Morgunblaðið - 24.11.2005, Blaðsíða 20
20
TÓNLIST
TÖLVULEIKUR
Níundi bekkur, föstudagskvöld: Eftir að vana-
bundnu sjoppurölti lauk og nammipoki kvöldsins
var tómur þá settist ég niður í stofu með besta vini
mínum með kók í glasi. Við ræddum erfiðleika
unglingsáranna og oftar en ekki bar hitt kynið á
góma. Þetta gerðum við hið minnsta einu sinni í
viku og sama platan veitti tilfinningum okkar alltaf
nauðsynlega útrás; Ágætis byrjun Sigur Rósar.
Ég er þess handviss að stór hluti Íslendinga hefur
svipaða sögu að segja um þessa plötu, við tengjum
öll einhverjar sterkar minningar við hana og þær
verða ljóslifandi fyrir hugskotssjónum okkar við
það eitt að heyra upphafstóna „Svefn-g-engla“.
Það er engin tilviljun að gagnrýnendur og almenn-
ingur völdu Ágætis byrjun bestu íslensku plötu 20.
aldarinnar í úttekt Dr. Gunna. Það er heldur engin
tilviljun að hið virta vefrit Pitchfork setti plötuna á
topp 10 lista sinn yfir plötur áratugarins. Það er
engin tilviljun, því Ágætis byrjun er meistaraverk,
hún varð sígild um leið og hún kom út.
Ágætis byrjun var önnur plata Sigur Rósar og kom
út sumarið 1999, en tveimur árum áður hafði fyrsta
platan Von komið út. Rætur Sigur Rósar liggja þó
umvafðar síðu hári í Mosfellsbæ einhvers staðar í
kringum árið 1994, en fyrsta lag sveitarinnar,
„Fljúgðu“, kom út á safnskífunni Smekkleysa í
hálfa öld lýðveldisárið 1994. Árið 2000 fór al-
þjóðlegi boltinn að rúlla hjá Sigur Rós, ætli það sé
ekki óhætt að segja að þegar NME völdu fyrr-
nefnda „Svefn-g-engla“ smáskífu vikunnar hafi
hafist ferðalag sem sér ekki enn fyrir endann á.
Heimsbyggðin átti ekki til orð yfir þessari ísköldu
en um leið einkennilega hlýju fegurð sem virtist að
mati pressunnar hafa orðið til fyrir tilstilli einhvers
álfagaldurs lengst uppi á jökli. „Eins og Guð gráti
gulltárum“, sagði einn og kannski var það rétt hjá
honum. Undirritaður veit ekkert hvernig það
hljómar.
Eftir nokkra tónleika með Radiohead tók Sigur Rós
upp ( ) og skildi hlýjuna eftir fyrir utan hljóðverið. (
) var þyngri og tormeltari en fyrirrennarinn og
hlaut meira umtal fyrir titilleysið heldur en inni-
haldið. Sumir urðu fyrir vonbrigðum en þegar
maður hlustar til baka þá heyrir maður að hún er í
sama gæðaflokki og Ágætis byrjun. Frekara tón-
leikahald um allar trissur fylgdi í kjölfarið, en Sigur
Rósar-menn sátu ekki auðum höndum þess á milli
heldur sömdu þeir eilítið múm-lega tónlist við
heimildamyndina Hlemm, fluttu verkið Hrafna-
galdur Óðins og unnu með danshöfundinum
Merce Cunningham svo eitthvað sé nefnt.
Nú á haustdögum kom síðan fjórða eiginlega
breiðskífa Sigur Rósar út, en hún nefnist Takk…
Hún er poppaðri en fyrri plötur sveitarinnar og
sölutölurnar eru kannski eftir því, en á tímabili var
ekki langt á milli Takk og nýjustu plötu Coldplay á
metsölulista Amazon.com. Allir sem hafa hlustað
vita þó að þessum plötum verður ekki saman jafn-
að þegar kemur að gæðum, þrátt fyrir að Gwyneth
og Chris svæfi litla barnið víst með Sigur Rós á
hverju kvöldi og ættu því að þekkja snilld-
arbrögðin inn og út.
Sigur Rós hefur ekki haldið hefðbundna tónleika á
Íslandi í þrjú ár, eða síðan ( ) kom út. Þá fyllti sveitin
Háskólabíó í tvígang. Nú verður breyting þar á því
á sunnudagskvöld snýr sveitin aftur með látum, en
auk fjórmenningana verða strengjakvartettinn
Amina og lúðrasveit á sviði Laugardalshallarinnar.
Ég tel að það sé óhætt að lofa ósvikinni skemmtun
eða allavega andlegri upplifun sem skilur allar
hugleiðingar um ofskynjunarlyf eftir í reykj-
armekki
FLJÚGÐU HÆRRA
SIGUR RÓS Í LAUGARDALSHÖLL
Texti
Atli Bollason
Þeir eru eflaust ófáir sem hafa horft á Bond-mynd
og hugsað með sér hversu gaman það væri að
bregða sér í hans hlutverk; upplifa hans ævintýr og
vernda konurnar sem hann elskar. Nýr tölvuleikur á
Playstation 2 gerir hverjum sem er kleift að upplifa
þennan draum, upp að vissu marki að sjálfsögðu.
Leikurinn byggir á myndinni From Russia with Love
þar sem Sean Connery leikur njósnarann snjalla og
Connery þessi ljáir einmitt tölvuleiknum sína góðu
rödd.
Yfirbragð leiksins er mjög flott eða öllu heldur
„klassí“, mjög í anda myndarinnar og tölvu-Bondinn
er satt best að segja alveg rosalega líkur fyrirmynd-
inni, sérstaklega þegar röddin hans Connery fylgir
með.
Það er mjög þægilegt að spila þennan leik, Bondinn
lætur vel að stjórn og hreyfir sig eins og alvöru has-
ar-hetja. Taktarnir hans eins og Connery lék hann
koma afskaplega vel út í
leiknum, alltaf sami sént-
ilmaðurinn hvort sem
hann er að daðra við
kvenmann eða lumbra á
kommúnista. Hann skýlir
sér bak við veggi á með-
an hann skýtur óvininn
og þegar hann mætir
óvini í návígi þá er hægt
að láta hann beita of-
ursvölum fantabrögðum.
Leikmaður fær að keyra í Bentley og öðrum flottum
bílum, hann fær að daðra við Moneypenny og leika
sér með tæknilegu leikföngin frá Q og alls kyns önn-
ur tæki eins og t.d. þotubakpoka. Það er allt annað
en leiðinlegt að stýra Bondinum í gegnum þetta allt
saman og taka þátt í hans alþjóðlegu áflogum.
Hreint ekki slæmt.
FROM RUSSIA WITH
LOVE
Á PLAYSTATION 2
Heimsbyggðin átti ekki til orð