voru í borginni dagana 17.–
20. nóvember, en var þó sjálfstætt framtak hönnuðanna. Stemningin
á Borginni var afar góð og hafa hönnuðirnir þrír fengið mikið lof fyrir
framtak sitt. Meira svona.
Útjaskaður klæðnaður
Fatahönnuðurinn Ásta Guðmundsdóttir reið á vaðið með vetrarlín-
unni sinni en hún sýndi einnig brot af línu sumarsins sem er væntanleg
í febrúar. Ullin skipar vegamikinn sess í hönnun Ástu og notar hún
hana á afar spennandi hátt. Hún leggur mikinn metnað í að reyna að
fá fram öðruvísi áferð á ullina, blandar henni til dæmis saman við
bómull, gull- og silfurþræði svo eitthvað sé nefnt. Útkoman verður
gjarnan mjög veðruð flík, útjöskuð, svona eins og hún hafi verið of
lengi úti á snúru. Í sumarlínunni er silki meira áberandi sem og bómull.
Hönnun Ástu má nálgast á Hotel Nordica og í Kirsuberjatrénu. Ásta
selur hönnun sína einnig í Bandaríkjunum, Skandinavíu og Japan.
3. desember mun Ásta opna verslun á vinnustofu sinni, Laugavegi 25,
3. hæð.
Léttir og kvenlegir skartgripir
Skartgripahönnuðurinn Guðbjörg Kr. Ingvadóttir sá um að skreyta
fatnað þeirra Ástu og Rögnu enn frekar. En á miðri sýningu birtust
svartklæddir dansarar upp á tískupallana og sýndu gripi Guðbjargar.
Skemmtileg uppákoma það. Skartgripirnir eru léttir, kvenlegir og
rómantískir. Flesta gripina er hægt að nota við öll tækifæri en Guð-
björg sýndi einnig sýningargripi sem eru miklir umfangs og henta bet-
ur til sýningarhalds en almennrar notkunar. Guðbjörg vinnur í seríum
og nefnir hún þær íslenskum kvenmannsnöfnum. Á Borginni sýndi
hún nýjustu seríurnar sínar sem nefnast Svala og Sæunn en einnig
mátti sjá eldri seríurnar Dögg og Heiðu. Guðbjörg leggur mikla
áherslu á að gera þrívíða skartgripi en það er einmitt það sem gerir þá
svo sérstaka.
Guðbjörg rekur verslunina Aurum í Bankastræti.
Vegir ástarinnar
Fatahönnuðurinn Ragna Fróða lauk svo sýningunni en hún sýndi bæði
vetrarlínuna sína og fatnað sem hún hannaði sérstaklega fyrir þetta
tilefni. Vetrarlínan skartar bæði hlýjum flíkum sem gott er að arka í á
götum borgarinnar mót vindi og áhyggjum hversdagsins. En einnig
var mikið um galakjóla þar sem jólin eru á næsta leiti. Fatnaður Rögnu
er áhugaverður vegna þess hve fjölbreyttur hann er og hvað hann
hentar breiðum aldurshópi. Þarna mátti sjá flíkur fyrir konur sem velja
klassískan klæðnað og þær sem synda á móti nýjustu tískustraum-
unum en einnig voru þarna flíkur sem mundu sóma sér í fataskápum
þeirra sem kjósa að synda með þeim straumum.
Ragna rekur verslunina Path of Love en hún er á vinnustofu hennar,
Laugavegi 28, 2. hæð.
TÍSKAN Á BORGINNI
VETRARFÖT OG GALAKJÓLAR
Kampavín og glæsiklæðnaður hefur líka löngum
þótt hinn besti kokkteill
1.
Hönnuður
Ásta Guðmundsdóttir
2.
Hönnuður
Ásta Guðmundsdóttir
3.
Hönnuður
Guðbjörg Kr.
Ingvadóttir
4.
Hönnuður
Ragna Fróða
5.
Hönnuður
Ragna Fróða
Texti
Berglind Häsler
Myndir
Sverrir Vilhelmsson
7
TÍSKA
4321
5